يا استاذ احنا ليه بنيجي المدرسه؟؟؟

[ali desoky 391]

 

 

 

 

 

يا استاذ احنا ليه بنيجي المدرسه؟؟؟

 

في يوم سألني تلميذي:

 

يا استاذ احنا ليه بنيجي المدرسه؟؟؟

 

 

سؤال بالطبع سهل ولا يحتاج مني الا الي بعض الكلمات التي تقال في مثل هذا الموقف والتي قيلت لي كثيرا ايام طفولتي

ولكني ولبعض الوقت سكت واخذت افكر هل اجابتي ستكون مرضية للتلميذ؟؟ هل سيتفهم اجابتي؟؟ هل سيقتنع بها؟؟

 

 

أظن ان الرد علي تساؤلاتي (لا) .. لن يقتنع بما اقتنعت به منذ زمن ..

 

لقد اخبرني اهلي ان ذهابي للمدرسه هو بداية الطريق الصح..!!

 

ولا انسي دعاء امي لي : روح يا ولدي ربنا يكرمك ويديك كل اللي بتتمناه..

 

ما الذي اتمناه؟؟

 

وهل المدرسه هي بداية هذا الطريق ؟؟ ام انها لم تعد كذلك؟؟

 

 

بالامس قابلت مصطفي زميلي من ايام الدراسه الاولي..

ولم اكن قد قابلته منذ فترة كبيره .. وحكي لي عن حياته وعن زوجته وعن طفله الذي يبلغ العامين وعن مشروعه الذي اصبح كبيرا ومتسعا وعن .. وعن .......... !!!!

مصطفي اكمل تعليمه حتي الدبلوم وبدأ في تكوين نفسه في الوقت الذي بدأت انا في دخول الجامعه واكملت طريقي المعتاد لاي خريج بداية من الانتظار والجري وراء المسابقات الي التعيين

والحمد لله .. الحصول علي مرتب او يقال انه مرتب ميري...!!

 

نعم ميري .. !!

والمثل بيقول ان فاتك الميري اتمرغ في ترابه.

وانا اتمرغت في التراب لغاية ما تعبت من الكحه والعطس..!!

 

انا موظف ( مدرس ) من اربع سنين ولسه ما عملتش أي حاجه تدل علي اني موظف غير اني اصحي الصبح بدري البس واروح الشغل

وبعد الضهر جاي تعبان وحران من الشغل وهكذا يوميا...!!

 

 

والحكايه انني منذ نعومة اظافري وانا باسمع هذه المقولة الماثورة عن

ابي وامي وجدي وكل من عاصروا زمن الجنية الجبس ايام ما كان الجبس بخيره مش مغشوش ببودرة العفريت زى دلوقتى .. وهى "ان فاتك الميري .. اتمرمغ في ترابه"

 

حيث تنبض كل كلمه بل وكل حرف من هذه المقولة بحتمية الوظيفة الحكومية والعمل فى القطاع العام والمصالح الحكومية وذلك لما لها من مزايا لا تعد ولا تحصى .. وهى الاحتماء فى كنف الحكومة .. ومش هتلاقى حد يخاف عليك زي الحكومة ... غير ان عمر ما حد هيحركك من مكانك .. كل اول شهر هتلاقى مرتبك فى جيبك .. صندوق العاملين ومزاياه من مصايف وعلاج صحى واجازات حكومية وغير حكومية .. العلاوات والمنح والمعونات والمكافات .. مواعيد العمل الثابتة .., وفوق ده كله المعاش فى نهاية المطاف .. ده غير اللوكشة الكبيرة الى هتاخدها وانت خارج معاش علشان تشتريلك تاكسي ولا تاجرلك كشك تقف فيه بعد المعاش

 

وابعد عن القطاع الخاص الى بيمص دمك والى فى يوم وليلة ممكن يرميك فى الشارع .. وبينهب الحقوق

من واقع تجربتى القصيرة اقدر اقولكوا ان كل ده كلاااااااااام فارغ ,,الحقيقة بقى هى ان ما فاتكش الميري هتتمرمغ فى طينه وزفته وهبابه ...

 

قطاع عاام يعنى فساد وظلم بين ما بعده فساد .. قطاع عام يعنى وانا مالى ما تخرب ولا حتى تولع ,,, قطاع عام يعنى اشتغل على قد فلوسهم وهو انا باخد منهم ايه .. ؟؟ قطاع عام يعنى مصمصة شفايف وطرقعة صوابع من الصفوة والاظرف ام اساتيك تدخل مكاتبهم كل شهر ,,, وموظفين شقيانين ليل ونهار ويترميلهم فتافيت وملاليم اخر كل شهر

 

قطاع عام يعنى اساسي مرتب 140 جنية ,, ويوم ما ناخد مكافاة تتسمي معونة ومنحة زى ما نكون شحاتين وكل التجار والبياعين يبصولنا فيها..!!

 

قطاع عام يعنى مدير دماغه ما تفرقش كتير عن أي جاهل من جهل وبيروقراطية وتعسف اعمي وغبي ........

قطاع عام يعنى واحد مش بيفهم اى حاجة فى شغلك ولا عارف انت بتعمل ايه اصلا وفى يوم وليلة تلاقيه مديرك او موجهك

 

 

 

قطاع عام يعنى مجلس ادارة كلها فوق سن الستين ومن اصحاب مدارس فكر التعلب فات فات .. يعنى لا فكر ولا روح ولا دم جديد .. قطاع عام يعنى شيخوخة فى الفكر وفى الادارة وفى التخطيط

 

 

قطاع عام يعنى علاوة سنوية 4 جنية للمعينين اقل من 5 سنين و10 جنية للمعينين اكتر من 5 سنين و15 جنية للمعينين اكتر من 10 سنوات

يعنى اشتغل 15 سنة وافرق عن الى متعين حديث ب10جنية بس .. متخيليييييين ...؟؟؟؟؟؟؟؟!!!!

 

والى بيقول ان القطاع العام استقرار ده كلام اكتر حتى من فارغ .. لان اصلا مافيش تعيين حكومى ولا بعد 10 سنين .. وممكن تترمي فى يوم وليلة فى الشارع برضة .. وذلك لان اغلب ان لم يكن كل المصالح الحكومية الان بتعمل بنظام

العقود السنوية

 

يبقى ان فاتك الميري ,,, اكسر وراه زييييييييير وما تزعلش انت اكيد الكسبان

 

كتير هيسالونى وايه هو البديل .. البديل هى صحتك وعمرك الى هتشتريه بدل ما يدفن 40 سنة فى مكاتب ودفاتر الحكومة وهتخرج منه عندك سكر وقلب وضغط وروماتيزم وروماتويد وتصلب شرايين وانسداد فى شرايين القلب وووووو ... والاعمار بيد الله

 

 

وحسبي الله ونعم الوكيل

على فكرة بقى القطاع العام ده

جزء صغير وبسيط من منظومة كبيرة تسير على نفس المنوال

 

 

وبس خلاص

وفى الاخر مش هقدر اقول غير

الله يرحمك يا جدى ويرحمك يا جنية يا جبس

 

 

تم تعديل August 22, 2011 بواسطه ali desoky

[محب الحبيب 0]

كلام اغلي من الذهب واللهي ولكني انا اختلف معاك في حكايه

 

(ان فاتك الميري اكسر واره زير)

 

حرام الزير علي فكره

 

بس انت قولت انك مدرس يعني وظيفه حكوميه ممكن اعرف انت ليه مستمر في الميري

 

انا بأيد العمل الحر واللهي لو هتقف في محل وتبيع الحاجه بشرف وامانه بتكتسب خبرات من الاحتكاك بالناس بتؤهلك ان تكون رجل اعمال او تاجر ذو خبره في مجالك

 

بدل الحبسه بين دفاتر وورق وكلمات متقاطعه

 

بجد موضوعك في غايه الاهميه وانا اخدت عهد علي نفسي ان اولادي مش هعلمهم حاجه مش يستفيدوا منها ويدخلهم بعد ما يشتغلوا عائد كويس يقدروا يتماشوا مع الحياه الصعبه اللي بنعشها

 

ومش هخلي ابني يجي يسألني ويقولي بابا انا بروح المدرسه ليه

 

لان سعتها هيحس انه بيتعلم حاجه بجد

 

طولت عليك معلش بس موضوعك اكتر من رائع

 

تقبل مروري

[ali desoky 391]

(ان فاتك الميري اكسر واره زير)

 

حرام الزير علي فكره

 

أخي العزيز اشكرك علي ردك الرائع

انا بالفعل مدرس لكن ما باليد حيله

لذا فقد عانيت واعاني من الميري ومشاكله

ولكن احاول ان انصح الجماعه اللي مقبلين علي التخرج

وربنا يرحمنا ويرحم الاجيال القادمه من الميري والتشبث به

 

اشكر لك مرورك الكريم

تم تعديل July 8, 2009 بواسطه alidesoky

[رجل من الصحراء 36]

لا القطاع العام نافع ولا الخاص نافع

ربنا يصلح الحال ياعم على

[حياتى من اجل ربى 22]

موضووووووووع راااااااائع بجد

جزاك الله خيرا اخى ((على))

الموضوع مفييييييد وربنا يستر

انا بجد كان نفسى اما اخلص اشتغل مدرسه لاننى بحب المهنه دى جداااااا

بس غيرت راى خااااالص

بس اقدر اقول ان كل مهنه وفيا تعب ومعاناه وناس تخنق

مافيش حد مستريح---((لا ورد بدون شوك))

وزى ماقال اخويا الكبير((رجل من الصحراء))

ان فعلا ولا اصحاب الميرى راضييين ولا اصحااب الخاص راضيين ولا العاطلين راضيييين

كل شئ وفيه تععععععب وماعالينا الاان احنا نستحمل ونحاول ندور على الاحسن بكل طاقاتنا

ربنا يكرمك يااااااااااارب ويهديك الى الخير والى مايحبه ويرضاه

ويرزقك من حيث لاتحتسب

ويحقق لك كل ما تتمنى

احترامى وتقديرى

[على المرابط 13]

اخي الحبيب علي اولا انا بجد والله بدعي ربنا يساعد كل الشعوب والناس اللى تعيش فى مجتمعاتنا والله تعبانين بجد

بس انا وحسب ما فهمت من الموضوع ان اللى فاته الميري يكسر وراه زير

انا بقولك اكسر وراه زير واثنين وثلاته وكلمني وانا ابعتلك 1000 زير كسرهم وراه

وانا قبلك عملت كده انا اشتغلت 11سنه فى القطاع العام وبعدين كسرت الزير

وقلت فى نفسي والله اني لاظلم نفسي ببقائي فى القطاع العام والحمد لله فى سنتين حققت ما لم احققه فى 11سه

المهم اخي على مهنة التدريس او التعليم بالذات مهنه عظيمه ومهمه ورساله انا لا استطيع ان اقارنها بباقي المهن ولدلك انا ارى ام ان ينظر المعلم الى مهنته على انها رساله ويصبر لانه يعلم تمام العلم انه مهظوم الحق ولكنه يفعل هدا من اجل غايه اسمى واجل واما ان يكسر الزير الان قبل غدا والله سمعت بيت شعر للامام الشافعي رحمه الله ولا شك انكم تعرفونه ولا اروع ولا اجمل

يقول

 

ما في المقام لذي عقل وذي أدب ... من راحة فدع الأوطان واغترب

 

 

 

سافر تجد عوضا عمن تفارقه ... وانْصَبْ فإن لذيذ العيش في النَّصب

 

 

 

إني رأيت ركود الماء يفسده ... إن ساح طاب وإن لم يجر لم يطب

 

 

 

والأسد لولا فراق الغاب ما افترست ... والسهم لولا فراق القوس لم يصب

 

 

 

والشمس لو وقفت في الفلك دائمة ... لملَّها الناس من عجم ومن عرب

 

 

 

والتِّبرُ كالتُّرب مُلقى في أماكنه ... والعود في أرضه نوع من الحطب

 

 

 

فإن تغرّب هذا عَزّ مطلبه ... وإن تغرب ذاك عزّ كالذهب

 

نعم اخي الفاضل وحبيبي وسميي والله احزنتني ولكن انا وعن تجربتي الشخصيه ادا وصل الانسان منا الى قناعه انه ببقائه بات يظلم نفسه فانا انصح بان يكسر الزير ويمضي لينظر عيشه فى ارض الله الواسعه (وهده ليست فتوى طبعا ) اوعوا حد ياخد الكلام كده انا مش ناقص

حبيبي علي واخي وسميي موضوع جميل و المفروض ان يستمر النقاش فيه لعلنا نصل بالبعض الى المكان الدي يقف فيه وهو واتق من القرار الدي سياخده بدلا من بقاء البعض مشتت التفكير ومذبدب بين البقاء وبين كسر الزير

 

 

ويمضي العمر الى غير رجعه ليكتشف ان كليب مات من زمان

 

 

[الرّام 173]

السلام عليكم ..

 

 

رغم ان لكل مجال ايجابيات و سلبيات

 

 

و رغم ان القطاع العام .. كما يقال " صعب ان الواحد يكوّن بيه روحه " .. يعني "صاحب العائلة " لا يستطيع من خلاله قضاء حاجيات اسرته ( و خاصة في مثل هذه الايام التي اصبح فيها كل شيء ضروري .. و حتى المكملات اضحت من الاساسيات )

 

 

و ايضا حتى بالنسبة للشاب .. كيف يبني مستقبله بمرتب بسيط ( متى يبني المنزل .. متى .. متى .. متى .. متى يخطب .. متى يتزوج .. و ...و ... و... و ... و .... الى آخره ..)

 

 

 

يعني .. يا اخي .. انا معاك في ان القطاع الخاص ميزاته كثيرة و يمكننا القول ان الايجابيات الي فيه اكثر من الايجابيات الي تلقاها في قطاع عام -و في اي مجال او ميدان من القطاع العام-

 

الا انه بالنسبة ل.. "الشهريّة" (يعني المرتب الشهري او الاجر) يكون الامر افضل في القطاع العام .. .. لماذا؟؟؟؟

 

لانه في القطاع العام مهما كانت الشهريّة بسيطة الا انها تبقى موجودة ... و كما يقال " مسمار في حيط " يعني شيء ثابت مستقر ..

 

يعني في آخر كل شهر تاخذ اجرك .. دون مشاكل او صعاب

 

 

بينما ان عملت في قطاع خاص (سوى كانت شركة او مصنع او معمل او عند اي شخص آخر ..) .. فالاجر لا يكون له موعد ثابت و لا يوم محدد (الا القليل النادر)

 

و حتى في صورة العمل الحر ( يعني لحسلبك الخاص .. سوى كان مشروع او ما شابه ..) فالاكيد انك لن تستطيع الجزم بشيء

 

.. فاحيانا تربح و احيانا تخسر

 

 

......

 

 

بارك الله فيك

 

و ربي يعينك ان شاء الله

 

و ربي يرزقك من الحلال و ينعم عليك من عنده

 

ربي معاك يا رب

[الجندى المجهول 37]

اللهم فرج الكربه

يارب يكون بكره فيه خير

جزاك الله خيرا

[ali desoky 391]

لا القطاع العام نافع ولا الخاص نافع

 

صدقت بالفعل يا اخي

ولكن ع الاقل في القطاع الخاص نتعب ونؤجر علي نفس التعب

 

انا بجد كان نفسى اما اخلص اشتغل مدرسه لاننى بحب المهنه دى جداااااا

بس غيرت راى خااااالص

 

 

 

اختي الغاليه

ليس معني كلامي اني اكره مهنة التدريس

او انها مهنه سيئه بل اني انقد كل العمل الحكومي

الذي لا يحترم الموظف

وربنا يكرمك ان شاء الله ويعطيك كل ما تتمنينه

 

 

انا بقولك اكسر وراه زير واثنين وثلاته وكلمني وانا ابعتلك 1000 زير كسرهم وراه

 

اخي علي اسعدني كثيرا ردك علي موضوعي واضافتك الرائعه

جزاك الله خيرا

 

 

لا انه بالنسبة ل.. "الشهريّة" (يعني المرتب الشهري او الاجر) يكون الامر افضل في القطاع العام .. .. لماذا؟؟؟؟

 

لانه في القطاع العام مهما كانت الشهريّة بسيطة الا انها تبقى موجودة ... و كما يقال " مسمار في حيط " يعني شيء ثابت مستقر ..

 

يعني في آخر كل شهر تاخذ اجرك .. دون مشاكل او صعاب

 

اختي الرام

نعم الشهريه موجوده ولكنها لا تكفي شيئا

يعني بحسبه بسيطه كده

شهر من العمل الخاص = 4 شهور من العمل الحكومي

ايه رايك؟؟؟

 

 

ا

للهم فرج الكربه

يارب يكون بكره فيه خير

جزاك الله خيرا

 

اللهم امين

جزاك الله خيرا اخي

تم تعديل July 10, 2009 بواسطه alidesoky

[«۞۩ أبو سليمان ۩۞» 179]

موضوع رائع جدا ,,, علي

القطاع العام ليه مميزاته و عيوبه و القطاع الخاص ,,, ليه برضوا مميزاته و عيوبه

 

بالنسبة لي ,, انا اشتغلت في القطاع الخاص سنتين و اشتغلت في القطاع العام

 

موش كل القطاع الخاص بيعطيك كل اللي تتمناه على الرغم ان كل القطاع الخاص بيتفنن في استخلاص كل قطرة من دمك في العمل

 

هو صحيح فيه قليل من شركات القطاع الخاص تكاد تعد على الاصابع تعطيك حقك و تعيش معاها ملك و دي ممكن تكسر الزير وراء القطاع العام و تروح ليها

 

و لكن هناك كتير جدا من شركات القطاع الخاص ليس فيها اي مميزات بالعكس فإن القطاع العام افضل منها

 

يعني عموما لا احب ان اعمم و لكن هناك شركات قطاع خاص كتير جدا ممكن تكسر وراها زير و هناك بعض المصالح الحكومية لازم تكسر وراها زير برضوا

 

و كمان فيه مصالح في الحكومة تعتبر فرصة كويسة و برضوا فيه شركات قطاع خاص كويسة

 

جزاك الله خيرا على على الموضوع الرائع

 

بارك الله فيك

[ali desoky 391]

هو صحيح فيه قليل من شركات القطاع الخاص تكاد تعد على الاصابع تعطيك حقك و تعيش معاها ملك و دي ممكن تكسر الزير وراء القطاع العام و تروح ليها

 

صحيح اخي العزيز

 

لكن ما دام هناك هذه الشركات حتي لو كانت تعد علي اصابع اليد

 

ولكنها موجوده ... عكس القطاع العام الذي لا تجد فيها اصبعا واحدا

 

اذن يمكنك ان تعمل وتاخذ ما يساوي عملك

 

لا ان تعمل ولا تاخذ حتي ما يساوي نصف عملك

 

 

اخي العزيز ردك شرف كبير لموضوعي

 

جزاك الله خيرا

[battot 19]

موضووووووووع هائل جدااااا

 

 

ومهم جداااااااااااااا

 

 

جزاك الله خيرا اخى على دسوقى على هذا الموضوع المتميز وهذا الاسلوب الرائع

 

 

وجعل الله كل ما تكتب فى ميزان حسناتك

 

 

ووفقك الله ان شاء الله

 

 

والى الامام دائما ان شاء الله

 

 

ومنتظرين المزيد

[ali desoky 391]

موضووووووووع هائل جدااااا

 

 

ومهم جداااااااااااااا

 

 

جزاك الله خيرا اخى على دسوقى على هذا الموضوع المتميز وهذا الاسلوب الرائع

 

 

وجعل الله كل ما تكتب فى ميزان حسناتك

 

 

ووفقك الله ان شاء الله

 

 

والى الامام دائما ان شاء الله

 

 

ومنتظرين المزيد

 

 

اشكرك اختي العزيزه

 

علي كلامك الجميل

 

جزاك الله خيرا

 

ان شاء الله

[مي مادي 1]

قطاع عاام يعنى فساد وظلم بين ما بعده فساد .. قطاع عام يعنى وانا مالى ما تخرب ولا حتى تولع ,,, قطاع عام يعنى اشتغل على قد فلوسهم وهو انا باخد منهم ايه .. ؟؟ قطاع عام يعنى مصمصة شفايف وطرقعة صوابع من الصفوة والاظرف ام اساتيك تدخل مكاتبهم كل شهر ,,, وموظفين شقيانين ليل ونهار ويترميلهم فتافيت وملاليم اخر كل شهر

 

اخى على

بجد مش عارفة اقول ايه بعد كلامك

كل كلمة مكتوبة فعلا حقيقة

وحسبي الله ونعم الوكيل

 

جزاك الله خيرا اخى على

 

[ali desoky 391]

اخى على

بجد مش عارفة اقول ايه بعد كلامك

كل كلمة مكتوبة فعلا حقيقة

وحسبي الله ونعم الوكيل

 

جزاك الله خيرا اخى على

 

 

بارك الله فيكي اختي مي مادي

جزاك الله كل خير ان شاء الله

[شهد 2010 4]

في يوم سألني تلميذي:

يا استاذ احنا ليه بنيجي المدرسه؟؟؟

 

سؤال مميز شد انتباهى بشده

انا اللى فهمته من الاجابه بنروح المدرسه عشان نتعلم

والحمد لله بنتعلم والحمد لله بناخد شهادات عاليه

والحمد لله بنشتغل يعنى الدوله كده موفره لنا كل حاجه

بصراحه مفيش بعد كده عايزين ايه تانى بصراحه احنا طمعين

انا قولت الجانب الايجابى والحمدلله اخى على

رد عليه فى الموضوع

جزاك الله خيرا اخى على

موضوعك جميل جدا

[ali desoky 391]

سؤال مميز شد انتباهى بشده

انا اللى فهمته من الاجابه بنروح المدرسه عشان نتعلم

والحمد لله بنتعلم والحمد لله بناخد شهادات عاليه

والحمد لله بنشتغل يعنى الدوله كده موفره لنا كل حاجه

بصراحه مفيش بعد كده عايزين ايه تانى بصراحه احنا طمعين

انا قولت الجانب الايجابى والحمدلله اخى على

رد عليه فى الموضوع

جزاك الله خيرا اخى على

موضوعك جميل جدا

 

 

 

بارك الله فيك يا اختاه وجزاك خير الجزاء

[لامار 94]

الصبر مفتاح الفرج اخي علي

و الوضع القائم الذي تفضلت بعرضه في موضوعك موجود و منتشر في معظم دول العالم

و ارتأيت ان اخط لك بعض الكلمات...........

ما اجمل ان نبحث عن الجزء الممتلىء من الكاس وان يرقص هذا الجسم المثقل بالالم و لو بوحي من الحلم و ان يتحول الى فراشة تبحث عن النور

اخي الفاضل

استاذي المبجل

انت مسؤول امام الله عن اجيال كاملة

سيسالك الديان عن رعيتك.....

اذا كانت النفوس كبارا تعبت في مرادها الاجسام

 

تقبل هذا مني

خالص احترامي

[عاشق الصداقه 525]

حبيبى الغالى على دسوقى

 

اسمحلى فى الأول أهنيك على أسلوبك الجميل وموضوعاتك المهمه بجد واللى بتناقش قضايا تهمنا كلنا

 

بارك الله فيك وجزاك كل الخير ولا حرمنا موضوعاتك الرائعه

 

من واقع تجربتى القصيرة اقدر اقولكوا ان كل ده كلاااااااااام فارغ

 

أنا بأكد كلامك ده بشكل قوى ،، ورغم انى لسه متخرجتش من الكلية إلا إنى من زمان بقول كلمة (لو ادولى الشهاده من غير تعليم مش هشتغل فى الحكومه) ،، والله أعلم لأن فعلاً الواقع بيفرض أمور

 

بس دايماً والدى لما بنتناقش أنا وهو بنوصل لنتيجه واحده !!!!!!

 

بعد ما طبعاً يفضل يقوللى لكلمتين اللى انت كتبتهم فى مميزات القطاع العام واللى كل أهالينا متشبع فكرهم بيها على أساس ان الدنيا زى ما هيا لسه والقطاع العام واخد حقه !!!

 

بقوله بعد ما يخلص كل كلامه - ان شغلى الخاص (اللى هو بيعتبره مش مضمون) بيدخللى بفضل الله اللى ميدخلهوش أى شغل حكومى ولو كنت رئيس قطاع فى مصنع محترم زى اللى عندنا (الالومينوم)

 

وبقوله ان حدود تفكير الأغلبية (انه بعد ما يطلع معاش هياخد معاش من الشركة ،، وهيتعالج على حساب الشركه و ......)

 

وبوضحله وده بيكون نهاية حديثنا .. إن طموحاتى (انى اكون صاحب الشركة) ،، بقوله ليه مكونش معايا الشركة اللى يسعى الغير لإنه يلتحق بيها علشان توفرله معاش أو صندوق نهاية الخدمه وتوفرله علاج مجانى وتوفرله كيت وكيت وكيت ..

 

ليه هفضل موقف نفسى طول عمرى على إنى أستفيد من فرصة قدامى وده يقتل طموحى انى فى يوم من الايام اكون اللى بيدى الفرص دى للناس !!!

 

فى الاخر - كله عند ربنا ،، وجزاك الله كل الخير يا غالى على موضوعك الجميل (وعلى فكرة معرفناش فى الآخر الرد على الطالب ايه !!!)

[احلام بلدى 2]

السؤال ده مهم جدا المفروض ان التلميذ او الطالب بيروح المدرسه علشان يتعلم او نقول لتحصيل العلم لكن للاسف خلاص مبقاش علشان يحصل العلم بقى بيحصل جهل وتخلف واهمال وتشرد وكمان بقى هايل فى السب والقذف وقله الادب وكسر الزجاجات وجرح زمايله وكمان معاه مطوه او نص موس مخبيه فى فمه وسجاير وقلع هدومه فى الشارع والخنقات بقى اللى تحب تتفرج عليها وجهل كامل بالكتب احسن حاجه بيعملها فى الكتاب يوم ما ربنا يكرمه ويمسك الكتاب يقعد يشخبط فيه ده كل اللى بيعمله واعتقد انه بيتعب لانه بيبزل مجهود جامد فى الشخبطه مش عارفه اسال مين اسال الاهل فى البيت على التربيه ولا اسال الاداره التعليميه عن الادب والتعليم يا ريت تشوفوا وتقولولى اسال مين