غمض عنيك

[الجندى المجهول]

غمض عنيك يا بوليس

 

واقفل ودانك شويه

 

دى بلادنا حتروح فطيس

 

من غير نفس حرية

 

****

 

غمض عنيك ع الناس

 

فتّحها ع الحراميه

 

وامسك ميزان حساس

 

بالعدل والوطنيه

 

***

 

بيساوى كام الضمير؟

 

عليك يارب العوض

 

ده الوضع اصبح خطير

 

بعد البوليس ما قبض!!

 

****

 

غمض عنيك يا بوليس

 

عايزين نشوف سكتنا

 

تعبنا م التحسيس

 

والضلمه خنقتنا

 

**

 

كفاياك بقى تهويش

 

اقفل ودانك وسيبنا

 

مدام خدمنا الجيش

 

طب ليه تعذبنا؟

 

**

 

مش متنا فى النكسه

 

وعبرنا فى التحرير

 

وما نابنا غير وكسه

 

م الفقر والتكدير؟

 

***

 

غمض عنيك بقى عيب

 

ده احنا بقينا عرايا

 

وزهقنا م التعذيب

 

والمحكمه والقضايا

 

***

 

ده ما عادش نافع زوق

 

ولا انت فاهم كلام

 

بكره يا ظالم تدوق

 

مُر البكا والآلام

 

***

 

وساعتها فتح عنيك

 

واصرخ وقول ده حرام

 

ومين حيسأل فيك

 

وانت ف قفص الاتهام؟!

 

 

[على المرابط]

منور حبيبي منور

[الجندى المجهول]

ده نورك يا غالى

[ali desoky]

غمض عنيك ع الناس

 

فتّحها ع الحراميه

 

وامسك ميزان حساس

 

بالعدل والوطنيه

 

والله فتحت عيني لقيتني

 

خير اللهم اجعله خير

 

ناس لابسين ابيض ف ابيض

 

بيسالوا ع الجندي المجهول

 

قلت انا معرفهوش يا باشا

 

 

نقل موفق اخي العزيز

[الجندى المجهول]

يابا شا دول ملائكه

علشان عدوا هلى فى البيت برضوا وانا قلتلهم انه الدسوقى مش معانا

نورت الموضوع بردك حبيبى

[«۞۩ أبو سليمان ۩۞»]

أممممممممممممم لو حد سأل عليا انا موش موجود

 

مسافر قد مية ,, متين سنة للمريخ

 

مع نفسك يا جندي ,,, هتوحشني بجد

[الجندى المجهول]

حتى انت يا حبيبى :crying:

ولا يهمك

ممكن رقم تليفونك على المريخ بس علشان نسال عليك :crying: :llll: