أفندينا أنعم علينا بعلاوة

[محب الحبيب 0]

السلام عليكم يمكن ده تاني موضوع اشارك بيه في المنتدي

ودي حاجه انا قرتها يعني منقوله بس مش عارف من كتبها

بس هي بجد عجبتني اوي فحبيت اشارك بيها

وحابب اعرف رد فعلكوا عنها

 

 

 

 

 

أفندينا أنعم علينا بعلاوة

 

تجيب كيلو جبنة وعلبة حلاوة

آتاري العلاوة مجرد أتاوة

و احنا علينا الكلام اختلط

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****

أفندينا أعلن صدور القرار

و قبل اما ينجح في أي اختبار

فوجئنا بزفة و مولد و زار

قصايد جرايد برامج يفط

*****

تؤكد بأن الحكومة بذكاء

و من حزمة واحدة قضت ع الغلاء

و لابد يبقى لدينا انتماء

و ناكل و نشرب و نلبس خطط

*****

وحلم النمو اللي قالوا عليه

و حايشينه عنا منعرفش ليه

ماتلمح مكانا في مرة عينيه

و نقدر ندوق منه حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقنا اللي صح وكلامك غلط

*****

و قاللي مواطن عليم بالخبايا

أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****

اذا الشعب صدى بفعل البارومة

حتعمل حسابه ف ايه الحكومة

وهي اللي جاهزة بكرباج وشومة

عشان لوفي واحدفي عقله اتخبط

*****

تعيش مصر دايما في عز و جمال

يعيش المواطن شديد الاحتمال

و آمن تماما من الاشتعال

و أقصى ما عنده ينكت فقط

*****

 

 

 

يا رب تعجبكوا

 

 

 

 

[على المرابط 13]

ولمادا لا تعجبنا

احسنتي الاختيار الموفق قصيده جميله وهي ليست بغريبه على هدا الشعب الدي فعلا هو بيعاني وربنا يفرج على كل المؤمنين ان شاء الله اسئل الله ان يغير من حال الى احسن حال

النقد الساخر والنكث دي نعمه من نعم الله على هدا الشعب لانه لو مش بينكت وبيضحك كان زمانه مش عارف حصل فيه ايه

 

لكي كل الاحترام اختنا الفاضله

[محب الحبيب 0]

اخي علي يشرفني انك اول واحد رد علي موضوعي

 

وفعلا انا معاك ان النقد الساخر والنكت والضحك بيخففوا كتير من الالام هذا الشعب

 

لك كل احترامي وتقديري

 

وعلي فكره انا شاب مش بنت بس ولا يهمك

[ali desoky 391]

*****

و قاللي مواطن عليم بالخبايا

أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

 

جميله فعلا

كلمات معبره عن الشعب الغلبان المطحون

[حياتى من اجل ربى 22]

 

 

 

 

 

جمييييييييييييييييييييله اووووووووووووووووووووووى

فعلا موضوع راااااااائع

وبدايه قويه ماشاء الله

جزاك الله خيرااااا اخى

ويااااااارب يجعل كل ماتكتب فى ميزان حسناتك

موضوع زى السكر --يحسسك بالمعاناه فعلا

بس شعب دمه عسل

[غريق مش لاقى قشه 1]

هههههههههههههههههههههههههههههههه

شكراً لك اخي الكريم

[محب الحبيب 0]

علي الدسوقي

 

منور موضوعي اخي الكريم وزيارتك زادات الموضوع لمعانا جزاك الله كل الخير

 

حياتي من اجل ربي

 

حياه المنتدي بتعلق علي موضوع انا كاتبه انا في غايه الشرف تعليقك وسام علي صدري يا عزيزتي

 

غريق مش لاقي قشه

 

نورت الموضوع يا اخي اتمني ان الموضوع يكون رسم ولو ابتسامه بسيطه جزاك الله خيرا

[مي مادي 1]

جميييييييييييل جدا

بداية موفقة

واهلا بيك معانا في بيتك وسط اهلك

في اجمل منتدى في الدنيا

منتدى يالا يا شباب

[الرّام 173]

يعطيك الصّحة خويا

 

و يعطيك الخير و البركة ان شاء الله

تم تعديل July 29, 2009 بواسطه الرّام

[تاجى حجابى 0]

المنتدى كسب ابداع

تسلم ايدك

جميل اوووووى

[محب الحبيب 0]

مي مادي

نورتي موضوعي وانا سعيد جدا بيتي واهلي اللي في المنتدي وبدعي ربنا اني تكون مواضيعي خفيفه عليكوا

 

جزاكي الله خيرا وشرفتي موضوعي بزيارتك

 

الرام

 

اختي الغاليه ربنا يكرمك ويحفظك من كل سوء

 

زدتي موضوعي نورا بتشريفك له وردك عليه جزاكي الله كل الخير

 

تاجي حجابي

تسلمي من كل شر يا جميله ويسلم كلامك اللي هو كتير عليا اوي

 

ربنا يجعل كل ايامك سعاده وهنا وفرح انشاء الله

 

جزاكي الله كل الخير ونورتي موضوعي

[الجندى المجهول 37]

الله الله على الكلام الجامد

يارب يسعدك