عيش ندل تموت مستور

[ali desoky 391]

السلام عليكم ورحمة الله وبركاته

 

في يوم كنت مسافر وركبت اتوبيس زي اي حد

 

وبالصدفة ركب ورا اتنين شباب

 

الاتوبيس اتملى خلاص

 

دخلت ست كبيرة شوية في السن قد والدتي

 

واحد قال للتاني انا هاقوم اقعدها

 

كلمة عادية وكلها زوق منه

 

بس رد التاني عليه ذهلني

 

قاله كبر " عيش ندل تموت مستور "

 

زمان اللي اسمعه من الحكاوي اللي بقت اساطير

 

انه كان الواحد يقوم للبنت عشان تقعد

 

كان لما يقابل واحدة كبيرة شايلة حاجة تقيلة يشيلها منها ويوصلها لحد البيت

 

كان لما يكون في حرامي بيسرق في بيبت واحد جارك بتجري وتبلغ

 

مش تقولوانا ايه اللي هيرجع عليا بكدة غير انهم هيتهموني انا

 

كان لماحد بيضرب حد بعربيته بينقله المستشفى

 

مش يكمل ويدوس عليه عشان يلحق يهرب ويقولك هادخل في س وج

 

 

كانت الناس بتحب بعض

 

دي تعاليم دينا الحنيف

 

انما دلوقتي بقى اللي يمشينا

 

" عيش ندل تموت مستور "

 

انا اول مرة اسمع ان الندالة بتنفع الانسان

 

يوم الحساب هاتقول ايه ؟؟

 

ياريت اعرف ارائكم في الموضوع ده

 

منقول

[مي مادي 1]

والله يا اخي انا عن نفسي 

مش قادرة اطبق هذه المقولة

لكن من الواضح انها مسيطرة على الدنيا كلها

يعني مثلا

القادة العرب بيطبقوا هذه المقولة 

عشان الشعب يعيش مستور

وبعض الآباء بيسيبوا زوجتهم وابنائهم 

ويجروا وراء نزواتهم 

برده ههما مشين بتعاليم هذه المقولة 

ولما شاب يشوف فتاه في الشارع وشباب صيع بيعكسوها

او عاوزين يخطفوها 

برده عيشين اندال عشان يموتوا مستورين

وغيرها عينات كتير 

المهم ان هذه المقولة 

هي شعار لاكثر الناس في هذا الزمان

وربنا يعافينا

آسفة على الاطالة

وجزاك الله خيرا على نشر هذه القضية المهمة

[ali desoky 391]

القادة العرب بيطبقوا هذه المقولة

 

عشان الشعب يعيش مستور

 

اختي مي شكرا لمرورك الكريم واضافتك المفيده

 

 

نعم بالفعل القاده بيطبقوا المقوله ........

لكن عشان يعيشوا هم مستورين مش الشعب!!!

 

اختي مي جزاك الله خيرا

تم تعديل July 25, 2009 بواسطه alidesoky

[حياتى من اجل ربى 22]

فعلا الحاجات دى بنسمعها كتير اوووووى

ربنا يهديى الحال يارب

جزاك الله خيرا اخى على على الموضوع الرااائع

وعلى انقاش الهادف

اسال الله ان يجعلنا من النافعين لامتنا

وان يهدينا الى مافيه الخير

احترامى وتقديرى

[محب الحبيب 0]

فعلا ما اكثر هذه السلوكيات

 

بس ده عشان الامان والحب اللي كانوا زمان مليين الدنيا اتنزع دلوقتي

 

اسمع زمان من جدتي ربنا يديها الصحه ان ابواب البيوت كانت ديما مفتوحه صبح وليل

 

انما دلوقتي كلاب واجهزه انذار وده دليل علي الخوف اللي بقي مليانه بيه حياتنا

 

والخوف ده خلنا نفقد كتير من المعاني الساميه زي الشهامه والنخوه وكتير

 

وخلي معاني جديده تظهر زي تعيش ندل تموت مستور

 

والجبن سيد الاخلاق وكده

 

موضوع جميل وبنعاني منه ربنا يعفو عنا ويرحمنا

 

تقبل مروري

[ABOTASNEEM 116]

والله هو فعلاً الموضوع ده منتشر

 

وأنا بصراحة ليا رأى فى الموضوع ده

 

دايما بقول إنو المشكلة بقت

 

إنو الأصول اللى احنا بنقيس عليها الصح والغلط .. اختلت

 

بمعنى انو الميزان اللى احنا بنوزن عليه الامور مبقاش سليم

 

وبدل ما الميزان مش سليم .. يبقى أكيد

 

كل الأوزان اللى هتتوزن عليه مش هتبقى صح

 

وده اللى حاصل ....

 

الميزان اللى الناس والشباب بيتربوا عليه مبقاش مظبوط

 

بمعنى انو الصح بقى غلط والغلط بقى صح

 

الرشوة بقت اكرامية ، والسرقة بقت فهلوة

 

وقلة الادب والذوق بقت روشنة

 

وعيش ندل تموت مستور

 

فربنا يحفظنا ويهدينا .. ويخلينا دايما نوزن امورنا على الميزان الوحيد السليم

 

اللى هو قالنا عليه من لا ينطق عن الهوى

 

تركت فيكم ما إن تمسكتم به لن تضلوا بعدى أبداً .. كتاب الله وسنتى

أو كما قال صلى الله عليه وسلم

 

حافظوا عليه ياجماعة .. علشان متضلوش

 

وارجعوا لى وارجعوا لأهل الدين والعلماء والمشايخ الربانين

المشهود لهم بالعلم السليم والصحيح

 

ربنا يبارك فينا وفيكم

 

وشكر خاص لك حبيبى على الدسوقى

 

على طرحك لهذا الموضوع المهم

 

[سلمى @ 0]

عندك حق اخى الكريم موضوع جميل جدا

ومعظم الناس مشيه على النظام ده عشان كده الخير

والامان قل فى الدنيا

[ali desoky 391]

فعلا الحاجات دى بنسمعها كتير اوووووى

ربنا يهديى الحال يارب

جزاك الله خيرا اخى على على الموضوع الرااائع

وعلى انقاش الهادف

اسال الله ان يجعلنا من النافعين لامتنا

وان يهدينا الى مافيه الخير

احترامى وتقديرى

 

امين يارب العالمين

اختي الغاليه

شكرا لمرورك الكريم

جزاك الله خيرا

 

 

فعلا ما اكثر هذه السلوكيات

 

بس ده عشان الامان والحب اللي كانوا زمان مليين الدنيا اتنزع دلوقتي

 

 

فعلا والله يا اخي

الدنيا اختلفت كتير عن زمان

شكرا لمرورك

بارك الله فيك

 

 

ت

تركت فيكم ما إن تمسكتم به لن تضلوا بعدى أبداً .. كتاب الله وسنتى

أو كما قال صلى الله عليه وسلم

 

 

كده انا فرحتي اكتملت بردك

الذي شرفني وشرف موضوعي

اخي الغالي ابو تسنيم

جزاك الله خيرا واكرمك بكل ما تتمناه

ان شاء الله

 

 

عندك حق اخى الكريم موضوع جميل جدا

ومعظم الناس مشيه على النظام ده عشان كده الخير

والامان قل فى الدنيا

 

 

اختي الصغيره سلمي

شكرا لردك الجميل

ربنا يكرمك ان شاء الله

تم تعديل July 26, 2009 بواسطه alidesoky

[خلادالحوتي 0]

الايجابية والشهامة من الصفات الاساسيةالتى يجب ان يتحلى بهاأي مجتمع وخصوصاالمجتمع المسلم وتجدان هدا الخلق كان واضح جدا في قصة سيدنا موسى عموماوبالاخص حينماسقي للفتتاتين دون ان يطلبامنه دلك بالرغم من الزحام الشديد علي البئروهده الشهامه هي ماجعلت ابو الفتاتين يزوجه احدى ابتيه واوجه نداءللناس عموما هيا بنا من جديد نحيي هده الصفات الجميلة ولاننتظر الجزاء الامن رب العالمين ووالله لن يضيع ستجد الجزاء عند الشدة منتظرك وكأنه يقول للك أناأجر ما فعلت كدا وكدا يوم كدا وكدا\

[الرّام 173]

موضوعك مهم صحيح اخي .. و كل كلام و تعليقات اخوتي و اخواتي في محله ..

 

و لا املك ان اضيف عليه الا ..... "ربي يهدي .. ان شاء الله"

تم تعديل July 29, 2009 بواسطه الرّام

[ali desoky 391]

الايجابية والشهامة من الصفات الاساسيةالتى يجب ان يتحلى بهاأي مجتمع وخصوصاالمجتمع المسلم وتجدان هدا الخلق كان واضح جدا في قصة سيدنا موسى عموماوبالاخص حينماسقي للفتتاتين دون ان يطلبامنه دلك بالرغم من الزحام الشديد علي البئروهده الشهامه هي ماجعلت ابو الفتاتين يزوجه احدى ابتيه واوجه نداءللناس عموما هيا بنا من جديد نحيي هده الصفات الجميلة ولاننتظر الجزاء الامن رب العالمين ووالله لن يضيع ستجد الجزاء عند الشدة منتظرك وكأنه يقول للك أناأجر ما فعلت كدا وكدا يوم كدا وكدا

 

اخي العزيز

اولا اهلا بك بيننا في منتدانا الغالي

 

ثانيا اشكرك علي مرورك الكريم

وردك الجميل علي الموضوع

بارك الله فيك

[ali desoky 391]

موضوعك مهم صحيح اخي .. و كل كلام و تعليقات اخوتي و اخواتي في محله ..

 

و لا املك ان اضيف عليه الا ..... "ربي يهدي .. ان شاء الله"

 

 

اختي الرام

 

جزاك الله خيرا

 

ان شاء الله

[رجل من الصحراء 36]

عيش شهم تموت منصور

[ali desoky 391]

عيش شهم تموت منصور

 

 

شكرا لمرورك اخي العزيز رجل من الصحراء

جزاك الله خيرا

ان شاء الله