حياتى من اجل ربى قام بنشر July 26, 2009 قام بنشر July 26, 2009 الســــــــــــــــــــــــــــــــلام عليكم ورحمة الله وبركاتـــــــــه.. البعض منا يلجأ لاسلوب التطنيش.... أكيد لأسباب كثيرة ومبررات عند الشخص .... يقــــــــــــــــــــــــــــــال: طنش تعش منتعش ... خلي الكلام يدخل من هنا يطلع من الناحيه التانيه امال ربنا خالق لنا ودنين ليه!!!... مافيش أحسن من التطنيش .... كثيراَ ما نسمع مثل هذه الأ قوال والعبارات ... بل يمكن أن نرددها بانفسنا في موقف ما ... لماذا الانسان يلجأ لاسلوب التطنيش ؟؟؟ وهل التطنيش بحد ذاته يعتبر ذكاء يمارسه الشخص ؟؟؟ أم غباء ؟؟؟ وهل من الممكن ان يكون ايجابيا؟؟؟؟ هقولكم راي بعد ما اسمع ارائكم لانها تهمنى
ali desoky قام بنشر July 26, 2009 قام بنشر July 26, 2009 ايه المواضيع الحلوه دي؟؟؟؟؟؟؟؟ طنش تعش منتعش..... نعم لقد اصبحت هذه المقوله شعارا للكثيرين وسنجدها في الكثير من مجالات الحياه مدرس شاف تلميذ مسنود بيغش في الامتحان يقول يا عم وانا مالي طنش مواطن بيخلص ورق في مصلحه حكوميه شاف الموظف بيطلب رشوه من المواطنين قال يا عم طنش وانا مالي شاب يمشي في الشارع شاف شباب ضايع بيعاكس فتاه تسير وحدها قال ياعم طنش وانا مالي وهكذا يتكرر هذا الطناش كثيرا حتي يصل الي الطناش عن مصلحتنا وحقوقنا نائب مجلس الشعب مش بيخدم الدايرة وبينجح بلاش تديلوا صوتك يا عم طنش هتيجي عليا انا.......!!!! اختي الغاليه ........ تقبلي تحياتي
مشرفي الأقسام رجل من الصحراء قام بنشر July 26, 2009 مشرفي الأقسام قام بنشر July 26, 2009 في كلمتين هروب من الواقع والمواجهة
على المرابط قام بنشر July 27, 2009 قام بنشر July 27, 2009 اختي الفاضله حياتي من اجل ربي اولا موضوع جميل ومهم واريد ان اقول ان الملاحظ فى مثل هده الامور كما اشار اخي على الدسوقي اننا اصبحنا بدل من ان نغض الطرف عما امرنا بغض الطرف عنه صرنا نغض الطرف عن المنكر دون ان نحرك ساكنا بحجة طنش تعيش منتعش وانا ارى ان هدا المثل وغيره كثير هو من الامثال الشيطانيه التى تدعوا فى باطنها الى الفساد ولكنها فى كلمات منمقه واعتقد والله اعلم انه يصدق فيها قول الحق تبارك وتعالى وكذلك جعلنا لكل نبي عدوا شياطين الإنس والجن يوحي بعضهم إلي بعض زخرف القول غرورا ولو شاء ربك ما فعلوه فذرهم ومايفترون ) والشيطان عليه لعنة الله فكر ثم يبدو انه قال فى نفسه لماذا اتعب نفسي واوسوس لهدا وهدا هناك طريقة اسهل الا وهي تغيير المفاهيم والمسميات فتجدين السفور يدعى اناقه والتبرج استايل والتعصب والغضب شجاعه والنصب فهلوه وما الى ذالك اختي الفاضله الموضوع جميل واعتذر منكي ان انا استطردت قليلا او بعدت عن صلب الموضوع ولكن الشى بالشئى يدكر وقرأت دات مره كتاب بعنوان امثال شيطانيه والله قرأت العجب العجاب و السؤال الدى يطرح نفسه هو من اين جأت هده الامثال وهده الكلمات المنقوله والمتواتره بيننا والمشكله الاكبر انها مع الزمن تصبح عرف متعارف عليه ومرجع يحتج به ولو امعنت النظر جيدا فيما تسمع وتقراء لوجدت خراب البيوت والاخلاق فى كلمات نرددها ولا نعي معناها او لما تدعوا ومن الامثله الشائعه بيننا مثال دائما ما نسمعه مفاده يا مأمنا للرجال يا مأمنا للميه بالغربال وقصصي طيرك قبل ما يلفوا غيرك وغيره ومنها ما دكرتي طنش تعيش منتشي من اين اتتنا هده الامثال وهده الكلمات ونحن امة من راى منكم منكرا فليغيره ونحن امة امرنا بالامر بالمعروف والنهي عن المنكر اسئل الله لي ولكم السلامه والعافيه وان يستعملنا فى تصحيح بعض المفاهيم الخاطئه موضوع شيق احسنتي اختي الفاضله لكي كل الاحترام وهده الامور يجب ان يسلط عليها الضوء
حياتى من اجل ربى قام بنشر July 27, 2009 الكاتب قام بنشر July 27, 2009 (تعديل) alidesoky غريق مش لاقى قشه رجل من الصحراء على المرابط جزاكم الله خيرا كلكم ردودكم متميزه وافادتنى كثييرا رائ ان هناك طناش ايجابى وطناش سلبى كلكم ماشاء الله وفيتم عن الطناش السلبى اطنش علشان انا ماليش دعوه انا مالى ياعم كبر --مالناش فيه كل ده سلبى جدااااا وكمان بيخلينا نغفل عن جانب فى منتهى الاهميه فى ديننا الحنيف الاوهو ((الامر بالمعروف والنهى عن المنكر )) لان ده هيخلينى اطنش اى حاجه غلط اشوفها ومش هنكون ((كنتم خير امه اخرجت للناس تأمرون بالمعروف وتنهون عن المنكر وتؤمنون بالله)) تمام يبقى الطناش السلبى ده احنا مش عايزينو.... امال ايه حكايه الطناش الايجابى ده الطناش الايجابى ده يعنى مثلا اما حد يكدب قدامك وانت عارف ان هو كداب ومش عايز يقول الحقيقه فانت لازم تطنش علشان مش تخليه يكدب زياده ولا انت تتعب اعصابك على الفاضى اما تلاقى حد مصمم على فكر معين ومش عايز يغيروا يبقى لازم تطنش وامثله كتيييييييييير ياريت تكونوا فهمتو قصدى واللى عندو امثله تانى يقول علشان اتبخر من دماغى كل حاجه!!!!!!!!!!! ربنا يخليكم ليا يا احلى منتدى واحلى اعضاء فى الدنيا تم تعديل July 27, 2009 بواسطه حياتى من اجل ربى
ali desoky قام بنشر July 27, 2009 قام بنشر July 27, 2009 (تعديل) أختي الغاليه حياتي من اجل ربي تعلمين مدي احترامي لك واحترامي لما تكتبين ولكن اسمحي لي ان اخالفك الرأي.... في موضوع الطناش الايجابي مجرد رؤيتنا لشخص يخطيء يوجب علينا فعل شيء لتغيير هذا الخطأ وهذا ما أمرنا به ديننا الحنيف: عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم لقد بين الحديث أن إنكار المنكر على مراتب ثلاث : التغيير باليد ، والتغيير باللسان ، والتغيير بالقلب ، وهذه المراتب متعلقة بطبيعة هذا المنكر ونوعه ، وطبيعة القائم بالإنكار وشخصه ، فمن المنكرات ما يمكن تغييره مباشرة باليد ، ومن المنكرات ما يعجز المرء عن تغييره بيده دون لسانه ، وثالثة لا يُمكن تغييرها إلا بالقلب فحسب لذا عند سماعنا للكذب لا يمكن ان نسكت او (نطنش) لان هذا يعتبر سلبيه وسكوت علي المنكر لذلدا يعتبر مخالفه لتعاليم ديننا وعند تصميم شخص علي رأي ( اذا كان خطأ) لا يمكن ان نسكت علي هذا الخطأ لانه ايضا مخالفه للدين ترتبط قوة هذه الأمة ارتباطا وثيقا بدعوتها للحق ، وحمايتها للدين ، ومحاربتها للباطل ؛ ذلك أن قيامها بهذا الواجب يحقق لها التمكين في الأرض ، ورفع راية التوحيد ، وتحكيم شرع الله ودينه ، وهذا هو ما يميزها عن غيرها من الأمم ، ويجعل لها من المكانة ما ليس لغيرها ، ولذلك امتدحها الله تعالى في كتابه العزيز حين قال : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } ( آل عمران : 110 ) وإذا ضيعت الأمة هذا الواجب ، وأهملت العمل به ، عمت المنكرات في المجتمعات ، وشاع الفساد فيها ، وعندها تكون الأمة مهددة بنزول العقوبة الإلهية عليها ، واستحقاق الغضب والمقت من الله تعالى إن هذا الواجب هو مسؤولية الجميع ، وكل فرد من هذه الأمة مطالب بأداء هذه المسؤولية على حسب طاقته ، والخير في هذه الأمة كثير ، بيد أننا بحاجة إلى المزيد من الجهود المباركة التي تحفظ للأمة بقاءها وتحول دون تصدع بنيانها ، وتزعزع أركانها اختي الغاليه اسف علي الاطاله ولكن جمال وفائدة موضوعك المعاصر لمشكلاتنا يتطلب الكثير من النقاش الجاد لهذه المشكله تقبلي تحيتي واحترامي تم تعديل July 27, 2009 بواسطه alidesoky
حياتى من اجل ربى قام بنشر July 27, 2009 الكاتب قام بنشر July 27, 2009 جميييييييييييييييل خاااااالص اختلاف الرائى لايفسد للود قضيه انا اصلا وانا بكتب الموضوع ده كنت حاسه انو هيتفهم غلط انا قصدى على موقف معين حصلى هحكيه علشان تفهم قصد واحد زميلتى اما بقولها انتى ليه مش بتتصلى يا بنتى وحشانى وكده قالتلى معلش اصل تليفونى استقبال وهى اصلا لسه متصله بواحده صحبتى امبارح فانا لازم اطنش مش هحقق معاها كل واحد براحتو واحده زميلتى قالتلى ده انا كنت امبارح فى التدريب وهى اصلا كانت قاعده فى البيت فانا لازم اطنش واحد مصمم انى غلط ومش راضى يغير فكرته هاخدها عافيه يعنى فلازم اطنش ده اللى انا كنت اقصده بالطناش الايجابى احترامى وتقديرى لنقاشك جزاك الله خيرا سعيده بردك
ali desoky قام بنشر July 27, 2009 قام بنشر July 27, 2009 (تعديل) انا قصدى على موقف معين حصلى كده انا فهمت الموقف لكن بصراحه صحباتك دول مينفعش معاهم غير انك تطنشي وزي ما قلتي الاختلاف في الراي لا يفسد للود قضيه تقبلي تحيتي تم تعديل July 27, 2009 بواسطه alidesoky
حياتى من اجل ربى قام بنشر July 27, 2009 الكاتب قام بنشر July 27, 2009 (تعديل) تمام شكرا اخى ما انا بطنش شوفت ان التطنيش مفيد احيانا ازاى تم تعديل July 27, 2009 بواسطه حياتى من اجل ربى
اعتز بحجابى قام بنشر July 28, 2009 قام بنشر July 28, 2009 انا كان ممكن اطنش الموضوع بتاعك ده ومش كنت هرد بس لولا انك غاليه عندى بس فعلا احنا لازم نطنش حاجات كتير اوى فى الدنيا علشان نعيش وحاولى انتى كمان تطنشى التدريب بتاعك ده وتيجى تعدى معايا شويه علشان بجد هزعل وهسيحلك على المنتدى
الرّام قام بنشر July 29, 2009 قام بنشر July 29, 2009 (تعديل) موضوعك يا غالية .. فيه اوجه كثيرة جدا و هو موضوع متشعب .. و للتطنيش انواع متنوعة .. و بالتالي نتائج مختلفة .. تتراوح من الايجابي الى السلبي و من السلبي الى الايجابي و انا باش نحاول نبين وجهة النظر متاعي باختصار في نوعين فقط من انواع "التطنيش" **** التطنيش السلبي 100 بالمئة *** و هو التطنيش في الامور الهامة او المصيرية او العامة او المصالح و الي انتم فسرتوه شوية مثال ... مدرس شاف تلميذ مسنود بيغش في الامتحانيقول يا عم وانا مالي طنش مواطن بيخلص ورق في مصلحه حكوميه شاف الموظف بيطلب رشوه من المواطنين قال يا عم طنش وانا مالي شاب يمشي في الشارع شاف شباب ضايع بيعاكس فتاه تسير وحدها قال ياعم طنش وانا مالي وهكذا يتكرر هذا الطناش كثيرا حتي يصل الي الطناش عن مصلحتنا وحقوقنا نائب مجلس الشعب مش بيخدم الدايرة وبينجح بلاش تديلوا صوتك يا عم طنش هتيجي عليا انا.......!!!! هروب من الواقع والمواجهة الي يأدي الى الخراب التام طبعا - كما سبق و وضحتم .. و كلامكم كفى و وفى- ***التطنيش الايجابي *** طبعا موش الي حكت عنه "حياتي" .. لان مثل هذه الحالات احيانا تكون ايجابية و لكن احيانا اخرى اكثر تكون جد سلبية ... لكن انا نقصد في حالة اثنين او اكثر يكونوا عايشين مع بعض .. مثال زوجين تزوجا حديثا او زميلين يسكنان معا (لظروف دراسية) " ما يتعاشروا اثنين .. كان ما يجي الدرك على واحد" يعني في حالات المناقشات او الحوارات او ما شابه .. اذا تمسك كل برايه او موقفه تفاقمت بذلك المشاكل و يمكن تصل الى حد انعدام التواصل و بالتالي انعدام امكانية التعايش معا فالافضل ان يتغاظى احداهما عن الآخر .. يعني يطنش .. او يسمع من الاذن اليمين و يطلع من اليسار .. لتستمر الحياة يعني .. ما يقفش على الوحدة .... انتم شنوّة رايكم ؟؟؟؟؟؟؟؟؟ تم تعديل July 29, 2009 بواسطه الرّام
battot قام بنشر July 29, 2009 قام بنشر July 29, 2009 موضوع جميل جدااااااااااااااااااااا يا حياتى متميزة يا مشمشتى دايما وانا معاكى فى موقف صحبتك انك لازم تطنشى علشان مش تتعبى نفسك ولكن التطنيش السلبى كما قالوا اخوانى الاعزاء هو هروب من الواقع والمواجهه جزاكى الله كل خير يا حياتى على هذا الموضوع الجميل ووفقكى ان شاء الله
تاجى حجابى قام بنشر July 31, 2009 قام بنشر July 31, 2009 طنشى انتى اصلا استاذه طناش ايجابى هههههههههههههه والله يا حياتى انتى نكته بموت فيكى خالص طيب احمدى ربنا يا يمنى انها كانت بتجيلك اصلا انا مش جاتلى ولا مره كل شويه بابا مش بيرضى يالا يا حياتى هسيحلك زى يمنى وابقى اضرب بقى مش مشكله
مي مادي قام بنشر July 31, 2009 قام بنشر July 31, 2009 حبيبة قلبي وحياتي انا عاوزة اقول رايي في الموضوع دة من زمان بس كل مكتب النت يفصل المهم انا شايفة ان مش اي حد بيعرف يطنش لان ربنا بيخلق ناس عندها قدرة على الطناش رهيبه وسبحان الله بيخلق ناس مبتقدرش تطنش خالص ودة ممكن يسببلهم مشاكل كتير يعني مثلا لو شفتي واحد معاكي في العمل وليه ظهر مش بيشتغل خالص عكس ناس بتموت في العمل تيجي انتي متنشيش وتروحي تشتكي للمدير مثلا تاني يوم تتفجأى برفدك من العمل شفتي عدم الطناش ممكن يعمل ايه أسفة على الاطالة شكرا حبيبتي
حياتى من اجل ربى قام بنشر August 2, 2009 الكاتب قام بنشر August 2, 2009 اعتز بحجابى يانهار ابيض كده يا يمنى وانا اقول الناس عرفت منين ماشى يا يويو ومنوره المنتدى بجد الرام جزاك الله خيرا حبيبتى رايك رااااااااااائع اسال الله ان يجعل كل ما تكتبين فى ميزان حسناتك وان يهديك الى كل خير يااااارب ويبلغك رمضان بافضل الطاعات ويتقبل منك بطوط رووووووووح قلبى فعلا منوره الموضوع ووحشاااانى كتيييييييييير شوفتى بقى ((طنش تعيش) جزاك الله خيرا واسال الله ان يحقق لك كل ما تتمنى وان يبلغك رمضان وهو راض عنك ياااااااارب تاجى حجابى شوشو حبيبى ده احنا ظبطنا منوره المنتدى وردك شرفنى جدااا اسال الله ان يجعل كا ما تكتبين فى ميزان حسناتك وان يهديك الى كل خير ويبلغك رمضان ويغفر لك حبيبتى مى مادى يعنى بصراحه بقى لازم تكملى ال500 علشان اتعرف عليكى بجد ربنا يكرمك ويحققلك كل ما تتمنى واسمع عنك كل خير قريب يااااااااااارب وتفرحى المنتدى كله بخبر حلو قريب مش تخافى هنا شباب جدعه جداا وبيفرحوا للناس اووووووى ربنا يخليهوملى
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥