كم يا نفسي احلامك رقيقه

[محب الحبيب 0]

حبيت اقدم موضوع جديد اشارك بيه في المنتدي الجميل ده

 

مش لقيت غير موضوع متواضع من كتابتي المتواضعه جدا ويااااااااااااااااااااارب تعجبكوا

 

نفسي اصرخ نفسي اقول للظلم لا

نفسي ادي كل مظلوم اي حق

نفسي اصرخ والاه تطلع بصوت عالي

نفسي اصرخ في كل وقت ....الصبح بدري وبعد الظهر وفي عز الليالي

وبصرختي اصحي ناس نايمه في العسل نوم

الناس اللي عايشه في العز وعايمه في النعيم عوم

وسايبه ناس مش لاقيه العيش ... يا عيب الشوم

حلمي احس في كل حته بالامان

 

نفسي الناس اللي فوق تحس بالناس اللي تحت

نفسي نرجع زي زمان نحب بعض

فيها ايه لو نحب بعض يا ناس بجد

هو لازم حد فينا يبقي احسن من حد؟

 

حلمي اشوف الحب يملي كل مكان

 

نفسي بقي نحب لاي حد الخير

نفسي نبقي نساعد بعض زي الطير

نفسي نشيل من جوانا اي حقد علي الغير

نفسي نملي كل جامع في اي شارع وكل دير

 

حلمي حقيقي نعرف قيمه الانسان

نفسي نقضي في بلدنا علي الفساد

نفسي نطلع جيل جميل من الولاد

من غير كدب وغش ماشيين علي الحياد

وتبقي روح التعاون بيننا في ازدياد

وتتكتب باروحنا للحب بيننا شهاده ميلاد

وحبنا لبعض يبقي رصيده غير قابل للنفاد

حلمي احس في كل ام بالحنان

نفسي اشوف عالمنا العربي يا ناس واحد

ونقضي علي المستعمر الظالم المفتري الجاحد

نفسي افرح واقول غشاوه عيننا انزاحت

وعطر وحدتنا العربيه خلاص ريحته فاحت

حلمي مشفش اي غريب في المكان

نفسي ونفسي ونفسي وياما نفسي

اصحي يوم الصبح الاقي نفسي

كل اللي نفسي فيه اصبح حقيقه

وكل اللي حلمت بيه يحصل يا ناس في دقيقه

وارجع واقول كم يا نفسي احلامك رقيقه

 

ولكن كل اللي بيحصل مقدر ومكتوب من زمان

[الرّام 173]

هي فعلا احلام رقيقة

 

 

و يااااااا رب .. هالاحلام تصير حقيقة

 

 

 

 

............

 

 

يعطيك الصحّة

 

 

و بارك الله فيك

 

 

و اكيييييييد نستنّوا مثل هذه الكتابات ديما

[تاجى حجابى 0]

جميل خالص

مبدع

جزاك الله خيرا

فعلا كلمات رائعه واحلام رقيقه

تسلم ايدك

[محب الحبيب 0]

الرام

 

 

اختي الغاليه انا سعيد جدا انك اول حد يرد علي موضوعي

 

اللي ازداد بريقا ولمعانا بزيارتك وقرأتك ليه وردك كمان عليه

 

ربنا يسعد كل ايامك ويبعد الحزن عنك انشاء الله

 

جزاكي الله كل الخير

 

 

تاجي حجابي

 

 

مش عارف اقول ايه انتي كلامك بجد كتير عليا اووووووووي وديه حاجه متواضعه جدا بجانب ما يكتبه اخواتي في المنتدي

 

وانا سعيد اوي ان الموضوع عجبك وبجد موضوعي نور بتعليقك

 

ربنا يرزقك ويحقق ليكي كل ما تتمنيه ويرزقك السعاده ويبعد عنك الاحزان

 

جزاكي الله كل الخير

[حياتى من اجل ربى 22]

تحفه تحفه تحفه تحفه

بجد جميييييييييييييييييييله اووووووووووووووى

ايه الكلام الجامد ده

جزاك الله خيرا اخى

مبدع فعلا

ربنا يكرمك يارب يوهديك الى كل ما يحبه ويرضاه

ويبلغك رمضان وهو راض عنك

ويتقبل منك

ويحقق لك كل ما تتمنى

[ali desoky 391]

كلماتك جميله جدا ومعبره

نتمني ان نري الكثير من هذه الموضوعات الجميله

اخي العزيز جزاك الله خيرا

ان شاء الله

تقبل تحيتي واحترامي

تم تعديل August 3, 2009 بواسطه alidesoky

[الجندى المجهول 37]

الله يكرمك والجنه يوعدك

رائعه يارت نشوف حاجات حلوه زى كده كتير

[مسلم وافتخر 0]

هو كله نفسك مفيش واقع

ايه الاحلام ده طول مافيش عدل بشري يبقي مش هتحقق

 

وول ما في عدل ربنا يبقي في امل 150%

[الحياه 20]

حلمي احس في كل حته بالامان

ربنا يكرمك

[mercy 2]

مهما كانت الاحلام

مفيش حلم صعب يتحقق

بالاراضه والعزم وشويه مجهود وصبر اكيد

ان شاء الله كل احلامك الرقيقه دى هتتحقق

 

موضوعك جميل

وربنا يحققلك كل اللى تتمناه

[kanaria 0]