ali desoky قام بنشر July 31, 2009 قام بنشر July 31, 2009 (تعديل) يا خلق فوقوا وصحصحوا المسْؤُولِينْ بيخطَطُوا مِين الْلى قَال دولْ يلْهطُوا دَانّتُوا اللّى غَايْرينْ مِنّهُم وِإنْ جَتُ مُصِيبة بْتِشمتُوا الْفَقْرِ عَشِّشّ عَنّدُهُم والنَّاس حداهُمْ صَوَتُوا هُمَّا اللّى قَالُوا بْنفْسُهُم بُكْرَه تْشوفونا بْنِشْحتُوا مِين اللْى قالْ دُولْ يفْسدُوا وبْيِنُهبوا ويْعربدُوا دَالدَّنْيا مَاشْيه بضهرهَا وانْتُوا اللى قاعدينْ تحسدُوا بِتْقُولوا بِيْهدَّوا الْبُنَا دُولْ عَمَالين بِيْجدّدُوا والْحِيطه مَالتْ عَنْدُهُم عَايْزينْكُوا تيجُوا وتسْندُوا مِين اللْى قَال بَاعُوا الْبَلَد والْبِنْت جاعتْ والُولد قاعْدِين تعِيبُوا وتشْرحوا وتْقُولُوا جَايْبين الْمرضْ يا خَلْق فُوقُوا وُصحْصَحُوا الْجَانى مشْ هُوَّا الهدد هُمَّا الرَجَال اتْكسَحُوا والنَّاس بقوا كِمَالةْ عدد مِين اللْى قَالْ بِيتْنا اتْخَرَبْ والسَّهْم فى البُورصة انضرب وفْلُوسنَا راحتْ كُلّهَا دَا الْهَمٌ صابْ كُلَّ الْعرب واللْى خدعْنا بَدمعتُهْ هُوَّ الْلى زاغ منَّا وْهرب إنْتُوا اللْى صَدَّقْتُوا الْغُنَا وانتُوا الْلى بوظتوا الطّرب بِتْقُولوا إيه اللْى حصَلْ والفْقٌر لبْيُوتْكُم وصل الحلْو مَوْجُودْ عَنْدُكُم بَسِّ انْتوا بتْحبَّوا البْصل قاعْدِينْ تبُصَّوا لبَعْضُكُم بِكْفَاية بهدلْكُوا الْكسل بِتْقُولُوا مَهْضَومْ حَقكُم مَا أنتوا اللى نايمينْ فى العَسَل عَايْزينْ تعيشوا وْتفْرَحُوا وعْيَالكوا يجرُوا وْيمرحُوا خَلِيكُوا صاحيينْ للْبَلَد واسْترجلوا لو تسمحُوا الصَّبْر مَطلُوبْ والْجَلَد أوْعُوا تناموا وَتِسْرحُوا احْمُوا الْبُنيَّهْ والْوَلد وارْمُوا اللْى قاعديِنْ يِردحُوا مِين اللْى قالُ مَصْر انْتَهَتْ والخَلْق فى هْمّومّهَا اتْلهتْ دا القُوَّه ساكْنَة فْ قلْبهَا وأنتوا اللى جبْتُولْها الغلَتْ بِتْحِبُكُمْ طُولْ عَمْرَهَا وجْيُوبْكُوا من خِيرْهَا اتّملَت والنَّاس بخُوفْها وجهْلَهَا هيَّا الْلى ضلِّتْ واتّعمتْ وفْ حُضْن إِبْلِيس اتْرمت منقول تم تعديل July 31, 2009 بواسطه alidesoky
مي مادي قام بنشر July 31, 2009 قام بنشر July 31, 2009 عَايْزينْ تعيشوا وْتفْرَحُوا وعْيَالكوا يجرُوا وْيمرحُواخَلِيكُوا صاحيينْ للْبَلَد واسْترجلوا لو تسمحُوا جميييييييييل جدا الله عليك مشكووووووووووور اخي الغالي الدسوقي الدسوقي
ali desoky قام بنشر August 2, 2009 الكاتب قام بنشر August 2, 2009 جميييييييييل جدا الله عليك مشكووووووووووور اخي الغالي اختي مي شكرا لمرورك الكريم وردك الجميل الذي اسعدني جزاك الله خيرا ان شاء الله تسلم ايدك جميل جدا ميرسى ليك شكرا لمرورك اختي الغاليه جزاك الله خيرا جزيت خيرا شكرا لك اخي الغالي بارك الله فيك
مشرفي الأقسام الجندى المجهول قام بنشر August 2, 2009 مشرفي الأقسام قام بنشر August 2, 2009 ايوه كده هو ده الكلام اللى فى الجون الله يرضى عليك
ali desoky قام بنشر August 12, 2009 الكاتب قام بنشر August 12, 2009 ايوه كده هو ده الكلام اللى فى الجون الله يرضى عليك جزاك الله خيرا اخي الغالي
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥