حياتى من اجل ربى قام بنشر August 8, 2009 قام بنشر August 8, 2009 ااصل كلمه اللى اختشوا ماتوااااااا زمان كنا على طووول نسمع الكلمه دى وحتى الان طبعا لكن انا اول مره اعرف الاصل بتاع الكلمه دى ممكن يكون صح وممكن يكون غلط انا مش عارفه اقولكم كانت زمان الحمامات التركية القديمه تستعمل الحطب والأخشاب والنشارة عشان يسخنوا عليها أرضيه الحمام وتسخين المياه لتمرير البخار من خلال الشقوق . وكانت قباب ومناور معظم الحمامات من الخشب، وحصل ان فى حريق كبير حصل فى حمام النساء ، وعندما حصل الحريق هربت كل إمرأة كاسية أما النسوة اللى مش كاسيه فقد بقين خشية وحياءاً وفضّلوا الموت على الخروج . وعند عودة صاحب الحمام هاله مارأى وسأل البواب هل مات أحد من النساء ؟ فأجابه البواب نعم .... فقال له من مات ؟ أجاب البواب : إللي إختشو ماتو ! أنتوا أيه رأيكم فى حد بيختشى دلوقتى .؟ طيب فى حد ممكن يفضل الموت عن كده أظن الجمله دى تحمل الكثيرررررر والكثير اللى اختشوا ماتوا حد فاهم حاجه.؟
مشرفي الأقسام NADA قام بنشر August 8, 2009 مشرفي الأقسام قام بنشر August 8, 2009 اللى اختشوا ماتوا,, دي كان مدرس التاريخ دايماً يقولها لما يسأل حد ومش يعرف يجاوب الحمد لله وربنا يسترنا فوق الأرض وتحتها إن شاء الله يارب شكراً مورو و روحي ذاكري,, أنا بدعيلك
ali desoky قام بنشر August 8, 2009 قام بنشر August 8, 2009 علي فكره القصه دي انا سمعتها زمان بس بجد مقولة ( اللي اختشوا ماتوا ) استعمالها في ايامنا دي كتير جدا انا حاسس ان الناس كلها اليومين دول لازم تقول اللي اختشوا ماتوا الكلمه دي فكرتني بكلمه سمعتها من واحد سواق من يومين بيقول ( الرجاله ماتوا في الحرب) يعني دلوقتي مفيش ناس بتختشي ولا حتي رجاله ربنا يستر اختي حياتي من اجل ربي جزاك الله خيرا واكرمك الله دائما بالصحه والسعاده
حياتى من اجل ربى قام بنشر August 8, 2009 الكاتب قام بنشر August 8, 2009 ندى نونو حبيبى منوره موضوعى اه الكلمه دى برضو مع المدرسين على طول فعلا جزاك الله خيرا حبيبتى ربنا يتمملك بخير ويحقق لك كل ما تتمنى وربنا يخليكى ليا ياعمرى وحاضر عيونى هروح اذاكر اهو على دسوقى جزاك الله خيرا اخى ربنا يجعل كل ما تكتب فىي ميزان حسناتك فعلا اللى اختشو ماتوا وكلمه الرجاله ماتو فى االحرب دى بسمعها كتير والرجاله انقرضو مع الديناصورات وكده ربنا يسترها احترامى وتقديرى
مشرفي الأقسام الجندى المجهول قام بنشر August 8, 2009 مشرفي الأقسام قام بنشر August 8, 2009 دلوقتى بتتقال كده اللى كانوا بيختشوا ماتوا
مي مادي قام بنشر August 8, 2009 قام بنشر August 8, 2009 انا سمعت الحكاية دي قبل كدة بس فيه تصحيح ، وعندما حصل الحريق هربت كل إمرأة كاسية الي هرب الي متكسفوس انهم عريانين يعني مكنوش كاسيات لكن الي ماتوا الي فضلوا الموت عن ان الناس تسوفهم غير كاسيات وطبعا يا حياتي لكي كل الاحترام
حياتى من اجل ربى قام بنشر August 8, 2009 الكاتب قام بنشر August 8, 2009 تمام هى كده اتظبطت تسلم ايدك يا حبيبتى ربنا يكرمك ويرزقك بالخير ويهديك الى كل ما يحبه وشدى حيلك قربتى على 500 مستنياكى
مي مادي قام بنشر August 8, 2009 قام بنشر August 8, 2009 انا يا حياتي مش بنام عشان بفكر في موضوع ال500 دة ولما بنام برده بحلم بيه نفس اوصل بأة عشان ارتاح
حياتى من اجل ربى قام بنشر August 9, 2009 الكاتب قام بنشر August 9, 2009 جزاك الله خيرا حبيبتى ربنا يوفقك الى كل خير
AMR DAWAM قام بنشر August 11, 2009 قام بنشر August 11, 2009 انا فعلا بحب المقولة دى جدا وكنت عارف التفسير دا وفعلا مقتنع بيها جدا بس يعنى بكمل بان اللى على الدنيا ما عندهمش ......... مش كلهم بس كتير من اللى بقابلهم فى مفترقات الحياة المصرية شكرا ليكى ***************
ABOTASNEEM قام بنشر August 11, 2009 قام بنشر August 11, 2009 والله هو دلوقت مش عارفين نصنف اللى ماشين فى الشارع على أى أساس لأنه الوضع بقى مش حلو خالص ربنا يصلح الحال ويسترنا ديستر نسائنا دنيا وأخرة جزاك الله خيراً كثيراً روح نقاش المنتدى حياتى من أجل ربى
حياتى من اجل ربى قام بنشر August 12, 2009 الكاتب قام بنشر August 12, 2009 عمرو دوام ................. جزاك الله خيرا اخى عمرو نورت موضوعى وتشرفت بردك اسال الله ان يهديك الى الخير كله ويرضى عنك ويحقق لك كل ما تتمنى وبلغك رمضان مغفورا لك باذن الله واسمع عنك كل خير قريب ياااااااااااارب ابو تسنيم فعلا عنك حق اخى وبجد يعنى انا بعتز باللقب اللى انت بتقولولى جداااااااااااا جزاك الله خيرا وربنا يكرمك يحقق لك كل ما تتمنى ويرزقك من حيث لاتحتسب ويبلغك رمضان وهو راض عنك
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥