المسابقه الدينه

[سحر العيون 3]

السلام عليكــم ورحمـة الله وبركاتــة ،،

 

 

 

انهارده هنعمل مسابقه بمناسبه شهر رمضان وكل لما نحل سؤال

 

هحطلكم سؤال تانى

 

بس رجاء من كل الاعضاء ياريت لما يحطو اجابه

 

يكون متاكد منها علشان مرتكبش زنوب

 

وياريت اشوف مشاركات

 

ربنا يوفقنا ونفيد ونستفيد من المعلومات دى

واللى حابب يحط سؤال طبعا يحط بس بعد لما السؤال

اللى قبله يتحل

 

وشكرا ليكم

وانا هحط اول سؤال

معلش انا عارفه انو سؤال صعب

بس علشان تفكرو شويه

 

 

من هم الثلاثه المشار اليهم فى الايه 118 من سوره التوبه

 

بســم الله الـرحمــن الرحيــم

 

118-وَعَلَى الثَّلاَثَةِ الَّذِينَ خُلِّفُواْ حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّواْ أَن لاَّ مَلْجَأَ مِنَ اللّهِ إِلاَّ إِلَيْهِ ثُمَّ تَابَ عَلَيْهِمْ لِيَتُوبُواْ إِنَّ اللّهَ هُوَ التَّوَّابُ الرَّحِيمُ

صدق الله العظيم

 

فى انتظار مشاركاتكم

[ABOTASNEEM 117]

السلام عليكم

كل عام وانتم بخير وجزاكم الله عنا الخير

 

قال تعالى:{ لقد تاب الله على النبي والمهاجرين والأنصار الذين اتبعوه في ساعة العسرة من بعد ما كاد يزيغ قلوب فريق منهم ثم تاب عليهم إنه بهم رءوف رحيم وعلى الثلاثة الذين خلفوا حتى إذا ضاقت عليهم الأرض بما رحبت وضاقت عليهم أنفسهم }

 

والثلاثة هم:

1- كعب بن مالك

2- مرارة بن ربيعة العامري

3-هلال بن أمية الواقفي

 

وقد تم مقاطعة الثلاثة لمدة 55 يوم من قبل كل المسلمين

كما ان زوجات هؤلاء الصحابة تركوا بيوتهم وذهبوا الى بيوت ابيهم بناءا على امر الرسول صلى الله عليه وسلم

الا زوجة هلال بن امية الواقفى ل، لانه كان كبيرا فى السن " فوق السبعبن " فبقيت فى بيته دون ان يعاشرها

حتى اتى امر الله بالتوبة عليهم فى هذه الاية

 

 

والسؤال التالى هو :-

 

ما هو اسم اول ممرضة فى الاسلام ؟

[سحر العيون 3]

رفيده الاسلميه

 

سؤالى هو

 

تزوجها جعفر ومات فتزوجها ابي بكر ومات وتزوجها علي ؟

[ABOTASNEEM 117]

سؤالى هو

 

تزوجها جعفر ومات فتزوجها ابي بكر ومات وتزوجها علي ؟

 

هى الصحابية الجليلة

 

اسماء بنت عميس

 

والسؤال التالى :

 

من هو : الذي بنى المسجد الأقصى المبارك ؟

[سحر العيون 3]

ورد في سنن النسائي (2/34) -بإسناد صحيح قاله الحافظ ابن حجر في فتح الباري (6/408)- ما يدل على أن سليمان بنى المسجد الأقصى، وفي هذا إشكال لأن بين إبراهيم عليه السلام الذي رفع قواعد البيت الحرام وبين سليمان عليه السلام ألف عام.

 

سورة في كتاب الله لا تخلو آية فيها من لفظ الجلالة الله فما هي ؟

[ABOTASNEEM 117]

السورة التى لا تخلو آية فيها من لفظ الجلالة الله فما هي ؟

 

سورة المجادلة

 

والسؤال التالى

 

من الملقب بابو المنذر من الطيور ؟

[فراس فراس 0]

هو طبعاً الديك لأنه بينذرنا فى الفجر

 

وبارده بيسمى ابو يقظان ده طبعاً علشان المفروض انه بيصحينا

 

وبارده بيسمى أبو برائل

 

خدوا بقى السؤال ده منى

 

مين التلاتة اللى أتكلموا فى المهد ومش شرط أسمائهم..؟؟

[ABOTASNEEM 117]

-- سيدنا عيسى بن مريم عليه السلام

 

- بن ماشطة فرعون

 

- طفل قصة سيدنا يوسف مع امرأة العزيز

 

- وايضا هناك الطفل الذى برأ اليهودى العابد

عندما نسبته اليه امراة وادت انه وقع بها

 

-------------------------------------------

والسؤال التالى :

 

- من هو الصحابى الجليل الملقب بشهيد المحراب ؟

[فراس فراس 0]

أخى أبو تسنيم انت متأكد من اجابتك أن أبن ماشطة فرعون كان بيتكلم

 

وأن أساساً فى طفل فى قصة سيدنا يوسف

[سحر العيون 3]

ايه يافراس هيا الاجابه غلط ولا ايه؟؟؟؟؟؟

 

 

سؤالى هو

 

من غُسل الرسول صلى الله عليه وسلم ؟

[فراس فراس 0]

هو والله أعلم أجبة اخويا أبوتسنيم فى جزء منها غلط لأنى اللى انا

 

أعرفه أن اللى تكلموا فى المهد تلاتة وطبعاً على رأسهم سيدنا عيسى ويمكن أحنا كلنا عارفين قصته اللى ملخصها انه لما اتولد الناس اتهموا امه ستنا مريم وقالوا أحنا مكناش نعرف عنك كدة

فأشارة ألى سيدنا عيسى فتعجب الناس وقالوا أنكلم من لازال فى المهد صبيا, فتكلم سيدنا عيسى ,ويبرئ أمه ويبدأ فى رسالته

فسبحان الله هنا نتعلم ونقول سبحان الله أن ربنا لما يقول كن فيكون

وهنا أثبات أن الموضوع مش راجل وست علشان يحصل ذرية

لا ابداً كله بأرادت ربنا

 

وتانى واحد هو فعلاًً الطفل الذى برئ اليهودى العابد

وملخص الحكاية أن فيه عابد يهودى كان بيقيم فى بيت من القش والطين وكان طول يومه بين العبادة والسوق يروح يجيب أكله

وماكنشى عامل باب لبيته كان بيدخل ويخرج بواسطة حبل من شباك من الدور التانى لبيته وده علشان ماحدش يقطع عبادته فالمهم كانت امه بتيجى وهو بيصلى وبتتوسل ليه أن تشوفه فكان بيحتار بين امه وبين الصلاة فالمهم فى الآخر كان بيختار الصلاة

المهم امه لما قعدت تروح وتيجى من كتر مازهقت راحت دعت عليه وقالت اللهم لاتمته حتى يرى بغايا بنوأسرائيل

(البغى:من تأخذ الزنى عملاً لها) يارب ابعدنا عنهم يارب

المهم عدت الايام وواحدة من البغى دولت عجابها الناسك اليهودى

فحاولت توقع بيه وتخليه يزنى بيه بس مافلحتشى

فقررت ان تنتقم منه لأنها عرضت نفسها عليه ومارضاش يعصى الله عز وجل

فزنت براعى غنم وحملت منه ولما سألوها عن الولد ابن مين...؟؟؟

قالتلهم ده ابن الناسك اليهودى

فالناس أتجنت وأستغربت وراحوا على بيت الناسك وهدوه وكانوا عايزين يموتوه

المهم قالهم طيب سبونى أصلى وسابوه وصلى وبعدين حط أيده على بطن الصبى المنسوب اليه وقاله أنا أبوك...؟؟؟

فرد الصبى وقال :لا أنما أبى هو الراعى الذى يقف هناك

فأعتذر اهل القرية من الناسك وأرادوا أن يبنوا له بيتاً من ذهب عوضاً عن الذى سبقه فابى وقال اريده من طين كما كان

 

فسبحان الله خد بالك من دعوة والديك وياترى هما ليك ولا ...عليك..؟

ولو حد فينا أب او ام اوعى يدعى على ولاده ولو حتى بالهزار

 

أما الصبى التالت فده كانت امه شيلاه وقاعدة بيه فمر من قدامها رجلاً على فرس وذو رفعة وهيبة ويوقره الناس وتحترمه

فدعت الام الله وقالت : اللهم أجعله مثله

فرد الصبى وقال: اللهم لا تجعلنى مثله

ثم عدت من امامها نفراً من الناس قاعدين يضربوا فى امرأة ويتهمونها بالسرقة

فدعت الام وقالت :اللهم لا تجعله مثلها

قرد الصبى وقال:اللهم أجعلنى مثلها

 

فأتضح بعد ذلك ان الرجل الكبارة المحترم ده كان راجل ظالم ومفترى ودجته فى الآخرة فى النازل طبعاً عارفين فين

 

أما المرأة فكانت مظلومة متهمة زوراً وعدواناً وكانت صابرة على الظلم ده فكانت درجتها فى الطالع فى الجنة انشاء الله

 

فلا تغرك المناظر والمظاهر واهم حاجة انت عند ربنا أيه مش عند الناس أيه

[فراس فراس 0]

معلشى انا اندمجت فى الموضوع ونسيت المسابقة

 

شهيد المحراب هوسيدنا عمر بن الخطاب

وده بسبب ان ابو لؤلؤة المجوسى قتله فى المحراب وهو يصلى صلاة الصبح

وللعلم كان عمر رضى الله عنه يدعو اللهم إني أسالك شهادة في سبيلك، وموتاً في بلد رسولك

فأستجاب له الله

 

والذين تولوا غسل النبى هم علي بن أبي طالب، والفضل بن العباس، وقُثَم بن العباس، وأسامة بن زيد

 

أما لو اتكلمت عن وفاة الرسول فأنا مش هاخلصكم النهاردة

 

عالعموم سؤالى الجى أسهل

من هو الصحابى الطائر...؟؟

[سحر العيون 3]

انت اندمجت جامد بجد

وانا اندمجت وراك ونسيت ايه الموضوع اللى انا فيه اساسا

وقاعدت اقرا وبعد لما وصلت للاخر كنت بدور على باقى القصه

ومفقتش غير لما انت قلت انك نسيت انك فى المسابقه وقتها بس انا افتكرت اننا فى المسابقه هههههههههه

 

فراس انت هتجننى هههههه

 

على حسب معلوماتى يعنى

والله اعلم

 

جعفر ابن ابى طالب

 

 

سؤالى هو

 

زو النورين؟

[فراس فراس 0]

ذو النورين هو عثمان بن عفان رضى الله عنه

 

وذلك لأنه تزوج من رقية بنت الرسول فتوفت فزوجه الرسول بنته ام كلثوم

وقد ولد بعد الرسول عليه الصلاة والسلام بستة اعوام

وأستشهد وهو يقرئ القرآن

 

وله من المواقف الرائعة الكثير من ابرزها تجهيز جيش العسرة

تخيلوا كدة واحد لما يجهز ويصرف على جيش بحاله لأومش فى اى وقت ده فى وقت كان لسة الزرع ماطلعشى وفى عز الحر لأ ومش رايح يحارب اى حد لا دول كانوا رايحين يحاربوا الروم اللى هما زى امريكا دلوقتى

 

وسؤالى انابقى من هو رفيق الرسول عليه الصلاة والسلام فى الجنة وماحدش يتسرع

[سحر العيون 3]

من هو رفيق الرسول عليه الصلاة والسلام فى الجنة

 

 

اللع اعلم يعنى كافل اليتيم

 

قال رسول الله صلى الله عليه وسلم

انا وكافل اليتيم كهاتين فى الجنه واشار باصبعيه السبابه والوسطى

صدق رسول الله صلى الله عليه وسلم

 

لماتاكدلى الاجابه صح ولا غلط هبقى احط سؤال

تم تعديل September 13, 2007 بواسطه سحر العيون

[فراس فراس 0]

السلام عـــليكم

 

هو بارده عثمان بن عفان رضى الله عنه

 

فقد قال رسول الله صلى الله عليه وسلم

 

لكل نبي رفيق ورفيقي (يعني في الجنة) عثمان" [الترمذي]

 

يارب اوعدنا يارب

[سحر العيون 3]

الله اعلم انا اول مره اعرف المعلومه دى منك يافراس

وانت اللى جاوبت يبقى انت تحط السؤال

وشكرا على المعلومه

جزاك اله خيرا

[فراس فراس 0]

وجزاك الله خيراً يا سحر

 

مــاشى بس أنتم حرين انا اسالتى صعبة

 

من هو الصحابى الذى كان اكثر شبهاًبالرسول صلى الله عليه وسلم

 

ولو عــايزبن مساعدة بس قولوا

 

بس انا كنت عايز قول ليه جعفر بن ابى طالب سمى بالطائر

 

بس تعالوا نشوف الاول هو أيه سبب الغزوة...؟؟؟

بكل أختصار الرسول صلى الله عليه وسلم كان باعد رسول لامير غسان

فقتل الامير السول وكان ده اول رسول يقتل وكان الامير ده حليف للروم فاستعان بهم لقتال المسلمين

 

طبعاً الكلام ده فى غزوة مؤتة والغزوة دى من اصعب الغزوات اللى مرت على المسلمينوكانت فى سنة8 للهجرة ويمكن كانت اول غزوة يعين فيها الرسول صلى الله عليه وسلم ثلاثة لامارة الجيش ودى لأهميتها وصعوبتها

وكان جعفر بن ابى طالب من امراء الجيش وكان هو اللى ماسك لواء الجيش (يعنى العلم)وزمان ماكنشى فى لاسلكى ولا الكلام ده

فكان لما العلم يقع يعنى هزيمة الجيش أو انسحابه

فكان الصحابة رضى الله عنهم حرسين جداً على اللواء

وكان الموقف اللى مش هايتنسى هو موقف جعفر بن ابى طالب

فى الاول ضربه الروم فى أحدى زراعيه فقطعوها فمسك اللواء باليد الاخرى يعنى لو حد فينا مكانه يا تـــــرى هاتعمل أيــــــه....؟

فراح الروم قطعين له الايد التانية

وبارده تجاهل الالم ونسى الدم اللى بينزف منه وكل اللى كان بيفكر فيه هو الدفاع عن الأسلام لحد آخر نفس

فتخيلوا عمل أيه .......؟؟؟

ياترى ساب اللواء يقع منه.....؟؟؟

ولا أيـــه....؟؟؟

لا ده أحاضه بصدره وسنده بعضديه(اللى باقى من اديه)

فأبدل الله يديه بجناحين يطير بهما فى الجنة

ولما شافوا جروحه لاقوه مجروح اكتر من تسعين جرح مابين ضربة سيف وطعنة رمح

وهو بالمناسبة أخو على بن أبى طالب رضى الله عنهما

 

وموئتة دى موجودة لحد دلوقتى فى الكرك بالاردن وفيها قبور الصحابة (زيد بن الحاثة وجعفر بن ابى طالب وعبد الله بن رواحة)

 

المهم بعد ماأستشهد الصحابة الاجلاء

أخذ الراية ثابت بن أرقم بن ثعلبة الأنصاري فقال : يا معشر المسلمين اصطلحوا على رجل منكم ، فقالوا : أنت فقال : ما أنا بفاعل ، فاصطلح الناس على خالد بن الوليد

 

فقال رسول الله صلى الله عليه وسلم

(أخذ الراية زيد فأصيب ، ثم أخذها جعفر فأصيب ، ثم أخذ ابن رواحة فأصيب - وعيناه تذرفان - حتى أخذ الراية سيف من سيوف الله ، حتى فتح الله عليهم ) رواه البخاري

 

وخالد بن الوليد رضى الله عنه ده حكاية لوحده وبجد ده صحابى ذو تفكير فذ وسبحان الله عرف يجمع مابين القوة والعقل ويوازن بينهم

بيقال ان خالد بن الوليد قتل لوحده 7000 جندى من الروم

واتكسر فى أديه حوالى سبع سيوف او اكتر وكل ده بس فى الغزوة دى

تخيلوا بقى كان كام عدد المسلمين فى الغزوة دى......؟؟؟

مش هاتصدقوا ........كان 12000 وتخيلوا كان كام عدد الروم.....؟؟؟؟ بارده مش هاتصدقوا.........كان 100000 وبيقال كمان أن جالهم مدد ب100000 من امير غسان بس الحمد لله قتل الآلاف المألفة من الرومولم يقتل من المسلمين ألا تقريباً 20 واحد

 

طيب خالد بن الوليد عمل أيه...؟؟

جه فى الليل وغير اماكن الجنود اللى كان مكانه فى الجيش فى اليمين جابه فى الشمال واللى كان مكانه فى الشمال جابه فى اليمين واللى قدام وراء واللى وراء قدام

وخلى ناس تبقى وظيفتهم انهما يعملوا غبار فى أخر الجيش

فصبحوا الروم لاقيين وجوه جديدة عليهم وغبار خيل فى آخر الجيش فأعتقدوا ان الرسول صلى الله عليه وسلم ارسل مدد

فقالوا أذا كنا مش عارفين نعمل حاجة مع ال13000 هانعمل ايه مع المدد اللى جى..؟؟

فقعد خالد بن الوليد يهجم عليهم ويرجع ثم يهجم ويرجع فافتكر الروم ان خالد بن الوليد بيسحبهم لفخ فخافوا وتركوا المسلمين

فلم ينتصر ؟أياً من الفريقين

 

بس طبعاً المعركة دى خلت كل العالم يعمل حساب للمسلمين

 

أرجو انى ماكنتش طولت عليكم

[فراس فراس 0]

أيه ياجماعة السؤال مش صعب كدة على العموم هو هو نفس الصحابى

 

اللى كان أول سفير فى الأسلام

 

وبسبب شبهه الكبير بالرسول عليه الصلاة والسلام لما أتقتل فى غزوة أحد طلعت أشاعة ان الرسول عليه الصلاة والسلام قتل

وهو هو نفس الصحابى اللى كان قبل الاسلام لما يمشى من شارع وييجى ناس فى اليوم التالى فى نفس الشارع يعرفوا انه عدى من الشارع ده , وده بسبب كتر العطور الفاخرة اللى كان بيحطها

 

يالا بقى دى بقت سهلة خالص

[ABOTASNEEM 117]

سيدنا مصعب بن عمير

 

بس انت متاكد .. انو واحد من الذين يشبهون سيدنا محمد

لانه فى كذا واحد يشبهوا الرسول صلى الله عليو وسلم

ومنهم سيدنا جعفر الطائر - رضى الله عنه - كان يشبهه

 

-------------

 

على فكرة اللى اتكلموا فى المهد عددهم سبعة ( 7 )

وده على حد علمى

 

وفعلا بن ماشطة فرعون واحد منهم

وكمان فى قصة سيدنا يوسف واحد

 

والله اعلم

 

----------------------------

والسؤال التالى

 

من هو الملقب بالأسد فى براثنه ؟

[فراس فراس 0]

أول حاجة اخى انا جبت لك القصة اللى بتاكد كلامى بالنسبة لمصعب بن عمير رضى الله عنه

 

اما اللى اتكلمه فى المهد انا متاكد من الثلاتة اللى انا قلتهم وجبت الدليل على كلامى وياريت ياأخى تجيب القصة بتاعت أبن ماشطة فرعون واللى فى قصة سيدنا يوسف عشان نستفاد منها

 

أما الأجابة على سؤالك

فهو سعد بن ابى وقاص رضى الله عنه خال الرسول صلى الله عليه وسلم

 

واللى حياته كلها عبر تستفاد منها

 

فاول ما اسلم حاربه اهله على اسلامه وعلى راسهم امه

 

ختى انها اضربت عن الطعام وكادت ان تموت ألا انه لم يرجع عن الاسلام وقال لها :تعلمين والله يا أمّه.. لو كانت لك مائة نفس، فخرجت نفسا نفسا ما تركت ديني هذا لشيء..

فكلي ان شئت أو لا تأكلي

 

وهو اللى استفداه الرسول صلى الله عليه وسلم بابيه وامه

 

وكان مجاب الدعوة ولايخطئ سهمه

 

واللى قال عليه الكلمة دى هو عبدالرحمن بن عوف

 

وده لما ارادوا ان يبعثوا بأحد يسيطر على الوضع فى العراق ويطرد الفرس

 

وطلب اقوى الامثال فى معركة القادسية حيث هزم الفرس وهم المائة الف والمسلمين كانوا فقط 30000

 

وبعدها بسنتين فى معركة المدائن لما راحوا يعدوا نهر دجلة

بيقال انهم عدوا على النهر كانهم ماشيين على الارض سبحنك ربى

وفى المعركة دى لم يفقدوا حتى لجم فرس وكان النصر والحمد لله

 

ولما مات كفن بثوبه الذى حارب به وهو فى بدر

 

رضى الله عنه

 

سؤالى : من هى زوجت نبى وبنت نبى وعمها نبى

[سحر العيون 3]

الاجابه هى

 

 

 

صفية بنت حيي بن أخطب رضي الله عنها

 

سؤالى هو

 

من هى أول مرضعة للرسول صلى الله عليه و سلم ؟

[فراس فراس 0]

ليه ياجماعة مش بتشاركوا معانا

فيها ايه لما تبحث وتسأل لو مش عارف ,الموضوع بسيط يعنى

 

ثويبة هي جارية أبي لهب، أعتقها حين بشّرته بولادة محمد بن عبد الله – عليه الصلاة والسلام ، وقد أسلمت وكل أمهاته صلى الله عليه وسلم أسلمن

 

كانت ثويبة أول من أرضعت النبي صلى الله عليه وسلم – بعد أمه، وأرضعت ثويبة مع رسول اللّه عليه الصلاة والسلام ـ بلبن ابنها مسروح- أيضاً حمزة عمّ رسول اللّه، وأبا سلمة بن عبد الأسد المخزومي

 

وقيل: انه رؤى أبو لهب بعد موته في النوم فقيل له: ما حالك؟ فقال: في النار، إلا أنه يخفّف عني كل أسبوع يوماً واحداً وأمص من بين إصبعيَّ هاتين ماء ـ وأشار برأس إصبعه ـ وان ذلك اليوم هو يوم إعتاقي ثويبة عندما بشّرتني بولادة النبي عليه الصلاة والسلام ، بإرضاعها له.

 

وكان إرضاعها للرسول أياما قلائل قبل أن تقدم حليمة السعدية ، وفي روايات تقول : إن ثويبة أرضعته أربعة أشهر فقط، ثم راح جده يبحث عن المرضعات ويجد في إرساله إلى البادية ، ليتربى في أحضانها فينشأ فصيح اللسان ، قوي المراس، بعيداً عن الامراض والاوبئة إذ البادية كانت معروفة بطيب الهواء وقلة الرطوبة وعذوبة الماء وسلامة اللغة، وكانت مراضع بني سعد من المشهورات بهذا الأمر بين العرب، حيث كانت نساء هذهِ القبيلة التي تسكن حوالي (مكة) ونواحي الحرم يأتين مكة في كل عام في موسم خاص يلتمسن الرضعاء ويذهبنَ بهم إلى بلادهنّ حتى تتم الرضاعة .

 

 

ظل رسول الله يكرم أمه من الرضاعة ثويبة ، ويبعث لها بكسوة وبحلة حتى ماتت .

 

 

توفيت ثويبة في السنة السابعة للهجرة ، بعد فتح خيبر ، ومات ابنها مسروح قبلها .

 

وبالنسبة لصفية بنت حيي بن أخطب رضي الله عنها

فهى ام من امهات المؤمنين

فقد كانت زوجت النبى صلى الله عليه وسلم وينتهى نسبها الى موسى وهارون عليهما السلام

وترجع رواية انها زوجة نبى وبنت نبى وعمها نبى

هو ان بعض زوجات النبى كان يغيرون منها لشدة جمالها

فكانوا يضايقونها بانها بنت بهودى ,حيث أن حيي بن أخطب سيد يهود بنى النضير

وأخبرت رسول الله فقال لها: قولي لهما: " إنك لابنة نبي وعمك لنبي وإنك لتحت نبي ففيم تفخر عليك"

 

وعند موت النبى عليه الصلاة والسلام

اجتمعت زوجات النبي عنده وقت مرضه الذي توفي به، فقالت صفية أتمنى أن يحل بي ما ألم بك. فغمزتها زوجات النبي، فرد عليهن والله إنها لصادقة.

 

 

وبعد وفاته صلى الله عليه وسلم افتقدت الحماية و الأمن، فظل الناس يعيرونها بأصلها.

 

وفي عهد عمر بن الخطاب – رضي الله عنه- ، جاءته جارية لصفية تخبره بأن صفية تحب السبت وتصل اليهود، فلما استخبر صفية عن ذلك، فأجابت قائلة" فأما السبت لم أحبه بعد أن أبدلني الله به بيوم الجمعة، وأما اليهود فإني أصل رحمي". وسألت الجارية عن سبب فعلتها فقالت: الشيطان. فأعتقتها صفية.

 

توفيت في المدينة، في عهد الخلفية معاوية، سنة 50 هجرياً. و دفنت بالبقيع مع أمهات المؤمنين، رضي الله عنهن جمعياً.

 

رحمها الله وأسكنها فسيح جناته

 

وسؤالى:

من اول من بايع ليلة العقبة الاولى

[فراس فراس 0]

أيه ياجماعة ماحدش عارف

 

طيب نعطيلكم اختيارات

 

البراء بن معرور

 

البراء بن مالك

 

البراء بن عازب

[سحر العيون 3]

مالك بن التيهان بن مالك بن عبيد بن عمرو بن عبد الأعلم بن زعوراء بن جشم بن الحارث بن الخزرج بن عمرو- وهو النبيت- بن مالك بن الأوس الأنصاري الأوسي

 

البراء بن معرور

 

 

سؤالى

سورة الفاتحة لماذا سميت بفاتحة الكتاب رغم أنها ليست أول ما نزل من القرآن ؟