نصائح لطالب جامعي مستجد

[ali desoky 391]

نصائح لطالب جامعي مستجد

الجزء الثاني

11 صاحب الشاطر دايما... حتى تأخذ منه المحاضرات

وهذه أفضل نصيحة يمكن أن تحصل عليها إذا كنت من المطنشين، فالمطنش فى اللغة: هو الطالب الذى لا يحضر المحاضرات، ولا يؤجل عمل اليوم إلى الغد ولكن إلى آخر السنة، وفى هذه الحالة ستحتاج إلى الملخصات والمراجعات والمحاضرات، فإذا كنت مصاحب واحد من الدحيحة فستحصل على كل هذا بسهولة، وإلا فطريقك مسدود مسدود يا ولدى.

وأيا كانت شخصية هذا الدحيح صاحبه وتحمله حتى تحصل ما تريد، فأنت تحتاج إلى شطارته فقط، ولا علاقة لك بصفاته الأخرى

12 سَتِّف أولوياتك

بمعنى: هل أنت رايح الجامعة عشان تفك من خنقة أبوك وأمك، وخرجت إمتى ورجعت إمتى، وقاعد مع مين وخرجت مع مين، ولا رايح الجامعة عشان تقولهم أنا كبرت ولا عشان تتعلم، أنا شخصيا أعرف 7 كانوا رايحين عشان يتعلموا وبعدين غيروا رأيهم، حدد أولوياتك، بس فكر كويس بعد الأربع سنين بتوع الجامعة ما يخلصوا دنيتك هتمشى إزاى

.

13 سيب مسافة عشان ترجع بضهرك

أول ما تدخل الجامعة اتعامل مع نفسك باعتبارك عربية على الزيرو، لأن اللى جايب عربية جديدة بيبقى خايف عليها لحسن تتعفر أو تتوسخ أو تمشى فى مطبات أو لا قدر الله تتخدش ولا تعمل حادثة، خليك كده بالظبط، امشى واحدة واحدة، وخلى عينيك فى وسط راسك، إوعى تخبط فى حد، ولا تخلى حد يخبط فيك لما تلاقى نفسك فى موقف ملوش حل غير إنك تعترف بغلطك اعترف واعتذر ومتمشيش عكس الاتجاه، خليك دايما رابط حزام الأمان على تصرفاتك، لأنك فى لحظة ممكن تلاقى عجلة القيادة فلتت من إيدك، وأخيرا لو جيت ركنت فى أى مكان أو مع أى حد، سيب مسافة كافية لأنك ترجع بضهرك وتمشى، بدل ما تتفاجئ إنك اتزنقت ومش عارف تفلفص

.

14 ابدأ من حيث انتهى الآخرون

شوف الجماعة الآخرين دول عملوا إيه، واتعلم من أخطائهم، إيه اللى يخليك تقع فى مشكلة لسه واحد واقع فيها قدامك، وإيه اللى يخليك تعتقد إنك الواد الجامد اللى هينجز كل اللى ما اتنجزش، هتلاقى أسر واتحاد طلاب رسمى واتحاد طلاب موازى وهتلاقى حزب وطنى وإخوان مسلمين وجماعات إسلامية ومش بعيد تلاقى عيال من بتوع عبدة الشيطان وأشباههم رجعوا تانى، اقف بعيد وراقب كويس، وحدد اتجاهاتك، وقبل ما تتورط فى حاجة، شوف كل اللى دخلوا فى الحاجات دى خرجوا عاملين إزاى، واتأكد إنك غالبا مش هتختلف عنهم كتير

.

15 الرابعة: كلنا ولاد «جامعة» وبنِسعى

عارف الحكاية اللى كانوا بيقولوهالنا زمان بتاعت كلنا ولاد تسعة وبنسعى، فى الجامعة نفس النظام، بتاع اقتصاد وعلوم سياسية زى بتاع دار علوم، ابن الوزير زى ابن الوز، لأن اللى مش هيبقى عوام هو اللى خسران، وهى دى فرصتك عشان تبقى متميز وزى ما كلنا شفنا فى الفيلم إزاى على ابن عم عبدالواحد دخل الكلية الحربية، إنت كمان ممكن تتفوق وتتجوز إنجى وحتى لو ما اتجوزتهاش، كفاية قوى إنهم هيعملولك فيلم عربى

.

16 متصدقش الجامعة بتاعت التليفزيون والسينما

اللى هى نضيفة وجميلة، والبطل عنده 40 سنة ولسه فى سنة أولى والبطلة عندها 45 سنة وزميلته، وشوف بقى لو جابوا محاضرة من جوه تلاقى الكومبارسات، والكومبرسة باينة على وشوشهم، بالذمة دى شكل جامعة ولا دول شكل طلبة، ولا دى مناظر دكاترة، انسى كل ده وإنت رايح عشان ما تتفاجئش

.

17 ابتعد عن المناطق المظلمة.. ما تشبهش نفسك

ابتعد عن كل الشبهات

 

صداقه مع جماعات متطرفه . صداقات غير بريئه بالجنس الاخر وهكذا

 

ركز احسنلك في دراستك

 

.

18 اضحك الصورة تطلع ديجيتال

هذه المرحلة باختصار هى أفضل مرحلة فى حياتك، ستعرف هذا بمجرد أن تخرج منها فاحرص على اقتناء أكبر قدر من الصور حتى تشاهدها عندما تكبر وتتجوز وتخلف وينبت لك كرش عظيم وصلعة شاسعة مترامية الأطراف، حينها ستجلس أمام الصور وتقسم لأولادك إنك هذا الولد الروش الذى فى الصورة، وبالطبع لن يصدقوك وسيقولون لبعضهم بصوت ستسمعه: «ده هيهجص علينا

 

 

19 فضّل أن تكون طالبا على أن تكون خريجا

حين تتخرج أيا كانت شهادتك، ستحصل غالبا على أكثر من وظيفة مرموقة مر بها معظم من سبقوك، وهى وظيفة: «جالس على المقهى»، لهذا فأنت فى الجامعة فى أفضل حال، شاب نضيف لطيف، تأخذ مصروفك من أبيك، ، ولا يطالبك أحد بشىء، وينظر إليك المجتمع نظرة إعجاب وإكبار، إيه بقى اللى يخليك تسيب النعمة دى مقابل لا شىء، إيه اللى يخليك تبيع ما تدرى بما لا تعلم، امسك فى الجامعة بإيديك وسنانك،.

 

طبعا هتسمع الكلام ده كتير اوعي تصدقه او تعمل بيه

 

شد حيلك ومحدش عارف ايه نصيبه.

 

20 والأخيرة ومسك الختام: إوعى تعمل بأى واحدة من الـ19 نصيحة اللى فاتوا

هذه النصيحة هى الوحيدة التى لابد منها، لأن أثقل شىء على النفس البشرية هى النصيحة، وهذا ما أدركه الأولون، وتحكى الكتب العتيقة ذات الأوراق الصفراء، أن النصيحة تم اختراعها أصلا حتى يخالفها الناس، وإلا لما وصلت الإنسانية لما هى عليه الآن، عموما خض تجربتك بنفسك، و«خض» هنا ليس معناها أن تقول لها: «بخ»، ولكن عيش واتكعبل وقوم واتعلم، مفيش حاجة الواحد بيتعلمها ببلاش، ومفيش حاجة تيجى كده، لازم تغلط عشان تعرف فين الغلط ومتعملوش تاني

 

[حياتى من اجل ربى 22]

11 صاحب الشاطر دايما... حتى تأخذ منه المحاضرات

 

 

 

 

19 فضّل أن تكون طالبا على أن تكون خريجا

 

 

 

 

 

لو هيصاحب الشاطر يبقى كده هيكون من غير اصحاب

 

 

 

 

جامده جداااااااااااااا جدااااااااااا النصيحه التانيه دى

فعلا والله الجامعه عندنا كلها بتقولها

علشان كده زعلانه خالص انى فضيلى سنه واتخرج

ربنا يستر بقى

 

جزاك الله خيرا اخى على النصائح الجميله

وربنا يكرمك ويرزقك من حيث لا تحتسب

ويهديك الى كل ما يحب

ويحقق لك كل ما تتمنى

ويبلغك رمضان وهو راضى عنك

يااااااااااااااااارب

[ali desoky 391]

اختي ( حياتي من اجل ربي)

 

شكرا علي ردك الكريم

 

وربنا يكرمك وتخلصي دراستك علي خير ان شاء الله

 

جزاك الله خيرا