الدرس الثامن " النهاية " .... " كلمـــ للجميــــــع ـــــة "

[Dr.A7MD 130]

دورة " التألق والإبداع فى عالم المنتديات "

 

الدرس الثامن " النهاية "

 

 

كلمـــــــ للجميــــــــــــــــــــــع ـــــــة

 

 

كل اللى شرحناه ده كوم .... واللى هيتقال ده كوم تانى

 

فى شوية أسس أو نصائح بمعنى أدق .... لازم ناخد بالنا منها اوى

 

بسم الله نبدأ

 

عشان تبدأ موضوع كويس عليك بأول حاجة بالبسلمة وتحية الإسلام وبلاش تدخل مرة واحدة كدا فى الموضوع

 

متفرحش اوى لما تنقل موضوعات والردود على موضوعك بالكوم ... خلى فى عمق إحساس عندك أن الحاجة اللى بتكتبها بأسلوبك بعد لما تأخد فكرة عامة عن اللى بتنقله أفضل ألف ألف ألف مرة من أنك تاخد الحكاية نسخ ولصق زى اللى بيحصل دايماً

 

بعد لما تكتب موضوعك وقبل ما تضغط زى إضافة موضوع جديد .... فى حاجة جنبها اسمها إستعراض المشاركة .... بضغطة بس بسيطة هتشوف شكل موضوعك قبل ما يخرج لجمهور الأعضاء .... هتلاقى أكواد ظاهرة فى وسط الموضوع دليل على عدم تنسيق الموضوع بشكل كافى .... أو أنك بتدخل تنسيق النصوص مع تنسيق الصور كله مع بعضه ... وبعد لما تشوف كدا يا اما هتحاول تعدل موضوعك وتشوف الغلط فين ..... أو أنك تطنش وتقول " كله زى بعضه " ... وهنا بقى هتضح حقيقة الإخلاص

 

عضو بـ 1000 مشاركة .... عضو بـ 2000 مشاركة ..... لا ده لازم نرد عليه فى أى حاجة يكتبها حتى ولو كان موضوعه سطرين ...... ويجى واحد غلبان عضو جديد يتوه فى وسط الزحام ده كله ... ده اللى بنسميه " شللية المنتديات " .... ودى الآفة اللى بتضيع أى منتدى

 

حاول تقرى كل كلام الموضوع اللى بترد عليه ولو فى لينكات أتاكد منها ..... لأن ممكن تبقى كلمة فى موضوع فى غير محلها يلقطها الأصغر منك ويعتب على ردك وشكلك يبقى وحش ... فحاول دايماً كل ردودك تبقى عن دراية كافية بالموضوع ... وإلا فالسكوت أفضل

 

عشان تحقق التميز فى حاجة لازم تبدأ السلم من أوله .. هتقوم وتقع كتير بس عضمك هيشد ... وعشان كدا مفيش حد بيوصل للإحتراف إلا بالإخلاص ... وعشان تخلص فى العمل اللى بتعمله لازم يكون عندك معادلة من أربع حاجات :- التعلم والصبر والتواضع والإبداع

 

مفيش حاجة اسمها اتعلم الإبداع .... فى حاجة اسمها اتعلم الأساسيات .... أتعلم إزاى أبنى ... وبعدين أكبر أنا مع نفسى

 

المنتديات الأجنبية تهتم بالمضمون أكثر من المظهر ... عمرنا ما شفنا منتدى أو موقع أجنبى بيجرى ورا استايلات كل شهر أو اعلانات أو ... إلخ إلخ ألخ ..... دايماً المضمون هو الفيصل ..... فخلى دايماً شعارك هو البساطة والرقى

 

خليك صادق فى كلامك .... مختصر فى كلماتك .... محبوب من الجميع .... تعمل فى صمت ... لا تنجر إلى التفاهات ... صدوق فى وعودك .... سامى بأخلاقك .... مترفع عن الصغائر .... قوى فى قرارتك .... طالب للعلم فى كل وقت وحين ... بكل هذا يحترمك الأخرين

 

هذه نقاط استشعرتها فى قلبى قبل عقلى .... وأوصلتها إليكم لتكون خاتمة لهذه الدورة لأنها حق علينا أن تقال لأنها صلب التعامل فى جميع المواقع والمنتديات

 

تم تعديل December 29, 2009 بواسطه Dr.A7md

[عاشق الصداقه 525]

جزاك الله كل الخير حبيبى وأعزك وأكرمك وجعل هذه الدورة وهذه الكلمات فى ميزان حسناتك

طلب بسيط - أعتبره تكملة للدورة لنعطيها حقها ،، من فضلك قم بتصميم بنر للدورة حتى نضعه أعلى المنتدى بمقاس 490X100

أمتعنا بمزيد من التألق فى المنتدى - وجزاك الله عنا كل الخير

[Dr.A7MD 130]

الله يخليك ويبارك فيك يا أحمد

 

بس معلش والله اعذرنى أخى الحبيب

 

أنا لست محترف لا للفوتوشوب ولا الفلاش

 

والتصاميم التى يمن الله بها عليا لا ترقى بأى حال من الأحوال لتوضع فى واجهة المنتدى

 

ارتضيت لنفسى وضع تصاميمى داخل المنتدى .... لكن فى الواجهة الرئيسية فلا

 

اعذرنى أخى ...... البرامج التى استعملها لا ترقى لهذا المستوى الذى تطلبه

 

بوركت أخى الكريم وبورك مسعاك

 

تحياتى ليك

تم تعديل August 13, 2009 بواسطه Dr.A7md

[YouTh~TiGeR 4]

عشان تحقق التميز فى حاجة لازم تبدأ السلم من أوله .. هتقوم وتقع كتير بس عضمك هيشد ... وعشان كدا مفيش حد بيوصل للإحتراف إلا بالإخلاص ... وعشان تخلص فى العمل اللى بتعمله لازم يكون عندك معادلة من أربع حاجات :- التعلم والصبر والتواضع والإبداع

 

ما شاء الله

كلمات تضم خبرة أعوام فى مجال المنتديات

 

بجد ما شاء الله عليك

مبدع بمعنى الكملة

وليست برد يضع فى أى موضوع

 

مبدع وبقلم ذهبى يفيض علينا بعلم غزير وقلب منير

حماك الله يا إبن النيل ^.^ حبة قافية بقى

[ali desoky 391]

أخي المبدع دائما دكتور احمد

 

كما هي جميله ورائعه ومفيده هذه الدوره

 

كما هي اكثر من رائعه كلماتك التي جعلتها مسك الختام

 

جزاك الله خيرا

 

ان شاء الله