الشيطان فكر يتوب

[فراس فراس 0]

أنا كان السؤال ده ساعات بييجى فى دماغى وماكنتش عارف له اجابة

 

لحد مالقيت له الأجابة لما سمعت الرواية دى

 

فقد روي ان موسى عليه السلام لقيه ابليس فقال له: يا موسى انت الذي اصطفاك الله برسالته، وكلمك تكليما وانا خلق من خلق الله أذنبت واريد ان اتوب فاشفع لي عند ربي ان يتوب علي، فقال موسى نعم. فلما صعد موسى الجبل وكلم ربه عز وجل واراد النزول قال له ربه: اد الامانة، فقال موسى: يارب عبدك ابليس يريد ان تتوب عليه، فأوحى الله تعالى الى موسى: يا موسى قد قضيت حاجتك مره ان يسجد لقبر آدم حتى يتاب عليه فلقي موسى ابليس فقال له: قد قضيت حاجتك: امرت ان تسجد لقبر آدم حتى يتاب عليك: فغضب واستكبر وقال: لم أسجد له حيا اسجد له ميتا.

 

 

ثم قال له: يا موسى: ان لك علي حقا بما شفعت لي الى ربك فاذكرني عند ثلاث لا اهكلك فيهن: اذكرني حين تغضب فان روحي في قلبك وعيني في عينك. واجرى منك مجرى الدم؟ اذكرني اذا غضبت فانه اذا غضب الانسان نفخت في انفه فما يدري ما يصنع، واذكرني حين تلقى الزحف، فاني آتى ابن آدم حين يلقى الزحف فاذكره زوجته وولده واهله حتى يولى، واياك ان تجلس الى امرأة ليس معها محرم فاني رسولها اليك ورسولك اليها، فلا ازال حتى افتنك بها وافتنها بك

 

يعنى خلاصة الرواية أن الشيطان فعلاً فكر يتوب وقال لموسى رضى الله عنه مش أنت بتقول ان ربنا بيغفر طيب مابيغفرليش ليه..؟؟

فاستغرب موسى الأمر وعرضه على الله فقال له الله أن الشيطان لو عايز يتوب فيقوله ان قبر آدم هو عارف مكانه

ولو عايز يتوب يسجدللقبر

 

فراح موسى رضى الله عنه وقال للشيطان

فرد عليه الشيطان :يعنى انا ماسجدتلهوش وهو حى هاسجد له وهو ميت

 

وبعدين قاله مادام انت طلعت راجل معاية وعرضت موضوعى على ربنا فانا هاطلع راجل معاك

وهاقل لك المداخل اللى بدخل منها وبضحك على الناس فيها

واول حاجة ماتغضبشى لانك لما بتغضب بانفخ فى مناخيرك ومخلاكشى عارف انت بتعمل ايه

وده يفسر سؤال الواحد لنفسه ويقول أزاى انا عملت كدة..؟؟

وساعة الزحف بفكرك بولادك واهلك علشان تسيب الجيش وانتم طبعاً عارفين عقاب المدبر عن الزحفوأوعى تقعد مع ست لوحدكم لانى انا بقبى التالت بتاعكم وشغلتى بقى انى أخليك تعجب بيها وخليها تعجب بيك وبعدين يحصل اللى يحصل

 

اهو ياجماعة الشيطان قلنا على سره فهاتعملوا أيه......؟؟

[ABOTASNEEM 116]

والله انت بجد خطيير

 

ربنا يكرمك ويجازيك خير

[فراس فراس 0]

الله يخليك يانسمة المنتدى

 

ويبارك ليك ويجازيك خير

[ABOTASNEEM 116]

الله يخليك يانسمة المنتدى

 

اشكرك حبيبى على هذه الكلمة الرقراقة

واتمنى ان اكون حقا كذلك

واسأل الله ان يستخدمنا لنصرة دينه .. ولا يستبدلنا

 

ملحوظة :

 

كلمة الرقراقة مأخوذة عن الشيخ محمد حسان

جزاه الله عنا خير الجزاء وجمعنا واياه رفقاء للحبيب المصطفى فى الفردوس الاعلى

[عاشق الصداقه 525]

انا قريت الموضوع من بدرى جداً .. بس معرفش ازاى مرديتش عليه

 

الموضوع أكتر من ممتاز بجد .. ربنا يجازيك عنا كل الخير

 

والله مفتقدينك حبيبى فراس ومفتقدين موضوعاتك ومشاركاتك الجميله

 

 

لكن سبحان الله .. الشيطان فكر يتوب فعلاً .. وإحنا فينا ناس كتير مفكرتش !!!!!!!

 

ده مش عارف أسميه إيه

 

اللهم إرحمنا برحمتك

[«۞۩ أبو سليمان ۩۞» 179]

شكرا حبيبي فراس علي الموضوع الر ائع ده

و الله مفتقدينك جامد و منتظرين رجوعك

 

شكرا اخي احمد علي الرد علي الموضوع عشان يظهر لينا تاني