(اضحكوا يا مصريين)

[ali desoky 391]

اصدقائي ازيكم وكل سنة وانتوا طيبين

 

مع برنامجكم

 

(اضحكوا يا مصريين)

 

هكون معاكم انا علي دسوقي

مقدم البرنامج

 

وضيوف برنامج اللية

 

الحج محمود ابو مسعود الصعيدي (انا)

الحج كمال ابو حنان الفلاح (انا)

مسئول كبير في الحكومة (انا)

واحد اجنبي من برة(انا)

واحد مسطول مش فارقة معاة(انا)

 

 

ونبدأ حلقتنا النهاردة

 

والنهاردة هنتكلم عن رغيف العيش

 

 

 

والله شكله مش رغيف خاااالص

 

روحنا لعم الفلاح وبنسألة

لية كدة

 

مش يمكن العيب من القمح

 

رد وقال

 

اهيييييييية لا لموغزية يا بييية

العيب مش من القمح

العيب من اللفران

ااااة اصلهم

بيزودوا النار

ووووواني مالي يعني

 

طيب خلاص اسكت انت صدعتني

 

 

وانت يا حج محمود اية السبب

 

بص ياعلي انا عندي وتهدة نفر في الموضوع دة

 

العيب من اية

 

من العربيات الي عم تنجل الجمح من الفلاحين لعند الفرن

 

ويعدين في حادة مش فهمها بجي

 

اية الفرج بين الفرن الجالي والفرن اللبلدي

 

يمكن الفرن في النار

 

في النار اسكت اسكت

 

وانت يا عم المسطول

 

انت بتكلمني انا ؟؟؟؟ طبعا امال باكلم مين؟؟؟

 

 

والله مكنت اعرف

 

 

 

اتكلم يا عم اية وجة نظرك

 

لا انا معنديش وجهة نظر

 

يا سلام لية بقي؟؟؟

 

اصل نظري ضعيف

 

يلهوي

هموت مشلول وربنا

 

 

سيدي المسئول

لية رغيف العيش كدة؟؟؟

 

طبعا راح واخد نفس من السيجار وقال

 

مالة رغيف العيش

 

مهو زي الفل اهوة

 

تعرف انا اول امبارح كنت معدي من قدام فرن ونزلت

جبت باتنين جنية عيش

وقعدت انا والواد حمادة ابني الصغير

محكتلكش علية

حمادة دة بقي عفريت عفريت

المهم كنا قاعدين

ومستنين الاكل

وانا اخد رغيف حاف وحمادة ياخد رغيف حاف

من حلاوة العيش اتأكل قبل ما الاكل يتعمل

وبتقولي رغيف العيش

 

ربنا يجعلك زخرا لمصر

 

الوافد الاجنبي اية رائيك؟؟

 

بص يا خبيبي الموضوخ دة

الشغب المصخي هوة السبب فية

اخنا عرضنا عليكم انننا نرسل ليكموا

العيش ويكون بأجود الانواع وانتم رفضتم

 

 

وطيب والحل اية يا عم ابو حنان؟؟

والله يا علي افندي

انا لساني ادلدل

من كتر متكلمت في الموضوع دية

وانا مش شايف حاجة لاني اعمي

 

ربنا يباركلك

 

وانت يا حج محمود

 

الكويرة في ملعبي

اتكلم انا بجي

 

بص يا سيدي

 

وان كان حبابك عسل

سدة واستريح

 

هتجولي نعمل اية

 

اني في مرة كنت نازل علي مصر وشفت اللفران زحمة

يبجي العيب من اية

من الشعب

 

مهم لو معملوش زحمة

يبجي الفرانين هيعملوا عيش حلو مهم برحتهم بجي

 

طيب نقطني بسكاتك

 

لية وانا بجي فية حنفية

 

يا سيدي علي زرافتك

 

لع انا معنديش زرافه انا عندي فيل

 

اة فيل

 

مش عارف الفيل

 

لا واللة معرفوش

 

امال بتشرب لبن منين

 

مش من الفيل

الحجة عندها واحد بتجيب كل سنة واحد

وتدبحة علي العيد الكبير

 

اسكت والنبي حد يشدني من القاعدة دي

 

كنت رايح اسأل المسطول لقيتة بيكلم المسئول

عشان يطلعلة رخصة ميكروباص

 

رحت اكلم الوافد الاجنبي عن الحل

 

لقيتة بيتكلم مع الصعيدي والفلاح

والحوار كتاتي

 

الصعيدي بيقول الاجنبي

 

عما بجولك اية

 

انا عندي دردالين خيار

تشتريهم

 

فالاجنبي قال

 

اي دونت سبيك اربي

 

فالصعيدي تنح

 

وقال للفلاح

 

هوة بيجول اية

 

فالفلاح قالة

 

لية وانت مش فاهم

 

وافهم اية

وافهم ميتة

 

فيقولة

دة الكلام واضح زي عين الشمس

 

بيقولك لع

 

لو عندك كوسة هخدها

 

فالفلاح قال للاجنبي

 

انا بقي عندي

حزمتين ملوخية

خدهم للمدام باربعين هولار

 

فالاجنبي قال

 

اي دونت سبيك عربي

 

فالصعيدي قعد يضحك

 

الفلاح بيسألة بتضحك علية اية

 

قالة

 

الظاهر ان البلد دي مش بتتكلم غير كلمة واحد

 

تيدي نصدرلهم كلام

 

ههههههههههههه

 

 

طيب وبعدين يا جماعة

 

فضلوا يضحكوا علي الاجنبي وهما اصلا مش فاهمين

 

فسكتوا كدة شوية

 

وسألوني

 

هوة كان بيقول اية

 

فقولتلهم

 

دة طالب من كل واحد فيكم معون لبلدة

 

الصعيدي قال

 

طيب انا ماشي لحسن امي عايزة برسيم للفيل

 

وانا هروح اديب البرسيم

 

الفلاح قال

 

طيب انا اقوم الحق احضر الملوخية بسرعة لحسن تبوز

 

المسئول قال

 

انا يدوب الحق احضر اجتماع الوزارة

 

الاجنبي افتكر الحلقة خلصت راح قايم ماشي

 

اتبقي مين

 

المسطول

 

اية يا عم مش هتمشي ولا اية

 

لا انا قاعد

 

قاعد فين الحلقة خلاص خلصت

 

طيب بقولك اية يا علي بية

 

لما تلاقي رغيف عيش وهوة ومية نضيفة

 

ابقي تعالي اعمل حملة ضد التدخين والادمان

 

غير كدة متطلبش مننا نبطل مخدرات

 

ويبقي السؤال اية الحل؟؟

 

لية مش نزود حصص الافران من الدقيق

لية ميبقاش في كل فرن مراقب للجودة

لية ميبقاش فية تنظيم لعملية توزيع رغيف العيش

بدل المنظر دة

 

 

 

 

 

اضحكوا يا مصريين

تقبلوا تحياتي

علي دسوقي

[ممدوح 5]

لا بجد عيشتنى فى الموضوع

وهو ده فعلا اللى حاصل فى بلدنا

بس المشكله الكبيره انى مين اللى هيسمع الكلام ده

وانت اديك اول ما طلبت منهم طلب

شوف عملوا ايه

ربنا يتولانا برحمته

جزاك الله كل خير اخى على

وشكرا على مواضيعك الجباره بجد

كل سنه وانت طيب

 

 

 

تقبل مرورى

[ali desoky 391]

لا بجد عيشتنى فى الموضوع

وهو ده فعلا اللى حاصل فى بلدنا

بس المشكله الكبيره انى مين اللى هيسمع الكلام ده

وانت اديك اول ما طلبت منهم طلب

شوف عملوا ايه

ربنا يتولانا برحمته

جزاك الله كل خير اخى على

وشكرا على مواضيعك الجباره بجد

كل سنه وانت طيب

 

 

 

تقبل مرورى

 

أخي ممدوح

شكرا لمرورك

وردك الكريم

فقد اسعدني ردك للغايه

بارك الله فيك

وجزاك الله خيرا

ان شاء الله

[ريحانة الربيع 1]

موضوع مضحك وهادف :wink:

[ali desoky 391]

موضوع مضحك وهادف

 

 

جزاك الله خيرا

[نونا19 28]

لا بجد الموضوع حلو اوي

وبيناقش قضية مهمة جدا

بجد بارك الله فيك