هل يموت الحب .. كما يموت الورد ؟, سؤال يحتاج اجابه

[سحر العيون 3]

هل يموت الحب .. كما يموت الورد ؟, سؤال يحتاج اجابه

سؤال يحتاج اجابه؟؟؟

هل يموت الحب .. كما يموت الورد ؟

 

هل هكذا تموت الأحاسيس الجميلة

كما يموت الورد ؟

 

يموت الورد مقطوعاً من شجرته

وكذلك يموت الحب بعد أن يقرر صاحبه اقتطاعه من أحشاء

القلب

ويموت كذلك الورد مدعوساً تحت الأقدام

كما تموت الأحاسيس الجميلة عندما يدوس

عليها صاحبها ليقتلها

ويموت الورد إذا لم

يسقيه صاحبه الماء الذي يحييه وكذلك يموت

القلب إذا لم يسقيه صاحبه بالحنان والعاطفة

الجميلة والحب ..

لماذا يتعامل الناس مع الحب كما يتعاملون

مع الوردة ..

ينظرون إليها ويتمتعون بجمالها

يشتمون رائحتها العطرة

ويجعلونها عنواناً للفرح والسعادة

يسقونها ويعتنون بها ويجعلونها سيدة كل

الورود وملكة كل الأزهار ..

 

كذلك يفعلون مع الحب عندما يحترمونه

ويقدسونه ويجعلون من يحبون معجزة جديدة

فيبادلونه المشاعر الجميلة ويرسمون له

الطريق نحو الجنة ويدخلون على حياته الفرحة

والبهجة ويعطونه الوعود ويرسمون له

الأحلام ويدخلونه إلى تلك الدنيا الوردية

الجميلة بعدها يجدون غيره فيرحلون

ويقتلونه قبل الرحيل كما يلقون بالوردة

على قارعة الطريق بعد الاستمتاع بها !!

 

أفكار مجنونه و تساؤلات باحثه عن اجابه

هل يموت الحب.. وتنتحر الأشواق ؟

 

لماذا تتغير مشاعر الحــب مــع مرور الايا م ؟

هل تموت الأحاسيس الجميلة كما يموت الورد ؟

لماذا نحمل عبئا من الذكريات ..

لماذا نشعر بالحنين الى عهود لن تعود ؟

 

لماذا ولماذا تساؤلات كثيره

 

وأهمها هل يموت الحب كما يموت الورد؟

[الرومانسية 0]

موضوع جميل يا سحر العيون

 

وانا اريدان الفت نظرك لشيء مهم جدا وهو

 

ان الحب الحقيقي لا يموت ابدا مهما دار الزمان يعني وردة لكن من نوع اخر لاتموت

 

اما الذي يحب شخص ثم بعدها يغيره الى حب اخر هذا ليس حب حقيقي

 

وهنا اريد ان اضيف تسائل لتسائلاتكي

 

هل من الممكن ان يغير الانسان حبه الحقيقي بعد ان يصبح الشخص الاخر غير موجود في حياته

 

ويجب ظالته مع انسان اخر فيحبه بنفس مقدار حبه الاول وهل هذا الحب الجديد سوف يمحي

 

الحب الاول سؤال اتمنى ان اسمع اجابته من كل من يقرا هذا الموضوع

[سحر العيون 3]

فعلا الحب الحقيقى مش بيموت

 

بس لو القدر فرقهم وهو اتجوز وهيا اتجوزت وكل واحد بقا

 

ليه مسؤليات والتزامات ودنيا تانى

 

صدقينى هتختلف

انتى بتقولى كدا علشان لسه على البر

 

بكره تتجوزى وتشوفى دنيا غير الدنيا

 

وتفكير غير التفكير ومش بيفضل

 

من الحب دا غير ذكريات ممكن تفتكريها كل فين وفين

 

شكرا لمرورك

[الرومانسية 0]

شكرا لردك انا ايضا اتوقع هذا الشي

 

يعني ممكن الحب الحقيقي الجديد يمحي الحب القديم او يحل محله

 

ويبقى من الحب القديم سوى الذكريات

[ABOTASNEEM 117]

انا مش رومانسى اوى

 

لانى بحب العقلانية جدا

 

وكمان بعشق الواقع

 

وعلشان كده انا شايف انو الشعور ممكن يموت ويجى بداله شعور تانى

 

وانا مرضيتش اقول الحب لانى ليا تحفظ على الكلمة دى

 

ياجماعة مش اى علاقة وتعلق بين اتنين يسمى حب

 

ده فى ناس بترتبط ببعضها وهى متأكدة وعلى تمام الثقة من انو الموضوع استحالة يكتمل

 

برضو ده يبقى اسمه حب

 

وده اكيد بسهولة جدا ممكن يتمحى ويجى بداله حب تانى وتالت ورابع والف كمان

 

لكن الحب الحقيقى اللى بيكون بجد ومدروس كويس

 

بيتبدل برضو .. بس بيتعب اوى ومش بيبقى سهل انو يتنسى

 

وبصراحة انا فى كلمة دايما بقولها وبحب اعيش بيها

 

" مرحباً بك على ارض الواقع "

[الرحال 1]

ويموت كذلك الورد مدعوساً تحت الأقدام

كما تموت الأحاسيس الجميلة عندما يدوس

عليها صاحبها ليقتلها

ويموت الورد إذا لم

يسقيه صاحبه الماء الذي يحييه وكذلك يموت

القلب إذا لم يسقيه صاحبه بالحنان والعاطفة

الجميلة والحب ..

لماذا يتعامل الناس مع الحب كما يتعاملون

مع الوردة ..

ينظرون إليها ويتمتعون بجمالها

يشتمون رائحتها العطرة

ويجعلونها عنواناً للفرح والسعادة

يسقونها ويعتنون بها ويجعلونها سيدة كل

الورود وملكة كل الأزهار ..

 

سحر العيون

 

كلام جميل و متكلف ربنا مايحرمنا

 

من موضوعاتك الجميلة التى دائما ما تجعل الناس

 

فى جدال و مناقشات اكيد فى النهاية الجميع بيتسفيد

 

الرومنسية الحزينة

 

الحب مش مجرد كلام بس فى نفس الوقت الحب لا يستئذن للدخول الى قلبك يعنى ممكن بكل

 

سهولة تكونى عارفة ان علاقتك بالشخص دا فاشلة و مع ذلك شغلك و شاغل كل تفكيرك

 

و مش اقصد بكلمة فاشلة شئ غلط لكن اقصد انك عارفة ان النهاية الحتمية هى الوداع

 

و مع ذلك مش هاتقدرى تبعدى و اذا بعدتى و قولتى انا مستحيل اكلمة تانى مجرد انك

 

تبصى فى عنية هتلاقى نفسك بتقولى بكل بساطة انا بحبك و مش مجرد كلمة دا بكل احساس

 

اخى ابو تسنيم الغالى

 

احب اقولك ان حب العقل دا جميل جدااا بس مش اى حد يقدر علية و اسمحى اقول رائى

 

بصراحة انا اشوف اللى بيحب حب عقل دا مش بيحب اساسا لكن بيكون معجب بالانسان اللى

 

قدامة و فرق كبير بين الحب و الاعجاب لان حب العقل بيكون حب بس بشروط يعنى هى لازم

 

تعمل كدا عشان هو دا الصح و لازم تعمل كدا عشان انا عاوز كدا طيب تخيل ان الطرفين

 

بيحبو حب العقل يبقى اية الوضع بينهم هل دا فعلا هايكون حب و هل هايستمر انا شايف

 

انة صعب جداااا انة يستمر و هايقع و يدبل زى الورد اللى قالت علية سحر العيون

 

و دومتم بكل الود

[سحر العيون 3]

شكرا ليك يا ابو تسنيم على مرورك نورت

 

انا عسك انا رومانسيه جدا

 

واكيد بفكر تفكير غيرك

 

واهلا بيك على ارض الواقع

 

 

رحال نورت وقلت كل الكلام اللى انا كنت عايزه اقوله

 

شكرا على مرورك نورت الموضوووووووووووووع

[الرومانسية 0]

والله يا رحال كلامك جدا حقيقي

 

لاني مررت بيها من قبل وايضا تذكرت كل الموافق التي عبرت بها بكلامك

 

عندما اكون شيلة في قلبي علية كثيرا جدا اول ما انظر في عينية واراه يبتسم لي

 

انسى كل شيء عندها ينتابني شعور غريب يشعرني بالراحة والاطمئنان

 

كانت ايام لكنها تبقى ذكريات

[سبرتو 2]

الصراحة الاول كنت هرد على طوووووووووووول

 

بس بعدين الشيطان غووانى قلت اقرا الردود وبعد ما قريت ردى اخى الرحال

 

 

الصراحة فضلت الصنمت لانى كلامه جه على الجرح وكلامة مظبوط شوية وكويس قوى قوى وان كنت عاوز اضيف حالة خاصة جدا جدا

 

 

احنا اللى بنحاول ننسى الحب الحقيقى ولا هوة اللى بينسانا يعنى مثلا اذا انتة حبيبت واحدة او واحد حب حقيقى قوى جدا جدا ...

 

ومرت السنون وبعد كدة شوفت اللى انتة بتحبة دة هيكون شعورك اية هل قلبك هينبض تانى لية زى الاول مهما كانت الظروف ولا اية هتنظر لية نظرة عابرة على الماشى

 

ويجعلة عاااااااامر

[سحر العيون 3]

شكرا ياسبرتو نوررررررررررررت

[Shetos 2]

أعتقد إن الحب مش بيموت..

 

ولكن تغطيه الأتربة الموجودة فى القلب والتى يكون سببها الشجار وصعوبة وضغوط الحياة..

 

ولكن بأقل مسحة من الرومانسية يتوهج هذا الحب من جديد..

 

ولكن فى حالة موت الحب اى كما تحدثتى أختى الكريمة أى إقتلاع الحب من منبته أى من القلب..

 

فمن رابع المستحيلات إنباته مرة أخرى أو حتى إنقاذه..

 

موضوع فى غاية الروعة اختى سحر العيون..

[حياتى من اجل ربى 22]

اولا :::مشكوووووره اختى على هذا الموضوع الغايه فى الروعه هو فعلا سؤال

ثانيا ::::::::::::انا بقى بحبك فى الله وماشاء الله عليكى مواضيعك كلها مفيده

ثالثا ::::اقوى حب الحب فى الله هو الذى لايمووووت ابدا وهو فعلا الحب لاينتهى كليا ولكن قد تاتى اشياء تجعله باردا قليلا او تحوله الى بغض لو كانت قويه

هذه حقيقه نفسيه مش كلام فى الهوا

واخيرا جزاك الله خيرا