AMR DAWAM 7 قام بنشر August 29, 2009 ابن عمى حب واحدة كان ابوها من الكبار م اللى لما يعوزوا حاجة تيجى من تكة زرار عندهم زى ابن عمى فى السراية خدامين ابن عمى شاب إيمه بس ابوه م الفلاحين إبن عمى جاللى قاللى ع الحكاية والرواية بحب واحدة بس أية فى الجمال قلتله مش دا السؤال ... المهم دى بنت مين قاللى بنت الباشا سين حاجة جامدة من الكبار م اللى لما يعوزوا حاجة تيجى من تكة زرار راح مأيف بدله فله وشال مجله واد مأصل وابن ناس جرى ع الحلاق بتاعه قاله أيف ياللا ظبط والنوبادى أبوس إيديك اوعى بمقصك تخبط جنب راسى تجيبلى راس قاله وإشمعنه النوبادى قاله عادى والكلام بان فى العينين كلمه من دا كلمه من دا جابو رغى الحلاقين قاله هخطب قاله تخطب ؟بنت مين ؟ قاله بنت الباشا سين حاجه جامده من الكبار م اللى لما يعوزوا حاجت تيجى من تكة زرار الحلاق ضحك فى عبه الكلام ماكانش عاجبه قال يجوز ... راح صاحبنا لاويله بوز قاله ايه ماشبهش يعنى قاله مين ! قال لا بجد دا انت تشبه اى حد قام وثاير تانه ساير فكره حاير ماشى بيكلم فى نفسه هو يعنى اكمنى هخطب بنت باشا خلاص كفرت ؟! والشجاير ...... علبه فخمه بس فيها كام سيجاره شاريها فرط راح لحد القصر خبط قال ياساتر فاكر ان القصر دار لسه ماعرفش المغفل ان دا قصر الكبار اللى لما يعوزوا حاجة تيجى من تكة زرار بعد ما اتحايل أخينا دخلوه للباشا قصره تقولشى متاخد رهينة ولا جاى يفك اسره قاله وبحبة تناكه عايمه فى شوية شياكه أيو أأمر ايه اللى جابك قاله جاى اناسب جنابك قاله تقصد يعنى بنتى قال حبيبتى فجأه ثار ادريس تعالى نضف البيت م الزباله قام صاحبنا اتشال وهيله هبه ع الارض اتحدف بس لسعة ارض جامدة خلت المسطول عرف من خرج من داره قل مقداره بايديه واللى ينسى اصله يبقى حقه تتخزأ عينيه مين اللى قاله يحب واحده كان ابوها من الكبار م اللى لما يعوزوا حاجة تيجى من تكة زرار ******************** زجل اخى وصديقى الشاعر/ احمد حلمى / كلية العلوم جامعة بنها شارك هذه المشاركه رابط المشاركه شار ك علي موقع اخر
مي مادي 1 قام بنشر August 29, 2009 من خرج من داره قل مقداره بايديه واللى ينسى اصله يبقى حقه تتخزأ عينيه مين اللى قاله يحب واحده كان ابوها من الكبار م اللى لما يعوزوا حاجة تيجى من تكة زرار ******************** بجد جميل جدا جدا جدا تسلم ايدك اخي عمرو شارك هذه المشاركه رابط المشاركه شار ك علي موقع اخر
بنت مصرية 66 قام بنشر August 29, 2009 لابجد شعر جميل جدا جدا وزميلك د ياعمرو موهوب جدا يمكن ده تاني جد في المنتدي هنا احب ان اقراله ياريت نشوف اباعه كمان بس بجد رائع كلام موزون وبسيط ويوصل كل المعاني بارك الله فيه وزاده خير ورزق حلال وانت كمان لانك ابدعت في النقل شارك هذه المشاركه رابط المشاركه شار ك علي موقع اخر
خلادالحوتي 0 قام بنشر August 29, 2009 واللى ينسى اصله يبقى حقه تتخزأ عينيه مين اللى قاله يحب واحده كان ابوها من الكبار م اللى لما يعوزوا حاجة تيجى من تكة زرار ******************** زجل راااااااااااااااااااااائع شكرا عليه شارك هذه المشاركه رابط المشاركه شار ك علي موقع اخر
AMR DAWAM 7 قام بنشر September 1, 2009 مى مادى بنت مصرية خلاد الحوتى نورتم الموضوع واسعدنى كثيرا مروركم شكرا لكم *************** شارك هذه المشاركه رابط المشاركه شار ك علي موقع اخر
عمورابي 0 قام بنشر September 1, 2009 اخي عمرو: كلام جميل وشعر ولااحلى معبر جدا . شكرا لك وياريت المزيد.. تحياتي شارك هذه المشاركه رابط المشاركه شار ك علي موقع اخر
أبو أحمد الجوهرى 0 قام بنشر September 9, 2009 جميل يا عمر شعر صاحبك كده هتشجعنا نقووووووول شارك هذه المشاركه رابط المشاركه شار ك علي موقع اخر
ميتوو 0 قام بنشر September 9, 2009 الله ينور عليكم جميعا انت يا عمرو وصديقك وابن عموو بجد موضوع جاااامد شارك هذه المشاركه رابط المشاركه شار ك علي موقع اخر
eng_alaa 114 قام بنشر September 10, 2009 فجأه ثار ادريس تعالى نضف البيت م الزباله قام صاحبنا اتشال وهيله هبه ع الارض اتحدف بس لسعة ارض جامدة خلت المسطول عرف من خرج من داره قل مقداره بايديه واللى ينسى اصله يبقى حقه تتخزأ عينيه :dance: :dance: بجد قمة الروعه . . . بجد يا عمرو ياريت صاحبك يكتب معانا في المنتدي الأدبي . . هيبقي ثروة كبيرة للمنتدي ... بلغه أن يستمر في الكتابه ولا يتوقف . . فله مستقبل كبير بإذن الله .. شارك هذه المشاركه رابط المشاركه شار ك علي موقع اخر
ديسير القائد 0 قام بنشر September 11, 2009 السلام عليكم كلام جميل جدا جدا اخي عمرو مع اني صعب علي فهم بعضه للهجة العامية شكرا لي امتعنا شارك هذه المشاركه رابط المشاركه شار ك علي موقع اخر
