مريم بنت عمران قام بنشر October 23, 2006 قام بنشر October 23, 2006 بسم الله الرحمن الرحيم السلام عليكم ورحمة الله وبركاته العيد السنه دى غير كل الاعياد يا ترى هتروحوا فيييين السنه دى فى العيد وهتعملوا فيه ايه يلا كله يقول هيعيد ازاى
مريم بنت عمران قام بنشر October 23, 2006 الكاتب قام بنشر October 23, 2006 انا عن نفسى ان شاء الله هصلى الفجر وبعدها هفطر على تمرات وتكون وتر تمام زى السنه وبعدين نروح نصلى صلاة العيد وهزور جدتى واخواتى وقرايبى وبعدين هجيب بومب وصواريخ واجيب بلالين واطرقعها وغالبا اول يوم هيضيع لكن لأن امثالنا من الطلبه المقهورين عندهم امتحانات دايما فالمفروض اذااااااااااااكر
:: عاشقة الرحمن :: قام بنشر October 23, 2006 قام بنشر October 23, 2006 السلام عليكم ورحمة الله وبركاته الاول نبدأ بالسلام بعدين نقول انا هعمل زيك باظبط الا في حاجة واحدة يا مريم بمب وصواريخ حرام عليكي انتي عارفة احنا بنضر بعض بالبمب والصواريخ وبنضر الاطفال كتير من الناس بحدث ليهم اضرار بسبب كده بجد مش مش بهزار علي قد ما بنحبهم الا اننا لازم نمنع الضرر ولا ايه يا مريوم عموما عيد سعيد عليكي يا قمر وعلي الكل يا جماعة ودعواتك لينا احنا برده هنروح نتحبس نذاكر برده
مريم بنت عمران قام بنشر October 24, 2006 الكاتب قام بنشر October 24, 2006 وعليكم السلام ورحمة الله وبركاته اختى فى الله عاشقه الرحمن كل عام وانتى بالف خير وعيد مبارك علينا كلنا يا رب متخافيش حبيبتى انا اللى بضربه وفى معزل عن الناس
نجمة الكتب قام بنشر October 25, 2006 قام بنشر October 25, 2006 اولا كل سنة وانتم جميعا طيبين ويا رب يكون عيد سعيد على كل المسلمين في العالم. ثانيا انا بس عايزة اطمنكم مفيش قلق العيد ده من البمب والصواريخ خالص ،اطلاقا يعنى.. عارفين ليه ؟؟ عشان انا لميت كل البمب والصواريخ من السوق ... وانتو عارفين لما حد يقعد في البيت يذاكر باطنة ١٨٠٠ صفحة بمعدل صفحتين ونص فى الثانية وده طول ايام العيد عارفين طبعا ممكن يعمل ايه بكمية الديناميت دى كلها ... بس يا رب تكفي والا هضطر استورد من اى ترسانة حربية قريبة من اودتى ولا عزاء للطلبة. وعايزة اوصى كل الناس اللى معندهمش امتحانات ولا مذاكرة يتفسحولنا معاهم ويدعولنا. ربنا معانا جميعا .
omda قام بنشر October 25, 2006 قام بنشر October 25, 2006 اما انا الحمد لله مروحتش لقصر عشان اشوف الكرنك ممشيتش علي النيل وسط الجناين وكمان مروحتش متحف ا لتحنيط بتاع الاقصر ومزورتش اصحابي خالص وسهرت معاهم للصبح والتليفزيون مرضيتشي اسمع فيه حاجه كل ده مراعاتا لشعور الناس اللي عندها امتحانات انا عملتلكم دقيقه حداد علي روحكم جميعا وشكرا
مريم بنت عمران قام بنشر October 25, 2006 الكاتب قام بنشر October 25, 2006 اختى الحبيبه "نجمة الكتب" ..كل عام وانتى بألف صحه وسلامه وعافيه يا رب ربنا معاكى يا حبيبتى ذاكرى الباطنه كويس وانا هذاكر رمد انا مش زعلانه خالص ده حتى الرمد جميييييييييل
مريم بنت عمران قام بنشر October 25, 2006 الكاتب قام بنشر October 25, 2006 جزاك الله خيرا اخى "عمده" على المرور جزاك الله خيرا على التضامن مع اخواتك المقهورين
ABOTASNEEM قام بنشر October 25, 2006 قام بنشر October 25, 2006 كل سنة وانتوا طيبين جميعا ومضحكش عليكم انا رحت صليت الفجر ، وبعدين العيد وبعديها رجعت البيت احضرت دورق قياسى وعملت محلول مركز من الشاى ( 950 جرام فى الليتر ) واضفت القليل من السكر على اعتبار انه ( دليل الفينول فيثالين ) ثم قمت بعمل محلول قياسى من محلول النعناع ووضعته فى السحاحة ثم قمت بالتقطير من السحاحة على محلول الشاى للحصول على افضل نكهة طبيعية ثم بعد ذلك احضرت كعك العيد وما شابه وفضلت آكل لغاية ما اغمن عليا ( نمت ) لانى بصراحة كنت مطبق من اليوم اللى قبلها امضاء طالب بكلية العلوم قسم الكيمياء
مريم بنت عمران قام بنشر October 26, 2006 الكاتب قام بنشر October 26, 2006 لا اخفى عليك انا كنت فى انتظار انفجار الدورق عيد مبارك عليك اخ "أبو تنسيم",,,, ويارب العيد الجاى فى الأقصى
عاشق الصداقه قام بنشر October 27, 2006 قام بنشر October 27, 2006 بسم الله الرحمن الرحيم كل سنه وانتوا طيبين ... أنا حقوللكم أنا قضيت العيد ازاى .. طبعا فى أول يوم ..صليت الفجر وصلاة العيد .. ورحت سلمت على كل قرايبى " كلهم " ؟؟ وهم مش كتار قوى .. 597 بيت بس علشان كده كانت النتيجه انى قضيت باقى اليوم واليوم اللى بعده على السرير " مريض" والحمد لله يعنى أفتكر المذاكره أرحم .!! . أتمنى محدش يكون فيكم ليه كمية قرايب بيزورهم زيى ... علشان بجد .. حتصعبوا عليا . زى ما صعبت عليا نفسى وانا فى السرير يوم ونص وتالت يوم طبعاً قضيته كله فى شغلى " اللهم عافيكم منها .. برمجه " لتعويض اليومين اللى ضاعوا ..بس؟؟ وكل سنه وانتوا طيبين .. وبجد موضوع جميل وحيوى .. أشكرك أختى مريم
مريم بنت عمران قام بنشر October 27, 2006 الكاتب قام بنشر October 27, 2006 السلام عليكم ورحمة الله يعنى نمت ال3 اياااااااااام جزاك الله خيرا على المرور أخى "soldier of Allah" شافااااااك الله وعافاك أخ "عاشق الصداقه" 597 ربنا يبارك ويزيييييد بس اكيد احساس حلو ان مصر كلها قرايبك ربنا يعيده على مصر والأمه الاسلاميه بالخير يا رب
عاشق الصداقه قام بنشر December 30, 2007 قام بنشر December 30, 2007 :llll::llll::llll::llll: كان نفسى انشط الموضوع ده .. بس للأسف مكنتش موجود فى العيد ده .. الموضوع ده من السنه اللى فاتت .. لأختنا المبدعه مريم بنت عمران بس ياللا .. قولولنا رحتوا فين فى العيد ؟؟؟؟؟؟؟؟؟
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥