هتروح فين فى العيييييد

[مريم بنت عمران 0]

بسم الله الرحمن الرحيم

 

السلام عليكم ورحمة الله وبركاته

 

العيد السنه دى غير كل الاعياد

 

يا ترى هتروحوا فيييين السنه دى فى العيد

 

وهتعملوا فيه ايه

 

يلا كله يقول هيعيد ازاى

[مريم بنت عمران 0]

انا عن نفسى

 

ان شاء الله هصلى الفجر وبعدها هفطر على تمرات وتكون وتر تمام زى السنه وبعدين نروح نصلى صلاة العيد وهزور جدتى واخواتى وقرايبى

 

وبعدين هجيب بومب وصواريخ

 

واجيب بلالين واطرقعها

 

وغالبا اول يوم هيضيع

 

لكن لأن امثالنا من الطلبه المقهورين عندهم امتحانات دايما

 

فالمفروض اذااااااااااااكر

[:: عاشقة الرحمن :: 2]

السلام عليكم ورحمة الله وبركاته

 

الاول نبدأ بالسلام بعدين نقول

 

انا هعمل زيك باظبط الا في حاجة واحدة يا مريم بمب وصواريخ حرام عليكي انتي عارفة احنا بنضر بعض بالبمب والصواريخ

 

وبنضر الاطفال كتير من الناس بحدث ليهم اضرار بسبب كده بجد مش مش بهزار علي قد ما بنحبهم الا اننا لازم نمنع الضرر ولا

 

ايه يا مريوم عموما عيد سعيد عليكي يا قمر وعلي الكل يا جماعة ودعواتك لينا احنا برده هنروح نتحبس نذاكر برده

[مريم بنت عمران 0]

وعليكم السلام ورحمة الله وبركاته

 

اختى فى الله عاشقه الرحمن

 

كل عام وانتى بالف خير وعيد مبارك علينا كلنا يا رب

 

متخافيش حبيبتى انا اللى بضربه وفى معزل عن الناس

[نجمة الكتب 5]

اولا كل سنة وانتم جميعا طيبين ويا رب يكون عيد سعيد على كل المسلمين في العالم.

 

ثانيا انا بس عايزة اطمنكم مفيش قلق العيد ده من البمب والصواريخ خالص

،اطلاقا يعنى.. عارفين ليه ؟؟

عشان انا لميت كل البمب والصواريخ من السوق ... وانتو عارفين لما حد يقعد في البيت

يذاكر باطنة ١٨٠٠ صفحة بمعدل صفحتين ونص فى الثانية وده طول

ايام العيد عارفين طبعا ممكن يعمل ايه بكمية الديناميت دى كلها ... بس يا رب تكفي

والا هضطر استورد من اى ترسانة حربية قريبة من اودتى ولا عزاء للطلبة.

وعايزة اوصى كل الناس اللى معندهمش امتحانات ولا مذاكرة يتفسحولنا معاهم ويدعولنا.

ربنا معانا جميعا .

[omda 0]

اما انا الحمد لله

مروحتش لقصر عشان اشوف الكرنك

ممشيتش علي النيل وسط الجناين

وكمان مروحتش متحف ا لتحنيط بتاع الاقصر

ومزورتش اصحابي خالص وسهرت معاهم للصبح

والتليفزيون مرضيتشي اسمع فيه حاجه

كل ده مراعاتا لشعور الناس اللي عندها امتحانات

انا عملتلكم دقيقه حداد علي روحكم جميعا

وشكرا

[مريم بنت عمران 0]

اختى الحبيبه "نجمة الكتب"

 

..كل عام وانتى بألف صحه وسلامه وعافيه يا رب

 

 

ربنا معاكى يا حبيبتى

 

ذاكرى الباطنه كويس

 

وانا هذاكر رمد

 

انا مش زعلانه خالص

 

 

ده حتى الرمد جميييييييييل

[مريم بنت عمران 0]

جزاك الله خيرا اخى "عمده" على المرور

 

جزاك الله خيرا على التضامن مع اخواتك المقهورين

[ABOTASNEEM 117]

كل سنة وانتوا طيبين جميعا

ومضحكش عليكم

انا رحت صليت الفجر ، وبعدين العيد

وبعديها رجعت البيت

احضرت دورق قياسى

وعملت محلول مركز من الشاى ( 950 جرام فى الليتر )

واضفت القليل من السكر على اعتبار انه ( دليل الفينول فيثالين )

ثم قمت بعمل محلول قياسى من محلول النعناع ووضعته فى السحاحة

ثم قمت بالتقطير من السحاحة على محلول الشاى للحصول على افضل نكهة طبيعية

ثم بعد ذلك احضرت كعك العيد وما شابه

وفضلت آكل لغاية ما اغمن عليا ( نمت )

لانى بصراحة كنت مطبق من اليوم اللى قبلها

امضاء

طالب بكلية العلوم

قسم الكيمياء

[مريم بنت عمران 0]

لا اخفى عليك انا كنت فى انتظار انفجار الدورق

 

عيد مبارك عليك اخ "أبو تنسيم",,,,

 

ويارب العيد الجاى فى الأقصى

[Soldier_Of_Allah 0]

ما فيش احسن من النوم فى العيد

[عاشق الصداقه 525]

بسم الله الرحمن الرحيم

كل سنه وانتوا طيبين ... أنا حقوللكم أنا قضيت العيد ازاى ..

طبعا فى أول يوم ..صليت الفجر وصلاة العيد .. ورحت سلمت على كل قرايبى " كلهم " ؟؟

وهم مش كتار قوى .. 597 بيت بس

علشان كده كانت النتيجه انى قضيت باقى اليوم واليوم اللى بعده على السرير " مريض" والحمد لله

يعنى أفتكر المذاكره أرحم .!! . أتمنى محدش يكون فيكم ليه كمية قرايب بيزورهم زيى ... علشان بجد

.. حتصعبوا عليا . زى ما صعبت عليا نفسى وانا فى السرير يوم ونص

وتالت يوم طبعاً قضيته كله فى شغلى " اللهم عافيكم منها .. برمجه " لتعويض اليومين اللى ضاعوا ..بس؟؟

وكل سنه وانتوا طيبين .. وبجد موضوع جميل وحيوى .. أشكرك أختى مريم

[مريم بنت عمران 0]

السلام عليكم ورحمة الله

 

يعنى نمت ال3 اياااااااااام

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

جزاك الله خيرا على المرور أخى "soldier of Allah"

 

شافااااااك الله وعافاك أخ "عاشق الصداقه"

 

 

 

 

 

 

 

597

 

 

 

ربنا يبارك ويزيييييد

 

 

 

 

 

 

 

 

 

 

بس اكيد احساس حلو ان مصر كلها قرايبك

 

 

 

 

 

 

 

ربنا يعيده على مصر والأمه الاسلاميه بالخير يا رب

[عاشق الصداقه 525]

:llll::llll::llll::llll:

 

كان نفسى انشط الموضوع ده .. بس للأسف مكنتش موجود فى العيد ده ..

 

الموضوع ده من السنه اللى فاتت .. لأختنا المبدعه مريم بنت عمران

 

بس ياللا .. قولولنا رحتوا فين فى العيد ؟؟؟؟؟؟؟؟؟