~*** زمن النسيان !!! ***~

[سوريلا 0]

فى الماضى قامت كل الدنيا .. لامرأة صرخت : " وا معتصماه "

واليوم ألوف المحرومات .. يبكين ويذرفن الدمع

يصرخن ولكن دون صدى

وإذا بالصمت يلف الكون وتحبس فى الصدر الأنات

ولماا ننسى أمجاد .. شيبتها بناها أجداد ؟؟

أنسينا العزة ؟؟ أم أنُا .. نحيا فى زمن النسيان ؟؟؟

 

هكذا كان نص تلك الأنشودة الشهيرة .. المسماة بـ " زمن النسيان "

 

ذلك الزمن .. نعيش فيه ولا ندرك من كنا .. من نكون .. ولا كيف سنصبح ..

ترى .. ما السبب فى هذا الزمان ؟؟

هل هو ....... نحن كأفراد ؟؟ كحكومات ؟؟ كأسياد ؟؟ أم كعبيد ؟؟

نعم .. عبيد ..

عبيد لرغباتنا وشهواتنا القاتله ..

تلك التى تقودنا إلى التخلى عن مبادئنا ..

من منا لا يقع تحت تأثير شهواته ورغباته المتسلطة ؟؟

من منا لم يقدم الكثير من التنازلات حتى يصبح عبدا لهواه ؟؟

 

قال تعالى : " أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْم "

 

ٍقال أبو الدرداء - رضي الله عنه: - " إذا أصبح الرجل اجتمع هواه وعمله ، فإن كان عمله تبعاً لهواه فيومه يوم سوء وإن كان هواه تبعاً لعمله فيومه يوم صالح . "

 

أتعلم ما معنى هواه ؟؟ أرى أنها أى رغبه يصبح الإنسان عبدا لها باتباعها وبذل كل ما يمكن بذله فى سبيل حصوله عليها ..

ذلك الهوى قد يكون .. علم .. مال .. سلطان .. امرأة .. شهوة بمختلف أنواعها .. أو حتى خيال ....

نعم .. ذلك الهوى الذى جعلنا نتخلى عن مبادئنا القويمة .. بحجة " ما كل الناس بتعمل كده .. يعنى جت عليا أنا ؟؟ !! .. يعنى هو أنا اللى هغير الكون ؟؟ "

 

ممكن متكونش انت اللى هتغير الكون .. لكن على الأقل مش هتزوده دمار وخراب

انت لو بعت ضميرك .. فى سبيل هواك ورغباتك .. يبقى تقول على الدنيا السلام

 

ليه احنا وصلنا لمرحلة بنقول فيها إننا فعلا عايشين فى زمن النسيان ؟؟

ليه كان فيه نخوة وكرامة .. من فتره مش بعيده ؟؟ ودلوقتى بنبيع نفسنا بالرخيص ؟؟

بالرخيص أوى والله ؟؟؟

التنازلات بادءة من أول الفراش والزبال اللى بيبيع نفسه وبياخد رشوة عشان ينظف أدام البيت ده كويس ومش مهم باقى الشارع

من الموظف اللى بينام عن شغله .. ويروح جرى متأخر ويظبط مع موظف الدفتر عشان مش يأفل عليه

من الطالب اللى بيكبر دماغه ويجى جرى قبل الامتحان بأسبوع وقاعد يتوقع الأسئلة اللى هتيجى ويدخل يحطها فى الامتحان وبعدها ينسى

من مسئول أهم حاجه عنده مصلحته ومصلحة أسرته

من وزير مش عاوز يتعب نفسه ويعمل خطة ويباشرها بنفسه

من حاكم ورئيس جمهورية أو حتى أمير أو ملك متواطئ مع كل اللى أقوى منه

بيدعى إنه خايف على بلده أو انه هو كده صح ....

 

كله مش خايف إلا على مصلحته ..

كله مش عاوز يعيش إلا لنفسه وبس ..

ميهموش غيره ده مرتاح ولا تعبان .. نام من غير عشا ولا دور على أكل فى وسط الزباله اللى هو راميها ..

ميهموش أطفال ينامو فى الشارع عشان بيوتهم وقعو ..

 

 

أمتنا كانت أقوى أمة على وجه الأرض ..

زمان عشان واحده ست اتظلمت من قِبَل حاكم .. وقالت بس .. " وا معتصماه "

المعتصم بالله وصله إنها بتستغيث بيه .. أرسل للحاكم ده إذا ماكانش هيقضى لها مظلمتها ومايظمهاش هيبعت له جيش أول عنده وآخره عند المعتصم ...

 

دلوقتى بنشوف اخواتنا ف كل مكان بيتقتلو ومذابح ونعيط أدام التليفزيون ومش قادرين نعمل حاجه .. وبعد ما نخلص .. نقوم نخرج ولا نشيت ولا نتفرج على فيلم ..

والحياة تبقى حلوة .. ولا كأنك سه من شوية كنت بتعيط ..

كأنك كنت بتتفرج على فيلم دراما .. وخلص وقته !!

 

زمان .. أيام الخليفة عمر بن عبد العزيز .. بيت مال المسلمين كان مليان خير .. سبحان الله .. كل ده راح ؟؟؟

كان بيصرف لكل واحد راتب شهرى .. لكل رضيع .. لكل مولود .. لكل شاب .. يزوجو الشباب .. وبرده خير ربنا مكنش بيخلص

 

دلوقتى ناس مش لاقيين مكان ينامو فيه ؟؟؟ !!!

والله حرام .....

 

 

هل احنا فعلا فى زمن النسيان ؟؟ !!!

 

 

أنا مش مصدقة إن مصر ممكن تبق كده !!!

 

 

 

 

 

إزاى نفضل ساكتين ؟؟؟؟

 

 

ميرضيناش إن يبقى فيه 39 أسرة عايشين ف الخلاء بقالهم 5 شهور أو أكتر .. وليهم دورة مياه واحده بدون باب

 

 

مين فينا يرضى بالوضع ده ؟؟

 

 

 

 

 

هتقولو واحنا ايه ذنبنا ؟؟

 

 

هو احنا اللى وقعنا الجبل ؟؟

 

 

ولا احنا اللى قلنالهم روحو اسكنو فى منطقة عشوائية ؟؟

 

 

ولا احنا اللى دخلنا اسرائيل فلسطين ؟؟

 

 

ولا احنا اللى دخلنا أمريكا العراق ؟؟

 

 

 

 

 

عارفه ان مش احنا اللى عملنا كل ده ..

 

 

لكن صدقونى احنا السبب فى كل ده ..

 

 

احنا من العوامل اللى خلت أمتنا تبقى مستضعفه .. بعد ما كانت .. كانت ..

 

 

 

 

 

لكن مش هنقعد نفتكر فى اللى فات ونقول ده احنا كنا .. وكنا .. وكنا ..

 

 

فيه مثل بيقول" لا تقل كان أبى .. ولكن قل : ها أنا ذا "

 

 

 

 

 

فعلا لزم نبدأ نشوف الحلول على الأقل البسيطة اللى نقدر نعملها عشان مانبقاش متخذين إلهنا هوانا ...

 

الحل .. كالتالى ...

1 - لازم كل واحد يتنازل ولو عن جزء من شهواته ورغباته ..

 

2 - لازم نبدأ نبقى أقوى من كده .. نقوى إرادتنا .. صحيح كلنا بشر وبنغلط .. لكن اللى بيميزنا عن الحيوانات .. العقل والإراده ..

 

3 - اجعل هدفك في الحياة طاعة ربك تعالى ؛ تسعد في الدنيا ، وتفوز بالدرجات العالية يوم تقوم القيامة .

قال ـ تعالى ـ :

"يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحاً عَسَى رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ"

التحريم (8)

 

اللهم حبب إلينا الإيمانوزينه في قلوبنا وكره إلينا الكفر والفسوق والعصيان

 

قال تعالى :

" وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا "

 

وقال الله تعالى :

" فَأَمَّا مَنْ طَغَى

وَآثَرَ الْحَيَاةَ الدُّنْيَا

فَإِنَّ الْجَحِيمَ هِيَ الْمَأْوَى

وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى

فَإِنَّ الْجَنَّةَ هِيَ الْمَأْوَى "

 

 

أعتقد أننا نملك الكثير كى نقدمه لهذا الدين .. فهو بالفعل يستحق العناء ..

حتى لو حاولنا وفشلنا .. على الأقل يبقى كسبنا شرف المحاوله .. وعملنا اللى علينا لما ربنا يسألنا يوم القيامة عملتو ايه عشان اخوانكم اللى بيموتو فى كل مكان .. إخوانكم الجوعى .. و .. و .. و ..

 

 

اللهم اجعل هذا العمل خالصاً لوجهك الكريم .. وانفع به كل من يطلع عليه ..

وفقنا الله وإياكم إلى ما يحب ويرضى

وتقبل منا ومنكم صالح الأعمال ..

 

سوريلا

30/6/2009

تم تعديل September 4, 2009 بواسطه سوريلا

[NADA 34]

هل احنا فعلا فى زمن النسيان ؟؟ !!!

 

بصراحة مفيش كلام بعد اللى إنت قلتيه

 

تقريباً قلتي معظم الكلام اللى بفكر فيه

 

أنا الحمد لله بدأت أطبق الكلام ده إلى حد ما كويس

 

و إن شاء الله يارب هقدر أعمل حاجة كويسة

 

ياريت كل الناس تغير من سلوكياتها و تفكيرها ...

 

الناس بردو محتاجة توعية أو صحصحة ,, حد ياخد بإديهم

 

أنا بصراحة شايفة إنى مكنتش عايشة ف الدنيا و مش عارفة أى حاجة

 

للأسف فوقت على واقع غريب عجيب بجد ,, مستحيل نكون عايشين مع بشر؟؟!!!!!!!

 

الحمد لله

[ديسير القائد 0]

السلام عليكم

 

كلام جميل جدا

 

الحل في رأي الشخصي دولة الأسلام التي تحكم بشرع الله

 

عارفة يا اختي لو هده القصة اقصد 39 عائلة لو في دولة اسلامية بي شرع الله كانت مشكلتهم انحلت في نفس اللحظة

 

كم تتوقعي صدقات و الزكة التي تخرج في مصر فقط او ليس مصر القاهرة فقط

 

اتصور ان لو الحكم في دولنا اسلامي

 

لجمعت لهم ما يشتري لهم مساكن من صلاة الجمعة او صدقات عند خروج الناس من الصلاة

في حي واحد من احياء القاهرة

 

اسف علي الأطالة موضوع اثارني

 

وللأمانة تكتبين بطريقة رأعة جدا

 

والله ولي التوفيق

 

[سوريلا 0]

أختى NADA .. جزاكِ الله خيرا .. وعرا على التأخير فى الرد لانشغالى بامتحاناتنا الدنيوية وبعدها امتحانات رمضان ..

 

ممكن يكون عندك حق انك لما بتفوقى بتلاقي العالم غريب جدا حواليكى .. وبتبقى مستغربة نفسك وسط العالم دا

 

احنا صحيح مش ملايكة وصحيح كل ابن آدم خطاء ولكن .. خير الخطائين التوابون ..

 

بمعنى اننا اه مقصرين واه وحشين .. بس نقدر نتغير بأمر الله

 

ماتقولش راحت عليا او صعب اتغير او مش انا اللى هغير الكون

 

والله انت اللى هتغير الكون وانا بقول والله .. لو كل انسان بدأ بنفسه وبقى كويس وأخد باله من اللى حواليه واللى جنبه

 

اهتمينا بنفسناوببعض وبدينا .. أقسم لكم بالله ماهيبقى فيه أمه زينا ولا فى عظمتنا

 

بلاش كسل ويلا بندأ من جديد

 

ونقول .. توكلنا على الله فهو حسبنا .. والله المستعان

[سوريلا 0]

الأخ الفاضل ديسير القائد .. جزاكم الله خيرا على التشجيع وطرح الحل

 

ولكن فى رأيى .. مش هوا دا الحل العملى

 

بمعنى اننا خلاص محطوطين فى الوضع دا .. مفيش حكم اسلامى .. نسيبهم بقى مشردين ونقعد نحارب فى الحكومة او نقول ياريتها دولة اسلامية كانت كل المشاكل اتحلت ؟؟؟

 

ولا نعمل احنا حاجه بيدينا لاننا اصلا اساسا فقدنا الأمل

 

وكل حاجه فى الحكم مش بايدينا .. فى ايد الحكومة واحنا مالناش نعدل عليهم لان اكيد انا اقل من انى اتكلم فى السياسة اواعدل على نظام دوله او دول كامله

 

إذا .. الحل بإيدينا احنا .. ربنا لما بينتقم من قوم بيبقى بظلمهم هما وعتوهم فى الأرض .. ربنا مشظالم

 

لذلك لازم نشوف ايه الغلط اللى بنعمله .. او بمعنى اصح ايه الغلط اللى مش بنعمله

 

يا جماعه احنا محتاجين وقفه بجد مع انفسنا

 

فاكرين فى غزوة من الغزوات لما تأخر النصر .. قالو احنا ايه ناقصنا من السنن غفلنا عنه عشان كدا النصر اتأخر ..

 

حد قال السواك .. كل الجيش طلع السواك واستاكو .. الروم فرو وقالو المسلمين بيسنو سنانهم عشان ياكلونا

 

سبحان الله .. وبترك سنة النبى صلى الله عليه وسلم فى غزوة أحد كدنا نهلك ..

 

ودى كلها سنن مش فرائض ..

 

لذلك احنا واجب علينا نعمل الفرائض ونبعد عن المعاصى بقى .. كفايه كدا

 

وكفايه الذل اللى أمة النبى الشريف صلى الله عليه وسلم فيه

 

احنا السبب ولازم نعترف بدا

 

.. إن الله لا يغير ما بقوم حتى يغيروا ما بأنفسهم .. صدق الله العظيم

 

وعجبتنى مقوله لفضيلة الشيخ / محمد حسان .. لما قال والله لن تنتصر الأمة إلا بعد أن تمتلئ المساجد بالمصلين فى صلاة الفجر مثل امتلائها بهم فى صلاة الجمهة

 

هنقول ايه .. نعمل اللى علينا .. ألا إن نصر الله قريب ..

[«۞۩ أبو سليمان ۩۞» 179]

السلام عليكم و رحمة الله و بركاته

 

أخيتي سوريلا .. ما شاء الله على طرحك الرائع جزاكي الله خير الجزاء

 

طبعا اوافقك اخيتي الرأي في كل ما تقولينه في موضوعك الرائع

 

اولا احب اطرح سؤال

 

مين السبب في اللي بيحصلنا ده ؟؟

 

مين السبب في ابادة اخواننا الفلسطينيين ؟؟

 

مين السبب في المجازر اليومية اللي بتحصل ضد السنة في العراق ؟؟

 

مين السبب في انتهاك حرمات المسلمين في الدول الغربية .؟؟؟

 

مين السبب في ذبح المسلمين و في تركستان ؟؟

 

مين ؟؟؟

 

الجواب للأسف

 

أنا .. و انتي ... و أحمد .. و محمد .. و علي .. و ليلى .. و دعاء .. و ... و...

 

السبب نحن كلنا

 

نحن لو التزمنا بديننا و خفنا الله في كل افعالنا

 

لو جعلنا همتنا نصر الدين موش نصر الاهلى و لا الزمالك و لا تشيجيع المغني الفلاني و لا الممثل العلاني

 

لو اتقينا الله حق تقاته و توكلنا عليه حق توكله .. فلن يخزلنا ابدا

 

 

عن أبي هريرة رضي الله عنه قال: قال رسول الله صلى الله عليه وسلم: (إن الله تبارك وتعالى قال: من عادى لي ولياً فقد آذنته بالحرب)

 

تخيلي أخيتي .. الله يحارب من يعادي اولياءه

 

و نحن نستبدل ولاية الله بأمريكا و بريطانيا

 

قال تعالى: ( قَالَ أَتَسْتَبْدِلُونَ الّذِي هُوَ أَدْنَىَ بِالّذِي هُوَ خَيْرٌ )

 

للأسف نحن نستبدل الاحقر بالاعلى

 

 

أخيتي .. تخيلي في غزوة احد اربعين رامي من رماة المسلمين عصوا امر رسول الله و تركوا اماكنهم اتجهوا الى الغنائم

 

كانوا سبب في هزيمة المسلمين في غزوة احد

 

تخيلي اربعين بس ,, عصوا امر واحد بس ..

 

تخيلي أخيتي احنا دلوقتي كام مليون و بنعصي كام امر لرسول الله صلى الله عليه و سلم

 

اختي نحن موش قادرين على هزيمة شهوات انفسنا .. يبقى اذاي هنقدر على هزيمة اعداءنا

 

الحل ان كلنا نقول لأنفسنا كفاية كده ...

 

وقت اللعب انتهى ...

 

لازم نعزم و نتوكل على الله بأننا نلتزم بتعاليمه

 

لازم منسمحش بأن الاسلام يطعن من جهتنا .. لازم نسد الثغر اللي احنا عليه و نقاتل على حمايته بكل ما اوتينا من قوة

 

آسف جدا اخيتي على الاطالة و لكن جمال الموضوع و روعة الاسلوب خلاني اطلت في الكتابة

 

و الموضوع ده محتاج منا ملايين الكلمات و موش هنقدر نوفيه

 

و لكن يمكن التلخيص في كلمة واحدة بس

 

إبدأ بنفسك

 

جزاكي الله خيرا أخيتي ,, رزقكي الله الفردوس الاعلى بغير حساب و لا سابقة عذاب تنعمين فيها بسندس و استبرق و تلبسين فيها اساور من ذهب و لؤلؤا

 

بارك الله فيكي و اعزكي

 

 

 

[ديسير القائد 0]

السلام عليكم

 

اختي سوريلا اولا اريد منك معني هدا الأسم لو سمحتي

 

ثانيا أشكرك علي هدا الحوار الراقي جدا جدا

 

واعترف مع صغر سنك لكنك مشاء الله

 

تملكين نظر ثاقب وزاوية تحليلية ممتازة

 

أدعوا من الله العلي القدير لك التوفيق

 

فالله ولي التوفيق

 

كل عام و انت بخير

[سوريلا 0]

جزاكم الله خيرا أخانا

Dr Abcarino

 

على الكلام بجد .. ربنا يكرمك يارب ويجعله فى ميزان حسناتك

 

ماشاء الله .. هوا دا اللى لازم يتقال ولازم يتنفذ

 

ودا اللى بقوله دايما .. لو كل واحد بدأ بنفسه

 

صلحها .. عمل المعروف وانتهى عن المنكر

 

أتحداكم لو بقت فيه أمه أقوى مننا على وجه الأرض

 

ودا الفرق بينا وبين اللى عاوزين التغيير يجى من الحكومة ..

 

احنا بنقول التغيير يجى من الوحدات الصغيره فالأكبر عشان نقدرنكون قاعده عريضة

 

وهما عاوزينه يبقى من فوق عشان الناستكرههم لانهم هيبقو مجبرين على حاجه وأكيد مش هتنجح بالغصب

 

أهم حاجه بس نبدأ .. يلا ناخد خطوة فى حياتنا

 

يلا كل واحد يقول أنا هبدأ بنفسى .. أنا هبطل شات مع بنات وأنا هبطل شات مع شباب

 

أنا مش هعصىربنا ومش هكذب ولو على رقبتى

 

أنا هأتقن عملى

 

أنا هأحسن لوالدى .. ومش هزعلهم أبدا

 

أنا هحط ربنا والرسول عليه الصلاة والسلام أدام عينيا فى كل تصرف

 

يااااااااااااااااه لو كل واحد عمل كدا

 

صدقونى هنتغير .. أوى

جزاكي الله خيرا أخيتي ,, رزقكي الله الفردوس الاعلى بغير حساب و لا سابقة عذاب تنعمين فيها بسندس و استبرق و تلبسين فيها اساور من ذهب و لؤلؤا

 

بارك الله فيكي و اعزكي

وجزاك خيرا منه

اللهم آميـــــــــــن

 

تقبل الله منا ومنكم صالح العمل والدعاء

[سوريلا 0]

السلام عليكم

 

وعليكم السلام ورحمة الله وبركاته

 

اختي سوريلا اولا اريد منك معني هدا الأسم لو سمحتي

 

معنى الاسم

 

sorella = أخت

 

ولكن باللغة الإيطالية .. وبصراحه أنا بحب اللغة الإيطالية جدا

 

وكمان بحب كلمة أخت .. ودا لافتقادى لمعناها لان مش عندى اخوات بنات فحبيت كل اللى ينادينى يقولى يا سوريلا

 

كأنه بيقولى يا أختى

 

ثانيا أشكرك علي هدا الحوار الراقي جدا جدا

 

لا شكر على واجب

 

واعترف مع صغر سنك لكنك مشاء الله

 

تملكين نظر ثاقب وزاوية تحليلية ممتازة

 

أدعوا من الله العلي القدير لك التوفيق

 

فالله ولي التوفيق

 

كل عام و انت بخير

 

اللهم آميــــــــــن

 

وكل عام وحضرتك بخير

 

ولطكن .. انا مش صوغيره ولا حاجه

 

أنا هكمل 19 سنة فى 29/9 إن شاء الله

 

تالته جامعه

 

يعنى الفرقة التانيه بكلية طب الأسنان جامعة المنصورة

 

 

كدا يبقى السن صوغير ؟؟؟ دا أنا خلص رجلى والقبر.. قربت أموت أهو

 

جزاكم الله خيرا على التشجيع

 

ودى شهادة أعتز بيها