ali desoky قام بنشر September 8, 2009 قام بنشر September 8, 2009 فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس خلـونـــا نشــوف أمثلة *********** انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟ (( لا لسه ))!!! *********** والعكس : انت لابس هدومك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه؟؟ (( !!! لاء دانا لسه راجع ))!!! *********** أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟ (( لا.. العربية واحشاني ))!!! *********** مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه )!!! *********** مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء )) *********** ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟ (( لاء.. هفرطها و أسلقها )) *********** أو مثلا في العيد المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير (( أكيد يعني مش هيقولهم البقاء لله )) *********** ,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين (( سبتيله ايه يقوله يارخمة ؟ )) *********** والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟ (( يعني أساسي الواد لسه ما طلعلوش عرق الندالة علشان يقول لأ ))
مشرفي الأقسام رجل من الصحراء قام بنشر September 8, 2009 مشرفي الأقسام قام بنشر September 8, 2009 فل عليك
بنت مصرية قام بنشر September 8, 2009 قام بنشر September 8, 2009 والله ممكن بس موضوع انت خارج وانتوا جيتوا ده بجد مالوش حل ده في ارخم وارخم بي اعتقد في النهاية يعني يبقي نوع من فتح حوار او اطئنان مثلا الشعب المصري عفوي بطبيعته وربنا يهدينا جميعا بس بجد موضوع خفيف وهايل اسلوب جميل جزاك الله كل خير اخي علي وبارك الله فيك
خلادالحوتي قام بنشر September 8, 2009 قام بنشر September 8, 2009 بصراحة والسؤا ل البايغ بأة اللي بيغظني تبقى نايم ورايح في سابع برج يجي حد يصحيك من النوم ويقولك يا فلان ...يا فلان...أنت نايم )لأ مستنيك تصحيني) ولا تكون صاحي من النوم وتلاقي أللي يسألك هو انت صحيت من النوم )لا تحت البطانيه مستنيك تصحيني) هههههههههه ههههههه ههههههههه
Shetos قام بنشر September 9, 2009 قام بنشر September 9, 2009 والله الراجل ده بيقول كلام زى الفل.. شكراً على..
ali desoky قام بنشر September 10, 2009 الكاتب قام بنشر September 10, 2009 اخوتي الاعزاء رجل من الصحراء فينك يا عم واحشنا من زمااان بنت مصريه ده هو جمال وعفوية الشعب المصري كل كلامه نكته وضحكه شكرا لردك خلاد الحوتي شكرا للاضافه يا حبيبي جزاك الله خيرا شيتوس والله مرورك وردك هو اللي فل يا شيتوس
نودي قام بنشر September 10, 2009 قام بنشر September 10, 2009 موضوع جاااااااااااااااااااامد اوي ياعلي وهي فعلا اسئلة مستفزة جدا جدا منور ياعلي تقبل مروري
ali desoky قام بنشر September 21, 2009 الكاتب قام بنشر September 21, 2009 موضوع جاااااااااااااااااااامد اوي ياعليوهي فعلا اسئلة مستفزة جدا جدا منور ياعلي تقبل مروري شكرا لمرورك الرائع نودي بارك الله فيك وكل عام وانت بخير لا بجد من ارخم الاسئلة شكرا اختي ريحاته الربيع
حياتى من اجل ربى قام بنشر September 21, 2009 قام بنشر September 21, 2009 :wink: :wink: بجد تحفه جزاك الله خيرا اخى مع انى كنت زعلان خالص دلوقتى بس قراتها مش قادره امسك نفسى من الضحك اسال الله ان يكتبك من السعداء فى الدنيا والاخره ويحقق لك كل ما تتمنى وكل عام وانت بخير
ali desoky قام بنشر September 23, 2009 الكاتب قام بنشر September 23, 2009 بجد تحفهجزاك الله خيرا اخى مع انى كنت زعلان خالص دلوقتى بس قراتها مش قادره امسك نفسى من الضحك اسال الله ان يكتبك من السعداء فى الدنيا والاخره ويحقق لك كل ما تتمنى وكل عام وانت بخير شكرا لكي أختي المحترمه جدا حياتي من اجل ربي جزاك الله خيرا واكرمك برضي ربك
.thumb.jpeg.ee94c38bec01c27eaba8369689bb14ec.jpeg)
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥