حبه فول

[الجندى المجهول]

أحسنتى فى القول يانبتة فول فى سجودك

وعرفتى فى الطين بتحنى لمين عنقودك

والأرض حنـّت وكنـّت فى الدفا لحضنك

ولف غصنك حصى شاهد على وجودك

,,,,,,,,,

فلقاكى ايد العنايه بالقدر نصّين

والروح مشت فى النـّوايه وعلـّمت صفـّين

بدات حياتك بحب الأرض والعشرة

وانفكـّت القشرة وظهر جوّه الغلاف فصّين

,,,,,,,,,,

رافعين ورقهم بنيّه للخشوع والفرض

مكتوب عليها الأجل والعمق ويّا العرض

والطـّرح ساعة معاده وامتى هاينوّر

وجدور تدوّر على النعمة فى بطن الأرض

,,,,,,,,,,,

بالحكمة سارى ف معدتك ويضخّ فى الشرايين

عارف طريق سكـّتك شادد غذاه م الطين

سارح وسابح فى حبّ الأرض ووجوده

فاتح لعوده مجال عايش مابين شطـّين

,,,,,,,,,

وفى النهايه يافول مأكول بنى الأنسان

لاحبست يوم خطوتك ولا مرّه كنت جبان

واللىّ عرف قصّتك حاير مابين أمره

ويقضـّى عمره ف خجل من نعمة الرحمن

,,,,,,,,,

[مي مادي]

وفى النهايه يافول مأكول بنى الأنسان

لاحبست يوم خطوتك ولا مرّه كنت جبان

واللىّ عرف قصّتك حاير مابين أمره

ويقضـّى عمره ف خجل من نعمة الرحمن

 

رائع هذا الشعر

ومعناه جمييييييييل جدا

جزاك الله كل خير اخي

[الجندى المجهول]

وجزاكى خيرا منه اختى الكريمه

انار الله طريقكى الى الجنه

واسعدكى بالعيد

[ali desoky]

ايه الحلاوه دي

 

ياراجل دانا حبيت الفول علشانك!!

 

جزيت خيرا اخي الحبيب

 

:dance:

 

وكل عام وانت بخير وسعاده

:dance:

[AMR DAWAM]

سلمت لنا يداك على النقل الرائع

والمجهود المتميز دوما جندينا المجهول

******************

[الجندى المجهول]

وانت بالف خير وسعاده

يا حبيبى يا على

 

الله يكرمك يا عمور

تسلم لناويبارك الله لن قيك

وكل سنه وانت طيب

[ريحانة الربيع]

شعرجميل ومعبر

[الجندى المجهول]

كلماتك رائعه الجمال

جزاكى الله خيرا اختى

طيبك الله برائحه الريحان