موقف لا اجد له عنوان

[حياتى من اجل ربى 22]

احبائى

 

حصل موقف انهارده((فظييييع))

يمكن يكون اتكرر كتير بس انا اول مره اخد بالى اوى منه المره دى

واحده قاعده فى المترو من ساعت ما عدت وهى عماله تتكلم على فلانه وعلانه

ودى راحت ودى جات ودى بتعمل ودى مش بتعمل

وبصى دى لابسه ايه

بجد مش بطلت كلام لمده نص ساعه تقريبا كاامله (من الغبيه والنميمه والكلام على خلق الله )

بيحصل كتير

عارفه

بس الغريب ان هى بعد ما خلصت كميه الانتقادات اللى هى بتقولها

جات واحده بتقولها وبكل ادب

لو سمحتى انتى الشنطه اللى معاكى فيها حاجه بتنقط ومغرقه المترو وبتبهدل هدوم الناس وهما داخلين

ردت ....................

يعنى مش لازم اقول الرد لانه غير لائق اصلا

بس يعنى احنا نفضل نتكلم على خلق الله ومنقبلش اى نصيحه من حد

ذكرنى هذا الموقف بحديث شريف

عن ابى هريره رضي الله تعالى عنه قال: قال رسول الله صلى الله عليه وسلم: ( ان احدكم ليبصر القذى فى عين اخيه وينسى الجذع فى عين نفسه))،

او كما قال صلى الله عليه وسلم

لاحول ولا قوه الا بالله

ربنا يصلح حالنا جميعا ويهدينا يااااااااااااااااااااارب

 

ثانيا وده اللى انا ملاحظاه فى تصرفات كتيييير مننا

ليه احنا مش قلبنا على غيرنا

وفين تطبيق حديث النبى صلى الله عليه وسلم

فقد روى الشيخان عن أنس بن مالك رضي الله عنه، عن النبي صلى الله عليه وسلم قال: "لا يؤمن أحدكم حتى يحب لأخيه ما يحب لنفسه".

 

وكما علمنا ان السنه اخلاق ويجب ان تطبق

يا ترى احنا بنطبق المبدا ده فى حياتنا

يعنى اما يكون حد معاه شنطه فيها سوائل يا ترى هيحافظ ان الحاجه اللى فى الشنطه دى ماتنقطش علشان غيره

ولا مش مشكله

يا ترى لو حد معاه حاجه هتترمى مش هنرميها فى الشارع علشان مش نؤذى غيرنا

 

اسال الله ان نكون نحن نواه النغير

وبذره لكل صلاح

وهدايه لكل البشر

وان يستعملنا ولا يستبدلنا

جزاكم الله خيرااااااا

تم تعديل September 27, 2009 بواسطه حياتى من اجل ربى

[AMR DAWAM 7]

بجد يا اختى حياتى انا مش عارف اقول ايه فى مثل ما يحدث هذا

واكثر من ذلك والله

 

اشياء كثيرة نهانا الله عنها ولكن من يعتبر ومن يتخذ فى باله ان ما يفعله يغضب الله

ربنا يهدينا جميعا

*******************

[حياتى من اجل ربى 22]

جزاك الله خيرا اخى عمرو

فعلا والله عندك حق

ربنا يهدينا الى ما يحبه

يوفقنا الى رضاه

ويجعل الامه الاسلاميه دائما فى خير وتقدم

ويرزقك السعاده ويكرمك بالخير

 

سعييييده بردك على موضوعى

واحترامى وتقديرى لك

[اعتز بحجابى 0]

ليكى حق فعلا دى حاجه تحزن

ماهو لو كان موجود المبدا ده ((حب لاخيك ما تحب لنفسك))

عندنا اكيد ماكناش هنشوف ده

تم تعديل September 27, 2009 بواسطه اعتز بحجابى

[حياتى من اجل ربى 22]

تصدقى يا يمنى ان اللى كتب الكلام ده على الحيطه شخص مستفز

ياااااااااارب نحقق مبدا حب لاخيك ما تحب لنفسك ده فى حياتنا يااااااااااااارب

ونبدأ بانفسنا اولا فلو اردنا تغير العالم علينا ان نبدا بانفسنا

جزاك الله خيرا يمنى

 

ويااارب اسمع عنك كل خير قريب يااااااااااارب

[ali desoky 391]

عن ابي حمزه انس بن مالك رضي الله عنه.عن النبي صلى الله عليه وسلم:

 

لا يؤمن احدكم حتى يحب لأخيه ما يحب لنفسه) )

رواه البخاري ومسلم

ومعناه لايبلغ عبد حقيقة الإيمان حتى يحب للناس ما يحب لنفسه من الخير’ ويكره للناس ما يكرهه لنفسه من الشر

.وقد رتب النبي صلى الله عيه وسلم دخول الجنه على هذه الخصله،

فقال صلى الله عليه وسلم:

( من احب أن يزحزح عن النار ويدخل الجنه فلتدركه منيته وهو مؤمن بالله واليوم الآخر ويأتي على الناس الذي يحب أن يؤتى عليه)رواه البخاري ومسلم

عندما تحب لأخيك ما تحب لنفسك سوف تشعر بانشراح في الصدر وطمأنينه في النفس ورضا ما بعده رضا..وعندها فقط سوف تتذوق حلاوة؟

هذة الحلاوة هي حلاوة الإيمان ..لن تتذوقها باللسان ولكن سوف تتذوقها بالجنان وسوف تشعر بسعادة نفسية غامرة... اتعرف لماذا؟؟

لأن سعادتك تزداد عندما تتخلى نفسك عن الكراهيه وعندما يعتمر قلبك بالحب ..سعادتك تزداد عندما تتخلى عن النقاط المظلمة والمناطق السوداء تللك المناطق التي تمثله الحقد والكراهيه والغل والحسد ونحو ذلك... وهذه كلها تنتهي وتتساقط عندما تحب لأخيك ما تحب لنفسك ...وعندئذ تشعر بالراحه النفسيه العظيمه

..فلماذا تحسد أخاك؟؟ لماذا تغتاب اخاك ؟ لماذا تنم عليه؟؟

لأنك تحب نفسك أكثر وتتمنى لها الخير ولا تتمناه لغيرك من المسلمين أما حين تحب لغيرك ماتحب لنفسك فسوف ينتهي الحسد والغيبه والنميمه ...

قد تقول كل أنسان يحب نفسه اكثر..

نعم..ولا أريدك ان تحب غيرك أكثر مما تحب نفسك فهذة درجة لا يصل اليها إلا القليل من الناس

وهم الذين(((يؤثرون على أنفسهم ولو كان بهم خصاصة)))

وهؤلاء فئة خاصة من المؤمنين..لكني أطلب منك فقط ان تحب لأخيك المسلم ماتحب لنفسك ..وأن تتمنى له الخير كما تتمنى لنفسك الخير....

جزاك الله خيراً أختاه على هذا الموضوع النافع

فكم من الأخوة في غمرة الحياة والمادية الطاغية في حياة الناس وتعاملهم ، تختفي معها معاني العلاقات الربانية وتطغى النظرة التجارية على علاقات أراد الله لها أن تعلو عن وحل الأرض ومفاسدها

 

أسأل الله أن ينفع ويبارك في جهودك

[حياتى من اجل ربى 22]

جزاك الله خيرا اخى على

نبهتنى الى امر لم اكن قد انتبهت له

..فلماذا تحسد أخاك؟؟ لماذا تغتاب اخاك ؟ لماذا تنم عليه؟؟

لأنك تحب نفسك أكثر وتتمنى لها الخير ولا تتمناه لغيرك من المسلمين

فعلا

انا مش كنت واخده بالى بالحكايه دى خااااالص

ودى فائده النقاش

اسال الله ان يجعل كل ما تكتب فى ميزان حسناتك

ويحقق لك كل ما تتمنى

ويرزقك من حيث لاتحتسب

ويرزقنا حسن الخلق

ياااااارب

امييييييين

[حاجه صعبه 0]

شكرا

انا باخد بالى من كده كتير

[mercy 2]

شكرا على الموضوع الجميل ده

 

وربنا يهدينا جميعا