خلطبيطه

[الجندى المجهول]

خلطبيـــطة

قعدت ع القهوة فى يوم

 

 

فتحوا التليفزيون

 

على نشرة الأخبار

 

وياريتنى ماشوفت حاجة

 

كل اللى شُفته

 

حرب وخراب ودمار

 

*********

 

الأمريكان شويه فى العراق

 

وشويه فى أفغانستان

 

وروسيا ملقتش حاجه تعملها

 

قالك إضرب فى الشيشان

 

ودارفور وشمال وجنوب

 

ياخسارة ع السودان

 

وكل شوية إنقلاب

 

فى مية حته ومية مكان

 

وسباق تسلُح نووى

 

بين الهند وباكستان

 

وبعد شوية حظر نووى

 

على كوريا وإيران

 

وزلزال وسيول وعواصف

 

ورياح وبركان

 

*********

 

وفى فلسطين

 

كل يوم أطفال وشباب

 

وستات بتموت

 

بنتفرج عليهم

 

وكأننا بنشوف

 

كتكوت بيموت

 

*********

 

وإحنا

 

راكبين عربيات

 

بنضرب كلاكسات

 

عاملين

 

زيطة وزمبليطة

 

بيب....بيب

 

أهلى....زمالك

 

ياعم إمشى

 

جنب الحيطة

 

ناكل محشى وقرنبيطة

 

والحلو هو

 

الخلطبيطة.

[بنت مصرية]

الخلطبيطة.

 

شعر جمبل كالعادة شاعر المنتدي

وزي مانت قلت كدا

هي دي الخلطبيطة

المشكلة ان كل واحد عمل مالوش دعوة

فبقينا كلنا ملاناش دعوة

ومن هنا جات الخلطبيطة

ربنا يهدينا كلنا والي بيقول ماليش دعوة

يبطل كدا لان في النهاية احنا السبب

[الجندى المجهول]

دى مايطلق عليها الاناماليه

وربنا يهدى

ربنا يكرمك يا بنت مصريه

ويعزك ويزقك الجنه