حيث ان

[الجندى المجهول]

حميدة عبد المستعان

كبير جنود

حرس حدود

البرلمان

وقف نهق

نحنح

شهق

و قال بيان

 

من بعد ما أبسمل و أقول

على ميت ولى و سلطان و غول

و أنعى كام مليون شهيد

راحوا بالنار و الحديد

و ألعن العصر اللى فات

و سنسفيل أبو اللى مات

 

أما بعد

 

حيث أن الدنيا جنة

و الطريق مفروش ورود

و المسائل ف الطراوة

و الخلايق ع العمود

يبقى كله ... ف الحلاوة

و الفساد

مالهوش وجود

 

 

حيث أن يا شبابنا

كلكم متورطين

يبقى حتما بالفكاكة

سنين أبوكو الجاية طين

للى منكم راح يقاوح

أو يفتّح ..........

ف التخين !!

[باهر زاهر]

السلام عليكم و رحمة الله

أحب أعرفك بنفسى

أنا باهر زاهر

كاتب القصيدة اللى حضرتك ناقلها دى

بدون أستئذان

رغم انى واثق انك عارف المنتدى اللى انا من رواده

لانك نقلت منه اكتر من قصيدة ليا و لغيرى

انت و لا استأذنت و لا حتى كتبت اسمى على القصيدة

و اعتقد ان ده تصرف غير لائق و غير حضارى

انا مش عارف اقولك ايه و لا حتى اسمى اللى انت عملته ده ايه

بجد

كدة عيب