عصافيرى

[الجندى المجهول]

عصافير البطن بتتخانق

على لقمة و شوية مية

أصلها ما داقتش من امبارح

غير فتوى و طقمين حنية

من واحد خارج من بيتهم

متعشى عشوة انما هية

 

........

 

عصافير فى دماغى ما ملَتشى

تتخانق فيا و تشتمنى

أصل انا كيلت ما خلتشى

للى مزهقنى مأزمنى

واحد جه يحكم ما حكمشى

إنما كبلنى و عممنى

 

.........

 

عصافير فى القلب بتلسعنى

لا بتسكت و لا يوم تسمعنى

عمالة تصوت و تصرَخ

فيه شئ فى بلدنا بيوجعنى

و انا ماشى و ساكت من خوفى

و باخاف من خوفى يضيعنى

[باهر زاهر]

والقصيدة دى كمان بتاعتى

كتر خيرك انك حطيت عليها

كلمة منقول

لكن

ايه المشكلة لو كتبت عليها

انها من تاليف فلان

يا بنى ادم ده مجهود و ابداع و افكار

و سرقته زى سرقة اى شئ مادى

ان لم يكن افظع