الجندى المجهول 37 قام بنشر October 4, 2009 سيداتي آنساتي سادتي اللي قاعدين في البيوت نشرة الأخبار ح تبدأ كله يلتزم السكوت واسمعوا آخر خبر ع المسلمين برضوا كالعادة و زي ما العرب متعودين وزي ما نسمع ليلاتي عن ضحايا في الصحف وفي الجرايد من سنين النهاردة الخبر من بلاد الرافدين أعلن ال بوش الصغير بين صفوف اللي اختاروة انه ابدأ مش ح يسكت ناوي ياخد طار ابوة ناوي علي صدام حسين يقتلوة او يشنقوة ناوي علي غزو العراق عزة منه وكبرياء أو غرور أو طمع فيها عشان خيرها كتير وأزاي يسبوا ميخطفوش وابتدي سيدنا بوش خطتة وعد الجيوش وابتدت حرب المصير والعرب فينهم مفيش العدو بدأ الهجوم وأحنا صم بكم عمي ينطق الحجر الأصم والعرب ما ينطقوش والهجوم عمال يزيد والسلاح في الأيد يهاتي ع الرجال والرجال مبيسمعوش كل يوم شوف كام شهيد والحصار عمال يزيد والعدو عمال يقيد نار حطبها مسلمين والضحايا بقت تلال بحر دم وهم سال دمروا أجمل بلاد لبسوا توب الحداد للرجال قبل الحريم وانكسر صدام وراح شعبه يشرب م الجحيم والأسد أصبح سجين والكلاب دخلوا العرين وأمتلك بوش اللعين وحدة الزمام وأعلنت بغداد سقوطا بعد ما انكسرت شوكتها بعد ما صبحت رماد بعد ما أنفض المزاد بعد ما خان اللي خان بعد ما باعوا البلاد واللي زاد الأمر سوء أن باقي المسلمين كلهم لزموا السكوت العدو دخل البيوت عدا جيش الاحتلال عمال يفوت وسطنا داس علي عرض البنات بالمداس عدي وفات ع أمهاتنا كلنا خدوا أرضنا مننا أندال وخونه كلهم داسوا علي أعظم حضارة يا خسارة ابتدي عصر احتلال واحنا كما العادة مفيش حاجة ولا إحنا هنا السلاح في أيدنا كلام والجيوش رقص وغني أصل أحنا حابين السلام لو قتلونا كلنا سيداتي انساتي سادتي والآن جاءنا هذا البيان من مراسلنا لدي مسلمونا في الشيشان العدو برضوا الجبان هواه كمان رافع سلاحة لسه ناوي ع القتال ناوي يشرب دمنا علي أي حال جانا سؤال همه الضحايا وصلوا كام في بيان أخير كان العدد مليون جريح ما هوش كبير بالنسبة للحصر اللي فات عن ضحايا المسلمين وتضيف كمان ييجي ميت شهيد يمكن يزيد كل يوم منا بيموت وده مش بعيد ع السامعين يعني الحصيلة كل ليله بحرين بيجروا م الدماء والدمع شلال والجراح زي المطر وباختصار بقت البلاد عايشة في حصار والصغار مش لاقيه قوت والدمار شامل وكامل ألف نوع موتوا أطفالنا جوع روملوا زوجاتنا شردوا حتي المشايخ شعبنا والله دايخ ليل نهار ده الخبر وبالمختصر شعبنا في سكة فناء ونواصل الأنباء وننتقل الي صفحة تانية قوام في ثانية كاميرا الأحزان ح تبدأ انتقال للسودان أو الصومال لبنان وضعها أسوء وأسوء م اللي حاصل والخبر ده لسة واصل من فلسطين الحبيبة صورة الأحزان مريبة والنصيبة اختلاف فتح وحماس اختلاف مالهوش أساس حربهم مع بعض عيبة أولي بيها الاحتلال اللي أصبح كالطوفان كل يوم في بلد جديد بيدمر الحلم الوليد والسبب دايما وحيد الأمريكان ورا كل باب ورا كل أحزان العرب وسبب كمان هوه الضمير اللي هرب وإسلامنا اللي اغترب في المسلمين أصبح غريب وبعدنا عن نهج الحبيب واخرتها عايزين انتصار يآل الآسف وقت نشرتنا أتنسف ومن القناة الإخبارية ألف مليون اعتذار اصل القضية هيه هيه واللي بيحصل فينا عار عزيزي المشاهد طول ما أنتا مش عايز تجاهد خليك بقي في مرار ونار خيلك في ليل باقي الزمن طول مانتا مش كد التمن قابلني لو طلع النهار شارك هذه المشاركه رابط المشاركه شار ك علي موقع اخر
ريحانة الربيع 1 قام بنشر October 8, 2009 سكوت المسلمين هو المصيبة يا عالمين لا للقران متبعين ولا بالنبي مستنيين ولا باخوانهم مهتمين ********* قصيدة معبرة شكرا جزيلا شارك هذه المشاركه رابط المشاركه شار ك علي موقع اخر
الجندى المجهول 37 قام بنشر October 10, 2009 الاجمل الرد الرائع لكى اختى ريحانه الربيع جعل الله كل ماتكتبى فى ميزان حسناتك شارك هذه المشاركه رابط المشاركه شار ك علي موقع اخر
الرّام 173 قام بنشر October 10, 2009 رائعة جدا ********* والسببدايما وحيد الأمريكان ورا كل باب ورا كل أحزان العرب اكيد ... و لكن ... هذا بعد ان هوه الضمير اللي هربوإسلامنا اللي اغترب في المسلمين أصبح غريب وبعدنا عن نهج الحبيب *********** بارك الله فيك يا خويا على هالقصيد ************* و ربي يستر ان شاء الله شارك هذه المشاركه رابط المشاركه شار ك علي موقع اخر
الجندى المجهول 37 قام بنشر October 10, 2009 اكيد ان شاء الله هيستر ربنا يكرمك والجنه يوعدك وزياره الحبيب يرزقك جزاكى الله خيرا شارك هذه المشاركه رابط المشاركه شار ك علي موقع اخر
