رد الجميل

[الجندى المجهول]

الام دى ملحمـــــــــة

لما الليالى تضيــــــق

بعتها رب السمـــــــا

مصبــاح لكل طريق

 

تعبانة لاجل ابنــــها

نبع الحنان منهـــــا

والطيبة من قلبهــــا

بتنجى اى غريـــــق

الام رمز الكفـــــــاح

والصــبر والاخلاص

رافضة ف يوم ترتاح

والطبع حـــــب الناس

ســـهرانة واحــنا ننام

ترســـم لنا الاحـــلام

ضحكتها احـــلى كلام

والقلـــب زى المـــاس

الام لاجــــل الـــولاد

بتضـحى بالـــغالى

والحــــلم مهــما زاد

متقــول وانا مـــالى

طول ما الحنين موصول

صبر وجلد على طول

مهــــما الليــالى تطول

تطلـــب لنا العالى

الام هى الام

مسيحية او مسلمة

شغلتها شيل الهم

بالعطف دى مغرمة

الله عليها الله

ورحمته فى سماه

تكريمها هو رضاه

رد الجميل ملزمة

[عاشق الصداقه]

جزاك الله خيراً حبيبى

كلمات رااااااااائعه

 

أحبك أمى >> مما كتبت .. فى حبها

[الرّام]

كلمات جد جد جد رائعة

 

و لكن تبقى الكلمات مقصرة و لا توفيها حقها

[الجندى المجهول]

اكيد كل كلام الدنيا ما يكفى حقها

جزاكم الله خيرا اخوتى فى الله

[مهندسة المنصورة]

 

ماشـــــــــاء الله قصيدة رائعة جدا

انا كل بيت في القصيدة دي من جمالها عايزة اعملها اقتباس كلها

كل بيت معبر جدا

الحمد لله الام دي نعمة كبيرة اوي ميحسش بيها اللي فقدها فعلا

ربنا يبارك لينا في والدينا ويرزقنا واياهم الفردوس الاعلي

جزاكم الله خيرا علي الابيات الرائعة مرة تانيه وربنا يجعلها في ميزان حسنات حضرتك

 

 

 

[الجندى المجهول]

جزاكى الله خيرا اختى مهندسه المنصوره

ربنا يديمها عليكى نعمه وميحرمكيش منها

ربنا يبارك لكى فيها

ربنا يكرمك والجنه يوعدك وزياره الحبيب يرزقك