هو انت بتعمل كدة ليه؟؟؟

[نودة 41]

السلام عليكــم ورحمـة الله وبركاتــة ،،

بتنام بدري ليه ؟؟

علشان تعبان و عايز تلحق شغلك و لا علشان تصحى للفجر!!!!!

بتاكل ليه؟؟

علشان جعان و لا علشان تتقوى على طاعة ربنا!!!!

سميت ابنك عمر ليه؟؟

على اسم جده و لاتيمنا بالفارووق عمر رضي الله عنه!!!

بتدي لصحبتك كشول المحاضرات ليه؟؟

علشان بتحبيها بس و علشان تقول عليكي طيبة بس و لا علشان الله في عون العبد ما كان العبد في عون اخيه!!!

بتسلف زميلك فلوس في زنقتوا ليه؟؟

علشان يقول في نفسه انك جدع و رجولة و لا علشان من فرج عن مسلم كربة من كربات الدنيا فرج الله عنه كربة من كربات يوم القيامة!!!

بتروحي لبنت خالتك و معاكي هدبية ليه ؟؟

علشان هيه جاتلك من كام يوم و معاها هدية و لا علشان صلة رحم و ليس الواصل بالمكافئ !!!

بتشتغل كويس ليه؟؟

علشان تبقى انت اللي ع الحجر عند المدير وعلاوات و اجازات و كدة ولا ان الله يحب اذا عمل احدكم عمل ان يتفنه!!!

عينيك بتورم من المذاكرة ليه؟؟

علشان تدخل الكليه اياها و يقولوا الدكتور راح الدكتور جه و لا علشان من سلك طريقا يلتمس فيه علما سهل الله له طريقا للجنه!!!

بتلعب تنس وبتركب خيل و بتتعلم سباحة ليه ؟؟

علشان تضيع وقت ولا علشان المؤن القوي خير و احب الى الله من المؤن الضعيف!!!

زرتي صاحبتك العيانة ليه ؟؟

علشان صعبانة عليكي و لا علشان من عاد مريضا خاض في الرحمة فاذا جلس استنقع فيها!!!

خليتي بنت تتحجب ليه؟؟

علشان صحبها كلهم اتحجبوا و لا علشان وليضربن بخمرهن علي جيوبهن!!!

قولت لابنك ماتشربش سجلير ليه؟؟

علشان الناس ما يقولوش علي ولد تلفان و لا علشان السجاير خرام شرعا!!!

انت اصلا عايش ليه؟؟

اهو كده وخلاص زي ما الناس عايشة و لا علشان تعمر الارض بالخير و تعبد ربنا علي حق!!!

اخي الفاضل

اختي في الله

حياتك لازم تكون كلها لربنا

من اول ما تصحى من النوم الصبح لحد ما ترجع تنام تاني بالليل

بسم الله الرحمن الرحيم

قل ان صلاتي و نسكي و محياي و مماتي لله رب العالمين

صدق الله العظيم

اللهم اجعل عملنا كله صالحا و لوجهك خالصا ولا تجعل لاحد غيرك فيه نصيبا

ااااااامييييييييييييييين

 

 

[بنت مصرية 66]

بجد انتي مشكلة مالكيش حل

تيلم ايدك علي الموضوعات الجامدة دي

الحمد لله منتانا اكتيب موهبة جميلة جدا جدا

وهتشجعي الي كان بيككتب ووقف انه يرجع يكتب

واللي بيفكر وعمره ماعملها من كتر اسلوبك الجميل والسهل وترتيب افكارك

هيكتب

بجد ربنا يبار فيكي ويجازيكي عنا خير الجزاء

بالنسبة للموضوع بقي

 

صدق الرسول صلي الله عليه وسلم عندما قال ان امر المؤمن كله خير

فعلا

انت ممكن تبقي شخصية ناجحة في حياتك وبتعمل اللي انت بتحلم بيه

بي في نفسي الوقت بالك مرتاح

لان الواحد لما بيعمل كل حاجة والله والله علشان ربنا فعلا بيحس ان اللي بيعمله ليه طعم جميل جدا

ده غير ان باله بيبقي مرتاح

مش هيعد يسأل نفسه هو بيعمل لفلان الحاجة الفلانية

هو يستاهل هو هيقدر هو هيفتكر

طيب الشخص الي قدامي هو اتصرف معايا كدا ليه ولا هو يتري بيقول عليا ايه او بيفكر في ايه

طيب انا بكرة هيجارالي ايه

وكل الحوات اللي ليها علاقة بعلاقاتنا مع الناس وتوجع الدماغ

او حتي احوالنا احنا

لما نعمل كل حاجة وننوي فعلا بدون رياء انها لربنا

بتبقي راحة كبيرة

من ترك شيء لله عوضه خيرا منه

وما كان لله داما واتصل وماكان لغير الله انقطع وانفصل

 

تقبلي مروري وتقديري

[ali desoky 391]

بعد ثناء اختي بنت مصريه علي اسلوبك الجميل

لا استطيع الاضافه

 

بالفعل اختي نوده اسلوبك اسلوب جميل جدا

 

جزاك الله خيرا

ان شاء الله

[الرّام 173]

اللهم اجعل عملنا كله صالحا و لوجهك خالصا ولا تجعل لاحد غيرك فيه نصيبا

 

آمين يا رب العالمين

 

 

*********

 

فعلا يا "نودة" يعطيك الصحّة يا اختي على كل ما كتبتي

 

و ربي يجزيك كل خير ان شاء الله

 

و انا نقرى في الموضوع بالحق كنت حابة نكتب كل الي قالاته "بنت مصرية" (يعني سبقتني)

 

لكن المهم ...

 

ربي يهدي الجميع ان شاء الله

[ABOTASNEEM 116]

أسلوب رائع .. من كاتبة أكثر من رائعة

 

جزيتى خيراً .. وجعل الله ما تكتبين

 

سبباً فى هداية غيرك .. وتثبيتك

 

تقديرى واحترامى

[حياتى من اجل ربى 22]

لو قولت موضوع رائع هيكون ده شويه

تحفه تحفه تحفه

جزاك الله خيرا حبيبتى

ربنا يجعل كل ما تفعلين فى ميزان حسناتك

ويهديك الى كل خير

ويحقق لك كل ما تتمنى

ونسمع عنك كل خير قريب ياااااااااااارب