ناس وناس

[الجندى المجهول]

ناس تهلب وناس تقلب

 

وناس جيوبها منفوخين

 

ناس تلطش وناس بتلطش

 

وناس خدودها متنفخين

 

ناس بتسرق وناس بتنهب

 

وناس عامله مفتحين

 

ناس تبحلق وناس تبرق

 

وناس عيونها مفنجلين

 

ناس تهرج وناس تبلطج

 

وناس خايفه مرعوبين

 

ناس بتعلا وناس بتوطا

 

وناس قاعده مبلمين

 

ناس بتعطف وناس بتخطف

 

وناس بتاخد بايمين

 

ناس تهلل وناس تولول

 

وناس بتلطم بالايدين

 

ناس بتعيا وناس بتمرض

 

وناس بتصرخ م الانين

 

ناس بتاكل وناس بتشبع

 

وناس بطونها خويانين

 

ناس ديابه وناس غلابه

 

وناس بتضرب فـــ السمين

 

ناس معانا وناس معاهم

 

وناس تايهه مابين لتنين

 

ناس تقرب وناس تغرب

 

وناس مدوبها الحنين

 

ناس بتسهر وناس بتسكر

 

وناس قاعده متييسين

 

ناس بتاخد وناس ما تدى

 

وناس ماتعرف إنت مين

 

ناس بتهرب وناس بتجرى

 

وناس إديها متقيدين

 

ناس بترشى وناس بتوشى

 

وناس غلابه مش لاقيين

 

ناس بتشكى وناس بتبكى

 

وناس مدوبها السنين

 

ناس وناس

 

ناس وناس

[حياتى من اجل ربى]

ناس وناس

 

مش عارفه والله صحه الكلمه دى رغم انها محققه فى الواقع بالفعل

الا اننى اتوقف عند كلام رب العالمين

 

((ولا يظلم ربك احدا ))

 

 

 

جزاك الله خيرا اخى شاعر المنتدى

ربنا يكرمك ويزيدك من فضله

[الجندى المجهول]

ونعمه بالله

ناس وناس بيختاروا يبقى كده واللى بيثبت ده انى فى ناس بتتغير وناس بتتدبدل

 

 

جزاكى اله خيرا اختى ربنا يكرمك والجنه يوعدك