حكم سنى

[الجندى المجهول]

شىء طبيعى..

انى اعمل كل حاجة ف وقتها..

وابقى زيّى زى غيرى..

اللى عايش نفس سنّى..

حكم سنّى..!

انت عارف..

مهما صوت العقل صغّر اى حاجة بحبها..

صعب انّى..

امشى بيه وما اعشّ سنى..

العلام مش بالقلم والمسطرة..!

ونصيحة واحدة ف كل شىء متكررة..

ياابنى اعقل...

ياابنى ايه اللى عملته..

يالبنى شنبك فيك مخضّر..!

ياابنى اكبر..

يابنى عيب اللى انت قلته..

ياابنى دقنك نبتت..

انت ايه..مخك محجّر!

___________

العلام اللى اعرفه..

انى اجرب كل حاجة..

لو خسرت هقول مقدر..

لو كسبت هقول مقدر..

واما ييجى الوقت واكبر..

هبقى اقول نفس النصيحة ..

وف ساعتها بس هعرف..

انت ليه بتقول كده..