السد العالى والاسلحة النووية

[تقوى القلوب 12]

if Egypt joint this war make sure you give all the Egyptian a bath of their life by opening their Aswan Dam, that should wake them up from their dream

 

 

ده بالظبط اللى اتنشر فى جريدة اسرائيلية بعد تصريح الرئيس الموقر "مبارك" ان ضرب مدينة قانا يهدد عملية السلام

 

ومعناه فيه تهديد صريح لقذف السد العالى

 

طب تعالو نسأل كدا المصريين

 

 

, هل اسرائيل تقدر تضرب السد العالى ؟

 

_لالالالالالالالالالالالا لان اكبر قاعدة صواريخ مصريه موجوده عند السد العالى لحمايته من اى غدر صهيونى

 

 

, يا جماعة طب مانتو برضو قولتلولنا ان اكبر قوات مصرية موجودة على الحدود بين مصر واسرائيل (سورى بين مصر وفلسطين المحتله _ معلش يا فلسطين اصل بقالك كتير اوى محتله اعتقد من قبل 48), ومع ذلك الجنود المصريين بيتصفو كل يوم بالدبابات على الحدود المصرية الاسرائيلية ومحدش بيسمع عنهم حاجة

 

 

, ولما اسرائيل تقدر تضرب السد مضربتهوش ليه سنة 1973؟

_لازم نحط فى اعتبارنا ان الاسلحة كل يوم فى تطور خصوصا الاسلحة النووية

 

(هقولكم على سر بس ده سر بيننا "اسرائيل هى الدولة الوحيدة فى الشرق الاوسط التى لم تمضى على معاهدة عدم استخدام الاسلحة النووية فى الحروب" اوعو تقولو لحد )

 

 

**اذا تم هدم السد العالى هتبقى الجثث المصرية لا حصر لهااااااااااااااااااااااااااااااااااااااااااااااااااااااااااا اللى باقى من المصريين وقتها هيروح يجمع جثث اهله من على شاطىء اليونان , وهيبقى الحكومة هى اللى بتتحايل على الشباب يشتغل لان الاماكن هتبقى فاضية اوى ومش هنلاقى حد يشتغل

 

 

حد بقى يفهمنى ايه اللى بيحصل علشان مش فاهممممممممممممممممممممممممممممممممممممممممممممممممممممممممة حاجةةةةةةةةةةةةةةةةةةةةةةةةةةةةةة

[عاشق الصداقه 525]

متخافيش اختى تقوى القلوب

 

اولا احب اهنيكى واشكرك على الموضوع

 

 

 

 

ثانياً : بالنسبه للموضوع :

 

اسرائيل هى الدولة الوحيدة فى الشرق الاوسط التى لم تمضى على معاهدة عدم استخدام الاسلحة النووية فى الحروب

 

كلنا عارفين ده كويس .. وده علنى لكل الدول

 

والسبب اللى قايلينه ان هيا الدوله اللى موجوده فى منطقه محاصره باعدائها فيها (الدول العربيه)

 

بس دى لا مواخذه قلة ادب

 

ً بالنسبه للتهديد بضرب السد العالى

 

محدش يقدر يضربه ان شاء الله

 

احب اقوللك ان سياسة مصر كدوله استحاله متاخدش بالها من حاجه زى دى

 

فى دلائل .. لعل ابسطها .. ان اسرائيل لو تقدر تضرب السد العالى كانت ضربته فى اى وقت

 

ولو دلوقتى عندها القوه لضربه كانت ضربته .. لأن وببساطه اذا تم ضرب السد العالى .. مش زى ما انتى بتقولى الشباب هيشتغلوا بره وبتاع

 

 

لألألألألألألألألألألألألألألألأ ... الموضوع اكبر من كده بكتييييييييييييييييييير .. اذا تم ضرب السد العالى ستفنى مصر من البشر ..

 

اقرى احصائيات منسوب المياه عند السد واراء الخبراء فى الضرر الناجم عن ضربه لا قدر الله

 

واسرائيل عارفه كده كويس .. يعنى لو تقدر تضربه هتضربه فى اى وقت

 

على فكره الموضوع ده من زماااااااااااااااااااااااااااان .. وانا حضرت بنفسى رد الرئيس مبارك على التصريحات دى على التليفزيون

 

وحافظ رده .. لأنه عجبنى جداً .. قال بالحرف :

 

" سد عال ايه اللى عاوز يضربه ؟؟ حد يقولله الكلام ده عيب .. ميقولوش تانى .. وبعدين خليه يضرب السد العالى .. وتبقى خراب على الكل"

 

ده اللى قاله الريس وسمعته وشوفته بنفسى والله .. لأنى كنت متابع جيد للاخبار لحد فتره قريبه

 

حطيلى خط عريض بقى تحت " تبقى خراب على الكل " دى ...

 

هتبقى خراب علينا لأنك زى ما قلتلك كده مصر هتضيع وهتغرق من اولها لآخرها

 

طيب تبقى خراب عليهم ليييييييييييييييييييييييييييييييييييييه ؟؟

 

ببساطه ومن غير نقاش فى الموضوع ده (استحاله مصر كدوله مهدده من اسرائيل وبقوتها دى ميكونش عندها اسلحه نوويه مخفيه)

 

وانا فسرت معنى كلام الريس .. تفسير واضح جداً من كلامه ..

 

انا دلوقتى رئيس دوله ... ودولتى كلها هتغرق فى ساعات .. اسلحتى فى القاهره مثلاً ..

 

على ما توصل الميا للقاهره اكييييييييييييييييد هكون انتقمت من اللى ضربنى .. بمعنى ان ده لو حصل هتلاقى كل الاسلحه النوويه والغير ننويه بتاعتنا اتوجهت على اسرائيل

 

وانا مؤمن جداً .. بقول رسولنا محمد عليه وعلى اله افضل الصلاة والسلام :

 

اذا دخلتم مصر فاتخذوا من اهلها جنوداً فهم خير اجناد الارض

 

صدق صلى الله عليه وسلم

 

طبعاً .. ده رأيى وتحليلى للموضوع كله .. معلش لو طولت عليكم

 

فى رعاية الله

[سحر العيون 3]

انا زرت السد العالى كتيررررررررررررررر

 

ودخلت جواه وشفت المحركات والمعدات فعلا حاجه مهوله

 

وهذا كل مالدى عن الموضووووووووع

 

 

كشفت تحقيقات نيابة أمن الدولة في قضية التجسس علي البرنامج النووي المصري، أن الموساد الإسرائيلي كلف المتهم المصري محمد سيد صابر المهندس بهيئة الطاقة الذرية "محبوس"، ببحث إمكانية تدمير السد العالي بصاروخ نووي، وكذلك التحقق من وجود استخدامات استراتيجية لقناة توشكي من عدمه. وأوضحت التحقيقات، أن الموساد الإسرائيلي ليست لديه معلومات عما إذا كانت مصر تقوم بتخصيب اليورانيوم سرا بحيث تستطيع امتلاك أسلحة نووية أم لا.

 

 

العيب هنا بيرجع على الشعب المصرى اللى بيخرج اسرار بلدنا بره

 

يعنى اسرائيل فى بلدهم ايه هيعرفها اللى جوا بلدنا وخبايا دولتنا

 

يعنى شعب مصر هو اللى بيوصلهم المعلومات واحنا بندمر بلدنا بنفسنا

 

يبقى نستاهل كل اللى يجرالنا

 

ثانيا اكيد لما يكون فى حاجه مهمه اقتصاديا بيكون عليها رقابه امنيه جامده جدا

 

هديلك مثل بسيط لما بتروحى مكان سياحى متحف او معبد بيكون عليه حراسه علشان الاثار متتسرقش

 

وتاريخنا يتهرب للخارج فمبالك بقا بالسد العالى اللى موفرلنا فى الكهربا والميا

 

اكيد هما تفكيرهم اكبر مننا بكتير واكيد عاملين حسابهم

 

بصراحه موضوع مهم جدا واحييكى لطرحه

[عاشق الصداقه 525]

جميييييييييييييييييييييييييييييييل

 

 

اقابلكم فى المعتقل ان شاء الله

 

[سحر العيون 3]

ولا معتقل ولاحاجه احنا فى بلدد ديمقراطى واتاح لكل مواطن حريه التعبير

 

ودا مجرد راى وبعدين فى حق مشروع من حقوقنا ومبدا من المبادى التى تدرس لنا وهو حق تقرير المصير

 

فبيدنا حق تقرير مصيرنا لا بيد احد اخر

 

وهذه بلدنا وهذا راينااااااااااااا ولم ولن يجرنا احد على التخلى عنها فان كان هناك جواسيس

 

فهناك شرفاء

 

بس برضو الحكومه مش هبله اوى كده دى خطط استراتيجيه

[فراس فراس 0]

كويس أنك فاكرة الموضوع ده رغم انه فات عليه اكتر من اربع سنين والله اعلم

 

بس ياجماعة عايزين نشو فأيه اللى حصل بالظبط ونشوفوا من عيون غيرنا مش من عيونابس

 

البداية ان الرئيس مبارك قال ان ضرب مدينة قانا يهدد عملية السلام

 

فهما شافوا من كلامه تهديد على أمنهم

لأن معنى كلامه أنه كدة مش هايبقى فى سلام واحتمال مصر تتدخل فى الحرب

 

فردوا وقالوا

لو مصر تدخلت فى الحرب يبقى تأكد أنك هاتعطى كل المصريين حمام من حياتهم بفتح السد العالى وده اكيد هايفوقهم من حلمهم

 

 

فرد الرئيس مبارك وقال

طيب خليهم يعملوا كدة وتبقى خراب على الكل

 

فيعنى كل الموضوع كلمة قصاد كلمة مش اكتر وشغل سياسة وجس نبض

 

اما حكاية الجاسوس فاى دولة ليها جواسيسها وخصوصاً بين جيرانها

وده علشان بيكونوا عملين حسابهم من اى ضربة غدر ده هو الشئ الأساسى

أما قرار الحرب والأحتلال فده مش بييجى بالساهل

فهم مش بيدخلوا حرب ألا لما يكونوا متأكدين بنسبة تسعين فى المية على الأقل ان هما هايكسبوها

وخصوصأ ان هما مش عايزين يكرروا موضوع تلاتة وسبعين

يعنى مش عايزين يقعدوا كام سنة ويطلعوا

 

لأ

 

هما عايزين يقعدوا ومايطلعوش

 

وكمان مش عايزين يعطوا للعرب امل زى اللى عاطوهلنا بهزيمتهم فى تلاتة وسبعين

 

يعنى من الآخر هما جايين جايين

 

سواء هما او حد تانى

 

وان ماكنشى النهاردة هايبقى بكرة

 

وهما محاوطين كل البلاد العربية براها وجواها بالقواعد العسكرية

 

يعنى كل يوم بيحفروا لينا وبيرتبوا علشنا

 

وانا عارف بالظبط هما هاييجوا امتى

 

والله اعلم

 

والسلام عليكم ورحمة الله

[ABOTASNEEM 117]

يعنى من الآخر هما جايين جايين

 

وانا معاك فى الرأى ده .. وده مش تشاؤو

بس ده اقرار للواقع

 

بس فى حاجة لازم نعرفها .. انو سوسو وتوتو وميمى (شباب اليومين دول)

مش هينفعوا خالص

 

ومثال على كده حرب 73 .. انتوا عارفين علشان ننتصر فيها كان ايه السبب ؟!!!

 

السبب كان ياجماعة الرجالة اللى كانوا بيحاربوا .. عارفين ليه ؟

 

علشان الرجالة دووول شافوا بنفسهم ابائهم وامهاتهم وقرايبهم بيموتوا قدام عنيهم .. يعنى عاشوا المأساة بنفسهم

 

قولولى بقى شباب اليومين دول(احنا يعنى) عاشوا ايه ..

اقولكوا انا .. عاشوا (مأساة بوس الواوا) ومعركة (اخاصمك اه) وحرب (انت عارف ليه) وما خفى كان اعظم

 

علشان كده لو احنا لا قدر الله دخلنا حرب .. لازم يكزن معانا رجالة مش .... بتوع اليومين دول

 

اسأل الله ان يحمى مصر واعوذبه من الفتن ويجعلنا ممن ينصرون دينه العظيم

[تقوى القلوب 12]

متشكرة على الردود الجميلة دى اللى بتكمل اى موضوع , وبتحاول تناقش كل جوانبه

 

وانا كقارئة رأيى

 

"""""""""""""اللى بيهدد مش بينفذ""""""""""""""""

[EL3aref 5]

 

يا جدعان حد يقفل الموضوع ده بسرعه يا ابو تسنيييييييييييييم يا كرينكل اقفل الموضوع واخفيه ولو تقدر تولع فيه ولع لحسن الحكومه تسجن النسخه بالكامل ولو النسخه اتحبست الهاكات هتقعد فى الشارع

 

[تقوى القلوب 12]

ايه ده مين اللى عايز يقفل موضوعى

 

اياك ثم اياك ثم اياك والا هضرب نفسى بالرصاص واحملك المسؤلية الجنائية , ولما يسألونى هقول العارف اللى قتلنى

[ABOTASNEEM 117]

احنا هنا بناقش قضية

بنظرة عامة دون اى تحزبية

وعلشان كده محدش يقدر يتكبم معانا

ومفيش مواضيع هتتقفل ...

[EL3aref 5]

 

على فكره انا كنت بهزر واتفهمت غلط انا مش عايز اى مواضيع تتقفل بس انا هزرت فى الناحيه البرمجيه نسخه المنتدى والهاكات دى حاجات فى برمجه المنتدى اللى احنا شغالين عليها اسف لعدم توضيحى الامور

 

تقبلوا تحياتى ...............

 

[ABOTASNEEM 117]

انا فاهم اخى العارف

ولكنى وجدت ان الموضوع جاد وسيأخذ جانب الهزار ولذلك

قمت بتغير اسلوب الحوار الى الاسلوب الجاد مرة اخرى ..

 

فى رعاية الله

[EL3aref 5]

 

انت صح اخى ابو تسنيم

 

[تقوى القلوب 12]

نرجع للموضوع الاصلى

 

 

علشان الرجالة دووول شافوا بنفسهم ابائهم وامهاتهم وقرايبهم بيموتوا قدام عنيهم .. يعنى عاشوا المأساة بنفسهم

 

تفتكرو ان الانسان يشوف قدامه ماساه كفيله انها تحرك مشاعره وتخليه يحمل قضيه على عاتقه ويحارب لحد ما ينفذها

؟؟؟؟؟؟؟؟

 

معتقدش

لان لازم يبقى في اصرار نابع من داخل النفس

كل اللى بيحصل بره عباره عن حافز او مؤثر وده مبيغنيش عن وجود دافع قوى داخلنا يحركنا