الجندى المجهول 37 قام بنشر October 12, 2009 شب صعيدي وبأتألم والجرح في جلبي (قلبي) اهو معلم اصل انا غلطان نزلت الجامعة اتعلم وسبت بلدنا ايوة سبت بلدنا طلعت خلاص من القمقم ومشيت في التعليم زي الرهوان كنت حابس نفسي وبذاكر بين اربع حيطان وفجاة !!!!!! ايو فجأة متتخضش لقيتني كدة زهقان مسكت كتاب الجاحظ.. اللي اسمه كتاب الحيوان وياريتني ما مسكته ,,, بعد دقايق جالي طهقان قمت جريت مسكت كتاب مليان اغاني من اللي هي حرام دي وبيزينها الشيطان وجعدت ( قعدت) اجرا ( اقرا ) عن الحب يا سلام عالحب وتنهيده ولقيتني جعان جعان حب مش اكل وكمان من نار الحب بقيت عطشان فكرت احب ...... فكرت احب ايوة احب وايه يعني ولا الحب حرام كمان ؟!!!! نزلت الجامعة متأنتك ولد امور ومتشيك قابلت بنت زي الولاد اهي صدفة خير من الف ميعاد انا فكرتها ولد بس ابن بيه اصلها قاصة شعرها من اللي بيقولوا عليه كاريه ولابسة تي شيرت صورة اسمه ايه جيفارا دا مرسومة عليه جات ناحيتي وقالتلي : ممكن تولعلي ؟!!! قولتلها : ما ترحم صحتك انت بتدخن ليه ؟ ضحكت ضحكة مسمعتهاش غير من صفية العمري في فيلم انا بيه انا بيه انا بيه قالتلي انا بنت مش ولد , وكمان بألعب باليه كنت انا ساعتها دايخ ومش سامع من اثر الضحكة قالتلي مالك سلامتك جرالك ايه ؟ حبيتها في ساعتها وجريت جبتلها باكو معسل بدل السجاير وقولتلها خدي الباكو كله اشربيه ضحكت تاني بصوت عالي كان جنبي رصيف اغمى عليا فوقيه بربشتلها برموشي شوية وقولتلها : ممكن نبقى اصحاب ؟ قالتلي ممكن بس لازم شوية ترتيبات ونعملك نيولوك وشوية تظبيطات لانك كلك على بعضك ملكش محل من الإعراب قولتلها قولي وانا انفذ واستعنت وقولت يارب قالتلي لازم تلبس سلسلة بقلب البس سلسلة ؟!!!!!!!!!!!!!!!!!!!!!! ليه هو انا كلب !!!!! وكمان شعرك يتجلجل وتغرقه جيل لا واضح ان الخراب خلاص حيهل وكمان لازم تلبس بنطلون ساقط لاااااااااااااااااااه خلاص كدة باظت وتلبس تي شيرت عليه عصافير خلاص نفوخي خلاص حيطير وبتقوللي قال البس إنسيال لا كدة عال العال اخدت بعضي جريت عالبيت مسكت الكتاب وقطعته ومن كتر ضيقي بكيت من الحب وبهدلته منك لله يا كتاب الحب منك لله يا كتاب الحب شارك هذه المشاركه رابط المشاركه شار ك علي موقع اخر
باهر زاهر 0 قام بنشر October 17, 2009 و دى كمان مسروقة شارك هذه المشاركه رابط المشاركه شار ك علي موقع اخر
