نودة 41 قام بنشر October 13, 2009 بســم الله الـرحمــن الرحيــم حد موافق معايا ان حياتنا بقت سمك...لبن...تمر هندي خد عندك ..الشوارع و ما ادراك ما الشوارع؟؟؟ اختناق مروري مش هاقولك ساعة الذروه بس ..لا ده طول اليوم بيييييييييييييييييب مش تفتح....حاسب انت عميت...بيييييييييب يا ابن ال.... كباري كتييير..كتيير مالهاش لازمة كبري 6 اكتوبر كوبري العاشر من رمضان...وغيرها و غيرها باعة جائلين بالكوم... مجنونه يا قوطة...سميط و جبنه...حاجة ساقعة ببس ولا المتسولين كل ما تمشي شوية تتكعبل ف واحد منهم... حاجة لله يابيه ...ده انا بربي يتامى و اما الاشاره تقف و يا ريتها ما تقف يشتغلوك بتوع المناديل و بتوع الفل مناديل يا استاذ ...مناديل يا ابلة الفل يا فل ....الفل للفل.. و اكشاك ...وناس فارشه ع الرصيف...و زباله...حتى ف ارقى الاحياء ولخبط لاخابيط... شخبط شخابيط كفاية كدة ع الشوارع نخش ع المباني اللي ف الشوارع مبانينا... يا سلام على مبانينا و عمارتنا و بيوتنا على كل لون يا باتسطة اخضر..احمر...ازرق..بحلوقي(ايه بحلوقي ده) ومدور و مربع و شبه منحرف و اذواق ما يعلم بيها الا ربنا والمبنى من دول عليه يوفط اشكال و الوان اشي محامي في الاستئناف و مجلس الدولة و اشي دكتور باطنة و نسا واطفال و جراحة و مسالك(ايه دكتور ف كله) ل اشي كوافير و بوتيك و محلات هدوم ...و حاجة اخر عك نسبنا من المباني و نمسك الناس اللي في المباني دول بقى حكايتهم حكايه كل واحدمنهم في وادي اللي يقولك ولادي ما يدخلوش غير مدارس خاصة و اللي تقولك ده ما فيش احسن من الحكومي و تانية ...انا بنتي ما تتعلمش غير في مدارس انترناشونال و تالت يقول انا ابني يدخل ازهر علشان يحفظ القران و لبس الناس ايه...جلابيه ماشي قميص و بنطلون ما يضرش بدله..شغال جلبيه و قفطان..ينفع و البنته و الحريم (قصدي البنات و الستات) 5 في المحجبه في المنتفبه في اللي بشعرها و في و في ياما نجيي بقى للمثافين (قصدي المثقفين)ز اللي متدين و اللي علماني و اللي متطرف واللي مش فاهم اي حاجه ف اي حاجه امتى بقة نفكر مع بعض ....نسمع بعض نتحد على كلمه سواء مش كل يغني على ليلاه و لا تنسوني من صالح دعائكم .... شارك هذه المشاركه رابط المشاركه شار ك علي موقع اخر
