سيندريلا بس أيه علي شكل تاني خالص

[dr_mido 53]

سندريلا

مرات الاب : بت يا سندريلا اصحى يا بت جاكي خبطه فى نفوخك

مرات الاب: قومى يا بت قامت قيامتـك

وصحيت سندريلا وهى بتأفأف

مرات الاب : يـاله قومى اكنسـى وامسحى على ما نيجى

سندريلا : وانتو رايحين فين ومتزوقين كده وكل واحده عامله نيو لوك

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز

مرات الاب : تروحى فين يا موكوسـه بلبسك المهرول ده انا عايزه ارجع الاقى البيت بيبرق

ومشيت مرات الاب وبناتها التلاته وقعدت سندريلا تعيـط

وفجــأه طلعتلها الســاحره من الميكروويف

الساحره : مالك يا سندريلا

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع

الساحره : ولا يهمك

وطلعت من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل

فرحت سندريلا ولبست وحطط الايشادو و الجليتور ورشت البرفان

بس الساحره قالتلها : قدامك للساعه 12 لازم ترجعى

انا صعيديه ودمى حامى ومعنديش بنات تتأخر

و لو اتأخرتى حترجعى زى ما كنتى بلبسك القديم وسط الناس

سندريلا : حاضر حاضر اما ساحره رجعيه

خرجت سندريلا من البيت لقت الساحره مجهزة bmw

ركبت سندريلا وراحت ع القصـر

ولفت جمــالها كل اللى موجودين

و اول ما عين الامير وقعت عليها

راح وطلب يرقص معاها و وافقــت

نظرات ... همسات .... صمــت

ترررررررررن ترررررررررررن

سندريلا : ده الساحره بتدينى ميسد .. يا خبر الساعه 12

وقامت طالعه تجرى قوم ايه وهى بتجرى فرده الجزمه اتخلعت

خدها الامير المعجب و نده للوزير

الامير : يا وزير تـامر

الوزير : امرك مولاى

الامير : خد الجزمه دى اسحبلى صورتها اسكانر

و نزل صورتها فى كل الجرايد و ع الويب سايت بتاع قريتنـا

واكتب الى صاحبه هذه الجزمه التوجهه للقصـر الملكــى

بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا رجليها رجل معزه )

الى ان شاهدت سندريلا الاعلان عن فرده الجزمه على ميلودى وقامت بالتوجهه الى القصر وتزوجت هى والامير وعاشو فى تبات ونبات و خلفو تؤام ملتصق وشويه بنات.

 

تحياتي

dr_mido

[بنت مصرية 66]

ايه سندريلا القرن الواحد وعشرين دي

يللا شوية تطور بس اهو في الآخر سندريلا

جزاكالله كل خير يادكتور ميدو

علي البسمة اللي اترسمت بسبب الموضوع الخفيف والجميل ده

مجهودك رائع

في إنتظار المزيد منك

اثابك الله عنا خيرا كثيرا

تم تعديل October 15, 2009 بواسطه بنت مصرية

[حياتى من اجل ربى 22]

:)

 

جزاك الله خيرا اخى

حتى سندريلا بتتطور

اسال الله ان يرزقك السعاده وان يهديك الى ما يحب

وان يحقق لك كل ما تتمنى

[ali desoky 391]

الى ان شاهدت سندريلا الاعلان عن فرده الجزمه على ميلودى وقامت بالتوجهه الى القصر وتزوجت هى والامير وعاشو فى تبات ونبات و خلفو تؤام ملتصق وشويه بنات.

 

 

:smile:

 

:)

 

 

 

لا بجد جميله جدا جدا جدا

[SIKAA 0]

شكرا لك على سندريلا 2009

[eng_alaa 114]

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع

 

:)

 

هههههههههههههههههه

 

بجد الجزء ده خلاني تعبت من الضحك ...

 

ربنا يبارك فيك لرسم البسمة علي شفاهنا ..

[هيتمان 2]

:smile: :) لالا يا دكتور ميدو ايه الحلاوة دى عقبال اما نشوف علاء الدين وياسمينا 2009

[dr_mido 53]

ايه سندريلا القرن الواحد وعشرين دي

يللا شوية تطور بس اهو في الآخر سندريلا

جزاك الله كل خير يادكتور ميدو

علي البسمة اللي اترسمت بسبب الموضوع الخفيف والجميل ده

مجهودك رائع

في إنتظار المزيد منك

اثابك الله عنا خيرا كثيرا

 

شكرا لكي أختي في الله (بنت مصرية) علي مرورك الذي نشر روائح العطر المختلفة بردك وتعليقك الرائع

ومشكووووورة مرة أخري علي دعائك الجميل لي وجزانا الله وإياكم كل خير إن شاء الله

وهذا الموضوع من بعض ما عندكم

 

تحياتي

dr_mido

 

 

جزاك الله خيرا اخى

حتى سندريلا بتتطور

اسال الله ان يرزقك السعاده وان يهديك الى ما يحب

وان يحقق لك كل ما تتمنى

 

مشكوووورة أختي في الله (حياتي من أجل ربي) علي مرورك وردك الجميل

وأسأل الله العظيم أن يدوم علينا وعليكم السعادة وأبتاسمة الوجه إن شاء الله

وشكرا ليكي مرة تاني علي دعائك الجميل وربنا يحقق كل أمانينا وأماني المسلمين جميعا إن شاء الله

 

تحياتي

dr_mido

 

 

 

 

 

لا بجد جميله جدا جدا جدا

 

 

شكرا ليك أخي في الله (alidesoky) علي مرورك الرائع

أرجو من الله أن تكون القصة قد أعجبتكم حقا

 

تحياتي

dr_mido

 

شكرا لك على سندريلا 2009

 

 

شكرا لك أخي في الله (SIKAA) علي مرورك

أرجو أن قصة سيندريلا 2009 تكون قد أعجبتك

 

تحياتي

dr_mido

 

 

 

هههههههههههههههههه

 

بجد الجزء ده خلاني تعبت من الضحك ...

 

ربنا يبارك فيك لرسم البسمة علي شفاهنا ..

 

مشكوووور أخي في الله (eng_alaa) علي مرورك الجميل

وأرجو من الله أن يدوم علينا وعلي جميع المسلمين أبتسامة الوجه والسعادة إن شاء الله

 

تحياتي

dr_mido

 

لالا يا دكتور ميدو ايه الحلاوة دى عقبال اما نشوف علاء الدين وياسمينا 2009

 

هههههههههههههههههههههههههههههههههه

مشكوووور أخي في الله (هيتمان) علي مرورك العطر وردك الجميل

وربنا يدوم السعادة والأبتسامة في وجوهنا جميعا إن شاء الله

وبإذن الله سوف أقوم برفع لكم قصة عن علاء الدين المودرن بإذن الله

 

تحياتي

dr_mido

تم تعديل October 18, 2009 بواسطه بنت مصرية