مي مادي 1 قام بنشر October 16, 2009 عيــال دلوقتــي ما ينفعش تقول للعيل دلوقتي العصفورة قالت لي وفتنت لي عليك لالالالالالالا اوعى عصفورة إيه وهو بيفهم في الموبايل بتاعك أحسن منك وماينفعش تخوف العيل بأبو رجل مسلوخة لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال ********** ماينفعش تعاقبه بأنك تقومه من قدام فيلم بيحبه وبيتفرج عليه لأنه هايشوفه تاني يوم على نفس المحطة الصبح وأنت في الشغل . لو عايز تعاقبه.. نزل له فيروس على الجهاز بتاعه ودمر له الوندوز وقول له الجهازمش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم لما تعوز تدلعه وتكافؤه على تفوقهماينفعش تجيب له بندقية صيد وكوره وكتب من المكتبة الخضراء والجو القديم ده كله انت تجيب له دي اس ال وممكن تظبطه بويب كام جامدة او تدخل عليه بشاشة Lcd الرفيعة خالص دي ********** ماينفعش لو إبنك سألك عن حاجه مش عارفها تألفله أي إجابة من دماغك بعد يوم ولا أتنين هيعرف الإجابة الصحيحة من التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه على النت ودور معاه على الإجابة المظبوطة و بلاش قلة قيمة وإذا طلب رأيك في أكلة دليفرى من اللى بياكلوها الأيام دي أوعى تقول له: يعنى أيه دى؟؟؟ لأ خليك أب روش هز دماغك بألاطه وقول له.. حلوة طحن ياااد وأوعى تفهم الواد إن الرياضة هى أهلي وزمالك بلا نيلللللا.. على رأى ماري منيب لأنه دلوقتى عارف لعيبة ريال مدريد والأرسنال وعارف أسعارهم كمان اخر زمن اخر زمن - عيال اخر زمن - ابورجل مسلوخه - عيال دلوقتى - العصفوره قلتلى اقتباس شارك هذه المشاركه رابط المشاركه شار ك علي موقع اخر
ali desoky 391 قام بنشر October 18, 2009 اختي مي اسمحي لي اولا ان اهنئك علي موضوعك الجميل بالفعل اصبح التقدم سريعا جدا لدرجة اننا لا نستطيع ملاحقته بل اننا نلهث وراءه ولكن دون جدوي فهو يسبقنا دائما ويحمل معه اطفالنا وهم يضحكون علينا وعلي جهلنا بل انهم يكادون يخرجون السنتهم لزمننا الذي اصبح من التاريخ وبرغم هذا التقدم الا ان المخاطر اصبحت كثيره فقد قرات معلومه في هذا الصدد عن ضرر اجهزة الكبمبيوتر بالنسبه للاطفال وقد أكدت دراسة نشرتها صحيفة "ديلي ميل" البريطانية أن قضاء الأطفال ساعات طويلة أمام أجهزة الكمبيوتر، يمكن أن يتسبب في تدمير جزء حيوي من عقولهم. وأشارت سوزان جرينفيلد، مديرة المعهد الملكي ببريطانيا، إلى أن عقول الأطفال الذين يقضون كثير من الوقت أمام ألعاب الكمبيوتر وفي غرف الدردشة نجد أن الجزء الأمامي من الدماغ لديهم قد دمر ولا ينمو وغير نشط أيضاً، كما هو الحال عند دراسة أدمغة المقامرين ومرضي انفصام الشخصية والبدناء. وأوضحت جرينفيلد أن أولئك الأطفال يخلطون بين الواقع والعالم الافتراضي علي شاشات الكمبيوتر، وفي تلك الحالة يزداد خطر الإصابة بفقدان القدرة على التفكير من الناحية العصبية. وأضافت جرينفيلد أن في الحياة الطبيعية لا يمكن للطفل إعادة الموقف أكثر من مرة، لكن يمكنه عمل ذلك في ألعاب الكمبيوتر، حيث يمكنه البدء ثانيا، عند كل مرة ينتهي فيها، مؤكدة أن ذلك يعد مشابه للمقامرة أو لتعاطي المخدرات، في مصطلحات الكيمياء العصبية، حيث إن في كلا الحالتين يكون هناك نفس الحالة من عدم الندم علي النتائج والخلط بين الحقيقة وحياة الشاشة اختي مي مادي بارك الله فيك واكرمك بالصحه والعافيه وجزاك الله كل خير ان شاء الله اقتباس شارك هذه المشاركه رابط المشاركه شار ك علي موقع اخر
eng_alaa 114 قام بنشر October 18, 2009 بجد الواحد بيحس ان عنده 100 سنه لما بيكلم عيل صغير ... يمكن يكون الموقف اللي حصل معايا النهارده ده جه في وقته .. واحد جيراني في 6 ابتدائي بيسألني عن الباتش هو ايه ؟؟ عملت ناصح وشرحتهوله .. قاللي طيب انا عاوز اعمل باتش وعاوزك تعلمني ... طبعاً قلتله انا ما اعرفش اعمله ازاي - ما فيش احسن من الصراحه - ... اللي احنا كانت ابله فضيله تضحك علينا بأرنب وجزرة وكتيرنا كان التعلب المكار ... اقتباس شارك هذه المشاركه رابط المشاركه شار ك علي موقع اخر
مي مادي 1 قام بنشر October 28, 2009 اختي مي ماديبارك الله فيك واكرمك بالصحه والعافيه وجزاك الله كل خير ان شاء الله اخى على جزاك الله خيرا اسعدنى مرورك اخى البشمهندس علاء واحد جيراني في 6 ابتدائي بيسألني عن الباتش هو ايه ؟؟ عملت ناصح وشرحتهوله .. قاللي طيب انا عاوز اعمل باتش وعاوزك تعلمني ... طبعاً قلتله انا ما اعرفش اعمله ازاي - ما فيش احسن من الصراحه - ... اللي احنا كانت ابله فضيله تضحك علينا بأرنب وجزرة وكتيرنا كان التعلب المكار ... ههههههههههه مأنا قولت عيال اخر زمن اسعدنى مرورك جزاك الله خيرا اقتباس شارك هذه المشاركه رابط المشاركه شار ك علي موقع اخر
عاشقة الفردوس 161 قام بنشر October 28, 2009 جيد جدا هذا الموضوع و لأجل ذلك أنا شعاري أني أطور ذاتي لأجل جاتي وأطور ذاتي لأجل بناتي حتى أتمكن من فهم كل ما يدور حولى ثم أني أستطيع إستيعابهم بالشكل الصحيح الذي يجعل من علاقتي بهم علاقة أصدقاء يسودها الصدق والتفاهم والحب اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر October 28, 2009 ههههههههههه الموضوضوع راااائع ،، وهادف فى نفس الوقت ،، لأن بجد لازم نعرف إزاى نتعامل مع اطفالنا فى العصر اللى زى الفل اللى احنا فيه ده ،، فكرتينى بأختى الصغيره واللى كتبت عنها "فى بيتنا مجرمه" (هنا) ،، بجد أنا كل يوم بشوف مواقف غريبه مع أختى الصغيره وغيرها من الأطفال ،، وده بيخلينى دايماً أقول إن إحنا الصغيرين مش هما الموضوع جميل والنقاش فيه رائع تحيتى وتقديرى اقتباس شارك هذه المشاركه رابط المشاركه شار ك علي موقع اخر
مي مادي 1 قام بنشر October 28, 2009 شكرا حبيبتى حيات مروك اسعدنى كتيييييييييييييير عاشق الصداقة مرورك دائما يعطى رونق لموضوعاتى تسلم يارب ويعطيك العافية والسعادة وتكون عاشق السعادة والصداقة جزيتم خيرا اقتباس شارك هذه المشاركه رابط المشاركه شار ك علي موقع اخر
