ali desoky 391 قام بنشر October 17, 2009 (تعديل) السلام عليكم ورحمه الله وبركاته اعمل عبيط وأنت تستمع إلى الوزير او النائب اللعيب وهو يرص الأكاذيب حجراً على حجر مثل أحجار الشيشة وهو ينشر قنابل الدخان فى كل مكان حتى لا نرى الحقيقة. اعمل عبيط ولا تسأل عن أى تعديل وزارى ولا كيف جاءوا ولا لماذا ذهبوا. أعمل عبيط وانت تدفع ضعف مرتبك دروساً خصوصية لإبنائك مع أن الحكومة تؤكد دائما مجانية التعليم. اعمل عبيط وأنت تشاهد برامج المطبخ فى التلفزيون وهم يحدثونك عن السمون فيميه والكوردون بلو والطرطوفة والكالمارى، اعمل عبيط واستمتع بحفل البصل والفول المدمس. اعمل عبيط وأنت تستمع إلى رجال الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات الآلاف ولكن الشباب يفضل الجلوس على المقاهي. اعمل عبيط إذا رأيتهم يطاردون عملاء التوك توك فى كل مكان وكأنهم جواسيس دخلوا البلاد بدون رخصة أو تأشيرة. اعمل عبيط وأنت ترى العمالة المصرية مسحوقة تحت رحمة الكفيل ومطرودة من أمام أبواب السفارات. اعمل عبيط ولا تتحدث عن حقوق الإنسان تحدث عن حقوق الحيوان.. أضمن ألعب ع المضمون. اعمل عبيط وخليك في الصورة.. زاحم.. انحشر.. خليك غتيت.. قاتل وقل لنفسك لا فيها لاخفيها. اعمل عبيط ولا تتحدث في السياسة.. امشي جنب الحيط الأحوط.. امشي جوه الحيط اعمل عبيط لما شيخ الازهر يقولك النقاب عاده مش عباده اعمل عبيط وكأنك لم تقرأ هذا الكلام.. وحاول أن تعمل حاجة لمصر.. فالسيارة عطلانة... لكن البكاء لن يدير الموتور.. قل للناس من حولك يلا يلا يا رجالة .. إيدك يا حج اللي يحب النبي يزق. واوعى تعمل عبيط ..!! يا ترى هتعرف تعمل عبيط ؟؟!! منقول السياسة - حقوق الإنسان - تعديل وزارى شيخ الازهر - العمالة المصرية- دروس خصوصية تم تعديل October 18, 2009 بواسطه alidesoky اقتباس شارك هذه المشاركه رابط المشاركه شار ك علي موقع اخر
مصطفى بهجت 2 قام بنشر October 17, 2009 طيب واللي مش قادر يعمل عبيط يعمل إيه ؟؟؟؟؟ سؤااااااال و عاوز إجابة ضروري يا أعز الأصدقاااااء .. أشكرك كثيييرا على نقلك لتلك الكلمات المعبرة عن الواقع .. اقتباس شارك هذه المشاركه رابط المشاركه شار ك علي موقع اخر
شهد 2010 4 قام بنشر October 18, 2009 الرد على السؤال مش قادر تعمل عبيط تبقى تسيب البلد يا جماعه اللى مش عارف يعمل عبيط يبقى عضو مخالف بمعنى اصح ارهاااااااااابى اقتباس شارك هذه المشاركه رابط المشاركه شار ك علي موقع اخر
dr_mido 53 قام بنشر October 18, 2009 إعمل عبيط تعيش فى كل حاجه وكمان ترتاح من كل حاجه إعمل عبيط لما تتخانق انت وزوجتك إعمل عبيط لما تقبلك مشكله ملهاش حل إعمل عبيط لما تتخنق إعمل عبيط لما متلقيش شغل او وظيفه بعد تعب السنين فى الدراسه وإعمل وإعمل وإعمل المهم فى النهايه لازم تطنش وتسبها تمشى زى مهيا عوزة علشان تعرف تعيش إيه رئيكم لو عملنا كلنا عبط و كبرنا دمغنا ياترى فعلا هنرتاح ونعرف نعيش ؟؟؟ (إعمل عبيط ) موضوع غاية في الروعة أخي علاء وفعلا هو ده حال الشعب المصري وإن شاء الله هيطور علي إيدينا بإذن الله البركة بالشباب تحياتي dr_mido اقتباس شارك هذه المشاركه رابط المشاركه شار ك علي موقع اخر
مي مادي 1 قام بنشر October 18, 2009 اعمل عبيط ولا تتحدث عن حقوق الإنسان تحدث عن حقوق الحيوان.. أضمن ألعب ع المضمون الله يا على كلمات معبرة فعلا وحقيقية بس فعلا زى مقال صحفى المنتدى مصطفى بهجت الى ميعرفش يعمل عبيط يعمل ايه؟ ياريت تلاقوله حل عشان يعرف يعيش جزاك الله خيرا اخى على بارك الله فيك اقتباس شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر October 19, 2009 اوعى تعمل عبيط ..!! اعتقد ان الحل للمشاكل اللى احنا فيها دى كلها مش ان انعمل عبيط((انما ناخد الامور بشكل افضل ونحاول نصلح على قد من نقدر حتى فى اطار محيطنا الصغير مش هنصلح الكون بس اى بناء عظيييم يبدأ بفكره ومعظم النار من مستصغر الشرر واكيد اما نستمر على الصح اكيد اكيد هنوصل فى يوم من الايام عيش وانت مع الله ومتوكل عليه ومعتمد عليه اكييييييييييييد هتعيش سعيد جزاك الله خيرا اخى على موضوع مميز كالعاده اسال الله ان يصلح حال امتنا وان يهدينا الى الحق وان يرزقك من حيث لاتحتسب وان يحقق لك كل ما تتمنى ونسمع عنك كل خير قريب اخى على اقتباس شارك هذه المشاركه رابط المشاركه شار ك علي موقع اخر
