خليها على الله

[رجل من الصحراء 36]

سلام عليكم ياحجيجة

 

اوووه ابن بنتي وصل ازيك ياحبيبي فينك غايب عني ليك فترة كبيرة

 

والله مشاغل ياجد انا عارف اني مقصر معاك وبعدين يعني انت بتسال ياجد

 

شوف الواد ولماضته طيب يابن بنتي هو انا هعرف اخد منك حق ولا باطل

 

ههههههه بهزر معاك ياراجل ياعجوز انت ياعسل

 

ههههه ماشي يابن بنتي والله وحشني هزارك وشقاوتك

 

قلي بقى فينك كده غايب وايه اخر اخبارك

 

والله ياجد ده موضوع كبير قل مراتك اللي نايمة على طول دي انت بس تعلقلنا عالشاي عشان نعرف نتحكى كويس

 

ههههه ماشي هقلها الكلام ده لما اشوف تعمل فيك ايه .... ياااحجة

 

لالا ياجد ياراجل متورطناش مع الحكومة الله يخليك.. احم حم اهلا ازيك ياستي انت جيتي عاملة ايه

 

تعالي شوف ابن بنتك بيقول عليكي ايه

 

ايه ياحمادة مالك ياحبيبي

 

حمادة ؟!!!!... طيب تمام والله..

 

لا مفيش ياستي. ده كنت بطمن عليكي من جدي

 

جرى ايه امال ياجد متخليك محضر خير... ده بقله ستي وحشتني وعايزك تقعدي معانا شوية

 

وماله ياحمادة ياحبيبي اقعد معاكم ... وادي قعدة

 

حمادة تاني برده ؟!! .... ياسلام اهو كده الكلام ياستي القعدة نورت والله

 

ههههههه اه منك يابن ..... بنتي

 

ماشي ياجد وصلت

 

سيبك بقى من التهريج ده و قلي فينك كده غايب عننا من زمان وكل ماسال عنك يقولولي مش موجود في البلد ايه هاجرت ولا ايه

 

لا والله ياجد بس الحمدلله ربنا كرمني وبقيت مهندس

 

ازاي ياحمادة الكلام ده امال انت كنت ايه ياولدي مش قالولنا باين انك مهندس

 

ههههههه قالولك؟!! ايوه ياستي مقصدش اصلك انت محضرتيش الموضوع الاولاني بتاعي انا وجدي

 

كمل كمل انا هبقى افهمها بعدين

 

الخلاصة ياحجة انه كان مضايق من فترة على نفسه وحاسس انه مش مهندس وقرفان و كانت حالته صعبة

 

ليه ياحمادة ياولدي ربك كريم وانت زينة الشباب

 

تسلمي ياستي والله.. بس لو مفيش حمادة دي كمان تبقى تمام

 

هههههه مكسوف من حمادة طيب ايه رايك هتفضل طول عمرك في نظري حمادة الصغير اللي كان مجننا بشقاوته.

 

براحتك ياستي ربنا يخليك لينا يارب انت وجدي.... هو انتوا مجبتوش شاي الشهر ده ولا ايه؟

 

ههههه قومي اعمليله شاي ليفضحنا انت عارفه ابن بنتك.

 

ياسلام من عينيا ياحمادة

 

يادي حمادة اللي شبك فينا ... تسلمي ياحجة ياقمر... لولا اني مرتبط كنت اتقدمتلك من بدري

 

اختشي ياااد

 

لا مؤاخذة ياجد فلتت مني دي

 

قلتلي بقى انك بقيت مهندس

 

ايوه والله ياجد الحمدلله ربنا كرمني اخر كرم ولقيت فرصة حلوة جدا واتعينت في اكبر شركة تعدين في البلد

 

الف مبروك يابن بنتي امتى حصل الكلام ده؟

 

الكلام ده من شهر كده

 

وايه مرتاح فيه ان شاء الله

 

جدا جدا ياجد ابن بنتك دلوقتي بقى مدير موقع ومهندس ليه قيمته

 

ههههههههه طول عمرك كده يابن بنتي بس انت اللي مكنتش مقتنع

 

الحمدلله ياجد فعلا ربنا كريم قوي

 

الشاي ياحمادة ياحبيبي

 

ماشاء الله عليكي ياستي ايه السرعة دي

 

تعالي ياحجة باركي لابن بنتك اتاري الباشا مختفي عننا ليه فترة

 

ايه ياحمادة خير الف مبروك

 

ربنا كرمه بشغل احسن وفي شركة كبيرة ومحدش هيعرف يكلمه بعد كده ياحجة

 

الحمدلله ياحمادة رزق الزواج ده ياواد

 

ايوه الله ياستي

 

ده مش بس الزواج ياستي

 

واد انت اوعى يكون اللي في بالي صح

 

ايه يابن بنتي شكلك عملتها وهتبقى اب

 

هههههههه ايوه والله الحمدلله ربنا كرمني وهبقى اب ان شاء الله

 

بسم الله ماشاء الله ربنا يبارك فيه يابني ويجي بالسلامة للدنيا الف مبروك

 

الف مبروك ياحمادة شكله المولود ده مرزق من قبل مايجي

 

الله يبارك فيكم ويحفظكم ياجدي وجدتي من غيركم ومن غير دعواتكم الواحد ميسواش حاجة

 

ليه ونسيت امك وابوك ياد ياحمادة ولا ايه

 

لا برده كده ياستي انا اقدر ده هما الخير والبركة... جرى ايه ياستي مالك ماسكالي عالواحدة النهارده كده

 

هههههههه عشان تعرف يابن بنتي ان اللي بتعمله في الناس بيطلع عليك

 

هههههههههه ماشي ياجد فرحان انت طبعا

 

قلي ياحمادة

 

ايوه ياستي

 

ايه اخبار صحابك الاتنين اللي كانوا بياكلوا عنديكم دايما دول وكنت تحكيلنا عليهم على طول

 

ياكلوا عندينا هههههههه هتفضحي الناس ياستي قصدك عمر وعبدالله

 

ايوه هما دول

 

سبحان الله ياستي في نفس اليوم اللي انا استلمت فيه شغل هما كمان استلموا في محطة المياه كيميائين

 

ياه الف مبروك يابن بنتي عشان كنتوا بتدعوا لبعض بنية صافية

 

ايوه والله ياجد ربنا فعلا كريم جدا... ربنا يرزقهم ان شاء الله كمان ويتجوزوا وخصوصا عمر عشان انا عارف انه هيتجوز على نفسه .

 

ربنا يكرمهم ياحمادة ياولدي ويكرمك انت كمان وتجيب مولود زي العسل وناوي تسميه ايه ان شاء الله

 

تسلمي ياستي ... لما يشرف بقى بالسلامة نبقى نختارله اسم.

 

ربنا يكرمك ياولدي

 

تعيشي ياستي

 

شفت بقى يابن بنتي ان ربك كريم ومش بيسيب حد ابدا وقلتهالك قبل كده خليك صابر زي عمك صابر وربك كريم.

 

وادي ربنا كرمك من وسع اهو ولسه الخير الجاي اكتر واكتر ان شاء الله.

 

ايوه والله ياجد فعلا كلامك صح ربنا فرجها من وسع والحمدلله

 

ياللا بقى اسيبكم انا عشان نازل اجازة كام يوم والحق اقعد مع المدام وابويا وامي

 

قبل ماراجع الصحراء تاني

 

ربنا يعينك ياحمادة ياولدي وتبقى مبسوط دايما ومرتاح

 

تسلمي ياستي ربنا يخليك ليا

 

ماشي ياجد تؤمرني بحاجة

 

تعيش يابن بنتي.........بس خلي دايما في بالك انه:

 

مهما كانت عيشتنا صعبة... لينا رب اسمه الكريم

 

خلي توكالك عليه ..وحده بهمومنا عليم

 

راح ييسر كل حالك .... اصله بعبادة رحيم

 

واصدق كلامه لما قال سبحانه وتعالى:

 

(وَمَنْ يَتَّقِ اللَّهَ يَجْعَلْ لَهُ مَخْرَجاً وَيَرْزُقْهُ مِنْ حَيْثُ لا يَحْتَسِبُ). صدق الله العظيم

 

وقال رسولنا الكريم صلى الله عليه وسلم

 

" لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا "

 

صدق رسول الله صلى الله عليه وسلم

[حياتى من اجل ربى 22]

مهما كانت عيشتنا صعبة... لينا رب اسمه الكريم

 

خلي توكالك عليه ..وحده بهمومنا عليم

 

راح ييسر كل حالك .... اصله بعبادة رحيم

 

 

راااااااااااااائع

جزاك الله خيرا

والف مليووووووووووووون مبروك

تم تعديل October 26, 2009 بواسطه حياتى من اجل ربى

[بنت مصرية 65]

بسم اله ماشاء الله

حوار جميل جدا كالعادة مع جدك الرائع هذا اخي في الله رجل من الصحراء

موضوع كله فرح وجميل

الف مليون مبروك علي الشغل الجديد وعلي الراحة

وعلي المولود ربنا يرزقكم بيه وبغيره وتربوه في بيئة خيرة وصالحة

فعلا ربنا كريم اوي اوي ومش بيسيب حد في حاله

وبالذات عباده اللي بيحبهم والمخلصين ليه

بارك الله فيك ورزقك كل خير دائما انت واهلك جميعا

لاتنسانا من صالح دعائك

تقبل مروري

[نودي 41]

الف الف الف مليوووووووووون مبررروك ع الوظيفة والجواز والمولود يارب دايما كده في فرح وسعادة ع طول

 

مهما كانت عيشتنا صعبة... لينا رب اسمه الكريم

 

خلي توكالك عليه ..وحده بهمومنا عليم

 

راح ييسر كل حالك .... اصله بعبادة رحيم

 

واصدق كلامه لما قال سبحانه وتعالى:

 

(وَمَنْ يَتَّقِ اللَّهَ يَجْعَلْ لَهُ مَخْرَجاً وَيَرْزُقْهُ مِنْ حَيْثُ لا يَحْتَسِبُ). صدق الله العظيم

 

بارك الله فيك وجزاك الله كل خير رجل من الصحراء

تم تعديل October 23, 2009 بواسطه نودي

[رجل من الصحراء 36]

كل الشكر والتقدير

لكم وشرفتم الموضوع وربنا يرزقكم رزقا واسعا ان شاء الله

[الرّام 173]

الحمدلله ربنا كرمني اخر كرم ولقيت فرصة حلوة جدا واتعينت في اكبر شركة تعدين في البلد

 

عمر وعبدالله

 

في نفس اليوم اللي انا استلمت فيه شغل هما كمان استلموا في محطة المياه كيميائين

 

الحمد لله و الشكر لله ..

 

ألف ألف ألف مبروووووووووووووووووووووك

 

ربي يرزقكم بالخير ان شاء الله و ينعم عليكم .. آآآآميين يااااااا رب ..

 

*** *** ***

الحمدلله ربنا كرمني وهبقى اب ان شاء الله

 

ان شاء الله و باذن الله

 

ألف مبروك ... يتربى في عزّك ان شاء الله و يتربى في حضنك و في خيرك باذن الله

 

ربي يوصّل بالسّالم يا رب ..

 

مبروووووووووووووووووووووووووووووووووك

 

*** *** ***

مهما كانت عيشتنا صعبة... لينا رب اسمه الكريم

 

خلي توكالك عليه ..وحده بهمومنا عليم

 

راح ييسر كل حالك .... اصله بعبادة رحيم

 

واصدق كلامه لما قال سبحانه وتعالى:

 

(وَمَنْ يَتَّقِ اللَّهَ يَجْعَلْ لَهُ مَخْرَجاً وَيَرْزُقْهُ مِنْ حَيْثُ لا يَحْتَسِبُ). صدق الله العظيم

 

وقال رسولنا الكريم صلى الله عليه وسلم

 

" لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا "

 

صدق رسول الله صلى الله عليه وسلم

 

 

توكّلنا على الله و الحمد لله

 

الشكر و الفضل لله .. و لا اله الا الله السميع العليم .. المعين المجيب ..

 

*** *** ***

 

بارك الله فيك

 

ربي يجزيك بالخير ان شاء الله

 

و ربي يفتح عليك بالخير

 

ربي معاك و ربي يعينك ان شاء الله

 

[أم محمد 0]

بسم الله ماشاء الله والله أكبر ربنا يرزقك انت وكل شباب المسلمين يارب بالرزق الحلال والذرية الصالحة اللي تقدر تغير وتعمل حاجة للبلد دي

[dr_mido 53]

بسم الله ما شاء الله عليك أخي في الله (رجل من الصحراء) موضوعك أكثر من رائع

 

وألف مليون مبروووك علي الوظيفة وعلي الطفل المنتظر ربنا يجعله زريه صالحة بإذن الله

 

أخوك في الله

dr_mido

nter][/size][/font]

[رجل من الصحراء 36]

شكرا لكم اخوتي في الله

جزاكم الله كل الخير وحفظكم من كل سوء

لكم مني كل التحية والتقدير

[ABOTASNEEM 116]

حبيب قلبى وصديقى الصدوق بجد

 

رجل من الصحراء

 

واحشنى جداً جداً جداً

 

ألف مليون مبروك عالشغل .. وحمدالله عالسلامة

 

وألف مليار مبروك على (..) ياأجمل عريس وإن شاء الله تبقى أجمل أب فى الدنيا

 

والله بجد مش عارف الفحة اللى أنا فيها بسبب أنه ربنا كرمنا إحنا التلاتة فى يوم واحد

 

وطبعاً إنت عارف كويس قوى إننا منستاهلش .. بس هو كرمنا علشان هو كريم

 

----------------------

 

طبعاً متبقاش أبوالحسن لو مفضحتناش .. لا وإنت وستك كمان

 

ياكلوا عندينا wassat.gif wassat.gif هههههههه هتفضحي الناس ياستي قصدك عمر وعبدالله

 

وخصوصا عمر عشان انا عارف انه هيتجوز على نفسه laughing.gif laughing.gif laughing.gif .

 

بس عل قلبى زى العسل .. و والله العظيم بحبك فى الله

 

وأسأل الله أن يوفقك فى حياتك ويكرمك ويوسع عليك فى الدنيا والآخرة

 

أحبك فى الله

[رجل من الصحراء 36]

حبيبي ابوتسنيم ربنا يخليك ليا يارب

وعقبال ماافرح بيك وانت عريس كده قريبا ان شاء الله

ومبروك علينا كلنا والحمدلله ربنا دايما كريم ورحيم بعباده

منور والله

[radwa hossny 0]

حوار رائع كتير بنحتاج الكلام ده في حياتنا عشان يعطينا الامل اللي بنفقده كل شويه بسبب احلامنا اللي بتضيع ويارب ربنا يصبرنا لغايه ما نوصل لاحلامنا

[رجل من الصحراء 36]

شكرا رضوى للمرور

ربنا يكرمك ويحفظك

تحيتي وتقديري