battot قام بنشر November 13, 2007 قام بنشر November 13, 2007 العذاب .... .... كلمة مش قادرة اشوف دموعك مش قادرة اتكلم واقولك اسفة مش قادرة ادلك بس ده غصب عنى من قلبى..مش منى مقدرش يفتحلك بابه ومقدرش يضحك عليك بس بجد مش ذنبه انا عارفة بتحبنى اد ايه والشوق اللى فى عينيك فى كل مرة تقابلنى تعذبنى بكلمة احبك ومعرفتش ارد عليك يسكت لسانى ويخبى الكلام ويبكى قلبى من قسوة الايام ياريت قلوبنا فى ايدينا نوديها مكان ماحبينا بشوف الكلمة فى عينيك وينطقها لسانك بايديك خبى عينيك عنى كل نظرة بتقتلنى مش قادرة اعمل حاجة مش ذنبى انى محستكش مش ذنبى انى محبتكش ومش ذنبك انك حبيت قلب محبكش واديته عمرك ومهمكش بس انا مجرحتكش وحاسبت على قلبك ومخدعتكش وعمرى مااقدر اخدعك لانى عندى قلب بكرة يحب ذى مااتحب انا عارفة اللى يريحك بس مش هقدر اعمله بكده اخدع قلبى اللى عمره ماهيسامحنى ارجوك خبط على باب تانى واكيد هيفتح وتعيش من تانى وانسى اللى نسيك ومحسش بيك وعيش الدنيا فى كل ثانية ماتستغربش واسمع ومتهربش دور على قلب يحبك وتحبه وتعيش معاه واللى يهمك يهمه
مشرفي الأقسام NADA قام بنشر November 13, 2007 مشرفي الأقسام قام بنشر November 13, 2007 مش قادرة اعمل حاجةمش ذنبى انى محستكش مش ذنبى انى محبتكش ومش ذنبك انك حبيت قلب محبكش واديته عمرك ومهمكش بس انا مجرحتكش وحاسبت على قلبك ومخدعتكش وعمرى مااقدر اخدعك لانى عندى قلب جميل جدا يا بطوطه منتظرين المزيد
AMR DAWAM قام بنشر November 19, 2007 قام بنشر November 19, 2007 جميلة يا بطوط بصراحة اول مرة اقرا ليكى حاجة فيها ارادة وقوة ورفض وكنت هعلق على نفس الجزئية اللى علقت عليها ندى بس كلها معانى وجميلة *********************************
عاشق الصداقه قام بنشر November 20, 2007 قام بنشر November 20, 2007 جميل جداً اختى بطوط احساسك عالى وكلمات جميله امتعينا بالمزيد
battot قام بنشر November 24, 2007 الكاتب قام بنشر November 24, 2007 شكرا جدا ليكى اختى العزيزة ندى وشكرا على ردك الجميل ده،وانا سعيدة جدا بالرد واتمنى انى اقرأ ردك فى كل كتاباتى. وشكرا ايضا لاختى تقوى القلوب واتمنى ان يكون فى تواصل مستمر. شكرا جدا على ردك يا عمرو لكن عندى تعقيب بسيط هو ان دى اول قصيدة يكون فيها رفض ,انا عارفة ايه الرفض اللى انت تقصده لكن انا اقصد ان تعدد المواقف والاحاسيس والحالة اللى بتكون عليها وانت بتكتب هى اللى بتحرك قلمك .....مش الشخص اللى بيكتب هو اللى بيتحكم ...والا كان كل شخص كتب اللى عايزه من رفض دائم ...او ضعف دائم....او حب دائم..... او كره دائم....ايا كان اللى هيعبر عنهواشكرك اخى عاشق الصداقة وانا سعيدة جداا انى قرات الرد الجميل ده واتمنى انى اقرا تعليقاتك المستمرة علطول و... متحرمناش منها..
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥