[نقاش] سكربت إختصار الروابط من برمجتى للمناقشه - تهمنى آرائكم

[عاشق الصداقه]

السلام عليكم ورحمة الله وبركاته

 

أحبائى بمنتديات ياللا يا شباب ،،

 

للقد قمت مسبقاً وقبل عام وأشهر من الآن ببرمجة سكربت مكتبة البرامج الذكية ،، وقمت بإتاحته لجميع أصحاب المواقع ليستفيدوا منه على مواقعهم ،، وبفضل الله وقوته حاز السكربت على إعجاب الآلاف ،، والسكربت الآن فى عامه الأول وقد تم تركيبه على أكثر من 4 الاف موقع بفضل الله

 

هذا شجعنى لأقدم المزيد من السكربتات التى تحتاجها الإنترنت العربيه وتكون مبرمجه بأيدى عربيه ،،

منذ فتره قريبه جاء فى خاطرى برمجة سكربت صغير لمجموعة ياللا يا شباب هنا وهو سكربت إختصار الروابط - لتركيبه هنا والإستفاده به ،، وعند البدء فيه فوجئت بالكثيرين من أصحاب المواقع أصدقائى يطلبون منى برمجة سكربت إختصار روابط ،،

 

فنويت أن تتم برمجة (إختصار الروابط) كسكربت بمميزات عديده وقابل للتطوير و ..... الخ ،، وأن أنزله للجميع أيضاً حتى يستفيديون منه

 

قمت بتجميع عدة ميزات يمكن دمجها بالسكربت ليصبح (بإذن الله وقوته) أفضل سكربت إختصار روابط موجود على ساحة الإنترنت ،، ومتوفر بشكل مجانى ،، وبالطبع ستحفظ حقوق البرمجه لمجموعة ياللا يا شباب ،، وسيتم وضع شروط لإستخدامه ،،

 

الجزء المتبقى الآن هو مشاركتكم النقاش لمعرفة إقتراحاتكم للسكربت ،، وما المميزات المطلوبه به والتى إن وجدت سيكون سكربت عالمى بالفعل كما حدث مع سكربت مكتبة البرامج الذكية ،،

 

سأعرض عليكم بدايةً الخواص والزايا التى قمت بدمجها بالسكربت ولتعرضون المزيد ،،

 

 

1 - إمكانية إستخدام السكربت بأى لغه عالميه بالتعديل على ملف لغات بسيط جداً .

2 - إمكانية إستخدام نفس السكربت بواجهتين - عربيه وإنجليزيه فى نفس الوقت بشكل إفتراضى عند تنصيب السكربت .

3 - إمكانية إختصار الرابط بأفضل وأقصر شكل للرابط والحرص على مصادقة الرابط لمحركات البحث .

4 - إمكانية وضع إسم للملف (عنوان) وحجمه ،، ليستخدم هذا فى عنوان الصفحة والوصف الخاص بها .

5 - إمكانية أرشفة الروابط المضافة فى أقسام (برامج - العاب - كتب - أخرى) ليستطيع الزوار ومحركات البحث متابعة الأقسام .

6 - وجود Rss للسكربت ولكل قسم به على حدى - لإمكانية المتابعه من الكثيرين للموقع الذى يستخدم السكربت .

7 - إمكانية التحكم بسهولة فى الإعلانات فى الرئيسية وفى اعلى وأسفل رابط التحميل بصفحة التحميل بالسكربت .

8 - إمكانية إضافة روابط كثيره ودمجها فى مجموعة واحده وإستخدام رابط المجموعه كرابط واحد مختصر لعدة روابط أخرى مختصره .

9 - إمكانية الإندماج مع سكربت مكتبة البرامج الذكية بسهوله مطلقه .

10 - خفة وبساطة التصميم وسهولة التصفح ومطابقة التصميم للمعايير القياسية والويب 2 .

11 - إمكانية تحديد وقت الإنتظار لتحميل الملف بعد زيارة الرابط المختصر .

12 - وجود لوحة تحكم خاصه للمدير يمكنه منها تعديل أو حذف أى رابط غير لائق تمت إضافته من أى زائر للسكربت وبها ميزات أخرى منها إمكانية تغيير عنوان الموقع ورابطه وتغيير اللغه الإفتراضيه للموقع والستايل المستخدم به .... ،،

 

 

هذا وقد قمت بإبتكار أكثر من ميزة لهذا السكربت لم أشاهدها فى سكربتات أخرى شبيهه له ،، وهى المميزات الملونه باللون الاحمر بالنقاط السابقه - حيث تضيف للسكربت طابع (التميز) وستخدم كثيراً صاحب السكربت وزواره ،، لتقديم خدمة إختصار الروابط بأفضل صورة ممكنه .

 

وكتوضيح للميزات التى يمكن ألا تكون واضحه ،،

 

بالنسبه للنقطه 2 ،، يوجد مثال ععليها كالموجود فى مكتبة البرامج الذكية بموقعنا .. حيث يمكن التبديل بين 5 لغات وليس لغتين فقط ،، وهذا المثال يوضح معنى الميزة 2 ،،

 

وبالنسبة للنقطه 4 ،، فستجعل السكربت أشبه بالمكتبة (مكتبة برامج + مكتبة ألعاب + مكتبة كتب ...) لأنه سيتمكن الزائر بتصفح الملفات التى يقوم بإدراج إختصاراتها غيره من الزوار ،، وبهذا سيستخدم السكربت كموقع إختصار روابط + مكتبة ،،

 

وبخصوص النقطه 8 ،، يمكن تمثيلها أيضاً بالداله التى قمت ببرمجتها فى سكربت مكتبة البرامج وكمثال أنظروا هنا ،،

 

هذا رابط واحد يوصلكم لأكثر من رابط لعدة ملفات ،، وهذا ما أقصده ،، أى عند إضافة إختصار لروابط عديده للعبه كبيره مثلاً مقسمه على أجزاء كثيرة .. يمكن جمع هذه الروابط فى مجموعة ويكون لهذه المجموعه رابط واحد يمكن نشره بالمنتديات والموقع ، وعند زيارة هذا الرابط يمكن للزائر مشاهدة مجموعة الروابط تلك وزيارتها واحداً تلو الآخر ،،

 

وبخصوص النقطه 9 ،، فببساطه إذا كنت تستخدم سكربت مكتبة البرامج الذكية بموقعك ، وقمت بتركيب سكربت إختصار الروابط هذا ستتمكن من إضافة أى برنامج بشكل طبيعى جداً للمكتبه ،، وسيتم إنشاء روابط مختصره بشكل آلى لكل برنامج تقوم بإضافته لسكربت مكتبة البرامج - وهذا للإستفاده من الإعلانات بسكربت مكتبة البرامج وبسكربت إختصار الروابط دون أدنى تدخل منك ،،

 

============

 

هذا ما لدى من ميزات انوى إستخدامها فى السكربت الذى بدأت بوضع تصوره وبرمجته ،، وهذه صورتان لواجهة السكربت باللغتين العربيه والإنجليزيه فى طول التجربه (Demo) ،، وبالطبع ليس الشعار الموجود بهيدر السكربت سوى صورة للتجربه :

 

واجهة السكربت باللغه العربيه :

 

 

واجهة السكربت باللغه الأجنبيه :

 

 

 

=============

=============

 

كان هذا ما لدى وأردت تقديمه للإستماع الى ملاحظاتكم التى بكل تاكيد ستضيف الى ما لدى وستمكننا من الخروج بسكربت مميز بإذن الله يحمل نجاح جديد لمجموعة ياللا يا شباب ،،

يهمنى معرفة آراء خبراء الجميع ممن لديهم خلفيه عن تطوير الانترنت وممن أعرفهم فى هذا المجال هنا :

(Mr.5dash - Dr.A7md - Dr Abcarino - MidooDj) وهناك الكثيرين حتى لا أنسى أحداً ،، تأكدوا أننى تهمنى آرائكم وإضافاتكم وإقتراحاتكم للسكربت

فإما سكربت مميز وإما لا وجود للسكربت

 

تحيتى وتقديرى لكم

[Mr.5dash]

برمجة (إختصار الروابط) < --------- فكرة حلوة بس

عاوزة شوية جهد وشوية Ajax دا من وجهة نظرى

فكرة جديدة زى اخر الروابط المضافة و اكتر الروابط زيارة

مممممممممممممممم احصائيات زى دى كدة

وهذه تظهر لكل رابط تم اختصاره

الاحصائيات ال انا اقصدها

 

 

 

جارى العمل على افكار جديدة فى حالة انك قررت تكمل الموضوع

 

 

وانشاء الله هكون متابع معاك

[Dr.A7MD]

بصراحة يا أحمد كل اللى بتقول عليه ده جميل جداً وأفكار حلوة بجد

 

بس بالشكل ده والتميز اللى أنت عاوزه ده وفى نقاط اللى أنت أشرت ليها دى أول مرة اسمع عنها

 

فالشكل اللى بتقول عليه ده مش هيكون صعب التعامل معاه من قبل أصحاب المواقع ومستخدمى السكربت ؟؟؟

 

ده أنا يا راجل دماغى لفت وانا بقرأ الموضوع

 

صحيح هيكون فى دعم للإسكربت أكيد

 

بس هل هيكون سهل الإستخدام بكل اللى بتقوله ده

 

أنا والله أتمنى أشوف السكربت بكل اللى بتقوله ده ...... هيطلع روعة أكيد

 

لو كان فى اصدار ديمو كنا نقدر نحكم عليه مباشرة ........ بس إن شاء الله فى القريب العاجل ربنا يساعدك فى اخراجه بالشكل اللى انت عاوزه

 

بصراحة معنديش اضافات ولا اقتراحات زيادة .... وبضم صوتى لصوت أخى Mr.5dash فى حكاية الإحصائيات

 

استمر فى الموضوع أخى الحبيب وإن شاء الله يطلع بالشكل اللى تتمناه

 

تحياتى ليك يا أحمد

تم تعديل November 5, 2009 بواسطه Dr.A7md

[Mr.5dash]

معلش اسف جدا جدا جدا انى اقول

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

عاوزين لينك الديمو اللى انت مركبو بليز

تم تعديل November 6, 2009 بواسطه Mr.5dash

[eng_alaa]

وبخصوص النقطه 8 ،، يمكن تمثيلها أيضاً بالداله التى قمت ببرمجتها فى سكربت مكتبة البرامج وكمثال أنظروا هنا ،،

 

هذا رابط واحد يوصلكم لأكثر من رابط لعدة ملفات ،، وهذا ما أقصده ،، أى عند إضافة إختصار لروابط عديده للعبه كبيره مثلاً مقسمه على أجزاء كثيرة .. يمكن جمع هذه الروابط فى مجموعة ويكون لهذه المجموعه رابط واحد يمكن نشره بالمنتديات والموقع ، وعند زيارة هذا الرابط يمكن للزائر مشاهدة مجموعة الروابط تلك وزيارتها واحداً تلو الآخر ،،

 

من أكثر ما أعجبني بالسكربت النقطة الثامنه دي ..

 

بكده ممكن نكتب لينك واحد لملف فيه 20 رابط مثلاً ودي بجد فكرة خطيرة ..

 

ربنا يبارك فيك يا كرينكل ويجعله في ميزان حسناتك يارب ..

 

فالشكل اللى بتقول عليه ده مش هيكون صعب التعامل معاه من قبل أصحاب المواقع ومستخدمى السكربت ؟؟؟

 

أظن إنه مش صعب .. لأن الشرح فعلا كاتبه احمد بشكل نظري شويه بدون عرض مثال حي علي فكرته ..

 

لكن انا متخيل شكلها بناء علي الصورتين اللي هو حاططهم ..

 

وطبعاً الديمو هيوضح أكتر إن شاء الله ...

 

وفعلاً الإضافه اللي قال عليها Mr.5dash جميله جداً وهتوضح كمان حاجات كتيييير أهمها معرفة مدي انتشار السكربت وبأي لغه ..

 

وعلي فكرة التفاعل ده بإذن الله أنا حاسس إنه هيفيد جداً وهيطلع بسكربت متميز إن شاء الله ...

 

جزاكم الله خيراً يارب ..

[«۞۩ أبو سليمان ۩۞»]

السلام عليكم و رحمة الله و بركاته

 

حبيبي عاشق الصداقة ,, ربنا يكرمك و يوفقك يارب

 

بجد شغل جبار و مجهود رااااائع جدا جزاك الله خيرا

 

يعني كده لنقول اجنبي و لا غيره السكربت بتاعنا مفيش غيره ( جامدة دي )

 

بجد السكربت فيه مميزات جميلة جدا جدا .. طبعا ممكن نقول عليها unique يعني مفيش ذيها في مكان تاني

 

طبعا اقتراح Mr.5dash جميل جدا بأن يكون في لوحة تحكم الأدمن بعض الاحصائيات و لو كانت بالجافا تبقى تمام

 

و ان شا ء الله هيبقى السكربت شديد جدا بجد

 

حاجه تاني عندي اقتراح ان تظهر قائمة لأكثر اللينكات تحميلا و كمان خمس او عشر لينكات من نفس القسم و دي تظهر للزائر اللي عايز يحمل بحيث ان الزائر يقعد اكبر فترة ممكنة في السكربت

 

و بالتالي هتبقى احتمالية ضغطه على الاعلانات اكتر و ده هو المطلوب ...

و الاهم من كده برضوا هيكون مصادق لمحركات البحث بحيث ان البوت بتاع جوجل او غيره من محركات البحث لما يدخل على الصفحة يتقطع نفسه و هو يلف و يأرشف و ده مطلوب طبعا

 

و بكده احنا يبقى ضربنا عصفورين بحجر يبقى ظبطنا موضوع الارباح و زودنا الارشفة

 

و جاري التفكير في اقتراحات تاني

 

جزاك الله خيرا

 

ربنا يكرمك و يوفقك ياااااااااااااااااااارب

 

بجد شغل ملهوش حل

[MidooDj]

السلام عليكــم ورحمـة الله وبركاتــة ،،

اتأسف على التأخر فى الرابط بسبب ضيق الوقت

وسع الله علينا وعليكم كل ضيق

شكرا اخى فى الله أحمد عبدالرازق على العرض الجميل والتجريبى للسكريبت الذى طال انتظاره

طبعا لن اطيل عليك جميع ما ذكرت من مميزات واضافات فهى رائعة جدا جدا

ولكن لى بعض التعليقات والاقتراحات والتى اتمنى ان تكون عند حسن رضاكم

1:- وضع ايقونات اسفل الرابط المختصر للنشر كايقونة تويتر + فيس بوك + جوجل ريدير + ياهو + ديج .. الخ من مواقع النشر

فهى مفيدة جدا لمن يريد ان ينشر هذا الرابط لاصدقائه فى ضغطة فأرة

2:- وضع خاصية وضع كلمة مرور لظهور الرابط الخاص بالتحميل او الخاص بالرابط الاصلى للورابط المختصرة فهذه الخاصية ستجعل السكريبت

له اهمية كبيرة فى مجال اختصار الروابط ونشرها لمجمعو معينة فقط !!

3:- لم أفهم من كلامك انه يمكن وضع 10 روابط مرة واحدة واختصارهم فى رابط واحد على سبيل المثال يمكن ان(( تضرب عصفورين بحجر كما يقولون)).... انظر هذا السكريبت الذى ستقوم ببرمجته لاختصار الروابط انظر الى ذلك السكريبت مصلا والذى اصبح من أشهر المواقع العالمية

Tinypaste.com

هذا الموقع متخصص فى حفظ الروابط او الشروحات او نصوص او مواضيع كتابية واختصارها فى رابط قصير جدا

يعنى مثلا

http://tinypaste.com/f505d

ما رأيك

يكون موقع لاختصارالروابط وحفظها وحفظ مواضيع كاملة بنصوصها !! + امكانية وضع كلمة سر على اى رابط معين ؟؟

لا تنسى * الآوسمة * ,,

لى عودة ان شاء الله حينما اتذكر شىء

تحياتى

[Mr.5dash]

عمو كرينكل شكلة نسى الموضوع

[MidooDj]

لا الراجل ما نسيش ولا حاجة هو شغال وبيزبط كل حاجة

وما تقلقش هو شاف كل ردودنا اكيد وبينفذها

بس الله يكون فى عونة

توقف ياللاجروب يومين دى حاجة صعبة وشغط شغله والدارسة وحوارت كتير

اسألنى انا عن اصحاب المواقع والمنتديا D:

[Mr.5dash]

رابط الاسكربت

 

 

http://yallagroup.net/s/ar-%D8%A5%D8%AE%D8...8%A8%D8%B7.html

 

عربى

 

 

http://yallagroup.net/s/en-short-url.html

 

انجليزى

 

[أبو الهيثم]

اُشهد الله اني احبك في الله

 

ليس لانك تفيدينا وتعلمنا وتنفعنا بكل ما هو جديد ليك.... لا

 

بل اكثر من ذلك..... لاني رأيت فيك الكثير من المميزات كشخصية مستقلة وكصديق واخ مسلم ومطور ويب...

 

اسمع اخي الحبيب

 

انا كنت علي صدد برمجة سكربت لاختصار الروابط ,, وكان اول وآخر نقطة مهمة عندي هي (((( مرونة السكربت في الخصائص المتعددة والمتنوعة )))) ولك مطلق الحرية في زيادة المرونة في الاستخدام والادارة

 

طبعا كل التعليقات من الاخوة الاعضاء كلها افكار قوية جدا ومن اهمها الاحصائيات والباسورد للرابط

 

وعندي افكار مجنونة جدا بس زي ما بيقولوا زي ما هناكل عيش نفيد غيرنا ونساعد بعضينا (( الافكار دي مش بقولها لاي حد الا لمن احببته فقط ))

 

اول شيئ يا ريت تضيف في قاعدة البيانات جدول لمواضيع ,,, ثم تبرمج دالة Function وظيفتها انها في كل موضوع تشوف اسم الرابط او الملف والميتا تاج او الوصف وتعرف الملف والوصف بتاعه بيتكلم عن ايه

 

والدالة تروح في قاعدة البيانات وتعمل بحث في الجدول عن المواضيع المشابهة وتعرض موضوع او اتنين بشكل عشوائي....دا اكيد هيخلي فيه اولا محتوي للاعلانات ثم ان الصفحة مش هتكون مخصصة للاعلان فقط ثم في الارشفة ثم في الشكل والنزاهة ثم ثم ثم.....

 

ثاني شيئ :: مهمة خالص خالص

لو انا هركب السكربت وهسميه مثلا (الووشو العربي) اي رابط من الروابط المختصرة يبقي بالعنوان ( رابط مختصر رقم واحد - الووشو العربي )

 

يعني اضافة اسم الموقع لاسم الرابط وده مهم برده في الارشفة والمصداقية من جوجل ومحركات البحث كما يفيد في نقل المواضيع من المنتديات

يعني تخيل موضوع اسمه ( اسطوانة جوامع الكلم بروابط متعددة ) ,,,

 

طبعا الي هينقل الموضوع هينقله بعنوانه فلما يكون اسم الموقع لازق في اسم الرابط هيبقي مميز في الارشفة ودي مشكلة كنت بعاني منها في بداية السكربتات لاني اضطريت اني اعدل كل السكربتات بتاعتي...

 

ثالث شيئ : ومش عارف صعبة ولا ايه (( بس لو تمت هتفجر قنبلة كبييييييييييييرة جدا جدا ))

وهي هاك مساعد يحول كل الروابط في منتديات الاي بي الا روابط مختصرة في السكربت وطبعا الرابط ياخد نفس عنوان الموضوع الاصلي (very impor),,,,, وكدا يبقي ضربنا ثلاث عصافير بحجر...

 

 

رابع شيئ ومهم جدا

امكانية اضافة نص تكست ( عشان مثلا لو عاوز ارفع سريال نمبر او ملف كي جين او ملف كراك مش لازم اروح لحد موقع رفع ويكتفي بالرفع الميسر من لوحة التحكم او من خلال الزائر.... او بلاش من خلال الزائر دي عشان الاستهبال....

 

 

خامس شيئ ومهم جدا

خاصية مشاركة الارباح في ادسنس او غيرها من الشركات الاعلانية....

 

سادس شيئ (( اضافة محرر قوي لاضافة المواضيع ,, اضافة نظام المشرفين لكل قسم من الاقسام او لعدة اقسام ,, اضافة خاصية تغيير مجلد الادمن ومجلد رفع الملفات ,)),

 

اضافة خاصية الدونيشن donation او الشراء اولا

يعني انا حطيت ملف وعملتله حماية والملف مهم جدا الي عاوزه يشتريه ,, بعد ما يتم الدفع ياخد كود تذكرة يحطها في الملف يفتحله الرابط هو كسب واحنا كسبنا.....

 

اضافة خاصية ال fake << Real

 

يعني الزائر لو لقي ملف مميز يقدر يضغط زرار fake لو الملف هو المطلوب وشغال مية مية يضغط Real

 

 

حاجة تانية مهمة اوي

خاصية تسجيل الاعضاء

وكل عضو يبدأ بنقطة واحدة

وكل عضو ليه ملفات الخاصة يسجل ويضيف وصاحب الموقع يديله صلاحية اما يقدر يعدل روابطه او ميقدرش يعدل او يقدر يعدل بعد مدة محددة وبعد كدا يقفل التعديل

 

ثم.... اي ملف لو انا ضغط fake يشيل نقطة من نقاط هذا العضو ,,, لو ضغط الزائر Real يعطي نقطة لهذا العضو.... طبعا دا هيعمل حيوية كبييييييرة جدا ومصداقية بين الاعضاء وملفاتهم بين الزوار

 

 

-------------

كفاية كدا انا شاكلي دوشتك جامد بالرغي ده كله

بس ارجوا ان المعلومات دي تفيدك وفي الاخر ما انا الا تلميذك اتعلم منك دائما...

------------

ان شاء الله اكون اول من يركب السكربت واول من يعمله دعايا كمان ,,

------------

والسلام علي من ابتع الهدي وسلك طريق الحق واقتدي....