** برمـــــــــج عقلك **

[مهندسة المنصورة 0]

*الحلقه الاولى*

.

.

.

.

 

ممكن تستغربوا من العنوان الغريب ده... إيه برمج عقلك ده؟؟

ممكن واحد يسأل:

هو كمبيوتر يتبرمج؟؟ يعني بدل ويندوز 98 ننزل إكس بي عشان مخنا يمشي أحسن ولا إيه يعني؟

تصدقوني بقى إن هو ده يبقى الموضوع بالضبط؟؟

 

 

 

 

تعال أسالك سؤال....

لو عندك كمبيوترين من نفس النوع واحد شغال بالإكس بي, والتاني شغال بالدوس.. هتكون كفاءتهم وقدراتهم واحدة؟؟ طيب لو عايز تدخل نت.. ينفع تستخدم الكمبيوتر أبو (دوس)؟؟

لأ طبعا.. عارف ليه؟ لأنك علشان تنجح في دخول الموقع لازم يكون عندك البرنامج المناسب... صح؟

فيه علم ظهر حديثاً اسمه البرمجة اللغوية العصبية.. (نقول برمجة العقل أظرف).. العلم ده قائم على فكرة إنك ممكن تعمل أي حاجة لو عرفت تبرمج عقلك بالبرنامج المناسب.. تخيل؟؟

يعني لازم تحط البرنامج المناسب في مخك عشان تعرف تستخدمه بطريقة أكفأ.. وتوصل للهدف اللي إنت عايزه.

 

 

 

 

 

تعال أسألك كمان كام سؤال....

 

عمرك حسيت إن اللي قدامك مش فاهمك وإنك مش عارف توصل له وجهة نظرك أو اللي إنت حاسس بيه؟؟

حسيت قبل كده إنك تايه ومش عارف تخطط لبكره كويس؟؟

لاحظت إنك مش فاهم والديك وإنهم مش فاهمينك؟؟

عمرك حسيت إنك متضايق كده من غير سبب ومش عارف تعمل إيه؟؟

عايز تطور قدراتك الوظيفية ومش عارف ازاي؟؟

 

 

أهي برمجة العقل بقى هي العلم اللي متخصص في حل كل المشاكل دي..

 

لو إجاباتك لمعظم الأسئلة اللي فاتت هي (أيوه)..

 

إذا الموضوع ده هيعجبك قوي....

 

وكمل معانا باقي الحلقات

 

********************

 

 

 

الموضوع ده عبارة عن كورس انا قريته في احد المنتديات وعجبني جدا قلت انزله

يارب يعجب حضراتكوا وان شاء الله كل ما ربنا ييسر هنزل حلقة منه

سلام عليكم ورحمة الله وبركاته

 

[حياتى من اجل ربى 22]

موضوع بجد راااااااااااااااااااااااائع

جزاك الله خيرا اختى

اشتقت فعلا لموضوعاتك المثمره

ربنا يجعل كل ما تكتبين فى ميزان حسناتك

ويهديك الى ما يحب

ويحقق لك كل ما تتمنى

ويستجيب دعائك يااااااااااااااارب

 

 

احترامى وتقديرى لك اختى

[eng_alaa 114]

يبدو اني هكون أول المتابعين للكورس إن شاء الله ...

 

وبصراحة .. الموضوع جميل جداً وهادف وأسلوبه راقي جداً ...

 

علي بركة الله أختنا أكملي لنا وربنا يجزيكي عنا خيراً ...

[مهندسة المنصورة 0]

موضوع بجد راااااااااااااااااااااااائع

جزاك الله خيرا اختى

اشتقت فعلا لموضوعاتك المثمره

ربنا يجعل كل ما تكتبين فى ميزان حسناتك

ويهديك الى ما يحب

ويحقق لك كل ما تتمنى

ويستجيب دعائك يااااااااااااااارب

 

 

احترامى وتقديرى لك اختى

 

اختي حياتي من اجل ربي انا سعيدة جدا بمرورك وردك الجميل ده

ويارب الموضوع يعجبك ان شاء الله

احبك جدا في الله

وربنا يجمعنا تحت ظل عرشه اخوات تحابا فيه

ويرزقنا جميعا الفردوس الاعلي

 

</div>

 

يبدو اني هكون أول المتابعين للكورس إن شاء الله ...

 

وبصراحة .. الموضوع جميل جداً وهادف وأسلوبه راقي جداً ...

 

علي بركة الله أختنا أكملي لنا وربنا يجزيكي عنا خيراً ...

 

اخي eng_alaa

جزاكم الله خيرا علي الرد والمرور الكريم

نسالكم الدعاء بس بتيسير الامر وان شاء الله اكمله

ربنا يرزقك الجنة وما قرب اليها من قول او عمل وييسر لك الخير حيث كان

ويجعلك نورا يمشي علي الارض والا يحرمك العمل لنضرة دينه

 

</div>

 

بارك الله فيك .. و اكيد كلنا مستنيين نتابع مع بعض الحلقات حلقة حلقة

 

و يا رب تعم الفائدة و الافادة على الجميع

 

 

شكرا ليكي اختي على هالموضوع الممتاز .. و ربي يجزيك بالخير .. ان شاء الله .. عاجله و آجله ..

 

ربي ينوّر عليك و ينعم عليك .. ان شاء الله ..

 

و ربي يوفقك و ينولك ما تتمني

 

اختي في الله الرام ربنا يعزك ويبارك فيكي

وان شاء الله كلنا نستفيد يارب من الموضوع ده

وربنا يجعل كل حرف فيه في ميزان حسناتنا كلنا

وشكرا جدا ع الدعوات الجميله دي ولكي مثلها وافضل منها

 

 

 

 

 

</div>

 

جزاكي الله كل خير أختي في الله (مهندسة مصرية) علي موضوعك وفكرتة الرائعة

 

ومنتظرين منك تكملة الحلقات إن شاء الله

 

لإنه عن جد موضوع ذات أهمية كبيرة جدا

 

أن يكون الفرد قادر علي أن يبرمج عقلة

 

وأرجو من الله أن يوفقنا وإياكم إلي ما يحبه ويرضاة إن شاء الله

 

أخوكي في الله

dr_mido

 

 

اخي في الله dr_mido

جزانا واياكم وربنا ينفعنا بيه ونحقق منه اقصي استفادة

ان شاء الله هنزل الحلقات ونتابع كلنا مع بعض

وربنا يوفقنا الي مايحبه ويرضاه

وجزاكم الله خير الجزاء علي المرور الكريم

</div>

 

السلام عليكم

اشكرك من اعماقي على هذا الموضوع الصراحة اعطاني فهم اكثر لذاتي انتظر باقي الدروس مشكورةةةةةةةةةةةةةةةة[spacing][/spacing]

 

وعليكم السلام ورحمة الله وبركاته

الشكر لله سعدت جدا بمرورك اختي في الله ويارب بقية السلسله تعجبك ان شاء الله

جزاكي الله خيرا وسدد خطاكي والهمك الصواب ورزقك الجنه

بس ليه مش قلتي انتي سمعي ولا بصري ولا شعوري؟

</div>

 

جزاكي الله كل خير أختي في الله (مهندسة مصرية) علي توضيحك لبعض من سماتنا الشخصية وأنا عن نفسي يمكن أكون (بصري علي جزء سمعي)

 

منتظرين الحلقة القادمة بفروغ صبر إن شاء الله

 

أخوكي في الله

dr_mido

 

جزانا واياكم

وجزاكم الله خيرا علي التفاعل انا تقريبا بصري علي شعوري

ربنا يرزقك الجنة وماقرب اليها من قول او عمل

متاسفــــــــــه جدا علي التاخير نظرا ان الفترة اللي فاتت كانت امتحانات

سلام عليكم

 

</div>

 

موضوع اكثر من رائع

بارك الله فيكى

 

جزاكم الله خيـــــــــرا علي المرور الطيب

اتمني يكون الموضوع حضرتك استفدت منه

اللهم علمنا ما ينفعنا وانفعنا بما علمتنا

 

 

</div>

 

 

السلام عليكم

 

الموضوع رئع ومفيد جدا انا متبعاه

 

جزاكى الله خيرا وربنا يجعله فى ميزان حسناتك

 

وعليكم السلام ورحمة الله وبركاته

جزاكم الله خيرا علي الرد والمرور الطيب

نسالكم الدعاء في هذا اليوم المبارك

 

 

 

 

</div>

[الرّام 173]

بارك الله فيك .. و اكيد كلنا مستنيين نتابع مع بعض الحلقات حلقة حلقة

 

و يا رب تعم الفائدة و الافادة على الجميع

 

 

شكرا ليكي اختي على هالموضوع الممتاز .. و ربي يجزيك بالخير .. ان شاء الله .. عاجله و آجله ..

 

ربي ينوّر عليك و ينعم عليك .. ان شاء الله ..

 

و ربي يوفقك و ينولك ما تتمني

[dr_mido 53]

جزاكي الله كل خير أختي في الله (مهندسة مصرية) علي موضوعك وفكرتة الرائعة

 

ومنتظرين منك تكملة الحلقات إن شاء الله

 

لإنه عن جد موضوع ذات أهمية كبيرة جدا

 

أن يكون الفرد قادر علي أن يبرمج عقلة

 

وأرجو من الله أن يوفقنا وإياكم إلي ما يحبه ويرضاة إن شاء الله

 

أخوكي في الله

dr_mido

تم تعديل November 12, 2009 بواسطه dr_mido

[مهندسة المنصورة 0]

السلام عليكم ورحمة الله وبركاته

 

نبدأ ان شاء الله الحلقه الثانيه

 

................................................

 

 

 

 

إيـــــه نظامك؟!

سؤال:

• عمرك حسيت إن اللي قدامك مش فاهمك كويس؟؟

• عمرك لاحظت إنك مش قادر تقنع اللي قدامك بوجهة نظرك؟؟

المشكلة دي بتواجهنا كلنا...

ساعات بتلاحظ إنك بتكلم حد في موضوع وهو مش قادر يوصل للفكرة اللي إنت عايز تقولها.. صح؟

 

عارف ليه؟

طيب قبل ما نجاوب السؤال ده هنلعب مع بعض لعبة صغيرة!

 

 

هاسألك كام سؤال.. أوك؟؟

 

(أهم حاجة في الموضوع هنا إنك تجاوب الأسئلة دي عشان هتحتاجها بعدين.. ما ينفعش تكمل قراءة من غير ما تجاوب عشان تستفيد من الموضوع ده....)

 

• فكر في أي صديق ييجي في بالك حالاً... اتكلم عنه في 3 أسطر على الأقل

 

 

 

• اوصف المكان اللي إنت قاعد فيه دلوقتي... في 3 أسطر على الأقل

 

 

 

 

تخيل نفسك بعد 10 سنين من دلوقت في موقف معين.. اوصف الموقف اللي إنت متخيله ده بالتفصيل الممل

 

 

*ارجو كتابه ردك بالورقه و القلم علشان تكون الاستفاده اكبر*

 

 

خلصت اللعبة؟؟ يلا بقى نعرف إيه الحكاية...

 

................................................................................

...........................................

الأنظمة التمثيلية:

 

مخ الإنسان عبارة عن أرشيف بيخزن كل المعلومات اللي الواحد مننا بياخدها في حياته, ويسترجعها وقت الحاجة.

 

اكتشف العلماء إن الأرشيف ده كذا نوع... مش نوع واحد...

 

 

وطبقاً للنوع ده بيتقسم الناس لثلاث (أنظمة تمثيلية) رئيسية:

 

شخص بصري

 

شخص سمعي

 

 

شخص حسي (شعوري)

 

 

 

 

يعني إيه الكلام ده؟؟ بص معايا على المعلومات دى:

النوع

 

طريقة عمل المخ

 

سمات شخصية

 

 

 

1

البصري

بيخزن المعلومات على شكل صور وأشكال.. ذكرياته وتفكيره عبارة عن صور.

بيتذوق الفن التشكيلي - أنيق - سريع الحركة والكلام واتخاذ القرار.

 

 

 

2

سمعي

بيخزن المعلومات كأصوات - بيفتكر الأصوات والكلام اللي اتقال في موقف ما أكثر من أي حاجة تانية.

 

يتذوق الموسيقى - يميل إلى العقلانية وتحليل الأمور - غير متسرع.

 

 

 

3

حسي(شعوري)

بيخزن المعلومات كمشاعر وأحاسيس - ممكن مايفتكرش من موقف ما غير الأحاسيس والمشاعر اللي كانت عنده وقتها

منخفض الصوت - بطيء الكلام - تتخلله فترات صمت - قراراته تتحدد طبقاً لمشاعره - لا يهتم بالمظهر..

 

 

 

 

راجع إجاباتك اللي فاتت (مش قلت لك مهمة؟) عشان تعرف نظامك التمثيلي:

 

 

اتكلم عن صديق جه على بالك:

 

لو كنت بصري: هتوصف شكله ومظهره.. طويل - قصير - ملامحه...

لو كنت سمعي: هتوصف طريقة كلامه وصوته عالي ولا منخفض وتقيمه تقيم عقلي (تفكيره كويس - لاسع....)

 

لو كنت شعوري: هتوصف أحاسيسك وشعورك ناحيته.. (مريح- بكره- بحب..)

 

 

اوصف المكان اللي إنت قاعد فيه:

 

لو كنت بصري: هتوصف الديكور والألوان والأشياء اللي حواليك

لو كنت سمعي: هتوصف الأصوات (ضوضاء - هادئ....)

لو كنت شعوري: هتوصف أحاسيسك ومشاعرك (مكان مريح - الكرسي ناشف..)

 

 

- تخيل نفسك بعد 10 سنين..

 

لو كنت بصري: هتوصف شكل المكان أو الناس اللي حواليك.

لو كنت سمعي: هتوصف الأصوات والكلام اللي بيتقال.

لو كنت شعوري: هتوصف مشاعرك في هذه اللحظة..

 

عرفت بقى نظامك التمثيلي؟؟

أحياناً الإنسان له أكثر من نظام... يعني (سمعي- بصري) أو (شعوري- سمعي) كده يعني.. وممكن تتغير الأنظمة من وقت للتاني ومن سن للتاني...

 

 

طيب والكلام ده مفيد في إيه؟؟

عايز تعرف؟؟

 

يبقى استنانا الحلقة الجاية......

[بيروزا 0]

السلام عليكم

اشكرك من اعماقي على هذا الموضوع الصراحة اعطاني فهم اكثر لذاتي انتظر باقي الدروس مشكورةةةةةةةةةةةةةةةة[spacing][/spacing]

[dr_mido 53]

جزاكي الله كل خير أختي في الله (مهندسة مصرية) علي توضيحك لبعض من سماتنا الشخصية وأنا عن نفسي يمكن أكون (بصري علي جزء سمعي)

 

منتظرين الحلقة القادمة بفروغ صبر إن شاء الله

 

أخوكي في الله

dr_mido

[saidhwry 0]

موضوع اكثر من رائع

بارك الله فيكى

[مهندسة المنصورة 0]

السلام عليكم ورحمة الله وبركاته

 

أهلا بيكم في حلقة جديدة من برمجة الدماغ...

 

إيه النظام؟

 

دلوقتي وبعد ما عرفنا نظامنا التمثيلي ونظام الناس اللي بنتعامل معاهم (راجع حلقة 1) هنستفيد من الكلام ده كله بإيه؟؟

 

 

هاقولك مثال:

 

لو بتتنافس مع واحد تعرفه حول موضوع معين...

 

لو شخص بصري:

هتلاقيه يستخدم كلمات(بصرية) زي:

"شايف وجهة نظري؟.. بص للموضوع من الزاوية دي.. شكله كويس..."

 

لو شخص سمعي:

هتلاقيه يستخدم كلمات (سمعية) زي:

" اسمع.. ركز.. نشاز....."

عارف ليه؟ لأنه (سامع) الفكرة في مخه, وبيحاول يقول لك التحليل المنطقي ليها...

 

 

لو شخص شعوري:

هتلاقيه بيستخدم كلمات (شعورية) زي:

"مش مستريح للموضوع ده...."

عارف ليه؟ لأنه (حاسس) بالفكرة, وبيحاول ينقل لك مشاعره ناحيتها....

 

فهمت بقى الفولة؟؟

 

 

 

يبقى لو عايز تقنع واحد بصري بحاجة: حاول ترسم له الصورة بتاعتها وبتعبيرات بصرية....

لو سمعي: اقنعه بالمنطق وبتعبيرات سمعية...

لو شعوري: اقنعه بالمشاعر والأحاسيس بتعبيرات حسية...

 

................................................................................

............................................................................

لعبة

 

تمرين 1:

عاوز تقنع واحد إنه يروح معاك السينما... هتقول له إيه؟...

لو بصري؟

 

لو هو سمعي؟

 

لو هو شعوري؟

 

 

برافو عليك.... أيوه كده....

(راجع حلقة1)

 

 

قبل ما نختم الحلقة, تعالوا نتفرج على الأمثلة دي ونحاول نفكر فيها مع بعض:

 

 

 

مثال:

 

فرغلي: "مراتي مش بتحبني... اشتريت لها غسالة فول أتوماتيك بدل الغسالة اللى صوتها عالي اللي عندنا وصرفت نص المرتب.... وبرضه مش مبسوطة....".

التفسير:

فرغلي (سمعي) يعتبر الغسالة هدية قيمة, بينما زوجته (شعورية) مش عايزة منه غير وردة أو كلمة حلوة في عيد جوازهم...

 

 

 

كمان مثال:

 

عنايات: "جوزي مش طايقني.. كل ما أكلمه يبص الناحية التانية.. سامع كل كلمة باقولها بس مش عايز يبص في وشي".

 

التفسير:

عنايات (بصرية) تعتبر النظر شيئا مهما للتعبير عن الحب.. وجوزها سمعي بيركز عن طريق ودانه...

 

 

 

 

كمان مثال:

تامر: "بصوا يا جدعان أنا مش طايق "ميدو" ده ممل قوي وعلى ما يقول كلمتين على بعض باكون نمت..."

التفسير: تامر (بصري) بيتكلم بسرعة, وميدو (شعوري) بيتكلم ببطء

(راجع حلقة1)

 

 

 

 

كفاية كده أمثلهوالى اللقاء بالحلقة القادمةان شــــــــــــــــــــــــــــاء الله

[مهندسة المنصورة 0]

سلام عليكم ورحمة الله وبركاته

تنويه لابد منه

المثــــــــــــــال علي انك تقنع واحد يروح معاك للسينما

طبعا مجرد مثـــــــــال يعني لان ممكن ناس تقول ايه السينما دي ومش عارفه ايه

انا معدلتهاش عشان دي امانة

يعني اعتبروها اي مكان تاااااااااني

والمثـــــــــال بتاع فرغلي ده

يعني كل اللي اقصده نستفيد من الموضوع لو في بعض الكلمات الغريبه معلش

لان خايفه اي حد يدخل يوجه نقد للموضوع

سلام عليكم ورحمة الله وبركاته

[مهندسة المنصورة 0]

السلام عليكم ورحمة الله وبركاته

 

 

 

نكمل مع بعض الحلقه الرابعه بعنوان.....

 

المصافي!!

هو: ماحدش بيحبني خالص..!

هو: على فكرة "محمود" مش جدع..!

هي: بقالي أسبوعين مابانامش!

 

شايف المشاكل دي؟ عارف إيه حلها؟ تعال نقرأ الموضوع وهتحلها إنت بنفسك بكل بساطة..

 

دلوقتي وبعد ما عرفنا إيه هي (أنظمة الناس) في الحلقات اللي فاتت.. هنعرف النهارده حاجة مهمة قوي.. و هي:

 

المصفاة!!

عارف المصفاة؟؟

أيوه بالضبط.. اللي بتصفي بيها عصير الليمون..

 

هنعمل بيها إيه دي؟؟ وإيه علاقتها بالموضوع؟؟

 

تعالوا نشوف مع بعض إيه الحكاية:

زي ما عرفنا, الواحد مننا بيجمع المعلومات من البيئة اللي حواليه عن طريق حواسه الخمسة وأنظمته التمثيلية (بصري، سمعي، شعوري،....) والمعلومات دي بتروح على المخ (الخريطة اللي بتحركنا).

 

بس السؤال هنا:

هل المعلومات دي بتروح مباشرة على المخ؟؟

الإجابة: للأسف لأ.. بتتصفى في مصفاة معينة قبل ما توصل!!.

والمصفاة دي هي موضوع حلقتنا النهارده..

 

 

المصفاة دي 3 أنواع:

مصفاة الحذف

مصفاة التعميم

مصفاةالتحريف

 

1ـ مصفاة الحذف:

المصفاة دي بتاخد المعلومات اللي جت لها وتحذف منها شوية.. بتعدي حاجات وماتعديش حاجات..

 

 

 

 

إنت قاعد دلوقتي أمام جهاز الكمبيوتر بتقرأ الموضوع ده ومركز فيه.. وفي نفس الوقت فيه مؤثرات كتيييرة جدا حواليك.. فيه أصوات كتير حواليك صح؟ ركز كده.. لكن إنت ماكنتش منتبه للأصوات دي ومركز في القراءة.. صح؟

 

أهي المصفاة دي دورها كده.. بتلغي شوية مؤثرات وتسيب غيرها.. المعلومات اللي رايحة في طريقها للمخ المصفاة مش بتسيبها تعدي في حالها.. بتلغي شوية حاجات..

 

2ـ مصفاة التعميم:

المصفاه دي بقى على العكس.. بتاخد شوية معلومات وتكبرها وتحسسك إن هي دي بس المعلومات الموجودة.. يعني عممت المعلومات دي على التجربة كلها.

 

 

 

فكر في حد إنت مش بتحبه خالص أو مش بتستلطفه مطلقا.. فكرت فيه؟..

اكتب هنا أهم صفاته:

 

 

 

شفت؟ هو ده بقى التعميم.. كل بني آدم فيه ملايين الصفات الكويسة والوحشة.. لكن إنت عشان مش بتحب الشخص ده, وصفته بصفة سلبية.. رغم إن فيه صفات إيجابية كتير..

 

مصفاة التعميم خلت الصفة السلبية دي هي اللي تتعمم.. رغم إن أكيد فيه صفات كويسة كتير، المصفاة دي ما خلتهاش تعدي لمخك (الخريطة).

 

 

 

هي: " كل الرجال قاسيين .."

ده مثال تاني للتعميم.. صاحبة الجملة دي أكيد مرت بتجربة مع واحد قاسي, خلتها تعمم الموضوع على كل الرجال.. مع إن ده مش صحيح...

 

3ـ مصفاة التحريف:

المصفاة دي غير اللي فاتوا خالص.. لأنها ببساطة بتحرف المعلومات اللي رايحة المخ ..

 

 

لي واحد صاحبي زعلان مني وانا مش عارف...... وفي يوم من الأيام كنت ماشي من قدامه ونسيت اسلم عليه... عادي يعني! صاحبنا ده قال إن ده دليل اني مغرور وليه حق انه يخاصمني

الغريب إنه كان مصدق كده تماما..

السبب في كده: مصفاة التحريف.. خلت الموقف العادي ده يتحرف ويبقى حاجة تانية خالص..

 

طيب.. أي نوع من دول عندنا؟؟

صح.. التلاتة طبعا.. كل مصفاة في وقتها بطريقة لا إرادية...

 

 

 

................................................................................

......................................................

التحكم في المصافي:

دلوقتي بعد ما فهمنا أنواع المصافي دي وازاي بتشتغل, نقدر بكل بساطة نتحكم فيها عشان نعيش حياة أسعد..

 

تعال نشوف المشاكل دي كده:

 

 

مشكلة 1:

هو: مراتي بتتكلم كتير قوي.. مش قادر أستحمل

 

مشكلة 2:

هي: جوزي عمره ما يحط حاجة في مكانها خالص!!

خدت بالك من المشاكل دي؟؟

 

فكر كده في الفلاتر اللي استخدمت في كل حالة

 

المشكلة 1:

الزوج استخدم مصفاة ( التعميم والإلغاء)

 

ركز في مشكــلة الكلام الكتير لزوجته (تعميم) وتــجاهل حاجات كتــير قـــوي ممكن تكون كويسة فيها (إلغاء).

 

عارفين الحل إيه؟

يستخدم الإلغاء في موضوع الكلام الكتير ويعمم في أي صفة حلوة عندها..

يركز في إن مراته منظمة مثلا.. في إنها بتحبه.. في إنها بتربي عياله كويس وبتخلي بالها من بيته.. كده يعني..

كل ماتتكلم كتير قدامه يركز كم هي حنونة وجميلة وتحملت معي الكثير.. وبكده هيعدي الموضوع!

 

 

 

 

المشكلة 2:

الزوجة استخدمت مصفاة (التعميم والإلغاء والتحريف).

 

مصفاة التحريف: يعني معقول عمره ما حط حاجة في مكانها؟؟ ليه يعني؟؟ دايما بيحط الأكل في الدولاب والقمصان في التلاجة مثلا؟؟ عمره ما حط دماغه على المخدة يعني ولا بيحطها على الكومودينو دايما؟؟ أكيد منظم إلى حد ما في بعض الأشياء..

 

لو شغلت مصفاة (التعميم) في المواقف اللي كان فيها منظم.. هتلاقي إنه مش بشع إلى هذا الحد!!

وبكده على الأقل هتقدّر حجم المشكلة بالضبط وتقدر تتفاهم معاه وتعلمه النظام في الحاجات القليلة اللي هو غير منظم فيها..

 

ودلوقتي وبعد ما حلينا المشكلتين دول.. ارجع للمشاكل اللي في أول الموضوع هتلاقي نفسك حليتها لوحدك..

 

جرب كده ....

 

جرب

 

 

بتحكمك في المصافي بتاعتك هتقدر تحب (شريك حياتك- عملك- أهلك أكتر وأكتر) (بتعميم) صفاته الكويسة و(إلغاء) صفاته اللي مش عاجباك.. و(حرّف) زي ما إنت عايز.. بس وإنت بتستخدم المصافي دي اعرف إن الهدف الأساسي هو: إنك تعيش حياة أسعد, بعيدة عن الضغوط...

ورحلة حياة سعيدة..

 

هو ده بقى موضوع المصافي (علميا اسمها: الفلاتر).

 

بعد ما المعلومات بتعدي من المصافي دي, بتروح على المخ.. اللي هو الخريطة..

 

إيه هي الخريطة دي؟؟

 

هو ده اللي هنتكلم عنه في الحلقة الجاية..

فإلى اللقاء

[مؤمنه بالرحمن 3]

السلام عليكم

 

الموضوع رئع ومفيد جدا انا متبعاه

 

جزاكى الله خيرا وربنا يجعله فى ميزان حسناتك

[رجل من الصحراء 36]

موضوع جميل جدا

بارك الله فيك اختي الفاضلة

[مهندسة المنصورة 0]

موضوع جميل جدا

بارك الله فيك اختي الفاضلة

 

جزاكم الله خيرا اخي رجل من الصحـــــراء علي المرور الطيب

تشرفت جدا بمرور حضرتك

ربنا يجعل حضرتك من رفقاء المصطفي في الفردوس الاعلي ويجعلك من عباده الصالحين وييسر لك الخير حيث كان

[مهندسة المنصورة 0]

السلام عليكم

 

الموضوع رئع ومفيد جدا انا متبعاه

 

جزاكى الله خيرا وربنا يجعله فى ميزان حسناتك

 

وعليكم السلام ورحمة الله وبركاته

شكرا كتير ليكي علي الرد الجميل والمحفز ده

نورتي الموضوع بمرورك الطيب

اسال الله العظيم رب العرش الكريم ان يجمعنا في الفردوس الاعلي

 

[دعوه للجنه 457]

ماااااااااااااااشاء الله عليكى أختى الكريمة

ربنا يحفظك يااارب ويوفقك ويبارك لك فى وقتك وعلمك

ويجعلك دائما تفدينا

شكرا بجد

أنا أول قراءة ليا للموضوع الرائع دا

بس هتابعه باستمرار حتى تنتهى من حلقاته

تقبلى بكل صدق فاااااااااااائع تقديرى أٌخيّتى

ربنا يرزقنى واياكِ الاخلاص

تم تعديل November 26, 2009 بواسطه دفءُ الأٌنْــــــــسِ

[مهندسة المنصورة 0]

ماااااااااااااااشاء الله عليكى أختى الكريمة

ربنا يحفظك يااارب ويوفقك ويبارك لك فى وقتك وعلمك

ويجعلك دائما تفدينا

شكرا بجد

أنا أول قراءة ليا للموضوع الرائع دا

بس هتابعه باستمرار حتى تنتهى من حلقاته

تقبلى بكل صدق فاااااااااااائع تقديرى أٌخيّتى

ربنا يرزقنى واياكِ الاخلاص

 

انا مش عايزة اقولك اننا في قمــــــــــة السعاده دلوقتي وعاجزة والله

عن الرد عليكي احبك جدااااااا في الله اختي في الله

وربنا يرزقنا الفردوس الاعلي يارب ونكون صحبة في الجنة

اللهم طهر قلوبنا من النفاق واعمالنا من الرياء والسنتنا من الكذب

 

[dr_mido 53]

جزاكي الله كل خير أختي في الله (مهندسة المنصورة) علي موضوعك المتجدد والمتميز هذا

 

جعله الله في ميزان حسناتك إن شاء الله

 

بجد أنا عن نفسي أستفدت حاجات كتير جدا بسم الله ما شاء الله

 

وعرفت معلومات عن شخصيتي ممكن مكنتش واخد بالي منها أو مكنتش مقتنع بيها قبل كده

 

وفقنا الله وإياكم إلي ما يحبه ويرضاة بإذن الله

 

أخوكي في الله

dr_mido

[مهندسة المنصورة 0]

السلام عليكم ورحمة الله وبركاته

نكمل مع بعض حلقات برمج عقلك

والحلقه الرابعه بعنوان......

الخريطة!!

النهاردة هنتكلم عن موضوع مهم قوي في حلقتين.. حلقة النهارده هي: خريطتنا، والحلقة الجاية: خريطة الناس التانية!!

 

 

مش فاهم حاجة؟ ولا يهمك.. تعال نخش في الموضوع...

 

 

هاحكي ليك قصة صغيرة:

 

مرة واحد كان مسافر (شرم الشيخ) بالسيارة.. وعشان الطريق طويل أخد معاه خريطة... الراجل فضل ماشي ماشي ماشي.. وكل مرة بيضل طريقه ومش عارف يوصل..

عارف طلع السبب إيه؟

طلع ماسك خريطة (الإسكندرية) مش (شرم الشيخ)!!

 

الراجل وقف وطلع خريطة تانية واتأكد إنها خريطة (شرم الشيخ).. وفضل ماشي ماشي ماشي.. وبرضه تاه..

 

عارف طلع السبب إيه؟

طلعت خريطة قديمة, والطريق حصل فيه تغييرات وتجديدات كتير!!

 

الراجل وقف وأخرج خريطة جديدة اتأكد إنها خريطة (شرم الشيخ) وبتاريخ السنة دي.. وفضل ماشي ماشي ماشي.. تخيلوا حصل إيه؟؟ برضه تاه...

طلع السبب إيه؟؟

 

كان ماسك الخريطة بالمقلوب!!!

 

 

 

عايز أقول إيه؟؟

عايز أقول إن عشان ماتضلش طريقك, لازم تكون معاك الخريطة الصحيحة..

 

لكن.. إيه هي الخريطة دي؟؟

 

الخريطة دي عبارة عن مجموعة الخبرات اللي الواحد خدها في حياته كلها.. واللي بتخليه شايف العالم بطريقة مختلفة عن غيره..

 

 

هاسألك سؤالين هيوضحوا ليك الموضوع:

 

 

السؤال الأول: دبلة الخطوبة.. بتمثل لك إيه؟؟

 

السؤال الثاني: دكتور الأسنان.. بيمثل لك إيه؟؟

 

 

في حالة زي دي إجابتك محكومة بالخريطة اللي عندك.. اللي هي خبراتك وتجاربك..

 

 

في السؤال الأول:

لو عايز تخطب حد أو مررت بخطوبة سعيدة, هتمثل لك: الفرحة والسعادة..

لكن لو كنت مررت بأزمة عاطفية مثلا, هتمثل لك: الألم والحزن.. يعني العكس تماما..

 

في السؤال الثاني:

لو في طفولتك دكتور الأسنان كان لطيف, أو حد بتحبه دكتور أسنان, هيمثل لك: الطمأنينة والارتياح..

لو مريت بتجربة سيئة أو والديك كانوا بيهددوك بدكتور الأسنان, هيمثل لك: الألم والخوف...

 

نفهم من كده إن تجربتك الشخصية (خريطتك) حكمت نظرتك للعالم وللأشياء... وكل واحد أكيد عنده تجارب (خريطة) غير التاني... فالإجابة مش هتكون واحدة عندنا كلنا.... يبقى ببساطة: الخريطة بتاعتك مش شرط تكون صح.

 

قاعدة مهمة

 

الخريطة ليست صحيحة دائما!!

 

 

يعني لا تثق إطلاقا في الخريطة اللي عندك.. واسأل نفسك دايما: هل هي خريطة صحيحة فعلا؟؟ هل تصلح للزمن ده؟؟ هل تأكدت إنك قمت بتحديثها؟؟ هل بتتوافق مع خرائط الناس التانية؟؟

 

الخرائط دي اتكونت عن طريق تجاربنا والمعلومات اللي حصلنا عليها طول سنين حياتنا... عن طريق:

 

الوالدين والأسرة

المدرسة والجامعة

المجتمع المحيط

وسائل الإعلام

 

لكن للأسف لا يجب الثقة في هذه الخرائط لمجرد إنها الخرائط بتاعتنا ولمجرد إننا اتعودنا عليها.. مش كده؟

 

 

 

يعني لو الواحد كبر لقى أبوه وأمه بيدخنوا... غالبا هيكون مدخن...

لو اتربى على عادات غذائية سيئة....... غالبا هيفضل يمارسها...

لو اتضرب في المدرسة بقسوة.... ممكن يمارس نفس الأسلوب مع أولاده...

 

 

فدايما اسأل نفسك.. هل الخرائط دي صحيحة؟؟؟

هل عشان اتعودنا عليها والناس حوالينا برضه.. تبقى صح؟؟

 

مافيش حد بيعتبر نفسه غلط.. لكن الخريطة بتاعته هي اللي غلط وهو ماشي عليها..

 

 

 

القاتل.. خريطته: أنا ريحت العالم منه.. أنا عملت خير!!

الحشاش.. خريطته: ده نبات طبي.. تاخد نفس يا كابتن؟؟

الحرامي.. خريطته: أنا باسرق عشان أحوش قرشين ينفعوني!!

 

وطبعا واضح إن كل الخرائط اللي فاتت غلط تماما ومش صحيحة خالص.. مش هتلاقي حد بيقول: "أنا عملت الجريمة عشان أنا شرير..".. هو ماشي بخريطته وفاكر إنها صح, لكن هي غلط زي ما شفنا..

 

 

عرفت بقى إن مهم قوي نراجع خرائطنا؟؟

 

راجع خريطتك أول بأول.. وقارنها بخرائط الناس اللي إنت شايف إنهم أحكم وأكبر منك.. قارنها بخريطة قدوتك..

 

 

راجعها من وقت للتاني عشان تتأكد إنك مش ماسك الخريطة بالمقلوب....

إتأكد دايما إنك ماسك الخريطة الصح بالتاريخ الصح وبالوضع الصح..

ورحلة حياة سعيدة.

 

وإلى اللقاء في الحلقة القادمةان شاااااااااء الله: خرائط الناس التانية!!!

[مهندسة المنصورة 0]

جزاكي الله كل خير أختي في الله (مهندسة المنصورة) علي موضوعك المتجدد والمتميز هذا

جزانا واياكم ان شاء الله

ربنا يسدد خطاك ويلهمك الصواب ويرزقك من حيث لاتحتسب

ويوفقك في الدنيا والاخرة

 

جعله الله في ميزان حسناتك إن شاء الله

يــــــــــــــــــــــارب

 

بجد أنا عن نفسي أستفدت حاجات كتير جدا بسم الله ما شاء الله

 

وعرفت معلومات عن شخصيتي ممكن مكنتش واخد بالي منها أو مكنتش مقتنع بيها قبل كده

جميل جدا وهو ده المطلوب وانا فعلا استفدت كتيرجدا من الموضوع

ربنا ينفعنا بيه يارب ونكون علي الوجه اللي يرضي ربنا عننا

 

وفقنا الله وإياكم إلي ما يحبه ويرضاة بإذن الله

اللهم اميـــــــــــــــــن

أخوكي في الله

dr_mido

 

 

[دعوه للجنه 457]

السلام عليكم ورحمة الله وبركاته

نكمل مع بعض حلقات برمج عقلك

والحلقه الرابعه بعنوان......

الخريطة!!

النهاردة هنتكلم عن موضوع مهم قوي في حلقتين.. حلقة النهارده هي: خريطتنا، والحلقة الجاية: خريطة الناس التانية!!

 

 

مشكوره يا غاليه

جزاكِ الله خيرا يا بشمهندسه

نورتينا بموضوعك الجميل المتجدد دا تانى

ربنا يوفقك ويسدد خطاكى ويرزقنا جميعا الاخلاص

تقبلى فائق أحترامى

[مهندسة المنصورة 0]

[مهندسة المنصورة 0]

السلام عليكم ورحمة الله وبركاته

 

اهلا بيكم في حلقه جديده بعنوان ............

 

 

 

 

خرائط الناس التانية

سؤال:

عمرك اختلفت مع حد في موضوع معين، وحسيت إنك إنت اللي صح وإن هو غلط؟؟

شايف الناس مش مقتنعة بأفكارك وحاسس إن معظمهم مابيفهموش؟؟

 

طبعا الأمثلة كتير عندنا كلنا..

 

هاحكي ليك حكاية قديمة قوي..

 

 

مرة ثلاثة عميان دخلوا أوضه فيها فيل.. وطبعا عشان مش شايفين, قعدوا يحسسوا على الفيل.. واحد مسك الخرطوم, التاني مسك الديل والتالت قعد يحسس على رجله...

 

وجه واحد سألهم: إيه هو الفيل؟؟

 

الأول قال: الفيل ده يشبه الثعبان بالضبط..

الثاني قال: لأ.. الفيل عبارة عن مقشة..

الثالث قال: ده كلام فارغ.. الفيل عبارة عن أربع عواميد..

 

خلصت القصة..!!

قبل ما تسخر من العميان دول وتستخف بسذاجتهم..

اسمح لي أسألك سؤالين:

 

إيه رأيك في مطربك المفضل؟؟

اكتب الإجابة بالتفصيل:

 

طيب.. تخيل لو سألنا جدتك عن رأيها في نفس المطرب.. هتكون الإجابة إيه؟

بالتفصيل:

 

 

هنا غالبا هيحصل خلاف في وجهات النظر.. إنت معجب بمطربك وجدتك رأيها غير كده خالص..

 

يا ترى ليه الخلاف ده حصل؟؟ ومين فينا اللي صح؟؟

 

بعد ما عرفنا في الحلقة اللي فاتت إن (الخريطة ليست صحيحة دائما!) وإن كل واحد مننا له خريطة مختلفة عن التاني تماما.. ممكن إنت نفسك تفسر الخلاف اللي حصل بينك وبين جدتك في موضوع مطربك المفضل..

 

كل واحد عنده خريطة غير التاني!

 

الخريطة بتاعتك:

المطرب ده أنا باحبه من أول ما ابتديت أسمع مزيكا أساسا.. وهو مطرب ناجح وجميل!!

 

الخريطة بتاعة جدتك:

في شبابي كنت باحب مطرب من أول ما ابتديت أسمع مزيكا أساسا.. وكان ناجح وجميل.. لكن بتوع اليومين دول مش زيه خالص!!!

 

أقول لك حاجه؟ لما تكبر في السن هتفضل تحب المطرب ده لأنه بيفكرك بأيام الشباب.. ولو حفيدك سمّعك مطربه المفضل, عارف رأيك فيه هيكون إيه؟ هيكون:زي رأي جدتك في مطربك المفضل

 

 

 

 

 

 

نتعلم من كده إيه؟ نتعلم من كده قاعدة مهمة جدا, وهي:

قاعدة مهمة

 

يجب احترام خرائط الناس التانية..

 

لا تفترض إن خريطتك هي اللي صح وإن خرائط الناس التانية هي اللي غلط.. ماتعملش زي العميان اللي في أول المقالة.. احترم خرائط الناس التانية وحاول تعرفها.. عشان تقدر تشوف الفيل كله على حقيقته..

 

وطبعا ياريت نتغاضي عن كلمة مطــــــــــــرب دي ولا كانها موجودة

اشوفكم الحلقة الجاية ان شاء الله