** برمـــــــــج عقلك **

[مهندسة المنصورة 0]

[شهد 2010 4]

باشكرك بجد اختى مهندسه المنصوره على مجهودك الجميل

جزاكى الله كل خير

وجعل الله كل اعمالك خالصه لوجه الكريم

منتظرين المزيد

[مهندسة المنصورة 0]

باشكرك بجد اختى مهندسه المنصوره على مجهودك الجميل

جزاكى الله كل خير

وجعل الله كل اعمالك خالصه لوجه الكريم

منتظرين المزيد

 

انا اللي متشكرة جدا لحضرتك علي مرورك ورد الجميل ده

اخيـــــــــــــــــــــرا لقيت حد بيتابع الموضوع معايا كنت فقدت الامل خلاص

ربنا يتقبل الدعاء الجميل ده منك ولكي مثله وافضل منه

اللهم طهر قلوبنا من النفاق والسنتنا من الكذب واعمالنا من االرياء

 

[مهندسة المنصورة 0]

 

برمج عقلك بالهيروغليفي!!

 

 

 

أهلا بيكم في حلقتنا الجديدة..

موضوع الحلقة زي ما قريتم بالضبط.. بالهيروغليفي..

 

سؤال:

عمرك اتكلمت مع واحد لفترة قليلة، وحسيت إنك استمتعت جدا بالكلام معاه؟

هل فيه ناس معينين بتحب تتكلم معاهم وناس تانيه لأ؟

 

فيه ناس كتير اتكلموا عن (أساليب الاتصال) وازاي إنك ممكن تجذب اللي قدامك وتنال احترامه باتباع قواعد معينة للحوار.. واتكتب في الموضوع ده حاجات كتيرة هنتناولها في الباب ده..

 

لكن في الحلقة دي بالذات هانسمع من بعض الفراعنة قالوا لنا إيه ونصحونا بإيه؟

 

 

 

 

 

الفضيلة الأولى: الصمت!!

 

 

 

 

 

 

 

 

لما تقعد مع مجموعة من الناس بيتكلموا، هتلاحظ حاجة غريبة قوي.. هتلاحظ إن كل واحد بيميل إنه يتكلم عن نفسه وتجاربه الشخصية أكتر من أي حاجة تانية..

 

 

 

 

 

 

 

مثال:

 

الأول: اكتشفت محل سمك هايل جدا.. عجبني أكله قوي..

الثاني: أنا برضه باحب السمك جدا.. لما رحت إسكندرية ماكلتش غير سمك..

الثالث: تصدقوا بقى إن أنا ماباحبش السمك؟ بيجيبلي حساسية..

 

 

 

 

 

 

 

مثال:

الأول: شفت حلقة امبارح من المسلسل العربي؟ عجبتني قوي..

الثاني: أنا ليّ واحد صاحبي يشبه بطل المسلسل..

الثالث: أيوه فعلا.. أنا عارفه..

 

 

لاحظت الموضوع ده؟؟

 

راقب أصدقاءك وهم بيتكلموا أو أي مجموعة ناس في أي حتة.. هتكتشف فعلا إن أكتر حاجة الناس بتحب تتكلم عنها هي: نفسهم وتجاربهم..

وعشان تنال حب اللي قدامك وتقديره لازم ماتقعش في مصيدة الكلام عن نفسك، واكسب ود اللي قدامك وخليه يتكلم عن نفسه براحته..

 

أكتر حاجة الناس بتحبها إنها تلاقي حد يستمع لهم باهتمام وهم بيتكلموا.. وبيحبوا ويقدروا الشخص ده جدا، حتى لو ماتكلمش أساسا..

فخليك إنت الشخص ده..

 

إذا كنت بين جماعة من الناس، فاجعل حب الناس هدفك.... فيحسن ذكرك، دون أن تتكلم!

حكم "كامجني" و"بتاح حتب"

يعني المقياس في التواصل مش هو الكلام الكتير ومقاطعة اللي قدامك والكلام عمال على بطال عن إنجازاتك وعظمتك وتجاربك.. بكده التواصل ممكن يكون سلبي..

 

لا تكثر في الكلام فالصمت خير لك فلا تتحدث ولا تكن ثرثارا.

حكم "كامجني" و"بتاح حتب"

 

 

 

الصمت والاستماع مهم جدا في عملك لو كنت بتتعامل بشكل مباشر مع مشاكل الناس..

 

هاقول لك مثال:

المريض: يا دكتور لما باصحى الصبح بالاقي عندي صداع وباحس كده إني...

الطبيب: خد الدوا ده 3 مرات في اليوم..

المريض: لكن يا دكتور أنا باحس كمان إن عندي غممان نفس وكمان...

الطبيب: أيوه خد الدوا ده... اللي بعده يا "عويس"!

 

مثال:

العميل: ألو... لو سمحت الخط عندي فيه مشاكل، منها إن....

موظف خدمة العملاء: أيوه يا افندم هنحل المشكلة دي حالا.

العميل: أيوه بس فيه مشكلة كمان هي إن..

موظف خدمة العملاء: ماتقلقش يا افندم هاحل كل المشاكل، شكرا لاتصالك!

 

 

تلاحظ إيه هنا؟

هل المريض حاسس إنه تلقى علاج كويس؟

هيطلع من العيادة يذم في الدكتور ده طبعا ومش هيروح له تاني!

 

وهل العميل مبسوط؟

لا طبعا.. حتى لو اتحلت المشكلة هيفضل عنده إحساس سلبي ناحية الشركة دي!

 

مع إن ممكن قوي إن الدكتور عرف المشكلة بتفاصيلها من التحاليل والأشعات مثلا، وموظف خدمة العملاء عرف المشكلة من البيانات اللي عنده.. وحلوا المشكلة بصورة ممتازة.

 

لكن حل المشكلة مش هو كل حاجة زي ما شفنا.. المهم هو الاستماع الفعال.

 

الفراعنة رأيهم إيه بقى؟

في نصائح "كامجني" و"بتاح حتب" للقضاة هنلاقي:

 

"اجعله يسترسل في كلامه على سجيته حتى تقضي حاجته التي أتى من أجلها إليك. فإنه إن تردد في أن يفضي لك بما في قلبه قيل: إن القاضي يظلم من لا يستطيع رد الظلم عن نفسه. لكن القلب الحاني العطوف، يستمع ويصغي عن رغبة."

حكم "كامجني" و"بتاح حتب"

 

 

طيب.. لو إنت بقى في حوار سلبي مع واحد... يعني قاعد يغلط ويلخبط في الكلام وقاعد بيخبط فيك.. يبقى إيه الحل؟

فيه تجارب أثبتت إن:

لو حد كلمك بصوت منخفض.. هترد عليه بصوت منخفض!.

لو حد كلمك بصوت عالي.. هترد عليه بصوت عالي!

 

ليه بقى؟

الاتصال بين اتنين بيبقى زي سلكين متوصلين بينك وبينه.. سلك بيرسل بيه رسايله ليك، وسلك بترسل إنت بيه رسايلك ليه..

 

لو حصل والفولت بقى عالي في السلك بتاعه وابتدا يوصل لك طاقة سلبية (زعيق وشتيمة مثلا)، بطريقة أوتوماتيكية هتلاقي إن الفولت بقى عالي في السلك بتاعك إنت كمان، وهترد بنفس الطريقة..

 

ويفضل يعلّي في الفولت، وإنت تعلّي في الفولت..... لحد ما يحصل ماس كهربائي وتنفجروا في بعض، وممكن تخسروا بعض.!

 

سؤال:

يبقى الحل إيه في الحالة دي؟

هل الحل هنا إنك تعلي الفولت بتاعك؟

لأ طبعا.. ليه؟

 

 

لأنه هيعلي الفولت بتاعه هو كمان زي ما عرفنا.

يبقى لو علا الفولت بتاعه.. الحل إيه؟

 

الحل ببساطة:

اسحب السلك بتاعك وماترسلش ليه أي رسائل خالص..

بكده الفولت هينخفض ويخلص الموضوع!

 

اصمت تماما وماتستمعش لأي رسائل سلبية بيرسلها الطرف التاني.. لأن الفولت لما بيعلا في ساعة الغضب بيبقى الكلام مش مقصود خالص، فما تردش عشان ماتعليش الفولت وتغلط إنت كمان.

 

لا تردد كلاما قيل في ساعة غضب ولا تصغ إليه، لأنه خرج من بدن أحمته ثورة الغضب. وإذا أعيد هذا الكلام عليك فلا تستمع إليه، بل انظر في الأرض ولا تتكلم في شأنه، فيخجل من هو أمامك ويعرف الحكمة.

حكم "كامجني" و"بتاح حتب"

 

شفت لما تسكت يحصل إيه؟ هيتكسف ويسكت هو كمان..

 

ممكن واحد حمقي شوية يطلع يقول لي:

- يعني أسكت له؟؟ لازم أأدبه!!

 

نرد على أخينا الحمقي ده ونقول ببساطة:

الحل برضه إنك تسكت وماتردش عليه.. يعني لو بصيت له بثقة ولغة جسمك كان فيها ثقة (هنتكلم بالتفصيل الممل عن لغة الجسد) وفضلت ساكت وسبته ومشيت، هيقلق منك ألف مرة أكتر من لو رديت عليه وقعدت تجعجع.. وممكن ييجي يعتذر لك بعدها..

 

إن التمساح الصامت يحدث الفزع في النفوس.

من تعاليم "أمنوبي"

 

حاجة كمان من فضائل الصمت أثناء أي حوار.. وهي إنك تفهم اللي قدامك بيفكر ازاي وتقدر تتعامل معاه على هذا الأساس، وتتواصل معاه بصورة أفضل.. وعلى هذا الأساس هتتصرف معاه لأنك عرفت طريقة تفكيره وهو ماعرفش لسه إنت بتفكر ازاي..

 

 

 

 

 

 

 

 

مثال:

 

 

 

 

 

 

 

المدير بتاعك: شفت ماتش الأهلي والزمالك امبارح؟؟ كان ماتش غريب..

انت: فعلا يا افندم .. الزمالك يستاهل اللي جراله..

المدير: يستاهل اللي جراله؟؟ أنا زملكاوي يا ولد.. روح إنت مرفود!!

 

 

 

 

 

 

 

طيب لو سكت وسمعت شوية إيه اللي هيحصل؟؟

المدير (بتاعك): شفت ماتش الأهلي والزمالك امبارح؟؟ كان ماتش غريب..

إنت: (ابتسامة وهزة رأس)

المدير: الزمالك اتغلب رغم إنه لعب كويس.. أنا زعلت قوي..

إنت (بعد ما فهمت): يلاّ معلش يا افندم .. هي الكورة كده!

 

 

 

 

 

 

 

 

عرفت بقى الاستماع الفعال عمل فيك إيه قبل ما تتسرع وتصدر أحكام؟

 

لا تتآمر ضد زميلك في المحاورة،

بل انظر ماذا يفعل،

ومن جوابه سوف تفهم.

وكن هادئا، وعندئذ تأتي معرفتك

ودعه حتى يفرغ ما في قرارة نفسه...

إنك لا تعرف تدابير الله ولا ما يأتي به الغد

فاجلس بين يدي الله.

من تعاليم "أمنوبي"

ونعم بالله يا عم "أمنوبي".. قول كمان..

 

عرفت بقى؟ كمان يا عزيزي لو سكت وفضلت تسمعه هتعرف (النظام التمثيلي) بتاعه بالتفصيل!! وطبعا ده هيفيدك جدا..

 

فاكرين إيه هو (النظام التمثيلي) أصلا؟

برافو... الناس الجداد ممكن يراجعوا أول حلقتين من السلسلة دي (برمج عقلك) عشان يعرفوا...

سؤال:

هل معنى كده إننا نفضل ساكتين على طول الخط ومانتكلمش؟؟

لا طبعا... الكلام ده موضوع تاني خالص...

 

 

هنقوله الحلقة الجاية.ان شاااااااااااااااااااء الله. فابقوا معنا!!

في انتظار مشاركات واضافات جميله من حضراتكم

 

 

 

 

 

 

[مهندسة المنصورة 0]

مشكوره يا غاليه

جزاكِ الله خيرا يا بشمهندسه

نورتينا بموضوعك الجميل المتجدد دا تانى

ربنا يوفقك ويسدد خطاكى ويرزقنا جميعا الاخلاص

تقبلى فائق أحترامى

 

الشكر لله ياحبيبة قلبي

جزانا واياكم ان شاء الله

الموضوع منور بمرورك الجميل ده

يـــــــــــــــارب يتقبل منك

ربنا يسدد خطاكي ويلهمك الصواب وييسر لكي الخير حيث كان

[دعوه للجنه 457]

برمج عقلك بالهيروغليفي!!

أهلا بيكم في حلقتنا الجديدة..

موضوع الحلقة زي ما قريتم بالضبط.. بالهيروغليفي..

أساليب الاتصال

لا تكثر في الكلام فالصمت خير لك فلا تتحدث ولا تكن ثرثارا.

إن التمساح الصامت يحدث الفزع في النفوس.

فاجلس بين يدي الله.

هنقوله الحلقة الجاية.ان شاااااااااااااااااااء الله. فابقوا معنا!!

 

 

واللــــــــــــــــــــــــــــــــــــــــــــــــــــــــه لم أجد كلمة أعبـــــــــر بها الا

 

 

الحلقة دى بالنسبة ليا غير أى حلقة فاتت بجد والله

أنا استفدت جدا جدا وقيمت أمووور كتيرة اوووى عدت عليا

وان شاء الله معااااااااااااااكِ للآخر الحلقات اللى يا رب ماتخلص

ربنا يجزيكى خير الجزاء يا غاليه

تم تعديل December 2, 2009 بواسطه دفءُ الأٌنْــــــــسِ

[مهندسة المنصورة 0]

واللــــــــــــــــــــــــــــــــــــــــــــــــــــــــه لم أجد كلمة أعبـــــــــر بها الا

 

 

الحلقة دى بالنسبة ليا غير أى حلقة فاتت بجد والله

أنا استفدت جدا جدا وقيمت أمووور كتيرة اوووى عدت عليا

وان شاء الله معااااااااااااااكِ للآخر الحلقات اللى يا رب ماتخلص

ربنا يجزيكى خير الجزاء يا غاليه

 

الحمد لله انا مبسوطة جدا والله ربنا ينفعنا بيهم

جزانا واياكم خيــــــــــــر الجزاء في الدنيا والاخرة

ماشاء الله لو جينا نشوف اي امر من امور حياتنا نجد الحبيب الهادي تحدث فيه

واعطانا العلاج الشافي له

 

علاج الغضب

 

 

 

الأول:‏ الاستعاذة بالله من الشيطان الرجيم، قال الله تعالى: {وَإِمَّا يَنزَغَنَّكَ مِنْ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ} [الأعراف: 200].

روى البخاري ومسلم: استبَّ رجلان عند النبي صلى الله عليه وسلم، وأحدُهما يسبُّ صاحبَه مُغضباً قد احمَرَّ وجهُه، فقال النبي صلى الله عليه وسلم: "إني لأعلمُ كلمةً، لو قالها لذهبَ عنه ما يجد، لو قال: أعوذُ بالله من الشيطان الرجيم".

الثاني‏:‏ أن يتفكر في الأخبار الواردة في فضل كظم الغيظ، والعفو، والحلم، والاحتمال، كما جاء في البخاري من حديث ابن عباس رضي الله عنهما، أن رجلاً استأذن على عمر رضي الله عنه، فأذن له، فقال له‏:‏ يا ابن الخطاب، والله ما تعطينا الجزل‏، ولا تحكم بيننا بالعدل، فغضب عمر رضي الله عنه، حتى هم أن يوقع به ‏فقال الحر بن قيس‏:‏ يا أمير المؤمنين إن الله عز وجل قال لنبيه صلى الله عليه وآله وسلم ‏:‏ ‏{‏خذ العفو وأمر بالمعروف وأعرض عن الجاهلين‏} ‏[‏الأعراف‏:‏ 199‏]‏ وإن هذا من الجاهلين، فوالله ما جاوزها عمر رضي الله عنه حين تلاها عليه، وكان وقافاً عند كتاب الله عز وجل‏.

‏الثالث‏:‏ أن يخوف نفسه من عقاب الله تعالى، وهو أن يقول‏:‏ قدرة الله علي أعظم من قدرتي على هذا الإنسان، فلو أمضيت فيه غضبى، لم آمن أن يمضي الله عز وجل غضبه علي يوم القيامة فأنا أحوج ما أكون إلى العفو‏.‏ ‏.‏

الرابع‏:‏ أن يحذر نفسه عاقبة العداوة، والانتقام، وتشمير العدو في هدم أعراضه، والشماتة بمصائبه، فإن الإنسان لا يخلو عن المصائب، فيخوف نفسه ذلك في الدنيا إن لم يخف من الآخرة وهذا هو تسليط شهوة على غضب ولا ثواب عليه، لأنه تقديم لبعض الحظوظ على بعض، إلا أن يكون محذوره أن يتغير عليه أمر يعينه على الآخرة، فيثاب على ذلك‏.‏

الخامس‏:‏ أن يتفكر في قبح صورته عند الغضب المذموم، وأنه يشبه حينئذ الوحش الضاري، وأنه يكون مجانباً لأخلاق الأسوياء والأنبياء والعلماء في عادتهم، حتى تميل نفسه إلى الاقتداء بهم‏.‏

السادس‏:‏ أن يعلم أن غضبه إنما كان من شيء جرى على وفق مراد الله تعالى، لا على وفق مراده، فكيف يقدم مراده على مراد الله تعالى.

يقول الله تعالى‏ في معرض المدح:‏ ‏{والكاظمين الغيظ‏ ‏والعافين عن الناس‏ والله يحب المحسنين}‏ ‏[‏آل عمران‏:‏ 134‏]‏ .

‏وقال رسول الله صلى الله عليه وآله وسلم: "‏من كظم غيظاً وهو قادر على أن ينفذه، دعاه الله على رؤوس الخلائق حتى يخيره من أي الحور شاء"‏‏.‏

‏وقال صلى الله عليه وآله وسلم لأشج بن قيس‏‏‏:‏ ‏<A name=h9>"إن فيك خلقين يحبهما الله ورسوله‏:‏ الحلم والأناة"‏‏‏.‏

وروى أحمد عن النبي صلى الله عليه وسلم قال: "ما كظم عبدٌ لله إلا مُلِئَ جوفُه إيماناً".

 

 

[دعوه للجنه 457]

 

فعلا يا حببتى والله

من مدى عظم الغضب ربنا يجعل أجرة ايضا عظيم

الغضب دا أبشع حاجه

وأصعبها فى نفس الوقت

رينا يا رب يجعلنا من الكاظمين الغيظ

وأن يشرفنا بأجر العافيــــــــــــــــــــــــــــن عن الناس

ربنا يهدينا يارب ويصلح أحوالنا جميعا ويربط على قلوبنا وألسنتنا

تقبلى فائق التقدير لكِ ولمشاركاتك يا بشمهندسة

 

تم تعديل December 2, 2009 بواسطه دفءُ الأٌنْــــــــسِ

[مهندسة المنصورة 0]

برمج عقلك بالهيروغليفي!!

 

 

 

2- الكلام

 

 

زي ما عرفنا في الحلقة اللي فاتت أحد أساسيات الحوار عند الفراعنة وهي فضيلة الصمت.. دلوقتي نتكلم عن الكلام نفسه.. المفروض نقول إيه؟

 

هنتكلم عن الموضوع ده بالتفصيل, لكن هنشوف الفراعنة قالوا لنا إيه بالضبط.

 

 

 

 

 

1- الكلام هو مرآتك أمام الناس.

 

 

لما الواحد فينا يتكلم بيبقى ده هو اللي بيعرف الناس بيه وبطريقة تفكيره, والكلام ده هو اللي بيرسم صورتك قدام الناس ممكن أكتر من مظهرك نفسه..

 

مثال:

 

ثلاته جم ليك وسألك كل واحد سؤال.. إيه انطباعك عن كل واحد منهم؟

 

 

واحد بيقول لك: إيه الموضوع يا إكسلانس؟

وواحد تاني بيسأل: جرى إيه يا معلم؟

أو: إيه النظام يا عسل؟؟

 

 

مع إن الجمل التلاتة دي ليها نفس المعنى بس طريقة صياغتها قدمت ليك فكرة عن خلفية الشخص اللي بيتكلم... صح؟

 

الأولاني واضح إنه رجل أعمال مثلا، والتاني والتالت صبي قهوجي مثلا أو صبي ميكانيكي.

 

فمهم قوي احنا بنقول إيه ومهم برضه: احنا بنقول (ازاي)!!

 

 

اشحذ قلبك حين تتكلم حتى يقول النبلاء الذين يصغون إليك: ما أجمل ما يخرج من فمك!

حكم "كامجني" و"بتاح حتب"

 

وبلاش تحشر في النص كلام مالوش لازمة.. شوف جدك بيقول إيه:

 

احفظ لسانك من الألفاظ الشائنة, حتى تكون مفضلا عند الآخرين, ومحترما في شيخوختك , وآمنا من بطش الإله.

تعاليم "أمنوبي"

 

ونعم بالله يا عم "أمنوبي".. يعني لازم يا عزيزي يبقى كلامك حلو..

 

 

اغرس طيبتك في جوف الناس, حتى يحييك كل إنسان.

تعاليم "أمنوبي"

 

 

 

2- مفتاح الإيجابية

 

فيه أنواع من الكلام يا جماعة... كلام إيجابي وكلام سلبي..

 

الكلام الإيجابي زي:

الجو النهارده أحسن - شكلك هايل - الأوضاع بتتحسن - فيه أمل.

 

الكلام السلبي زي:

الجو النهارده وحش - مالك مبهدل كده - مفيش فايدة - أنا يائس.

 

الناس بقى بتلتف حوالين الناس الإيجابيين أكتر وبتحبهم... فلو فضلت إيجابي الناس هتحبك وتلاقي صداقاتك بقت أكتر وأفضل...

 

مثال:

 

 

لو واحد جه وقال لك:

"أنا قرفان وزهقان وتعبان والدنيا سودا معايا.. تعالَ نخرج مع بعض النهارده".

 

وواحد تاني كلمك (على التليفون التاني مثلا) وقال لك:

"الجو حلو النهارده وأنا مبتسم للحياة وعايز أشوفك عشان نخرج خروجة حلوة"..

مين اللي حمسك؟ طبعا عرفت هتختار مين فيهم تخرج معاه... مع إن الاتنين عرضوا الخروج معاك.. لكن مين إيجابي ومين سلبي؟؟

مش لازم تقول إنك متضايق.. إعرض أفكارك وخلاص.. مش لازم تطلع الضيق اللي جواك في صورة كلام.. عشان ماتضايقش اللي حواليك وينفروا منك لا إراديا.

 

"وكن قبل كل شيء حريصا في كلامك. إذ أن هلاك المرء في لسانه. إن جسم الإنسان أوسع من مخزن الغلال, وهو مليئ بجميع أنواع الإجابات, فاختر منها الإجابة الجيدة وقلها, واحتفظ بالخبيث منها حبيسا في نفسك".

نصائح "آني"

3- طريقك نحو تواصل أفضل

يعني هيخليك تعرف تتعامل مع الناس أفضل..

 

من المعروف إن أساليب الاتصال عندنا بتعتمد على الكلام إلى جانب حاجات كتير تانية (هنبقى نقولها).. فالكلام بيخليك تقدر تقنع / تسعد / تضايق أي حد..

 

لو كنت مثلا متخانق مع أي حد.. لو اتصرفت بإيجابية وقلت له كلمتين حلوين هتقدر ببراعة تكسبه في صفك تاني!

"انطلق بعد شجار مرير وتصافَ مع من كان لك خصما, فمثل هذه الأحاسيس هي التي تقوي الحب".

"كامجني" و"بتاح حتب"

لو واحد بيتناقش معاك في موضوع قدام الناس, ولاقيت إنه قاعد يقول كلام مستفز ومش مضبوط.. اعرف إنه بيحاول يشدك معاه للمستوى اللي هو بيتكلم بيه.. لكن لو اتصرفت بإيجابية وسيطرت على مشاعرك واتكلمت بكل هدوء ومن غير غلط, ده هيخليك تنتصر في المجادلة دي وهيخلي الناس تحترمك.. وهو منظره هيكون وحش قويييييي!

 

"إذا وجدت رجلا مساويا لك يتجادل, وأثار حديثه السوء فلا تسكت, بل أظهر حكمتك وحسن أدبك, فإن الناس سيثنون عليك ويحسن ذكرك عند العظماء."

حكم "كامجني" و"بتاح حتب"

 

مممم... الغضب..

 

 

الغضب ده يا جماعة أكتر عدو بيبوظ أي ترتيب بنعمله هنا.. بيبوظ أي برمجة في برمجة الدماغ.. فخلي بالك منه.. ماتخليش الغضب يشدك ويخليك تعمل حاجات إنت مش عايز تعملها أصلا.. هتقاطع الناس وهي بتتكلم أو تتطاول عليهم في الكلام أو حتى تقوم بتصرف -فعلا فعلا - لما تفوق هتندم إنك عملته.

"حذار من أن تقاطع أحدا وهو يتكلم, وإياك أن تجيب وأنت في فورة الغضب".

حكم "كامجني" و"بتاح حتب"

قوتك في كلامك...

 

لو كنت بتتكلم كويس الناس هتنظر ليك نظرة عظيمة.. اقرأ كتير وزود حصيلتك اللغوية واعرف أكتر.. لأن كلامك لو كان قوي إنت كمان هتكون قوي.. لو كنت مقنع ومثقف وعارف كتير وبتعرف توصل للناس أفكارك, يبقى أكيد هتكون قائد في مجالك!

"كن مفتنا في الكلام, قديرا فيه, مالكا لناصيته, حتى يعلو شأنك, وينبه ذكرك, فقوة المرء في لسانه. والكلام أقوى من الحرب والقتال".

أقوال من التعاليم الموجهة للملك "مري كارع"

تعرف بقى؟؟ فيه أخلاقيات مهمة جدا قالها لك الفرعوني.. أخلاقيات مهمة جدا لازم نقعد كلنا كده مع بعض ونسمعها وننفذها.. لأنها مهمة قوي قوي...

سمعنا يا عم..

"لا تفضح إنسانا عرض عليك أمرا لتحكم فيه, فكون رأيك في نفسك واجعل الحسن منه على لسانك, أما القبيح فاخفه في بطنك".

"لا تخالط الرجل الأحمق. ولا تقترب منه لتحادثه, واحفظ لسانك سليما عندما تجيب على رئيسك, ولا تذمه, واحذر الاندفاع في الإجابة. فالإنسان يبني ويهدم بلسانه".

 

"لا تتحدث بالإفك والبهتان فإن الكذب يمقته الله, وأكبر شيء يكرهه الله هو النفاق".

تعاليم "أمنوبي"

"كن صريحا ولا تخفِ من أعمالك شيئا, بل صارح بها رئيسك في مجلسه حتى ولو كان يعلم بها, فلا يضر المرء أن يقال له: هذا شيء أعلمه"

 

"إذا كنت حاكما فكن عطوفا متأنيا عندما تسمع شكوى المظلوم. ولا تجعله يتردد في أن يقول لك ما في دخيلة نفسه, بل كن رفيقا ولحاجته قاضيا, ولظلمه مزيلا رافعا".

"اجعله يسترسل في كلامه على سجيته حتى تقضي حاجته التي أتى من أجلها إليك. فإنه إن تردد في أن يفضي لك بما في قلبه قيل: إن القاضي يظلم من لا يستطيع رد الظلم عن نفسه. لكن القلب الحاني العطوف يستمع ويصغي عن رغبة".

"كامجني" و"بتاح حتب".

أي والله يا عم.. معاك حق..

 

نلقاكم في العدد القادم بقى.ان شااااااااااااااء الله. بس من غير فراعنة

 

[الرّام 173]

اخيـــــــــــــــــــــرا لقيت حد بيتابع الموضوع معايا كنت فقدت الامل خلاص

 

 

لا .. شنوّة هالكلام هذا .. انا شخصيا نتابع في الحلقات باهتمام .. و يمكن لذلك فقط ما كنتش نحب نرد و لا نكتب تعليق الا بعد ما نكمّلوا الحلقات كلها

 

****

 

 

عموما .. يعني .. الواحد موش عارف شنوّة يقولك .. غير .. يعطيك الصحّة اختي

 

 

بالحق موضوع ككل (يعني بكل حلقاته) كان متكامل و فيه افادة كبيرة طبعا .. على الاقل ليا انا شخصيا

 

بالرّسمي يعطيك الصحّة

 

ربي ينوّر عليك ان شاء الله

 

 

ربي يجزيك بالخير كله .. عاجله و آجله

 

و ربي ينعم عليك من عنده .. ان شاء الله

 

 

 

 

.

تم تعديل December 2, 2009 بواسطه الرّام

[مهندسة المنصورة 0]

 

اختي في الله دفءُ الأٌنْــــــــسِ

جزاكي الله خيــــــــــــرا حبيبتي في الله

فعلا كظم الغيظ ده نعمة كبيرة جدا من ربنا

بس للاسف مش في كل الاحوال بنقدر نتمالك اعصابنا

بس اوقات كتير الانسان فعلا اما بيتذكر الحاجات اللي ذكرتها في علاج الغضب من سنة الحبيب

ده بيهون الموقف عليه كتير

ربنا يتقبل الدعاء الجميل ده منك يـــــــــــــــــــارب

من اكتر الادعيه اللي بدعي ربنا بيها ان نكون فعلا من الكاظمين الغيظ

لان الانسان لو اتكلم وهو غضبان ممكن الكلمة دي تجعله يبوء بسخط من الله وتكون سبب في هلاكة في الاخرة

زي ما بيقول الحديث الشريف فيما معناه ان الرجل يتكلم بالكلمة لا يلقي لها بالا فيهوي بها في النار

ربنا يجعلنا من الكاظمين الغيظ والعافين عن الناس

اللهم امين

 

 

 

[مهندسة المنصورة 0]

****

 

حبيبتي في الله الـــــــرام جزاك الله خيــــــــــرا علي مرورك الجميل وربنا يتقبل منك الدعاء ده

ولكي مثله وافضل منــــــــــــه

انا قلت كده بس لان كنت اتمني الاقي مشاركات ويكون في مناقشه لان اكيد

الاضافات بتجمل الموضوع وتعطيه روووح ومنها اننا بنستفيـــــــــــــــد من حضراتكم

انا بشكرك جدا علي المتابعه واسال الله العظيم رب العرش الكريم ان يجعلك ذخرا للاسلام والمسلمين

وان ينفعنا جميعا بما علمنا

وان يجعل اعمالنا خالصه لوجهه الكريم ويجعلها شاهدا لنا يوم العرض عليه

سعدت جدااااااااااااا بمرورك الجميل

.

[مهندسة المنصورة 0]

****

 

حبيبتي في الله الـــــــرام جزاك الله خيــــــــــرا علي مرورك الجميل وربنا يتقبل منك الدعاء ده

ولكي مثله وافضل منــــــــــــه

انا قلت كده بس لان كنت اتمني الاقي مشاركات ويكون في مناقشه لان اكيد

الاضافات بتجمل الموضوع وتعطيه روووح ومنها اننا بنستفيـــــــــــــــد من حضراتكم

انا بشكرك جدا علي المتابعه واسال الله العظيم رب العرش الكريم ان يجعلك ذخرا للاسلام والمسلمين

وان ينفعنا جميعا بما علمنا

وان يجعل اعمالنا خالصه لوجهه الكريم ويجعلها شاهدا لنا يوم العرض عليه

سعدت جدااااااااااااا بمرورك الجميل

.

[دعوه للجنه 457]

برمج عقلك بالهيروغليفي!!

2- الكلام

1- الكلام هو مرآتك أمام الناس.

اشحذ قلبك حين تتكلم حتى يقول النبلاء الذين يصغون إليك: ما أجمل ما يخرج من فمك!

احفظ لسانك من الألفاظ الشائنة, حتى تكون مفضلا عند الآخرين, ومحترما في شيخوختك , وآمنا من بطش الإله.

اغرس طيبتك في جوف الناس, حتى يحييك كل إنسان.

2- مفتاح الإيجابية

3- طريقك نحو تواصل أفضل

"انطلق بعد شجار مرير وتصافَ مع من كان لك خصما, فمثل هذه الأحاسيس هي التي تقوي الحب".

"إذا وجدت رجلا مساويا لك يتجادل, وأثار حديثه السوء فلا تسكت, بل أظهر حكمتك وحسن أدبك, فإن الناس سيثنون عليك ويحسن ذكرك عند العظماء."

مممم... الغضب..

"حذار من أن تقاطع أحدا وهو يتكلم, وإياك أن تجيب وأنت في فورة الغضب".

قوتك في كلامك...

"كن مفتنا في الكلام, قديرا فيه, مالكا لناصيته, حتى يعلو شأنك, وينبه ذكرك, فقوة المرء في لسانه. والكلام أقوى من الحرب والقتال".

""لا تتحدث بالإفك والبهتان فإن الكذب يمقته الله, وأكبر شيء يكرهه الله هو النفاق".

"إذا كنت حاكما فكن عطوفا متأنيا عندما تسمع شكوى المظلوم. ولا تجعله يتردد في أن يقول لك ما في دخيلة نفسه, بل كن رفيقا ولحاجته قاضيا, ولظلمه مزيلا رافعا".

"اجعله يسترسل في كلامه على سجيته حتى تقضي حاجته التي أتى من أجلها إليك. فإنه إن تردد في أن يفضي لك بما في قلبه قيل: إن القاضي يظلم من لا يستطيع رد الظلم عن نفسه. لكن القلب الحاني العطوف يستمع ويصغي عن رغبة".

نلقاكم في العدد القادم بقى.ان شااااااااااااااء الله. بس من غير فراعنة

تســــــــــــــــــــــــــــــــــــــــــــلم ايــــــــــــــــــــــــــــــــــدك

كل حلقة تبدو الأستفادة وتعلوا أكثر فأكثر فأكثر

جزاكِ الله خيرا حبببتى وثبتكِ وجعل أعمالك خالصة لوجهه الكريم

ورزقناااااااااااااا الاخلاص

فى انتظار العدد القادم بإذن الله

سواء فراعنه أو مش فراعنة

المهم معاكِ وخلاص

تم تعديل December 2, 2009 بواسطه دفءُ الأٌنْــــــــسِ

[مؤمنه بالرحمن 3]

السلام عليكم

بجد جزاكى الله خيرا مهندسة المنصوره حلقات رائعه جدا جدا جد وفى تقدم دايما يا قمر

 

 

 

وانا مازلت متابعاكى

[مهندسة المنصورة 0]

السلام عليكم

بجد جزاكى الله خيرا مهندسة المنصوره حلقات رائعه جدا جدا جد وفى تقدم دايما يا قمر

انا مازلت متابعاكى

 

وعليكم السلام ورحمة الله وبركاته

جزانا واياكم خير الجزاء

سعيدة جدا بمرورك ربنا يجعلك ذخرا للاسلام والمسلمين

 

للاسف خلااااااااااااااص الدراسه هتبدأ مش عارفه الظروف هتسمح اننا اكمل بالشكل ده ولا

المعدل هيقل اوي

نسالكم الدعاء بتيسير الامــــــــر

 

[الرّام 173]

نسالكم الدعاء بتيسير الامــــــــر

 

 

ربي يعينك .. ان شاء الله .. با اختي .. و ربي ينجحك ياااااااااا رب

 

ربي يسهّلك في كل ما هو صعيب

 

.. و ان شاء الله ربي يحلّك البيبان في وجهك .. و يفتحها عليك دنيا و آخرة

 

 

الله لا يضيّعلك تعب

 

و ربي ينولك كل ما تتمني ان شاء الله

 

 

و باذن الله

 

 

السميع المجيب

 

.

[مهندسة المنصورة 0]

كيف تتكلم مع الناس؟؟

 

عنوان غريب مش كده؟؟

؟سؤال:

عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟

لاقيت مرة واحد مابتحبش تتكلم معاه خالص؟؟ كده لله في لله؟؟

هل مرة لاقيت إنك مش عارف تبيع سلعتك للزبون بتاعك رغم إنك حاولت بكل إخلاص؟

أكيد أيوه.. مش كده؟

 

طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها (التحدث بإيجابية)..

 

في البداية عايز أوضح لك حاجة مهمة جدا عن عقلنا اللاواعي..

 

هنعرفها من المثال الصغير ده:

 

هاقول لك جملتين عايزك تركز فيهم قوي وتنفذ اللي فيهم:

ماتفكرش في وردة حمراء!!

ها ها ها.. ينفع؟ طيب خد دي كده:

ماتتخيلش سيارة سوداء!!

ها؟

خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان..

 

إيه اللي حصل ده؟

اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء!

يعني إيه؟؟ يعني لو عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟

طبعا المسألة مش مسألة وردة حمراء وسيارة سوداء..

عشان تفهم قصدي اقرا الأمثلة دي:

 

 

البائع: الأسعار بتاعتنا مش غالية.. احنا مش حرامية ونصابين!

 

الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا..

جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين)!

يبقى المفروض البائع يقول مثلا: أسعارنا مناسبة جدا.. احنا يهمنا ثقة العملاء!

نفهم من كده إيه؟؟

نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض..

 

مثال:

 

الطبيب: ماتخافش.. الحقنة مش بتوجع خالص.

 

ههه.. إيه رأيك في المثال ده؟؟

يلاّ مع بعض نطلع الكلمات السلبية:

أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف..

ثاني كلمة سلبية هي: (مش بتوجع).. دي هتخليه يتخيل الألم والوجع..

يبقى المفروض يقولها ازاي؟؟

الطبيب: اطمئن.. هتحس براحة بعد ثواني! (ملاحظ إننا ماذكرناش كلمة "حقنة" أصلا؟)

(ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كطبيب أسنان- في إقناع المريض بأخذ الحقنة.. تجنب الكلمات السلبية زي: ماتخافش- ماتقلقش– زي شكة الدبوس... كلمه يا دكتور عن الراحة والشفاء وإن حقنة البنج مريحة لأنها حقنة بنج أساسا.. خدت بالك؟ ببساطة لأن هي دي الحقيقة, بس المهم هنوصلها له بأي طريقة؟).

 

 

مثال:

 

 

 

البنت لخطيبها: ماتقلقش .. عمري ما هاخونك أو أكرهك!!!

 

طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك!!!

المفروض الجملة دي تتقال كده:

البنت لخطيبها: اطمئن .. أنا مخلصة ليك وهافضل كدا على طول!!

شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى...

نستفيد من الكلام ده إيه بقى؟؟

 

نخش على الحكمة بتاعة النهاردة

 

مهم جدا معنى الكلام الذي نقوله.. والأهم هو: كيف نقول هذا المعنى..

استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..

واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم..

 

افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات (السلبية)..

على عكس الناس اللي الناس بتحب تتكلم معاهم..

 

فكر في واحد بتحب تتكلم معاه وبتستمتع بكده.. مبتسم؟ متفائل؟ بيهون على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات (الإيجابية)..

 

قبل ما نختم بقى تعالوا نلعب لعبة:

تمرين:

 

اختار الجمل والكلمات الإيجابية اللي توصل المعنى بصورة صحيحة, وحط قدامها علامه (صح).

 

 

*أنا مش عبيط.. أنا فاهم كل حاجة

صح ولا غلط

*خليك ذكي وركز معايا. صح ولا غلط

*الجو النهارده كويس

صح ولا غلط

 

*يا باشا البضاعة بتاعتي مش بتعفن بسرعة!

صح ولا غلط

*ماتقلقش.. الموضوع بسيط! صح ولا غلط

 

*هابطل السجاير, واكون إنسان جديد!

صح ولا غلط

*البارفان ده ريحته مش وحشة خالص.. بالعكس! صح ولا غلط

 

*ماتفتكرش إن صحتي راحت.. أنا زي الفل.

صح ولا غلط

 

*مش هاخذلك يا معلم!

صح ولا غلط

 

*أنا إرادتي قوية جدا.. ثق في كده!

صح ولا غلط

 

*ماتبقاش غبي يا بني.. فتح مخك معايا!

صح ولا غلط

 

*طبعا حليت الواجب كله لوحدي.. إنت فاكرني باكدب؟ صح ولا غلط

 

 

كفاية كده؟؟

 

حلها بقى بروقان واعرف إنت بقيت متحدث إيجابي ولا لأ..

 

مرن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك...

ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل..

ونلتقي العدد القادم من:

برمج عقلك

[مهندسة المنصورة 0]

الــــــــــــــــرام حبيبتي في الله بجد جزاكم الله خيرا ولكي افضل منه يارب

اختي عاجزة عن الكلام والله علي دعواتك الجميله دي ربنا يتقبلها

 

اسال الله العظيم رب العرش الكريم ان يدلك علي كل ما فيه خير لك وان ينور طريقك

ربنا يجعل ايامك كلها سعاده وطاعه ويسعدك بما تريدين ويرحمك يوم الوعيد

ويستجيب دعائك ويجعلك ذخرا للاسلام والمسلمين

ويجعلك من ورثة جنة النعيم

[مهندسة المنصورة 0]

[مؤمنه بالرحمن 3]

البرنامج ممتع جدا تسلم ايدك ربنا معاكى يارب ويوفكك لما يحبه ويرضاه

[حياتى من اجل ربى 22]

جميييييييييله خالص كل الحلقات

تسلم ايدك حبيبتى

ربنا يجعل مجهودك ده فى ميزان حسناتك يارب

ربنا يكرمك يويهديك الى مايجب

ويحقق لك كل ما تتمنى

[مهندسة المنصورة 0]

 

حبيبتي في الله مؤمنه بالرحمن

نورتي الموضوع بمرورك الجميل واسال المولي عزوجل ان يهديكي لفعل الخيرات وان يتقبل طاعتك

وان يجعلك ذخرا للاسلام والمسلمين والا يحرمك العمل لدينه وان ييسر لكي الخير حيث كان

 

**********************

اختي وحبيبتي في الله حياتي من اجل ربي

نورتي الموضوع بعد غيبة كبيرة جداااااا

انا سعيدة جدا بمرورك العطر ده وجزاكم الله خيرا علي الدعاء الجميل ده

ربنا يعزك وينفع بيكي ويجعلك ممن سبقت لهم الحسني وزيادة

وربنا يوفقك السنة دي ويوفقنا كلنا وننجح بتقديرات عالية جدا

 

[مهندسة المنصورة 0]

إعادة تأطير

 

إيه العنوان الغلس ده؟

لعلمكم هو ده أغلس عنوان فعلا من أول ما بدأنا السلسلة دي.. لكن أعمل إيه بقى؟؟ ازاي أقول على (إعادة التأطير) غير إنها (إعادة تأطير)؟؟ مالهاش حل يعني..

 

إيه إعادة التأطير دي بقى؟؟

ده مبدأ مهم قوي في البرمجة اللغوية العصبية.. وبيها ممكن نحل مشاكل كتير جدا بتواجهنا في حياتنا العملية..

 

معنى إعادة التأطير

إعادة التأطير أو REFRAMING يعني لغويا إننا نحط اللوحة بتاعتنا في برواز جديد علشان نشوفها بشكل مختلف..

يعني نشوف الحاجة اللي عندنا (في ضوء مختلف) علشان نشوفها بطريقة مختلفة..

 

زي ما اتفقنا في الحلقات اللي فاتت إننا احنا اللي بنحكم على الأشياء.. احنا اللي بنحط المعاني للأشياء.. زي المثال بتاع دبلة الخطوبة اللي قلناه قبل كده.. لو اتنين بصوا لدبلة.. إيه أحاسيسهم ناحية الدبلة دي؟؟

 

لو واحد ناجح في خطوبته هتفكره الدبلة بالسعادة.. لو واحد فسخ خطوبته هتفكره بالألم والحزن...

مع إن الدبلة هي الدبلة.. لكن نظرتنا ليها هي اللي خلتها تأثر فينا بطريقة مختلفة..

إعادة التأطير بقى هي إننا نغير النظرة لأي شيء أو موقف أو شخص.. علشان نستثير في داخلنا الشعور الإيجابي اللي احنا محتاجينه في حياتنا..

 

إيه ده.. هو ينفع؟؟

أيوه طبعا ينفع.. مش قلت لكم برمجة دماغ؟؟

 

تطبيقات إعادة التأطير

إعادة التأطير -زي ما قلنا- هي إننا ننظر لأي حاجة بشكل مختلف.. وبكده نقدر نشوفها أفضل ونتخلص من الطاقة السلبية اللي جوانا ناحيتها.

 

مثال:

واحد صاحبنا خطيبته لم تتصل به اليوم.. أكيد فيه أفكار كتير ممكن تدور في ذهنه ساعتها..

- أكيد بتحضر لي مفاجأة!

- دي بطلت تحبني!

- أكيد حصل لها حاجة!

- بيتهم ولع!

- حماتي في المستشفى!

دي أمثلة من الأفكار اللي ممكن تيجي على بال صاحبنا ده.. طيب.. كل فكرة من دول عملت فيه إيه؟؟

- أكيد بتحضر لي مفاجأة............. فكرة أصابته بالسعادة.

دي بطلت تحبني............ فكرة أصابته بالإحباط.

أكيد حصل لها حاجة............. فكرة أصابته بالقلق.

بيتهم ولع.................... فكرة أصابته بالخوف.

حماتي في المستشفى......... فكرة أصابته بالحزن (أو الفرح.. حسب!!)

 

عايز أقول إيه هنا؟؟

عايز أقول إن القلق والمشاعر السلبية اللي بنشعر بيها.. بيكون سببها مش الظروف الخارجية المحيطة.. لكن سببها هي الطريقة السلبية اللي بنفكر بيها طول الوقت..

يعني موقف زي اللي فات ده.. هو نفس الموقف لكن الأحاسيس الناتجة عنه بتختلف حسب طريقة تفكيرك: سعادة، إحباط، قلق، خوف، حزن، فرح..

مع إن هو نفس الموقف!!!

صح؟؟

يبقى زي ما اتفقنا قبل كده: السعادة مالهاش علاقة بالظروف المحيطة خالص.. ليها علاقة بطريقة تفكيرنا ونظرتنا لهذه الظروف..

الأفكار ليها قوة بتتحكم فينا عشان كده لازم نراقب أفكارنا..

إعادة التأطير بقى هي إننا ننظر للموقف بطريقة أخرى تقضي على مشاعرنا السلبية دي..

مثال:

 

عن مثال لـ(هاري ألدر وبيريل هيذر) في (NLP IN 21 DAYS)

رئيسك في العمل دايما بيتعمد التقليل من شأنك أمام الزملاء.. يجب أن تتحمله طبعا ولا يوجد ما يمكن عمله –هترد عليه يعني؟؟- وفي كل مرة بيعمل كده بيخليك متضايق طبعا..

 

ما الحل؟؟؟

الحل هو إعادة التأطير.. وهو واقف بيزعق لك فكر في الموقف بطريقة مختلفة:

أكيد عنده عقد نقص بيطلعها عليك..!

أكيد مراته بتضربه في البيت عشان كده جاي متضايق!

أكيد عنده مرض خطير وهيموت خلال أيام.. يا حرام!

عانى من طفولة بائسة عشان كده عايز يثبت نفسه!!

أكيد الراجل ده بيحبك ومابينامش الليل من حبك.. لكن بيحاول يداري مشاعره بالزعيق ده!!

 

زي ما إنت شايف في المثال ده.. مش لازم إعادة التأطير يبقى حاجة منطقية أو عقلية... ممكن تكون خيالية ولا تخضع للمنطق أصلا.. لكن إيه الإحساس اللي أثارته فيك؟؟

نفس الموقف اللي بيحصل لك كل يوم.. المدير بيزعق لك.. لكن مع إعادة التأطير بدل ما تشعر بالضيق والقلق واللي هينعكسوا على شغلك.. قدرت إنك تتحكم في القلق وتستبدله بمشاعر إيجابية لطيفة زي: الشفقة، السعادة، المرح، تقدير الذات....... إلخ..

اتدرب على الموضوع ده في أي موقف بيخليك تشعر بالقلق والضيق... عشان تستبدله بمشاعر تخلي حياتك أسعد.. وتخليك تقدر تواصل مهامك في الحياة...

القلق مالوش علاقة بالظروف المحيطة.. القلق له علاقه بمخنا اللي شغال ليل نهار يفكر في بلاوي!! يا ترى الأولاد اتأخروا ليه؟؟ يا ترى نتيجة الامتحان إيه؟؟ يا ترى.. يا ترى...

شفت؟؟

يبقى لما نتحكم في طريقة تفكيرنا السلبية هنقدر نخلي حياتنا أسعد.. مهما كانت الظروف اللي حوالينا.. فيه ناس أغنياء تعساء وفيه ناس فقراء سعداء.. إذن المقياس هو إنت نفسك وطريقة نظرتك للأشياء.. مش الظروف اللي حواليك..

 

إلى اللقاء في حلقة قادمة مع برمج عقلك..

نلتقي بعد الفاصل!!

 

[بلانكوكونتو 0]

بســم الله الـرحمــن الرحيــم

كيف حالك إن شاء الله دائمــاً بخير ؟

شكرا ليك مهندسة المنصورة والله اقحمتينا بالبرمجة الصراحة سهل بسيط واضح ...شن رايك في الايجابية...الله يبارك فيك وفي كل اعضاء المنتدى