امشي عدل يحتار عدوك فيك

[الكروان الاصيل 0]

كلام الناس . . لابيقدم ولا يأخر

كلام الناس . . ده بيعصب وبيدهور

بيقواوا يمين وشمال

وفلان عمل وكمان قال

وترد الجاره علي الجار شوفت الي حصل يأبو عثمان

خد بالك من ابنك عثمان ده رجع البيت انبارح وش الفجر وكان سكران وكمان معاه شويه عيال مش تمام

ماهي غلطتك يأبو عثمان

مأنت سايبلو العربيه طول النهار. شيل بأه .أدي أخرة الاهمال

وتفضل تلعب في دماغ الراجل الغلبان يمين وشمال وفي الاساس الموضوع مش محتاج كلام وابسط كتير من الي تقال

ولا ترتاح غير اما يولع البيت حريقه كمان ...

تقوم تجري وتلعب في دماغ المدام الي قافله عليها ترابيس وقفال وفي حالها من زمان

وتقعد تعيد وتزيد في كل اسرار المدام

وتقول شويه ده فلان راح وفلان مشي

ودي ازاي قاعده لوحدها ده مش كلام

فين اهلها

وتعيد تاني في كلام وحاديت مالوش اساس من الحواديت

وتسكت شويه وتقوم تجري تلعب في دماغ حد تاني

مش بس هي ده كتيييييير غيرها من هواه الكلام عمال علي بطال

وتفضل كده واقفه علي كل ودان زي الشيطان

توسوس بخراب ودمار

لاتحب الود ولا تحب العمار

تحب هدم بيوت الناس الكرام

وادي اخرة كتر الكلام ..

لابيقدم ولا يأخر

ده بيعصب وبيدهور وبيهدم الانسان....

[مصطفى بهجت 2]

أختي ( الكروان الأصيل ) ..

أسمحيلي أكون أول واحد يرد على موضوعك الجميل ده ، وأهلا بيكي ف بيتك التاني ( منتديات ياللاياشباب ) ..

بسم الله ما شاء الله .. كلماتك رائعة ومعبرة وهادفة جدا جدا بدون مجاملة ..

فعلا معاكي حق كلام الناس اليومين دول بقى حاجة صعبة جدا جدا ..

أتمنى إن كل الناس تقدر تستغل وقت فراغها بشكل جيد ..

مش نستغله ف سيرة خلق الله ..

ربنا يبااااارك فيكي ..

جزاكي الله خير ..

 

عاوزين الموضوع ده يكون فاتحة خير عليكي بإذن الله ..

وعقبال ما أعلق على موضوعك رقم 100 في المنتدى ..

 

إلى الأمااااااااااااااااام ..

تم تعديل November 23, 2009 بواسطه مصطفى بهجت

[بنت مصرية 65]

شرفت المنتدي ومرحبا معك بين اهلك وفي بيتك الاني ياللا ياشباب

موضوع رائع جدا وبداية قوية كمان

فعلا كلام الناس لابيودي ولا بيجيب

والسعادة في ترك الكلام الي بدون فايدة

دينا الحنيف

بيحنا علي كدا وده في سعادتنا فعلا

لالينا دعوة بمين راح ولاجه

ولا ايه اللي حصل

ولانتكلم علي حد

ولا نوقع بين حد

كل كلامنا يكون خير وكويس

علشان باذن الله يكون عمر خير يعبر بينا الي الجنة يوم القيامة

جزاك الله عنا كل خير

وفي انتظار مشاركاتك المقبلة

تقبل مروري

[الكروان الاصيل 0]

مصطفي اخويا الغالي

بنت مصريه

اشكركم كتيييييير علي تعليقكم الجميل

ويارب اكون عند حسن ظنكوا علي طول

[Dr.A7MD 130]

وتعيد تاني في كلام وحاديت مالوش اساس من الحواديت

 

وتسكت شويه وتقوم تجري تلعب في دماغ حد تاني

 

مش بس هي ده كتيييييير غيرها من هواه الكلام عمال علي بطال

 

ههههههههههههههههههههههههههه

 

هو كدا بالظبط

 

شكراً الكروان الأصيل

[ali desoky 391]

جميل جدا

 

شكرا يا كروان