قصه شاب محدش بيرن عليه

[حياتى من اجل ربى 22]

((قصه شاب محدش بيرن عليه))

 

بقالو 3 سنين جايب موبايل ... يعني بقالو 3 سنين جايب خط ... وبرده

بقالو 3 سنين عمال ينزل فى نغمــات .... نزل كل نغمات الدنيـا للموبايل

.... دا على اساس أنه لما يرن النغمـه دي تشتغل ...

 

و من هنا بقى ظهرت المشكله .... إنه يرن .... الموبايل مابيرنش خالص ...

قال يمكن العيب من الجهاز .... غير الجهاز ..طب من الخط....غير الخط

.... طب ممكن من النغمــه .... غير النغمــه

 

عمل كل المحاولات عشان يسمع نغمـة موبايله بترن من غير ما يشغلهــا هو ... بس مفيــش فايده.. كل محاولاته كانت نتيجتها بالفشــل..

 

و في اليوم الموعود (إللي كان مستنيه من زمان) .... قام من النــوم ... ببص في الموبايل لقي ميسد كول ....

 

مش معقول....انا جالي ميسد كوول ... لأ لا يمكـن ....

 

فكر افتحها على طول ولا أروح أخد شاور الأول عشان أبقى مستعد ... دخلت

حلقت دقنى و خدت شاور و عملت شعرى سبايك و حطيت بارفان و لبست احلى طقم

عندى و لسه همسك الموبايل فى ايدى و..... وكانت الصدمه ....

 

أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

 

تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

 

وبعد شهرين من تاريخ الميسد كنت ماشي في الشـارع رايح الدرس ... وفجأه

حسيــت بهزه في جيبي ( فيبريشن بقى ) ..... و سمعــت نغمــة موبايلي ....

 

انا طبعا مصدقتــش ان دا موبايلــي .... بس مكنش في حد بيـرد جنبي على

موبايلـه ..... يا نهار ابيض .... دا موبايلي اللي بيرن و إفتكرت ان دي

نغمتــي .....

 

كان وقت جميل اوي وانا اول مره أسمع نغمتي فيها من غير ما اشغلها ... يا

حلاوتــك يا نغمتــي ..... وقمــت مدخل ايدي في جيبـي و مطلــع الموبايل

..... و فتــحت المكالمه .....ونقول الووو

 

لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....

 

خسئت

 

ساعتها تـــأكدت ان النمــره غلط ... بس انا ما رديتش عشــان ميعرفش إن

النمره غلط و يحرمنــي من أجمل لحظـــات حياتي ... بس هو قفل ..... قفل

لما انا مردتش عليـه .....

 

و بعد الحدث ده رجعت البيــت و ما روحتش الدرس و إتعقــدت بصراحــه ....... و جــالي إكتــئاب .......

 

الإكتــئاب زاد.. زاد زاد جــدا لحــد ما مبقيــت أقعــد في الأوضة لوحدي و باصص للحيطــه وفي إيدي الموبايل و ما بكلمــش حد ...

 

كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

 

حاولوا كتير معايا عشــان يخرجونــي من حالة الإكتــئاب إللي انا فيهــا

لحد ما بابا جه وكلمنــي وقالي: الموبايل مش كل حاجه يا بنــي ... على

أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

 

و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

 

فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....

 

 

 

بعد فتره بدأت أتحســن و اقتنع بكلامهم و جيت في يوم وقمــت و نسيت حكاية

الموبايل دي خالص .... وانا فاكر ســاعتها لما فتحــت التلفزيـون لقيــت

إعلان لموبايل... حاولت اقلب القناه عشان ما افكرش.. لقيــت إعلان عصام

الحضرى بتاع فودافون....

 

حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...

 

 

 

الإعلان دا أثر فيــه اوي...هو انا حتــى طايل نغمــه عاديه عشان يجبلي

فيديو توووون .... الإكتئــاب رجعلي تاني ..... و قمــت قايم وجايب ورقه

وقلم وكتبت :بابا ماما سامحـوني أنا كنت عايز أخف بس انا قررت خلاص انى

انتحــر

 

و جيـــت ارمي نفسي من البلكونــه .... بس سمعت الموبايل بتاعي بيرن ....

 

اممممم دي نغمــة الرسايل أنا عارفها تين تين تين ..... فرحت اوي .....

 

فتحت الرساله لقيت رساله .....

 

 

"عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول....... ......"

 

 

 

لأ لأ ...... انتــم كده عايزين تموتوني

 

ااااااااااااااا اااااااااااااه بوووووووووووووووووووم

 

 

(دا وهو بيقع م البلكونة)

 

 

 

تم تعديل November 29, 2009 بواسطه حياتى من اجل ربى

[dr_mido 53]

هههههههههههههههههههههههههههههه

 

جزاكي الله كل خير أختي في الله (حياتي من أجل ربي) علي موضوعك الجميل الذي أدخل البسمة علي وجوهنا

 

وعمل ده كله علشان الموبايل .... أمال أنا أروح أعمل ايه ههههههههههههههههههه

 

أدعو الله أن كل الناس ترن عليه وعلينا إن شاء الله هههههههه

 

أدعو الله أن يوفقنا وإياكم أختي في الله الإخلاص في القول والعمل بإذن الله

 

أخوكي في الله

dr_mido

[دعوه للجنه 457]

 

 

ههههههههههههههههههههههههههههههههههه

ههههههههههههههههههههههههههههه

كل دا علشان المسد كووووووووول

دا أنا ناس أعرف والله العظيم قال بتصدع من الموبايل

أما صاحبنا دا صعب عليا اوووى

دا كنت هقولك كام رقمه أخلى أخويا يرن عليه

هههههههههههههههههههههه

جزاكى الله خيرا حببتى

 

[حياتى من اجل ربى 22]

هههههههههههههههههههههههههه

جزاك الله خيرا دكتور ميدو

أدعو الله أن كل الناس ترن عليه وعلينا إن شاء الله هههههههه

 

هههههههههههههههه

يارب ان شاء الله

 

 

حبيبتى دفء الانس

 

بفرح خاااااااالص اما بتردى على موضوعاتى غاليتى

ربنا يكرمك يارب

ويهدينا واياك الى خير ما يحب

جزاك الله خيرا حبيبتى

وكل سنه وانتى بخير ويارب السنه الجايه محققه كل اللى نفسك فيه

[radwa hossny 0]

كل ده عشان الموبيل امال احنا نعمل ايه وحياتنا متلغبطه خالص ده احنا لينا الجنه

[حياتى من اجل ربى 22]

شكرا رضوه

ربنا يكرمك واهلا بيكى معانا

ويارب يحققلك كل ما تتمنى

[walaa_almotaim 0]

كل ده عشان موبيل

 

هو اساسا شكله نسى ما يدى رقمه لحد علشان كده موبيله مش بيرن

[حياتى من اجل ربى 22]

هههههههههههههههههههههه

شكرا ولاء على الرد اللى زى العسل

ربنا يكرمك ياااارب