المصريين اهما - الفوائد الخمسه لركوب الاتوبيس

[حياتى من اجل ربى]

احنا اللي ركبنا ........ الأتوبيس

 

 

 

 

 

صرخ صديقي الامريكي قائلا : يا الهي عندما راي الجموع المحتشدة علي محطة الاتوبيس ,

 

 

و ظنها في البداية مظاهرة سلمية للاحتجاج علي ارتفاع سعر الكتاكيت في البورصة ,

ثم تدارك الموقف و قال في دهشة : هل كل هؤلاء سيركبون الباص ؟؟ فقلت له مبررا و مدافعا :

هم لايريدون الركوب لمجرد الركوب فقط ولكنها رياضة . فقال و قد زادت دهشته : لا افهم. فقلت ان ركوب الاتوبيس هواية و رياضة كالجري و المصارعة و التزحلق علي الجليد . و ذلك لما فيه من فوائد و منافع عديدة فانت مثلا تحب السفر لان فيه خمس فوائد . كذلك ركوب الاتوبيس فيه خمس فوائد ايضا و ربما اكثر .

و يبدو ان حديثي استهواه و اثار فضوله فسألني مزيدا من الايضاح عن تلك الفوائد ؟ فقلت الفائدة الاولي : هي زيادة فرصة التلاحم و التعارف بين الطبقات الكادحة فعلي محطة الاتوبيس تجد العشرات و ربما المئات من النساء و الرجال و الشيوخ و العيال , و هذا يفتح مجالا للتعارف , فواحد يعزم الاخر واخر يفتح معهم حديثا كي يسلي وقته ساعتين تلاته حتي وصول الاتوبيس و واحدة تسال الاخري هو مال ابنك لونه مخطوف كدة ليه ؟ اديله محلول جفاف و هو يبقي عال الفائدة الثانية : هي رفع مستوي اللياقة البدنية للركاب فعندما يبدو الاتوبيس في الافق البعيد تري النساء و الرجال و الاطفال قد بدأوا بالتسخين و الجري للحاق به . و الشاطر يلحق و من لا يلحق سيظل يجري حتي يصل الاتوبيس اللي بعده . ! و يتعمد بعض السائقين عدم الوقوف في المحطات و ذلك ليس تقصيرا منهم – لا سمح الله- و لكن ليختبروا قدرة الركاب علي الجري و الركض خلف الاتوبيس بنائا علي توجيهات السيد اللواء وزير الصحة . لان الفائز سيحظي بجائزة الاتوبيس الخشبي و هو عبارة عن قبقاب مزود بعجلات و حزام امان ليساعد المواطن علي الركض خلف الاتوبيس . الفائدة الثالثة : توفير خدمة متميزة للركاب و قد تسألني :كيف هذا ؟ فأقول لك : ان اسعدك الحظ و كنت من ركاب الاتوبيس ستلاحظ ان كل اتوبيس يقوم علي خدمته بعض الشباب يبيعون امشاط و فلايات و كازوزة و كافة كل شئ و كلها صناعات محلية و كلها معفاة من الضرائب و الدمغات و قرب شوف يا استاذ ولا زحمة المحلات . الفائدة الرابعة : تقدمها هيئة النقل العام لسكان المنطقة الشعبية اللي تشتهر بازدحام السكان مثل سوق الجمعة و السيدة عائشة , حيث رأت الهيئة تيسيرا علي سكان تلك المناطق و نظرا لانقراض عربات الكارو ان تترك الحبل علي الغارب لمن يريد نقل ما يشاء من البضائع في الاتوبيسات و قد اصبح من المألوف يوم الجمعة ان يصعد للاتوبيس من يحمل قفص فراخ او زلعة مش او لبشة قصب او حلة بها جبنة قريش و قد رايت يوما راكب يصطحب معه معزة فهاج الركاب و استنجوا بالسائق لمنع المعزة من الركوب فقال السائق : و انا مالي انتوا عاوزين جمعية الرفق بالحيوان تزعل مننا عشان مابنركبش المعيز ؟ و اخيرا تأثر احد الحاضرين بهجوم الركاب علي المعزة المسكينة , فقام و اجلسها مكانه , و بذلك حسم الموقف المتوتر . الفائدة الخامسة : و هي توفير جو من التسلية و الاثارة للركاب بالمجان , فبدلا من الذهاب للملاهي او الديزني لاند لركوب قطار المفاجآت , فما عليك الا ركوب الاتوبيس و انت و حظك .... فربما يقفز بك من علي كوبري , او يكسر اشارة مزلقان ليأخد القطر بالاحضان , او ينط بالركاب في الترعة , او يقطحم الرصيف ليصطدم بعمود نور ... الخ .... الخ ! و بالاضافة للفوائد السابقة فان هيئة النقل العام توفر فرص عمل للعاطلين من النشالين و المتسولين علي جيع خطوطها , و شعارها في ذلك حسنة قليلة تمنع بلاوي كتيرة . اما عن الركاب اللذين ترونهم محشورين داخل الاتوبيس ... فلا تحسبن انهم متضايقون او متأففون , و الدليل علي ذلك ان المتشعلقين منهم علي الابواب يمسكون بملابس بعض , في حب و مودة ولا يبخلون بمد ايديهم لمن يجري خلف الاتوبيس , و يسفحون له مكانا , و ان لم يجد فلا لوم عليه اذا تعلق بقفا احدهم . و قد رأت هيئة النقل العام ان ترفع شعارا جديدا للشباب بدلا من ( احنا اللي خرمنا التعريفة ) او (احنا اللي دهنا الهوا دوكو )لان هذين الشعارين ينضحان بالتفاهة و الركاكة , ولا يتناسبان مع متطلبات العصر , و لهذا الفت شعارا جديدا و هو : ( احنا اللي ركبنا الاتوبيس ) و هو يدل علي ان راكب الاتوبيس في مصر ليس راكبا عاديا . و لكنه راكب من طراز فريد , يتمتع بصفات خاصة , منها : الصبر في الانتظار و اللياقة البدنية في الجري و المهارة في القفز و القدرة علي تحمل الصدمات . و قد اقامت هيئة النقل العام ناديا يسمي – كلوب الاوبيس – علي غرار كلوب محمد علي لهواة ركوب الاتوبيس من الاجانب و صفوة المجتمع . و الشرط الوحيد لعضوية النادي ان يؤمن كل عضو بمبدأ ( ان لم يكن الا الاتوبيس مركبا ... فليس علي المضطر الا ركوبه ) فقال صديقي الامريكي : لا افهم . فقلت : احسن .

 

 

 

 

تم تعديل December 9, 2009 بواسطه عاشق الصداقه

[eng_alaa]

فقال صديقي الامريكي : لا افهم . فقلت : احسن

 

ههههههههههه

 

بجد أحسن انه ما فهمش

 

وإلا كان ممكن تجيله ذبحه ولا حاجه ...

 

بس انا اول مرة اعرف الفوايد دي كلها للأتوبيس ..

 

كده اقنعتيني إني أتمرن اسبوعين جري وأحاول أركبه ..

 

شكراً حياتي من اجل ربي ...

 

 

* تم نقل الموضوع للقسم الصحيح ....

[دعوه للجنه]

هههههههههههههههه

كل دى فوائد للأتوبيس

يا خسارة بقى أنا بصراحة مش بحب الزحمة خالص

وللأسف فى منطقتى مش فى أتوبيسات أصلا

يالا هو فى عند الجامعه بس مش يودى لمنطقة سكنى

طبعا هجرب أركبه للفوائد ال5

لا للذهاب للبيت

هههههههههههههه

شكرا ليك حياتى وحشنى جدا خطك فى الكتابه والرد على موضوعاتك

يا رب يا غاليه يهدى بالك ويصلح حالك ويرزقك رزقا واسعا من عنده ويرزقك حبه

وحب من أحبه

وحب كل عمل ينفعكى عنده حبك

تحياتى ليكى

[«۞۩ أبو سليمان ۩۞»]

:) :)

 

انا صعبان عليا الراجل الامريكاني ده أكيد حب يجرب يركب الاتوبيس بعد ما شاف الفوايد دي كلها

 

و اكيد حصله ذي أخينا ده

 

 

 

موضوع جميل جدا أختي حياتي من أجل ربي

 

ربنا يكرمك

ربنا يصلح الحال

[شهد 2010]

هههههههه لا بجد جميل وفكرنى بالمنظر ده

 

 

 

شكل الموضوع مش فى مصر بس شكله فى كل الدول بس دول شكلهم رايحين رحله

شكلهم فرحان مش عارفه ليه هههههههه

جزاكى الله كل خير حبيبتى حياتى على موضوعك الجميل

[الرّام]

:) :) :)

 

 

متقوليش هذا الــــ من الفرحة ...

 

لا .. هو تمارين فقط .. لــــ

رفع مستوي اللياقة البدنية للركاب

[حياتى من اجل ربى]

 

 

 

المهندس علاء

حبيبتى دفء

دكتور المنتدى

حبيبتى الرام

غاليتى شهد

 

 

 

فرحانه خااالص بردودكم اللى احلى من الموضوع اصلا

ربنا يكرمكم كلكم واسمع عنكم كل خير قريب يارب

يوفقك الله الى ما يحب

ويفرج همكم يارب

تم تعديل December 9, 2009 بواسطه حياتى من اجل ربى

[hytham_apohana]

iiiiiiiiiiiiiiiiiiiiiiiiiiiiiiii ههههههههههههههههههههههه

جامد جدا

[حياتى من اجل ربى]

جزاك الله خيرا اخى

سعيده ان نال موضوعى اعجابك

ربنا يكرمك ويحقق لك كل ما تتمنى

ويهديك الى كل ما يحب ويرضى

[عاشق الصداقه]

ههههههههههههههههههههههههههههههههههههههههههههههههههههههه

 

إنهرت ضحك والله

 

بس معلومه : والله أكتر حاجه بحبها لما أسافر القاهره هى ركوب الاوتوبيس وشعبطه كمان ،، بحس إنى فى مصر .. بلد الـ 80 مليون

 

يصعد للاتوبيس من يحمل قفص فراخ او زلعة مش او لبشة قصب او حلة بها جبنة قريش

 

لبشة قصب دى غريب جداً إن يكتبها حد مش صعيدى !! ده إن كان الصعايده دلوقتى يعرفوها كمان !!

 

بجد الموضوع خطييييييييييييييييييييييييييييييير ،، والصوره اللى حطتها أختى شهد 2010 أغمتنى من الضحك

 

ربنا يدخل السرور لقلبكم

 

جزاكى الله خيراً "حياتى من اجل ربى" .. موضوعات متميزه حتى فى الفكاهه ،،

[حياتى من اجل ربى]

جزاك الله كل خير اخى

 

لبشة قصب دى غريب جداً إن يكتبها حد مش صعيدى !! ده غن كان الصعايده دلوقتى يعرفوها كمان !!

 

ده اكبر دليل ان الموضوع منقول من حد اصيل

 

ربنا يكرمك ويستجيب دعائك ويحقق لك كل ما تتمنى

ويجعلك من الشباب الذين يفخر بهم محمد صلى الله عليه وسلم

ويسمعنا عنك كل خير قريب يارب

[ashraf fathy]

ir6747777 شكراً لك اخي الكريم موضوع كويس جدا استمر

[حياتى من اجل ربى]

جزاك الله خيرا اخى