امتحانات «التيرم الأول» بالجامعات لمدة أسبوعين فقط فى النصف الثانى من يناير

[نودي]

حسم معظم الجامعات الجدل حول مواعيد امتحانات الفصل الدراسى الأول، إذ أعلن عدد كبير منها أن الامتحانات ستجرى فى النصف الثانى من يناير المقبل، على أن تعلق الجداول اعتبارا من الأحد المقبل عقب عودة الطلاب من إجازة عيد الأضحى.

 

وطبقا لقرار المجلس الأعلى للجامعات، لن تزيد فترة الامتحانات على أسبوعين، بسبب قصر فترة الفصل الدراسى الأول، التى لم تتجاوز ١٤ أسبوعا نتيجة تأجيل بداية الدراسة، ومد إجازة عيد الأضحى.

 

وتبدأ امتحانات الفصل الدراسى الأول بجامعة القاهرة يوم ١٨ يناير المقبل. وقال الدكتور عادل زايد، نائب رئيس الجامعة لشؤون الطلاب، إن إجازة نصف العام ستبدأ اعتبارا من ٣٠ يناير، على أن يبدأ الفصل الدراسى الثانى يوم ١٥ فبراير المقبل.

 

وقال الدكتور عوض عباس، مدير مركز الجامعة للتعليم المفتوح، إن امتحانات طلاب التعليم المفتوح ستعقد عقب انتهاء امتحانات طلاب الانتظام والانتساب الموجه مباشرة، اعتبارا من يوم ٣٠ يناير حتى منتصف فبراير.

 

وفى جامعة عين شمس، أعلن الدكتور عاطف العوام، نائب رئيس الجامعة لشؤون التعليم والطلاب، أن الامتحانات ستبدأ ٢٣ يناير لطلاب الانتظام والانتساب الموجه والتعليم المفتوح.

 

جريدة المصري اليوم

تم تعديل December 1, 2009 بواسطه نودي

[نودي]

خناقة بين وزيري التعليم بسبب امتحانات التيرم

 

 

قامت خناقة بين وزير التعليم العالي والأساس بسبب ميعاد امتحانات نصف العام الشتوية والتي قد تؤدي الي زيادة الأصابة بفيروس انفلونزا الخنازير وتحكموا الي الدكتور احمد نظيف رئيس مجلس الوزراء الذي احتار في امره ايضاً

 

حيث أعلن الدكتور يسري الجمل : بسيطة بلاها امتحانات نصف عام وكفاية نتيجة أخر السنة .

 

في حين اعلن الدكتور هاني هلال: لأ فيه امتحانات بس هتبقي مختصرة ونعملها في اسبوعين بسرعة ، مما دعا نظيف الي سرعة عقد لجنة يحضرها كلا من البيئة والصحة والتنمية المحلية والتعليم العالي والأساس من أجل وضع خطة سريعة للوصول الي القرار الصائب

[حياتى من اجل ربى]

ايه السيره دى :g:

 

ربنا يستر بجد

 

واضح انهم هيظبطونا السنه دى

 

ياااااارب كلننا ننجح يارب

 

تسلم ايدك يانودى

ربنا يكرمك وينجحك يارب

وتخلصى السنه دى بتقدير يارب

[نودي]

ربنا يكرمك ياحياتي

بجد من اجمل الدعوات دي اللي انت دعيتها

بجد محتاجاها اوي اوي الدعوة دي

منوراني ياقمر وان شاء الله كمان انتي تنجحي وتقديرك يبقي عاااااااااااالي

[dr_mido]

أيه هو ده كده حرام عليهم بجد والله

 

ده أنا كنت فاكر أن ممكن ميكونش فيه إمتحانات ترم أول

 

لإنهم حتي الأن لم يعطونا المقرر ولا المحاضرات مكانش فيها ولا إهتمام ولا حاجة

 

وبجد ربنا يسترها معانا بإذن الله الترم ده ويعدي إن شاء الله علي خير للجميع بإذن الله

 

شكرا جزيلا أختي في الله (نودي) علي وضعك للموضوع هذا الذي قد أعطانا إنظار للإمتحانات

 

جزاكي الله كل خير

 

أخوكي في الله

dr_mido

[دعوه للجنه]

لا اله الا الله

ايــــــــــــــــــــــــــــــــــــــــــــــــــــــده بس

والله بجد حرام ....نص المواد مش أخدناها اصلا......

ايه يا نودى الخبر دا

ادعيلى بقى بعد الصدمة دى

السنه دى سنة الليسانس وربنا بقى يستر

شكرا ليكى حببتى بس مش شكرا اووووى

[حياتى من اجل ربى]

ربنا يكرمك يا حبيبتى (دفء الانس) وتنجحى بتقدير يارب السنه دى

واضح ان كلنا فى الليسانس السنه دى ربنا يستر بجد

ربنا يوفقك نودى ودفء الانس ودكتور ميدو

وانا كمان يارب

[الرّام]

ربي ينجحكم ان شاء الله

 

و الله لا يضيعلكم تعب

 

و ان شاء الله امتياز للكل .. باذن الله

[bassant]

بجد موضوع الانفلونزا ده سبب مشاكل كثير

ادعولى انا كمان يا جماعه السنه دى اول سنه ليا فى كليه التربيه جامعه الاسكندريه والموضوع صعب جدا لانى كمان بقالى فتره مش بذاكر حاجه وده خلانى نسيت كيفيه المذاكره

دعواتكم معايا وربنا ينجحنا جميعا