منى واحمد واقفين فى عز الظهر على الكوبرى

[zoro_hf]

منى : (برومانسيه) شايف النجوم ياحمد

احمد: نجوم ايه بس فى غز الظهر دا انا الشمس حرقت افايا

منى : الله ياحمد بص السحابه اللى هناك دى اللى عليها العصافير

احمد: لا والله ياحبيبتى انا مش شايفها بس شايف دخان عربيات خنقنى

منى : يوووووووه ياحمد خليك رومانسى شويه

احمد: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت

منى : انت مش بتحبنى والا ايه

احمد: ياستى بحبك

منى : لاء انت كداب انت مش بتحبنى

احمد: يعنى اولع فى نفسى بجاز عشان

تصدقى انى بحبك

منى : (والدموع على خدها) لا ياحمد انت اتغيرت خالص

احمد: ياحبيبتى والله بحبك

منى : لاء ياحمد متصلحش اللى انت عملته

احمد: وهو انا كنت عملت ايه بس

منى : (تعيط) اهئ اهئ اهئ

احمد: بتعيطى ليه دلوقت

منى : احمد طلقنى ياحمد

احمد: هوا احنا لسه اتجوزنا عشان اطلئك

منى :يعنى كمان مش عايز تطلقنى

احمديشد فشعره) يادى الليله السودا انا ايه اللى خرجنى بس

منى : كمان خليتها ليله سودا .. يعنى انا اللى خرجتك غصب عنك

احمد: ياستى مش قصدى. بصى انا مش هرد عليكى عشان مانتخانئش

منى : للدرجادى قرفان منى

احمد: (وشه يحمر من الغيظ) يعنى انتى عايزه تتخانئى وخلاص

منى : يعنى انا نكاديه ياحمد

احمد: لاء ......انا

منى : انت بتاخدنى على اد عقلى

احمد: حقك عليا وادى راسك ابوسها

منى : ياسلام كده بكل بساطه

فجأه يقف احمد على سور الكوبرى ويرمى نفسه فى الميه

منى : تفتكر ياحمد انى كده هسامحك

[ممدوح]

هههههههههههههههه

بجد الواد احمد ده جاب من الاخر

وبجد موضوع جاااااااااااااااااامد

مش عارف اقول ايه بصراحه

جزاك الله كل خير

تقبل مرورى

[دعوه للجنه]

فجأه يقف احمد على سور الكوبرى ويرمى نفسه فى الميه

منى : تفتكر ياحمد انى كده هسامحك

 

ههههههههههههههههههههههههه

ههههههههههههههههههههههههههههههه

فعلاَ هو جاب من الآخر وريح نفسة منها

تقبل مرورى أخويا الكريم

 

بارك الرحمن فيك وسدد خطاك وجعل مثواك الجنة

[حياتى من اجل ربى]

منى : تفتكر ياحمد انى كده هسامحك

 

كمان

لا بجد ربنا معاه وليه حق الصراحه

 

جزاك الله خيرا اخى

موضوع جميل خالص

ربنا يكرمك على البسمه اللى ادخلتها لينا

تم تعديل December 3, 2009 بواسطه حياتى من اجل ربى

[الرّام]

:g: :g:

 

لا حول و لا قوّة الا بالله .. حتى رمى نفسه .. هي موش مسامحاته ..

 

 

مسكين هالاحمد

 

 

****

 

شكرا اخي على هذه الضحكة الي خليتنا نخرجوها من الاعماق

 

 

بارك الله فيك

تم تعديل December 3, 2009 بواسطه الرّام

[Dr.A7MD]

ههههههههههههههههههههه

 

معاه ألف حق الصراحة

 

موضوع تحفة يا زورو ... تسلم إيدك

[Mr.5dash]

ادى اخرة الحب وسنينة استحملو بقى

تم تعديل December 19, 2009 بواسطه Mr.5dash