ليه احنا بقينا كده؟؟؟

[:: نبـ القلم ــض :: 8]

ليه احنا بقينا كده؟؟؟!!!!!

 

فى ايه... ايه اللى جرالنا بس .. هى الدنيا ليه بقت ضيقه كده..

ليه الناس معدتش مستحمله بعضها ... راحوا فين ال بنى ادمين!!!

 

تصحى من النوم فى امان الله ... تستبشر بيوم جديد .. تقول اكيد النهارده يوم حلو ... تستيقظ وكلك أمال واحلام ...يملآك عزيمة واصرار انك تحقق اهدافك فى هذا اليوم الجديد

 

وفجأه!!!!!!! وبدون اى مقدمات!!!!!!!!

 

سائق بيتشاكل مع راكب على نص جنيه ناقص من الاجرة!!!!

 

شاكله لرب السما عشان السائق فى العربيه الخلفيه بيطلب من السائق فى العربيه الاماميه يطلع قدام شويه ... ليه وليه يطلب منه كده!!!!

 

طول ما انت ماشى فى الطريق سامع ناس بتشتم وتسب بعضها بألفاظ خارجه تستحى الاذن ان تسمعها!!!!!

 

اتنين من اصحابك كانوا بيهزروا مع بعض واتقلبت بزعل وخصام جامد ... تحاول تدخل وتصلح ما بينهم ... تتهزق !!!!!

 

انت دكتور وشافك حد معرفه ..وكانت ست كبيره فى السن ... وطلبت منك مساعده .. وتجرى معاها فى اجراءات الكشف ... حالتها طلعت خطيرة وعايزه عمليه... بعد ما تجرى عشان الدكاتره يلحقوها ... يتم تسجيل معاد العمليه فى 2012

واحنا فى 2007 .... ليه؟؟؟... العمليات بقت بالحجز والدور والدكتور اللى هيعمل العمليه مش فاضى الا الوقت ده؟؟!!!!

 

تدخل غرفه الكشف تتعلم من الدكتور الموجود تلاقى ضرب للركب ... واتفرج على المهازل اللى بتحصل ... الدنيا تلف بيك... والمطلوب تحط لسانك جوه بؤك وتسكت!!!!!

 

تدخل المحاضره ... وتقول تتعلمك كلمتين ينفعوك فى حياتك ... لسه بتفتح اول صفحه ... وبتقول يا هادى ... تلاقى الدكتور يقولك المنهج خلص ... والمطلوب تعتمد على نفسك ... وبكره امتحان!!!!

 

تستريح شويه فى ساحه الكليه وتشربلك حاجه ... عشان تعيد نشاطك..تلاقى الطلبه حوليك اللى بيلعبوا كوتشينه ... وقلبينها قهوة ... والعصافير حوليك فى كل مكان ... وانت ياعينى شايل هم الدنيا ... وتعقد تفكر طول الوقت مين اللى الصح انت ولا هما؟؟!!!!

 

تقول بلاش ... انا هروح اقف مع اصحابى شويه ... يمكن الاقى نفسى من كل ده... تقف وتسمع ... شويه عن الدين والحلال والحرام ...وشويه الموضه الفيدو كليب ... شويه سياسه ... شويه ايجابيه ... وشويه غيبه ونميمه عن الدكاتره ... واللى عمل واللى سوى !!!!

 

تدخل فى اسرة وتقول بس انا كده هلاقى نفسى وهقدر احقق كل اهدافى فى الكليه ... تحضر اول اجتماع ويكون عن التسامح وكظم الغيظ وازاى كل واحد يتقبل راى الاخر ... وبعد الاجتماع وتبدا تتناقش فى اول مشكله ... تلاقى كله مسك فى بعضه!!!!!

 

تعقد تدرس فى كليه وتدح وتمقق عنيك لما روحك تطلع ...وتجى ساعه العملى يقولك انسى يا بابا كل اللى انت خدته ده ... النظرى حاجه والعملى حاجه تانيه خالص !!!!!!! وبيقولوا ليه الدكتور بينسى مشرط ولا مقص ولا فوطه جوه بطن العيان !!!!!! العيب فى مين ؟؟؟

 

وفى نهايه اليوم ... تكتئب وتزهق من حياتك ... وتعتزل عن العالم وتقول خلاص انا تعبت...وتحس كأنك بتزق فى حيطه ... مجهودك بيخلص ومفيش حاجه بتتصلح!!!! لحد امتى هنعقد نطحن !!!

 

وتنام وتقوم تنسى اللى حصل امبارح ... وتقول اكيد النهارده هيبقى احلى... وتبدأ طاقه امل جديده!!!!!!!!

 

وتبقى المتاعب والانكسارات...

وتظل الامال والاحلام ...

وتبات الدنيا على حالها ...

عيون تسهر وعيون تنام !!!

قلوب صاحيه وقلوب غافله!!!

ضمائر تدب فيها الحياه

وضمائر ابت ان تعيش هذه الحياه !!!!

[BLACKDREAM 5]

اختي الغاليه :

 

 

احنا بقينا كده لعده اسباب و اهمها :

 

1- نمو الغل و الحقد في انفسنا تجاه الاخرين و بدون سبب

2- الحسد و عدم الرضا بما كتبه الله لنا

3- انتشار الفساد و الرزيله

4- عدم الاستقرار في كل شيء و في كل الحاجات

5- انتشار الظلم

6- انتشار الراشوي و شهادات الزور

و .... و ..... و ..... ة ...الخ

 

بمعنى ادق اننا قد ابتعدنا عن الايمان بالله و عن الاسلام

و هذه هي النتيجه الحتميه للتدهور الاخلاقي اللذي نحن

نعاني بسببه

[عاشق الصداقه 525]

اختى الكريمه

 

والله لقد اشتقنا لهذه المواضيه الهادفه والرنانه

 

بارك الله فيكى .

 

من وجهة نظرى .. احنا بقينا كده فعلاً لبعدنا عن ربنا .. المفروض بعد كده منستغربش على اى حاجه مهما بلغ بينا الحال من سوء

 

لكن من وجهة نظرى برضه ان مش المفروض علينا نندب حظنا ونقول ليه ومش عارف ايه .. لألألألألأ

 

المفروض كل واحد فينا يبدأ بنفسه فعلاً ويصلحها تمام الاصلاح ويثبت على الصح ولو كل اللى حواليه غلط ..

 

امال مين بعد كده اللى هيصلح كل الغلط ده ؟؟؟ اكيد احنا ان شاء الله وكلنا امل فى كده

 

اخيراً بارك الله فيكى .. يا قلب المنتدى النابض (نبض القلم)

[MOSTAFA_SHA3RAWY 0]

يبقي انت اكيد في مصر

[BLACKDREAM 5]

 

 

لنصحح الخطا الذي نواجه علينا :

 

1- اتقاء الله في السر و العلن و التيقن بان الله يراقبنا

 

2- الصدق مع انفسنا قبل ان نصدق الاخرين

 

3- تاديه رسالتنا بصدق و بامانه

 

4- التعاون على البر و التقوى

 

5- دفع اشكال الرزيله بكل انواعها و محاره الفساد

[حنان القلب 1]

والله انا رايي اننا بقينا كده لان الحياه بقي رتمها سريع والدنيا كلها زحمه وكله بيشتغل كله وكله بيجري ورا مصلحته ومحدش فاضي انه يفكر في اي حاجه وكتر الف خيره النفر لو فضي يفكر في روحه هو دا الزمن اللي احنا فيه زمن الماديات والمصالح والفهلوه والحدق يفهم.

[BLACKDREAM 5]

 

 

 

خلينا يا اختي حنان ما نسالش احنا وصلنا لكده ليه

 

خلينا نفكر ازاي ممكن نغير اللي ضاع مننا

 

لاننا لو فضلنا نبص للخلف و الله مش حنتقدم و لا خطوه

[حنان القلب 1]

نعيب زماننا والعيب فينا وما لزماننا عيب سوانا

[تقوى القلوب 12]

اختى العزيزه نبض القلم موضوع مميز فعلا

 

احنا بقينا عصبيين اوى

 

عصر السرعه زى ما بيقولو كل واحد عاوز حاجته تخلص فى ثوانى ودايما مستعجلين

[رجل من الصحراء 36]

والله موضوع راائع وجميل جدا

ياترى فينك ياختنا مش باينة ليه