مشکله فی الماسنجر

[aliy 0]

السلام علیکم و رحمة الله و برکاته

 

کیف حالکم یا اعضاء

 

 

عندي مشکله في الماسنجر و هي انه ما یفتح و یطلب اصدار جدید .

 

ارجوا منکم المساعدة

یعني اذا ممکن تعطوني الرابط اللي یخلیني اقدر اثبت الاصدار الجدید لویندوز مسنجر بالعربي مباشرة ، مش الرابط اللي یحمل المثبت للبرنامج / ارید البرنامج نفسه بحیث اذا حملته اقدر ان اثبته مباشره علی الجهاز

 

ارجوا انکم فهمتوا قصدي/ انتظر منکم الردود

و شکرا"

[«۞۩ أبو سليمان ۩۞» 179]

أخي aliy

 

أهلا بك بيننا في بيتك الاول على الانترنت ياللاياشباب

 

نتمني ان تستفيد بما لدينا و تفيدنا بما لديك معا من أجل شباب عربي افضل

 

أخي الحبيب .. منذ فترة بسيطة قامت ميكروسوفت بإصدار الاصدار الجديد من ويندوز لايف ماسينجر و الذي يحتاج لتستيبه عمل ريبير ( تصليح ) لبعض ملفات الويندوز اكس بي ..

 

فعشان كده موش هيشتغل معاك الماسينجر الا بعد عمل ريبير للنسخة او تكون النسخة تحدث دوريا عن طريق الانترنت

 

ده في حالة استخدامك لويندوز اكس بي

 

 

 

اخي اهو رابط احدث اصدار من الويندوز لايف ماسينجر الكامل من غير ان تحتاج تحميل من ميكروسوفت

 

يعني البرنامج الكامل

 

http://www.softpedia.com/get/Internet/Chat...ssenger-9.shtml

 

قومم بتحميل الماسينجر و تستيبه و لو اشتغل يبقى خير ان شاء الله و أرجو ان تستخدم الماسينجر في طاعة الله و لا تستخدمه فيما يغضب الرحمن منك

ربنا يكرمك

 

و ان لم يعمل يبقى فيه مشكلة عنديك في الويندوز

ياريت أخي تعملي برينت سكرين لرسالة الخطأ دي .. عشان اعرف ايه المشكلة ... بالضبط و ياريت تقول لي ايه نوع نسخة الويندوز اللي انت بتستخدمها و هل بتعملها تحديث من الانترنت و لا لأ

 

منتظر ردك

 

بارك الله فيك و اعزك و رزقك الفردوس الاعلى بغير حساب و لا سابقة عذاب

[aliy 0]

السلام علیکم

کیف حالک اخي الکریم dr abcarino

شکرا لک علی الرد

الرابط لم یفتح معي :error message

و حالیا" الویندوز هو xp sp2 وما عملت له تحدیث

بارك الله فيك و اعزك و رزقك الفردوس الاعلى بغير حساب و لا سابقة عذاب

و جزاک الله خیر

[aliy 0]

السلام علیکم

کیف حالک اخي الکریم dr abcarino

شکرا لک علی الرد

الرابط لم یفتح معي :error message

هل یوجد رابط آخر؟

و حالیا" الویندوز هو xp sp2 وما عملت له تحدیث

بارك الله فيك و اعزك و رزقك الفردوس الاعلى بغير حساب و لا سابقة عذاب

و جزاک الله خیر

[«۞۩ أبو سليمان ۩۞» 179]

السلام عليكم و رحمة الله و بركاته

 

اخي الحبيب

 

رابط البرنامج شغال كويس .. موش عارف ممكن يكون عندك مشكلة في المتصفح

 

هكتبهولك تاني بطريقة اخري

 

عشان تحمل البرنامج الكامل

 

أضغط هنــــــا

 

 

ياريت تحمل البرنامج و تحاول تستبه .. و ولو البرنامج اشتغل يارت ترد عليا و لو لم يعمل

 

اكتبلي رسالة الخطأ اللي تظهر ليك

 

منتظر ردك أخي

[aliy 0]

السلام علیکم اخي الکریم dr abcarino

لقد تم تحمیل البرنامج و تثبیته

مبدئیا" اشتغل البرنامج

بس المشکله انه بعد ان یتم تسجیل الدخول بدقیقة او اقل

یتم تسجیل الخروج تلقائیا"

وکل ما احاول تسجیل الدخول اواجه نفس المشکلة؟؟؟

ما الحل؟؟؟

و جزاک الله خیر

[Dr.A7MD 130]

أهلا بيك أخى الحبيب فى المنتدى

 

المشكلة دى ممكن تكون ضعف النت عندك شوية

 

شوف أخبار النت عندك ايه ... كويس ولا بطىء ؟؟؟

 

ولو مفيش مشكلة فى النت ..... حاول تشوف أنت ظابط التاريخ والساعة فى الكمبيوتر ولا لا

 

وعن تجربة .... الإصدار الجديد من الماسنجر لايف ساعات بيكون تقيل وعاوز امكانيات جهاز أكتر من الاصدار القديم بتاع الماسنجر

 

ده اعتقادى .... يحتمل الصواب و الخطأ

 

لو فى أى رسالة بتظهر عندك ساعة خروج الماسنجر ... ياريت تعملها برنت سكرين وتخلينا نشوفها

 

وكمان أتاكد من أرقام الــ DNS اللى عندك وحاول تظبطها مع الأرقام بتاعه الشبكة اللى واخد منها النت

 

حاول وجرب واحنا معاك بعون الله

تم تعديل December 23, 2009 بواسطه Dr.A7md

[aliy 0]

مرحبا اخواني الاعزاء dr abcarino و Dr.A7md

مافي اي رسالة خطاء بتظهر

وبالنسبة للساعه و التاریخ و ارقام الـ dsn مظبوطین

اما النت فانا کنت استخدم نفس النت مع الاصدار القدیم و ماکنت اواجه ایة مشاکل

بس الحین ماعرف وین المشکلة؟

علی فکرة هل استطیع ان ارکب الاصدار القدیم و استعمله؟

[Dr.A7MD 130]

السلام عليكم

 

أهلا بيك يا علي .... منور المنتدى

 

بالنسبة لاستمرار مشكلتك دى فبصراحة لاحظتها عند بعض الناس .... بس بتكون عندهم مشاكل فى نسخة الويندوز بتاعتهم فى الآخر

 

الله أعلم ..... بس اللى بيحصل .... أنهم أول لما بيغيروا الويندوز كل حاجة بتتظبط

 

بالنسبة للرجوع للإصدار القديم .... فدى سهلة جداً

 

شوف يا غالى .... هتشيل الإصدار اللى عندك .... وياريت تشيله ببرنامج your uninstaller عشان بيشيله من جذوره بكل ملفات الريجسترى بتاعته ..... عشان تسطب بعد كدا بدون أى مشاكل

 

ممكن تحمل البرنامج من الموضوع ده

 

http://forums.yallagroup.net/27344

 

بعد لما تشيل الإصدار الحالى .... نزل الإصدار ده

 

الاصدار ده التامن ...... بصراحة أنا بستخدمه عشان خفيف وبيفتح بسرعة ومش بيهنج زى الجديد لما تكتر الكتابة فى المحادثة

 

حمل من الرابط ده

 

http://www.filehippo.com/download_msn_mess...0208c3e6a24e65/

 

بعد لما تسطبه عادى ....... بلاش تفتحه علطول

 

ادخل على مسار البرنامج فى البارتشن اللى مسطبه فيه

 

C:\Program Files\MSN Messenger

 

وروح على الملف التنفيذى للبرنامج ... زى الصورة دى

 

 

كليك يمين واختار خصائص

 

بعد كدا هات اللى موجود فى الصورة الجاية دى

 

 

ضبط توافق البرنامج زى مهو موضح فى الصورة كدا .... "ويندوز 2000"

 

أيا كان الويندوز اللى بتستعمله .... اكس بى .... فيستا ..... سفن ..... أى نسخة

 

ولو ملقتش ويندوز 2000 ..... ده بعد لما تتأكد أنها مش موجوده

 

حاول تلاقى ويندوز اكس بى SP1

 

ده لو ملقتش ويندوز 2000 .... خد بالك

 

بعد كدا Apply ..... Ok

 

روح على الديسك توب وافتح البرنامج

 

هتلاقيه عمل خطوة كدا من ضمن خطوات التسطيب

 

دى معناها أنه بيعدل توافق البرنامج على الإصدار اللى انت اخترته .... حاجة متقلقش يعنى

 

تمااااااااااااااااااام ؟؟؟

 

=======================

 

طبعاً هتسألنى ...... وليه حكايه خطوة تظبيط توافق البرنامج وتعب المخ ده

 

أقولك عشان دى الحركة اللى بتلغى منها الرسالة اللى بتظهرلك كل فترة تطلب تحديث الماسنجر لأخر إصدار

 

الطريقة دى أنا مجربها من زمان لما احترت زيك كدا ....... والحمد لله كل مره اسطب فيها الماسنجر بعمل الحركة دى

 

الإصدار اللى بعتلك لينكه دلوقتى هو الإصدار التامن

 

لو حابب اصدار احدث ...... ممكن ابعتلك لينك الاصدار 8.5 لو حابب

 

جرب كدا وقولى ايه النتيجة

 

فى انتظار ردك

تم تعديل December 29, 2009 بواسطه Dr.A7md

[aliy 0]

علیکم السلام

المنتدی منور بوجودک یا اخي dr a7md

حالیا" عندما ارید فتح الماسنجر الجدید 9 الذي تم تثبیته ، ما یفتح

و عند الاصلاح تطلع هذه الصورة

 

ما هي المشکلة؟ و شکرا"

[Dr.A7MD 130]

معلش يا علي

 

نمت امبارح بدرى عشان كنت تعبان

 

بالنسبة لمشكلتك فدى تخص البروكسى

 

ساعات كانت تحصل عندى المشكلة دى ... وكل شويه اعمل اصلاح لحد لما كل حاجة تتصلح ويرجع يفتح بدون مشاكل

 

انت مسطب عندك اى برنامج فايروول غير الفايروول بتاع الويندوز ؟؟؟؟

 

أو مسطب عندك برامج إخفاء وتغيير الأبيهات وكدا ؟؟؟؟

 

طيب هل فى بلدك مواقع محجوبة ؟؟؟؟

 

ولو عاوز معلومات عن البروكسى وايه هو وعلاقته ايه بالفايروول والمواقع المحجوبة

 

ادخل على جوجل واكتب "ما هو البروكسى" ..... هيجبلك معلومات كتيرة

 

حاول تعمل "اصلاح" أكتر من مرة ولو فى برامج فايروول أو برامج اخفاء وتغيير الايبهات ... حاول تشيلها وشوف هيشتغل معاك ولا لا

 

ولو فى رسالة خطأ بتظهرلك فى الأول ... هاتلى رقم الخطأ اللى بيظهرلك .. نشوف ده خاص بايه بالظبط

 

منتظر ردك وياريت لو أى حد من حبايبنا فى المنتدى يعرف يساعد فى حل المشكلة ... ياريت يتواصل معانا

تم تعديل December 29, 2009 بواسطه Dr.A7md

[aliy 0]

مرحبا اخي dr a7md

کیف حالک

حالیا" البرنامج یفتح بس نفس المشکله یعني کلما اسجل الدخول علی طول خلال اقل من دقیقة یتم تسجیل الخروج تلقائیا"

بماذا تنصح ؟؟؟

وذا ارت ان استرجع الاصدار القدیم ماذا یجب علی ان افعل؟؟؟

علما" باني نزلت برنامجyour uninstaller و حذفت الـ Messenger بس یبدوا انه لم یحذف

[Dr.A7MD 130]

مرحبا اخي dr a7md

کیف حالک

حالیا" البرنامج یفتح بس نفس المشکله یعني کلما اسجل الدخول علی طول خلال اقل من دقیقة یتم تسجیل الخروج تلقائیا"

بماذا تنصح ؟؟؟

وذا ارت ان استرجع الاصدار القدیم ماذا یجب علی ان افعل؟؟؟

علما" باني نزلت برنامجyour uninstaller و حذفت الـ Messenger بس یبدوا انه لم یحذف

 

أخى الكريم علي

 

هل أنت متأكد أنك شلت البرنامج كويس ؟؟؟

 

 

 

افتح البرنامج عندك ... هيظهرلك بالصورة دى

 

دور على الماسنجر فى قائمة البرامج اللى قدامك

 

لو لقيته يبقى لسه مش متشال

 

تبقى تشيله بأنك تضغط من تحت على advanced uninstall

 

وتدوس نكست نكست علطول لحد لما يخلص

 

أما لو مكنش موجود فى القايمة

 

يبقى أكيد هو اتشال والباقى منه بس هو اختصاره على سطح المكتب

 

وعشان تتأكد ادخل على مسار الــ program files وشوف المجلد بتاع البرنامج قاعد ولا لا

 

البرنامج تحت اسم MSN messenger

 

ولو اللى باقى بس اختصاره على سطح المكتب

 

احذفه وابدأ فى تسطيب الجديد

 

منتظر ردك أخى الكريم

[aliy 0]

مرحبا اخي dr a7md

کیف حالک

اذا ممکن تعطیني رابط البرنامج الکامل النسخه 8

لان الرابط الذي في الاعلی لم یفتح معي

و اشکرک علی التواصل

[Dr.A7MD 130]

أهلا يا علي

 

معلش والله انا لما حطيت الرابط فوق كان شغال

 

وجربته اكتر من مره

 

على العموم أهو الرابط

 

http://www.filehippo.com/download_msn_mess...0208c3e6a24e65/

 

ده الإصدار التامن

[aliy 0]

مرحبا اخي dr a7md

لقد تم تحمیل البرنامج لکن عندما ارید تثبیته تظهر لي رساله تقول بأن یجب علي ان احذف الاصدار الجدید علما" بأني قد حذفته.

مالحل؟

وشکرا"

[Dr.A7MD 130]

أخى الكريم

 

أنت متأكد أنك حذفته ؟؟؟؟

 

ممكن حضرتك لو هتعبك معاى تعملى برنت سكرين وأنت فاتح برنامج الــ uninstaller حتى ولو البرامج كتيرة معلش خد مرتين برنت سكرين

 

ومعلش برنت سكرين تانية للبارتشن اللى عليه الويندوز والبرامج

 

معلش هتعبك معاى

 

منتظر ردك

[aliy 0]

حسنا اخي الکریم هذه صورة برنامج الــ uninstaller

 

وبالنسبة

 

للبارتشن اللى عليه الويندوز والبرامج ، تقصد اي نافذة؟ اذا ممکن تعطیني المسار لاني ما فهمت وین تقصد

و شکرا"

[Dr.A7MD 130]

زى ما توقعت

 

فى إضافة للماسنجر لسه مش متشاله

 

 

ماسنجر بلس

 

شيل الاضافة دى

 

====================

 

بالنسبة لمسار البرامج

 

فلو مسطب الويندوز على الــ C

 

هيبقى المسار كالأتى

 

C:\Program Files

 

ادخل على المسار ده

 

واعملى برنت سكرين عشان اشوف هل فى اضافات تانيه قاعده للماسنجر ولا لا

 

معلش هتعبك معاى

 

منتظر ردك

[aliy 0]

واذا کان في برامج ما لها داعي ابلغني عنها کي احذفها لان الجهاز عندي بطیء وشکرا یا دکتور احمد

[Dr.A7MD 130]

هو مفيش برامج ملهاش داعى

 

بس على حسب امكانيات جهازك

 

بس أنا ملاحظ حاجة

 

حضرتك مسطب النود ومسطب الكاسبر

 

وده كله بيحمل ضغط على جهازك ... خاصة أنى شفت موضوعك لحضرتك بتشتكى من بطء الجهاز وأن راماتك 256 بس

 

فرأيى الشخصى أنك تحتفظ بواحد وتشيل واحد

 

لان الاتنين مع بعض ملهمش أهمية

 

واحد فيهم هيسد

 

من رأيى النود مواصفاته كويسه لجهازك

 

شيل الكاسبر عشان تقيل شوية وخلى النود

 

وهتلاحظ بعون الله فرق فى سرعة الجهاز شوية

 

تحياتى ليك

[aliy 0]

مرحبا" مرة ثانیه یا اخي العزیز الدکتور احمد

هذه صورة للبارتیشن فکما تلاحظ ان الملف التابع للبرنامج موجود علما" باني قد حذفته بواسطة البرنامج your uninstaller

و کذالک عن طریق add & remove من کنترول بانل.فبماذا تنصح؟ وشکرا"

تم تعديل December 30, 2009 بواسطه aliy

[Dr.A7MD 130]

شوف يا غالى

 

ادخل مجلد windows live

 

 

ادخله من جوا وشوف هل فيه ملف اسمه uninstall !!!!

 

لو موجود اضغط عليه وحاول تلغى تسطيب البرنامج

 

لو مش موجود وفى ملفات تانية بس

 

احذف المجلد windows live من بره كله

 

وحاول تنزل الاصدار التامن وشوف ايه الأحوال

 

بعد كدا لو لا قدر الله ولسه المشكلة قائمة

 

فوجهة نظرى ... ريح دماغك ونزل نسخة ويندوز أصلية تتناسب مع امكانيات جهازك

 

ونزل البرامج الأساسية اللى محتاجها

 

مع مضاد للفيروسات خفيف زى النود أو الأفيرا زى ما أخونا عاشق الصداقة قالك فى موضوع بطء الجهاز

 

ياااااااااااااااااارب تتحل المشكلة بتاعتك

 

وفى انتظار ردك وأخبار جهازك

 

تحياتى يا غالى

تم تعديل December 30, 2009 بواسطه Dr.A7md

[aliy 0]

اخي العزیز الدکتور احمد

لقد تم حذف المجلد المذکور

لکن نفس الرسالة تطلع معي

اذا ممکن تعطیني رابط البرنامج النسخه 8.5 الکامل لکي اجربه

و جزاک الله خیر

[Dr.A7MD 130]

أخى الكريم علي

 

المشكلة مش مشكلة إصدار ومين أحدث ومين أقدم

 

المشكلة أن الجهاز عندك شايف أن الماسنجر لسه مش محذوف

 

حتى الرسالة اللى بتظهرلك دى بتشرحلك الوضع كامل

 

ممكن تكون مسطب اضافة للماسنجر من ابتسامات وكدا أو حتى التولبار بتاع الماسنجر لايف موجود فى الاكسبلورر

 

على العموم ده لينك الاصدار 8.5

 

النسخة الإنجليزية

 

http://www.4shared.com/file/137112851/d0e0...er_v85_Eng.html

 

=======================

 

النسخة العربية

 

http://www.4shared.com/file/108447520/374a...nger_85_AR.html

 

وإن شاء الله أدورلك على حل للمشكلة دى وأبحث عنها وإن شاء الله ربنا يقدم ما فيه الخير

 

وياريت لو أى عضو له خبرة بالأمور دى يشاركنا برأيه

تم تعديل December 30, 2009 بواسطه Dr.A7md