تعرف احنا فى سنة كام هجرية..؟؟

[ali desoky 391]

تعرف احنا فى سنة كام هجرية..؟؟

احتفلنا منذ ايام قليله ببداية العام الهجرى الجديد ،

لكن الغالبية لاتعرف إحنا فى سنة كام هجرياً

وبناءً عليه طرحت جريدة اليوم السابع المصرية السؤال على مجموعة من الشباب،

فكانت الإجابة مليئة بأقوال غريبة ومضحكة فى ظاهرها ومؤسفة فى باطنها،

فتعالوا نتعرف على ما قاله بعض الشباب

.

تجيب مروة محمود (25 عاماً) وهى مترددة:

"أعتقد 1428"،

أما رانيا أحمد قالت:

"بجد مش عارفة أنا فى سنة كام ودا لأنى استخدم التاريخ الميلادى ومش الهجرى، سواء فى شغلى أو فى دراستى وأنا عارفة أنى مقصرة".

أما آية عبد الجواد (21 عاماً) أكدت أنها لا تهتم بالعام الهجرى، نظراً لأنه لا يستخدم فى مصر،

فى حين قال رمضان عبد التواب (35 عاماً) وبكل ثقة: "1443".

أما حمدية عبد الحليم (40 عاماً) تقول:

"1447 بس مش متأكدة أصل أنا لما كنت فى السعودية كنت بحسب السنة بالعام الهجرى بس لما جيت مصر مابقيتش أعرفها غير كل فين وفين".

وتقول مريم حسن:

"أنا بصراحة مش عارفة وأعتقد أنه السبب فى ده أن مصر مش بتهتم بالتاريخ الهجرى أصلاً"،

بينما أكدت شيماء حمدى (24 عاماً) أن العام الهجرى المقبل هو 1443.

وبعد انتظار طويل للإجابة قال محمد محمود (23 عاماً):

"آه آه 1429"،

أما هانى بشندى (23 عاماً) قال:

"إحنا فى 1425"، ثم طرح سؤال: "إحنا ليه فعلاً مش بنهتم بالسنة الهجرية؟!"

أما أحمد محمود (24 عاماً) فقال بعد تفكير عميق: "1435"،

وأخيراً توصل إلى تامر عبد التواب (25 عاماً) إلى الإجابة الصحيحة، قائلاً "إحنا فى عام 1430 وهنستقبل عام 1431".

أما مدحت حلمى (23 عاماً)، فقال:

"يا جماعة إيه السؤال الصعب دا، إحنا فى عام 1426 تقريباً أصل أنا مش بهتم إلا بشهر رمضان وذى الحجة".

وهو ما أكدته دعاء كمال (22 عاما)، فتقول

"أنا بصراحة بهتم بالشهور الهجرية المهمة زى رمضان وذى الحجة وده عشان أعرف العيد هيجى أمتى وعشان كدا ما عرفش إحنا فى سنة كام هجرياً".

وشبابنا طلع ميعرفش احنا في سنة كام هجريه..!!

[دعوه للجنه 457]

تعرف احنا فى سنة كام هجرية..؟؟

وشبابنا طلع ميعرفش احنا في سنة كام هجريه..!!

 

لا حاااااااااااوله ولا قوة الا بالله

جزاااااااااااااك ربى كل خير اخويا الكريم

احنا فى 1431 مش كدا برضه

 

بمناسبة الموضوع دا

انا اهدى لحضرتك البرنامج دا

مش عارفه موجود على المنتدى ولا لأ بصراحه

انا اثناء تنقلى اليوم فى رحاب المنتديات وجدته

وحملته انا

هحاول ارفعه لحضرتك دلوقتى

 

http://rapidshare.com/files/324080203/taqweem.zip.html

 

يا ريت حضرتك لو عجبك ومش كان متكرر تنزله فى قسم البرامج

انا بعد ما رفعته بحاول احمله تانى علشان اتاكد من صلاح الرفع

ومصمم على ارور

مش عارفه ليه

لو قال لحضرتك كدا بردة وفى حاله البرنامج يعنى مش عند حضرتك يا ريت بلغنى

وجزاك الله خيرا

ربنا يوفقك ويسدد خطاك ديما

[ali desoky 391]

اختي دفء الانس

اولا اشكرك علي مرورك الكريم بموضوعي

 

ثانيا اتني ان تكونين بصحه جيده واتمني لك الشفاء العاجل

 

 

ثالثا بالنسبه لرابط البرنامج فللاسف هذا الرابط لا يعمل لدي

لذا فقد احضرت لك البرنامج وهذا هو رابطه

http://forums.yallagroup.net/27041

 

اتمني ان اكون قد ساعدتك اختي دفء الانس

[مهندسة المنصورة 0]

جزاكم الله خيرا اخي في الله علي الدسوقي

للاسف كتير جدا مننا ميعرفش بالفعل احنا في نسة كام هجرية الا من رحم ربي

بس انا شايفه ان المشكلة مش تخص فرد بعينه لان للاسف احنا لو جينا نشوف اصل المشكله هنلاقي ان كل شيء في حياتنا لو مرتبط بتاريخ معين سواء في مصلحه حكومية اوي اي شيء

بيكون بالميـــــــــــــلادي مش الهجري

الدولة نفسها بعدت كتير جدا عن الدين وطبعا في حاجات كتيرة حصلت خير دليل علي بعدها عن شرع ربنا

 

فده شيء متوقع اننا نكون كده وطبعا مش معني كلامي هنرمي اللوم والتقصير بتاعنا عليهم بس المقصد انها مشكلة امة

مش فرد

 

يعني يكفي اننا بنعرف ان رمضان جه ده وحسبي الله ونعم الوكيل

جزاكم الله خيرا وربنا يرحمنا ويغفر لينا ويتقبل منا صالح اعمالنا

واسال المولي عز وجل ان يجعلك ممن ينعمون بلذة النظر الي وجهه الكريم وان يجعلك ممن سبقت لهم الحسني وزيادة

ربنا يسدد خطاك ويلهمك الصواب ويييسر لك الخير حيث كان ويبارك لك فيه وينير دربك ويشرح صدرك بالقران