مساعده في تغيير شكل سطح المكتب

[dr_mido 53]

بسم الله الرحمن الرحيم

 

والصلاة والسلام علي أشرف المرسلين سيدنا محمد وعلي آله وأصحابة أجمعين ,,, أما بعد ...

 

أحبتي وأخوتي في الله قد عانيت كثيرا من منظر سطح المكتب الممل لدي فأريد أن أغيره كما في هذه الصورة أو مثله

فأرجو من الله أن كل من يعرف كيف أقوم بتغيره يتفضل ويكتب لي وجزاه الله عني كل خير

لإني بجد بجد مللت من نظام سطح المكتب التقليدي لدي

مع العلم أن نسخة الويندوز هي windows 7 Ultimate

 

وفقنا الله وإياكم إلي ما يحبه ويرضاة بإذن الله

 

أخوكم في الله

dr_mido

[Dr.A7MD 130]

أخى الكريم دكتور ميدو

 

الويندوز سفن أجمل ما فيه أنه بيكون من جواه ثيمات ممكن تتغير تلقائياً على حسب الوقت اللى تحدده أنت

 

الصورة اللى حاططها فوق يا غالى .... دى صورة على ما أعتقد والله أعلم لنسخة ويندوز اكس بى ملعوب فيها ومضاف إليها تأثيرات من الفيستا أو السفن عشان تكون مناسبة للأجهزة اللى امكانياتها على قدها شوية

 

وياريت حد يصححلى لو كنت غلطان

 

أما بقى لو كنت عاوز تغير اللوجو سكرين بتاعه الويندوز والبوت سكرين والكلام ده كله

 

فأظن الإصدار الجديد من برنامج الــ Tuneup utilities 2010 فيه امكانية تغيير البوت واللوجو سكرين

 

وعلى حد علمى برده فى برنامج اسمه windows 7 manager برده ممكن يعمل الحكاية دى

 

المهم أنك تلاقى الملفات المخصوصة بكل من البوت واللوجو سكرين ويكونوا خاصين بالسفن

 

دول ممكن تعملهم سيرش على النت وبعون الله هتلاقى

 

لو كنت عاوز تغير مجرد الثيمات بس وأنت شغال ممكن تعملها عادى من الويندوز عندك

 

ولو عاوز ثيمات كمان أكثر فربنا كرمنا ونزلنا شوية موضوعات بخصوص الموضوع ده

 

ممكن تشرفنا هنا

 

http://forums.yallagroup.net/26738

 

http://forums.yallagroup.net/26737

 

http://forums.yallagroup.net/26736

 

==========================

 

بس والله السفن شغال حلو والله

 

وده اللى خلى أغلب الناس اللى بيستعملوا اكس بى او فيستا او لينكس أو حتى الابل .... بيدوروا على حزمة الثيمات بتاعه السفن عشان يغيروا شكل النظام بتاعهم

 

على فكرة كل ثيم عندك فى السفن له أصواته الخاصة بيه ....... أظن ده يقلل من الملل شوية

 

معلش يا غالى والله أنا شغال بــ vista SP2 فمش هقدر أساعدك إلا باللى قلتهولك ده

 

وحبايبنا اللى شغالين بالسفن أكيد ممكن يساعدوك أكتر

 

تحياتى ليك

تم تعديل December 23, 2009 بواسطه Dr.A7md

[dr_mido 53]

جزاك الله كل خير أخي في الله (Dr.A7md) علي إهتمامك بالموضوع وردك عليه

 

ولكن أخي في الله أنا أعلم أن ويندوز 7 له ثيمات تتغير تلقائيا وهذا ما أعرفه جيدا

 

ولكن ما يتغير في الثيمات هي صورة سطح المكتب فقط

 

أما هذه الصورة فهي فعلا من ويندوز 7 وأنا اعلم أن الويندوز 7 فيه إمكانيات أكتر بكتير مما في هذه الصورة

 

ولكن لا أعلم منها شئ ,,, ولكن أريد ان أعرف كيف أغير هذه الأشكال في تغيير ترتيب أيقونات سطح المكتب كما في الصورة السابقة أو كما في هذه الصورة

وهذا ليس تلاعبا بالصورة ولا شئ وإنما هو السفن فيه هذه الإمكانيات والله أعلي وأعلم

 

 

 

[Dr.A7MD 130]

أخى الحبيب الغالى

 

معلش والله بس أنا قصدى أشرح بصورة عامة عشان لو أى حد مر بالموضوع يعرف طرق التغيير وهى ايه بالظبط

 

أنا فاهم قصدك كويس والله ...... ولا قلت أن الصورة فيها تلاعب ولا اى حاجة

 

أنا قلت فى اصدار جديد من ويندوز اكس بى 2009 متركبة عليه امكانيات من الفيستا وحاجات تانية عشان تشد انتباه الناس

 

وعشان كلامى يكون كلام مبرهن مش كلام وخلاص

 

دور على النسخة دى أخى الحبيب وشوف صورها

 

Windows XP SP3 Xp-Viena Edition 2009

 

وعشان أؤكد كمان ليك بالفيديو

 

شوف الفيديو ده

 

http://www.youtube.com/watch?v=OWolp7w8Dy0...feature=related

 

معلش هو انجلش مش عربى بس خلاصة الفيديو "واحد بيقولك ان اصدار ويندوز 7 نزل وانا حملته ونزلته وعملنا حاجة شبيهه فى امكانياتها بويندوز 7 وبيعرضهالك "

 

اللى هى ويندوز فيينا 2009

 

ويندوز فيينا 2009 ما هو الا ويندوز اكس بى من الاخر ملعوب فيها من اضافه الثيمات وحاجات كتير تانية

 

وفى طبعا نسخة ويندوز فيينا 2009 ... وفى ثيم لويندوز فيينا 2009

 

تماااااااااااااااام ؟؟؟؟

 

خلينا فى الويندوز 7

 

أنا تعاملت مع ويندوز 7 من اول لما كانت النسخة الــ evaluation copy بتاعتها نزلت

 

وبعد كدا لما نزلت النسخة الــ ultimate نزلتها واشتغلت بيها يمكن 4 شهور متواصلة

 

ومن خلال تجربتى فيها .... مشفتش خالص الإضافة اللى فوق دى بتاعه أيقونات سطح المكتب

 

على فكرة الاضافه دى اسمها circle dock bar

 

ومش مدمجة خالص مع ويندوز سفن الأصلية خالص .... والكلام ده موجود فى معظم المواقع الأجنبية

 

وعشان اثبتلك كمان ..... ادخل على اللينك ده

 

http://www.technixupdate.com/download-wind...k-bar-for-free/

 

هتلاحظ العنوان اسمه

 

Download windows 7 circle dock bar for free

 

وهتلاقى الصور للإضافة اللى بتتكلم عنها وهتلاقى لينك تحميل ليها وهتلاقى كمان تعليقات الناس المختلفة

 

حمل الاضافه وشغلها وشوف امكانياتها

 

من كلام الناس فى المواقع ... الاضافة اللى اسمها circle dock bar ما هى الا تحوير وتغيير للإضافة اللى كانت اسمها زمان Dock bar واللى كنت بتستطبها على ويندوز اكس بى او فيستا زمان عشان تعمل شكل جمالى

 

غير طبعاً بقية الاضافات اللى كان ممكن تحملها منفصلة وتسطبها على الاكس بى عشان تديك شكل الفيستا

 

لكن طبعا مش بتكون مندمجه مع النظام بشكل كامل وتحس الويندوز بتاعك مهنج

 

وعشان أوريك بقية الكلام اللى اقتبسته من موقع أجنبى كمان

 

شوف كدا

 

Where is DockBar in windows 7 ??

 

Hi, I have recently installed windows 7 build 7201 and i cant find windows 7 dockbar anywhere i always see it in screenshots of windows 7 , Can anyone tell me how to find or get it ??

 

There isnt anything like RocketDock in windows 7?

 

Thanks now i am sure that it is a seperate software

Again , thanks for the help

 

I think you may have been confusing with recent Dell releases, as they have recently bundled in a RocketDock type utility of their own... may be where the confusion has arisen.

 

ده كان جزء من مناقشة بعض الناس فى الحته الخاصة ب dock bar

 

واحد بيسال هى فين الاضافة دى

 

فى ناس اتكلمت وقالت آراء غلط والناس صححتها وأنا منقلتش الكلام لانه مش مهم وهيشتتنا

 

المهم رد واحد بيقوله خلاص انا كدا متأكد أن الاضافة دى حاجة مستقله بتتسطب من بره

 

الاخير بقى قال .... أنه يعتقد أن اصدار ويندوز سفن الخاص بالكمبيوترات اللى من النوع DELL الشهيرة محطوط فيها الإضافة دى

 

===========================

 

أظن كدا الكلام واضح

 

قدامك لينك الموقع وفيه رابط الدونلود للإضافة اللى بتتكلم عنها يا غالى

 

وقدامك فيديو يوضح المسألة

 

وقدامك بعض آراء الناس

 

===========================

 

خدى دى كمان

 

تعلم أساسيات ويندوز 7

 

3 فيديوهات شرح أجنبى

 

صحيح هيفيدك جدا ....... بس اللى أنا قصدى من أنك تشوف أن النسخة الإصلية من السفن مفهاش حاجة أبداً زى دى

 

ولو كانت موجوده من البداية ...... كان أولى أن الراجل يشرحها ويوضح بتتجاب منين

 

 

 

 

==============================

 

وعشان تشوف الموضوع بنفسك

 

اعمل سيرش على جوجل للحاجات دى

 

Windows XP SP3 Xp-Viena Edition 2009

 

windows 7 circle dock bar

 

================================

 

معلش لو كنت بحب اتعامل مع المواقع الأجنبية أكتر .... لأنها بتجيب من الأخر ومفهاش جدل كتير

 

معلش طولت عليك يا دكتور ميدو

 

بس أتمنى أن الصورة تكون واضحة ...... والموضوع يفيد أى حد يبحث عنه

 

تحياتى ليك

تم تعديل December 26, 2009 بواسطه Dr.A7md

[eng_alaa 114]

* تم نقل الموضوع لقسم عالم الكمبيوتر والبرامج لتعم الفائدة علي الجميع ...

 

شكراً جزيلاً دكتور احمد ... سباق إلي الخير .. رائع جداً كما تعودناك دائماً ...

 

جزاك الله خيراً وأكرمك وأعزك ...

[dr_mido 53]

جزاك الله كل خير أخي في الله (Dr.A7md) علي التوضيح الشامل

 

جعله الله في ميزان حسناتك بإذن الله

 

وشكرا كتير علي البرنامج وجاري التجربة إن شاء الله

 

أخوك في الله

dr_mido