( قصيده السفينه تايه بينا ) مكتوبه

[الجندى المجهول 37]

حصريا على منتديات ياللا يا شباب قصيده (السفينه تايه بينا ) لل شاعر (الشيخ امين الديب ) مكتوبه

 

 

 

 

 

عند بيت عم اسماعيل كنا نفضل سهرانين ب عد ما نصلى العشاء

كنا نسهر سهره حلوه فيها علم و فيها دين فيها شعر وفرفشه

كنا ديما نبقى سته

كان سلامه ابن ابرهيم جنبه مرسى برضوا محمود الكلانى جنبه زيد عبد الرحيم

اما اكبر سن فيهم كنت انا وعم اسماعيل

كان زمان عم اسماعيل يحكى عن سيره الصحابه كان يقول انى الصحابه رغم ان القوه فيهم ناس غلابه

والايمان بالله نجاحهم واتباع امر السول كان فلاحهم واتحادهم كان سلاحهم لانتصارهم على اليهود والمشركين

كان يقول الدين طرقنا لانتصار المسلمين

كان كمان عم اسماعيل

يحكى عن زعماء بلدنا كان يقول دول من ولادنا كلهم من المخلصين

يحكى عن ثوره عرابى عن كفاح الفلاحين اللى كانت مصر بيهم واللى كانت مصر ليهم واللى ردو المعتادين

مره تانيه يحكى عن اعداء بلدنا واللى خان ثوره عرابى واللى و يا الانجليز كان عميل او كان مرابى وانتشار المرتشين وانتشار المحسوبيه كان يفهمنا القضيه واحنا نسمع منصتين والختام يبقى بغناوى كنا بنقوم مبسوطين

واللى صوته حلو فينا كان سلامه ابن ابراهيم واد بيفهم فى المكن زى المهندس المكن للرى يعنى بالخصوص لو كان قديم

كان ولد ليه صوت يجلجل كان فشر عبد الحليم

فى الليله دى الواد سلامه كان مقريف ولا كان قاعد حزين قاله مرسى قوم وغنى قال سلامه مش هغنى قاله ليه

قاله مش قادر اغنى دا البكاء ديما بيفلت غصب عنى لما اشوف الظلم ضاغط على المنى والعرب صابهم جمود لما اشوف الامركان لعبه فى ايدين اليهود والمصيبه واللى ادهى من ده كله يامروهم ويقلولهم خضرهوم عشموهم بالوعود عشموهم بالسلام وافتحولهم الف جبهه وارهبوهم بالكلام عيشوهم فى الظلام وافتلولهم من دقونهم حبل من ضمن الحبال والسلاح اللى اشتروه غصب عنهم دمروه تاخدو حقوا مرتين مره وانتو بتبيعوه مرع تانيه لما تيجوا تدمروه والمشايخ يدفعولكم اجر ايدكم يعنى تاخدوا من دقونهم حبل هما بيفتلوه دمروا كل اقتصادهم والدهب الاسود خدوه واضربوا شعب العراق والخليج فى القواعد و الرائيس صدام سبوه رد بوش قال اليهود احنا لازم نتقتلوه قالوه لا هو له ادوار عديده من بدايه خلا شعبه على الحديده كان عليه الحمل كله مسرحيه كان بطالها والنهايه مش بعيده اللى زيه يتبنيلوا قصر عالى بعد ما يسيب العراق للعرب حيقول سعيده

انتو فاكرين الخومينى صاحب الثوره الجديده لما ذاع اول بيان لما قال انى القدس مش ممكن تهان او تكون تحت الاحتلال الرائيس صدام وقفلوا على الحدود قالو لا كله كوم الا اليهود بالصراحه لولا هو واحنا نصبناه فتوه والعرب ساعدوه بقوه كان زمان الشيخ خومينى واللى زيه قلبوا العالم علينا هو له افضال علينا ولا جورباتشوف حبيبنا يوم ما فك الاتحاد والبلد خلاه بلاد واليهود هلة علينا

وابتدا شغل الموساد قلنا نبنيلهم مساكن العرب قلبت علينا اللى كان راكد وساكت ولامم هاجت علينا واتزنقنا كنا مش عارفين طريقنا البطل دخل الكويت قال هاكلها زى لقمه بسكويت والعرب راحت شتيت اللى كان ويا العراق والامم والكون ده كله كان ويا الكويت ولاامم هاجت علينا والعرب بدات تهيج واحنا كملنا المساكن وانتو سيطرتم وبنينم القواعد فى الخليج تبقى عايز منه ايه

طاب هقولك قصده ايه لما قال راح ادمر اسرائيل بس اوعى تقول عميل كل قصده انه بيقدم دليل انى عنده سلاح دمار اشغلوا العالم بحاله قولوا عنده سلاح دمار واسترونا واحنا بنبيد المقاومه والعراق هى الستار خلوا سيف الغدر يدخل كل دار خلوا ليل الظلم يضعط على النهار اوصموا الاسلام بوصمه انه دين ارهاب ودين متخلفين دمروا الاسلام فى اسيا وابتدوها بشرق اسيا

واحنا فى فلسطين ندمر والعرب مستسلمين فرقوهم بالاونطه وافتحولهم كام قضيه يبقوا زى بتوع بيزنطه قول حق المراه فين

فرقوا بين دين ودين شتتوا فى المسلمين قولوا ايه اصل اللغه هى عربى ولا تركى والحمار هو الحمار ولا كان فى الاصل دونكى

وابن ادم اصلو قرد واللى خلقوا يبقى مين ولا اصل الكون وجودى والجمال فى الشعر نثر ولا فى الشعر العمودى فرقوهم بالاونطه

وافتحولهم كام قضيه يبقوا زى بتوع بيظانطه رد مرسى قالوا افهم واحده واحده هى ايه حكايه بيزنطه قال سلامه ناس اونطه

عندهم وهم السلام والسلام دلوقتى موضه العدوا عدى الحود والمناقشه فى كل اوضه والكلا م كان فى المناقشه هى اصل البيضه فرخه ولا اصل الفرخه بيضه هى دى حكايه بيزنطه يقى قولى ازاى اغنى واللى شيفينوا بيعنيا سرقه او نصب وخراب

توهوا كل الشباب كتفوهم بالخلاعه كتفوهم بالمياعه والجوايز والهيبات غيروا فكر الشباب علموهم فى البرامج المطالب بالتمانى

يبقى قولى ازاى اغانى دا البكاء ديما بيفلت غصب عنى واللى حز كتير فى نفسى واللى زود فيا يأسى انى اقطاب السياسه

طبقوا لتخطيط بتاعهم طبقوه من غير مناقشه وارتضوه المسؤلين ارتضوه للمسلمين قولى فين المسوليه فين شيوخ المسلمين

واللى مش قادرين نقوله ديه نتيجه جهل منهم ولا هما مشغلينهم ولا يمكن ماجورين واحنا مالناش فى المناقشه احنا بس نقول امين واللى غاظنى واللى حير عقلى فيه فيه شباب مش لاقيه تاكل ينقولولهم كاس اوربا على الهواء بفلوس كتير يدفعولهم 40

مليون واكتر لو يفكر كان يوفر مليارات من شراء المصاصات او شراء العاب عيال او مراسم احتفال رد ذيد عبد الرحيم

قاله فين ايام زمان لما كنا زمان عيال كنا نعمل كل حاجه كنا بنالف اغانى حتى لعبتنا بايدينا انت فاكر لما كنت اعمل حصان

تحت ضل الزيزفان كان معاك صحنين قدام مربوطين بتلات خيطان قال وحتيه بوصه بينهم قال وايه تعمل ميزان كانت زينات تعمل عروسه كنت لما اخطفها منها لاجل اغيظها كنت باخد منها بوسه كانت زينات تتبرى منها قال علشان انا خد بوسه من عروسه هى عملها بيديها تبقى وقعه وتبقى حوسه تجرى وتعيط لبويا بعد ما تكسر حصانى لو نطقت بكلمه كنت اخاف يقطع لسانى

كان يقولى اللى مش بيدى ما يفيديك لعبتك اعملها بيدك كل يوم اعملى لعبه بعدها اكسرها تانى قال يا خويا ابنى قالى

قيه فانوس بيقول اغانى شوفت دى الخيبه القويه ياما لسه نشوف حاجات والحكومه مش هممها حطه ايدها فة تلاجات

طاب ياريت تبنيلنا مصنع حتى مصنع للقمامه مش هقولك ولا مصنع طيارات قال سلامه كان حدانا شغلوه للغسلاا ت

رد مرسى قال لذيت عبد الرحيم لم نفسك احنا مش ناقصين محاضره عصفورتنا غايبه حاضره قال سلامه احنا مش بنبيع فى بدره

رد مرسى قال سلامه احنا مش نا قصين ملامه لم نفسك احنا مش عايزين اغانى لانت مطرب زى كاظم حتى مش راغب علامه

احنا مش ناقصين همومك الهموم ركبت علينا انت عو م واحرس هدومك واوعى تيجى الدار دى تانى حتى مش عايزين اغانى

جاى تقولى يابن زاهى البكاءدايما بيفلت غصب عنى واحنا مالنا جاتكوا داهى وجاتكوا حوسا لما عامل واد مفتح كونت قولها لعمر موسى و لا بتبيعهم علينا اللى قولته احنا شايفينوا بعنينا بس يعنى مين هيقراء ومين هيسمع كله تبت فى الكراسى واللى صاهين واللى ناسى والنت جاى توجعلى راسى قولى ايه شايفوا بيدينا ليه تصحى الجرح فينا فز قوم يا ابن ابراهيم لما مش عايز تغنى واحنا مش عاجبين جنابك يبقى ليه قاعد معنا روح لناس وياك تعيط عيطوا زى الحريم فز قوم يا ابن ابراهيم رد ذيد عبد الرحيم

قال خلاص محمود يغنى قاله محمود الكيلانى مين يجيلوا البال يغنى لو يشوف النيل دموع والدموع جوه فى عنيكم لو يشوف النيل بيروى من زمان العجز فيكم عجز فرع والفرع غطط عليكم شمسكم غابت وتاهت والزمن بيلف بيكم علموكم الاستكانه والغمام ضلل عليكم بالمهانه حتى نور الشمس غابت عن سمانا كلنا جوه السفينه والسفينه تيها بينا تيها مش لاقيه الشطوط تيها مش لاقيالها ميناء والكلام ده من سنين ولا ايه يابا اسماعيل اتعدل عم اسماعيل قالوا يبنى بالصراحه كلمتينك معقولين بس برضو

الحكايه مش حكايه الستكانه او حكايه شمس غابت عن سمانا نفسى اقولها وللامانه واللى لازم تعرفوه انى قرص الشمس من الضلامه اتولد وانى كتر الظلم بيصحى البلد كلمه قبلى الناس قلوها وانتوا لازم تعرفوها انى بعد الضيق بيجى الفرج خلى ماء النيل على زندك عرق خلى اكلك يبقى من زرعه ايديك خلى لبسك كله من صنعه ايديك حط مصر الغاليه ديما بين عنيك وابتدى رتب حياتك من جديد والايمان جواك يذيد الايمان يديك امان والقوى هو القوى هو واحده المستعان من الليله دى ابتدى اختار صديق

دا الصديق قبل الطريق خد صديقك ينفعك ويشجعك على اجتياز كل الصعاب يجعل طريقك كله نور ولا يجعلهوش مليان ضباب

الا الضباب تهوه طريقى وسكتى هبط عزمتى وهمتى من بعد ما بنتيت المصانع وبع ما اقمت السدود ضاعت حدود وتاه الطريق معرفت مين هو العدوا معرفت مين هو الصديق وبقت فريسه لحقد شرق وحقد غرب ونار حروب وبقت فريسه لكل اعادء الشعوب

وبقت فريسه لطماعين ملهمش دين باعوا المباداء بالدولار زرعوا البرامج بالفتن زر عوا البرامج بالقمار والسرقه فى عز النهار

وبقت فريسه لجهل ساسه وانفتاح قتلوا الامل وقفوا العمل تركوا الكفاح وبقيت فريسه للوحوش ياشبابنا ماتخفوش بالحق كلمه لا

بتهد الجبال فى الهند قالها غاندى زلزل الاحتلال ولامثله لشعوب صغيره فى حجمه شعوب كبيره فى عزمها من ضمنها شعب الصومال وفى كوريا بالذات فى الشمال رفضت وقالت مستحيل واشمعنا انتو فى اسرائيل متخلوهاش ازاى تدين وازاى بتتحدى الامم بسلاح دمار ولا احنا فقوس عندكم واسرائيل هى الخيار ولا همهم تهديد لبوش ياشببنا ماتخفوش الضيق اساس كل الفرج

وبدون حرج اختاروا راجل زيكم يخشى الاساءه تمسكم يفرح لساعه فرحكم فى الازمه تلقوه جنبكم ويدلكم ويقولكم انا اقوى من

كل الصعاب بنادى عليكم ياشباب دقيت عليكم كل باب رغم انى بتقتل بدين جهوله ادين وصفها ربنا بيدين غلوله صدقونى لولا سنى كنت اغنى بس مش قادر ااغنى دا البكاء بيفلت غصب عنى اتنترت وقمت واقف قلت واد يابن ابراهيم انت صوتك زى صوت عبد الحليم ميت يامين لازم تغنى مش عشان محمود ومرسى ولا زيد عبد الرحيم لا علشان عم اسماعيل والولد بحلق فى وشى

قالى يابا الشيخ امين صدقونى نفسى اغنى والغناء يطلع يجلجل جوه منى لما اشوف الزرع الاخضر فى الاراضى و قلوب تعكس سلامها على الايادى ولامان يعنى الولاء للشعب من موضه السنه دى عايز اغنى لما اشوف النيل على الشطين بيتهادى

ويدلع ويتمادىومتوشح وشاح اخضر ويتمخطر يوزع نعمه ويمر على الصحارى بزرع اخضر على كل الغيطان بيمر وتطلع ميه العالى

ولو مره ولو بالمر قالوا زمان الميه مبتطلعش فى العالى بقول تطلع لابد الناس تطلعها وتعلى لفوق مزال عندى شدوف جدى اطلعها وقول عدى ومدى زى متمدى وتروى ارض عطشانه تخليها سنابل قمح وتطفى النار وتطفى الغل ونرفض كل ماعونتهم

ونضرب كل خطتهم ونقطع هدمه لبسينها هدوم الذل وننسج توبنا بادينا بقطن ابيض وزى الفل واغنى عنوتى للكل لكل الناس بكل حماس لكل ادين بترفعنا بضربه فاس لحاكم يمشى بين شعبه بدون حراس وتصبح غنوتى موال بيتغنا ونهديها لحكمنا سعتها العدل سكتنا طريق فى الخير بيجمعنا وتبقى لغنتوتى معنا وكل الدنيا تسمعنا عظيمه يا مصر بابطلنا وعمالنا واطفلنا وهما كل راس مالنا

عظيمه يا مصر يا حكمنا ادينا فى ايدكم قدمنا نجدد دعوه التوحيد وندعوا للجهاد تانى بفكر جديد نعيد للامه امجدها بعزم حديد

ونرفض كل تهديدهم ومهما يكونوا من قوه هنكسر كل قوتهم وهنبدهم قررنا يبقى بيدينا ومش بايدهم ونزرع فى القلوب بسمه

وننزع خوف نقول للدنيا والعالم تعالى وشوف مفيش قوانين بتقتل فى النفوس ابداع تهبط همة الشارى تنكد حتى على البياع

وتبقى الجات بلا معنى ونصنع كله بايدينا صناعه حلوه تنفعنا وندعوا للعمل تانى وندعوا للكفاح تانى ونتلاقى بوش بشوش ساعتها

الدنيا تعرفنا وتعرف انى عقيدتنااساس بنيان لحضارتنا وانى القتل والارهاب اساس لبنيان حضاره بوش سعتها دمعتى تنزل من الفرحه واغنى للصنعه الصانع صناعه مصر واغنى لزرعه الفلاحه زراعه مصر وممكن كلنا نغنى اغانى النصر

 

عظيمه يامصر عظيمه يا مصر

 

 

[حياتى من اجل ربى 22]

ماشاء الله عليك اخى

القصييييده رااااائعه

جزاك الله خيرا

سلمت اناملك

ربنا يكرمك ويستجيب دعائك

ويحقق لك كل ما تتمنى

ويسمعنا عنك كل خير قريب يااااااااااااااااااارب

 

 

كل احترامى وتقديرى لك

تم تعديل January 1, 2010 بواسطه حياتى من اجل ربى

[دعوه للجنه 457]

صدقا

رووووووووووووووووووووووووووووعة

انا افضل ديما الاسلوب العامى وركل القصيدة اما تكون عامية بالشكل دا

اسلوبها تقريبا نفس اسلوب مسرحية "آم ياليل آه ياقمر" موش فاكرة لمين

أتذكر انها لنجيب سرور

بتتكلم بردة عن الاحتلال وعم امين وقصة ظلم بهية

المهم نفس الاسلوب الجميل دا

بس مش يغنى طبعا عن لغتنا الجميلة

 

جزاك الله خيرا شاعر المنتدى

دُمت ودام ابداعك لنا

 

2010سعيد عليك ياااااااارب

والسنة اللى جاية محقق كل اللى بتتمناه

 

تقبل مرورى

تم تعديل January 1, 2010 بواسطه دفءُ الأٌنْــــــــسِ

[دعوه للجنه 457]

تم تعديل January 1, 2010 بواسطه دفءُ الأٌنْــــــــسِ

[الجندى المجهول 37]

اختى تاجره السعاده

انرتى الموضوع بمرورك العطر وكلمات دعائك ربنا يتقبل منا ومنكم صالح الدعاء

ربنا يكرمك والجنه يوعدك ويزقك النجاح والتفوق

ربنا يكرمك بكل ماتتمنى

جزاكى الله خيرا عنا

 

اختى دف الانس بالله

جزاكى الله خيرا

ربنايسعدك والجنه يوعدك وزياره الحبيب يرزقك

ردك اضف للموضع الامل

 

 

على فكره جزاكم الخير عن ردود علشان انا مكتش فاكر انى فى حد يقراء القصيده كامله